1 Ramiz Də
Yüklə 2,51 Mb. Pdf görüntüsü
|
18 Həyətin bağında olan iki cavan oğlan havanın belə kəskin dəyişməsindən narazı oldu. Çünki onlar həyətdə kamandan ox atmaqla məşğul idilər. Hazırda külək əsir, bir azdan sonra isə yağış yağacaqdı. Belə havada qətiyyən ox atmaqla məşğul olmaq lazım deyildi. Məhz buna görə də hər iki cavan məcburiyyət qarşısında qalıb evə getdilər. Evin sahibi keçmişdə bir neçə səyahətdə iştirak etmiş, təcrübəli, bacarıqlı dənizçi və səyyah idi. Bu adam ilk dəfə, dünya səyahətində, məşhur dəniz səyyahı Fernan Magel- lanın ekspedisiyasında, sonra İnklərin imperiyasını zəbt edən Fransisko Pisarronun ekspedisiyasına, Diyeqo Almaqronun Çili yürüşündə, Pedro Valdiviyanın Cənubi Çilinin kəşfində və Xuan Ladrilyeronun Çonos arxipela- qının və Taytao yarımadasının
kəşfində iştirak edən ekspedisiyasında olmuşdur. Axırıncı ekspedisiya zamanı Xuan Ladrilyero 1558-ci ildə ilk dəfə Magellan boğazını qərbdən-şərq istiqamətində keçmişdir. Həmin bu ağır ekspedisiyaların iştirakçısı dənizçi piyadasının kapitanı Rodriges Kartahena de Kamaço idi. Onu Barselonada “coğrafi kəşflərin güzgüsü” adlandırırdılar. Rodriges Kartahena 1500-ci ildə Seviliya şəhərində dənizçi ailəsində anadan olmuşdu. Gənclik illərinin acı xatirələrini və kədərləri günlərini yaddan çıxarmaq üçün, Rodriges ailəsində sonuncu sayılan beşinci oğlunu özü ilə
19 götürüb, iyirmi beş il bundan əvvəl, İspan krallığının şimal- şərqində yerləşən Kataloniya hersoqluqunun paytaxtı olan, krallığın gözəl şəhərlərindən biri sayılan Barselonaya köçür və burada özü üçün ev tikdirib yaşayışını davam etdirirdi. Həyatının ən yaxşı çağlarını və illərini taleyin ağrılı-acılı, kədərli hökmünə tapşıraraq, cavanlıq yaşlarını əzab- əziyyətli yollarda keçirmişdir. İndi isə doxsan yaşında öz evinin aynəbəndində əyləşib, hər gün həyətinin qapılarını nəzərət altında saxlayır, sanki o, kiminsə bu qapılardan içəri girməsini səbirsizliklə gözləyirdi. Lakin bu qoca dəniz səyyahının gözləri yol çəksə də, demək olar ki, hər həftə onun yanına müxtəlif peşə sahibləri gəlib, ondan müəyyən məsləhətlər alır, macəralı səyahətlərindən sorğu-sual edə- rək, onu maraqla dinləyirdilər. Yanına gələnlərin əksəriyyəti ya səyyahlar, səyahətlərdə mühüm rol oynamaq istəyənlər, ticarətlə məşğul olanlar, konkistadorlar, ya da varlanmaq üçün Yeni Dünya sahillə- rinə müvəqqəti və ya həmişlik getmək istəyənlər və sairə- sairə adamlar idi. Çoxu da ondan məsləhət almaq üçün bu evə təşrif buyururdular. Necə olsa da, bu keçmiş səyyah, dənizçi, konkistador və zabit bütün dünyanın ən məşhur səyyahlarından sayılan, beş tanınmış səyyahların ağır və üzücü ekspedisiyalarının iştirakçısı olmuşdur. Hər halda belə bir adamın təcrübəsindən və biliyindən istifadə etmək
20 lazım idi. Ona görə ki, bu qoca artıq doxsanı haqlamışdı və hər an öz dünyasını dəyişə bilərdi. Artıq otuz il idi ki, o, oturaq həyat tərzi keçirirdi. Yaşının doxsan olmasına baxmayaraq, Rodriges hələ də özünü çox yaxşı hiss edir və heç bir yerindən şikayətlən- mirdi. Özünün etiraf etdiyi kimi guya orqanizminin sağlam qalmasının səbəbi, gəncliyində çoxlu fiziki işlə məşğul olması və son iyirmi ildə
hər səhər və axşam təzə keçi südünü içmək, günorta yeməyində göyərtidən istifadə etməsi və hər səhər yuxudan erkən oyanıb öz həyətinin bağında bir saata kimi gəzişməsidir. Gündəlik rasiona təmiz bal da daxil idi. Bütün bu rejim onun orqanizminin möhkəmlənməsinə gətirib çıxarmışdır. Bu məsləhəti ona Bio-Bio çayının mənsəbində Konsepsion şəhərinin əsasını qoyanda, bir qoca araukan hindusu vermişdi. Düzdür, o vaxtı qoca hindu ona quanakonun südünü məsləhət görmüşdü, ancaq Rodriges quanako südünü keçi südü ilə əvəz etmişdir. Belə bir rejimə riayət edənə insan istər- istəməz öz ömrünü uzadırdı. Məhz buna görə də qoca səyyah həmin ekspedisiyalardan sonra özünü çox yaxşı saxlamışdır. Lakin bütün bunlara baxmayaraq, artıq onun beli bükülmüşdü. Rodriges ortaboylu, arıq olmayan, möh- kəm bədənli, uzunsifət bir adam idi. Onun ağzında üç-dörd dişdən başqa demək olar ki, diş yox idi və nazik dodağları
21 ağzının içinə girərək, bir-birinin üstünə minirdi, üzü qırış- mış, ordu batmış, qaşları gözlərinin üstünə sıxılmış, gözləri də ki, bir balaca içəri girmişdir. Başının ağarmış saçları yarı tökülmüş halda idi. Migel Kartahena de Leon 1570-ci ilin mayın 28-də Bar- selona şəhərində anadan olmuşdu. Atası səyyah olduğundan onu elə uşaqlıqdan babası böyütmüşdür. Dörd yaşından doqquz yaşına kimi onu Seviliyada babasının dostu coğrafiyaşünas Bartalomeu Salvatyero öz evində saxlayıb- dır. Beş il müddətinə alim ona ingilis dilini, coğrafiya və tarix elmlərini lazımi qədər öyrədir. Doqquz yaşında onu babsının xahişi ilə Barselonaya göndərirlər. Babası da Migelə portuqal dilini mükəmməl öyrədir. Bundan əlavə coğrafiya və tarix elmləri üzrə onun biliyini genişləndirir. Artıq on dörd yaşında Migel çox asanlıqla öz dili ilə yanaşı katalon və portuqal, ingilis dilini isə ispan ləhcəsilə danışırdı. İngilis dilinin danışıq qabiliyyətini bilir, lakin qrammatikasından yaxşı anlayışı yox idi. O, hər an çalışırdı ki, bu dildə danışsın. Babası yaxşı başa düşürdü ki, Migel gənc yaşına çatan- da gec-tez Yeni Dünya sahillərinə üz tutacaq və orada, nəsillərində olan adət-ənənəyə görə, dəniz səyyahı olacaq- dır. Onu qılınc oynatma dərsinə yiyələnmək üçün, qılınc ustadı sayılan polkovnik Alonso Odovaldonun məktəbinə
Yüklə 2,51 Mb. Dostları ilə paylaş:
|