1 Ramiz Dəniz
Yüklə 2,72 Mb. Pdf görüntüsü
|
21 onun özünə göndərərəm. O, qonşuluqda olan Kəndxord kəndindəndir. - Qasım baba, onun haradan olduğunu yaxşı bilirəm. – deyə Nazim təmkinlə dilləndi. - Ona görə ki, mən poçt vasitəsi ilə yazdığım şeiri ona göndərmişəm. Onlar nə qədər söhbət etsələr də, buradan uzaqlaşmaq üçün lazım olan avtomaşın hələ də yolda görünmürdü. Həmişə səbrli olan Nazim bu dəfə nigaran olduğunu açıq- aydın büruzə verdi. Hətta o, tab gətirməyib Əvəzdən saatın neçə olduğunu soruşdu. - Üçə iyirmi dəqiqə qalıbdır. – deyə Əvəz tələsik halda cavab verdi və üzünü ona tərəf tutub gülə-gülə soruşdu. – Nə olub, səbirsizlikdə bizdən uzaqlaşmaq istəyirsən? - Xeyr! – deyə asudə vaxtlarında poeziya ilə məşğul olan Nazim utancaq halda dilləndi. – İstəmirəm ki, Bakıya gecə vaxtı çatım. Geçəyə düşsəm, iri şəhərin küçələrində gicələk qalacağam. - Nazim, sən özünü elə nigaran aparırsan ki, sanki bu gün noyabrın 20-də iş yerində olmalısan? – deyə İsgəndər narazı halda dilləndi. – Ayın 21-nə hələ bir gün qalıbdır. Sən isə sabah işdə olmalısan. Elə gənc şair sözünü bitirmişdi ki, birdən helikopter uçan tərəfdə parlaq bir şüa yarandı və 5-6 saniyədən sonra
22 həmin istiqamətdən bərk partlayış səsi eşidildi. Bir neçə saniyə keçən kimi ikinci partlayış səsi əmələ gəldi. - İsgəndər müəllim, yanılmıramsa, Qarakənd kəndinin yaxınlığında helikopter partladı. – deyə həmin istiqamətə nəzər salan və orada nəyisə görməyə cəhd edən Əvəz həyəcanla dilləndi. - Mənə də elə gəlir, ermənilər hansısa bir helikopteri vurdular. – deyə yaşlı ziyalı partlayış səsi gələn tərəfə nəzərlərini yönəldərək tərəddüdlə dilləndi və dərhal üzünü Nazimə tutub hökmlə sözünə davam etdi. – Oğlum Nazim, sən bu gün Bakıya gedəsi olmadın. Bu ərazidə nəsə, dəhşət- li hadisə baş verdi. Ola bilsin yollar, nəzarətə götürülsün. - Elədirsə, hamınız burada qalası olacaqsınız. – deyə Qasım baba nigarançılıqla dilləndi. – Əbəs yerə başınız ağramasın deyə, gecəni bizdə qalın, səhər tezdən isə yola düşərsiniz. Tez olun, evə qayıdaq. Burada qalmaq heç də təhlükəsiz deyil. - Mən təcili Bakıda olmalıyam. – deyə Əvəz narahat halda dilləndi. – Orada Allahverdi müəllimin həyat yoldaşı xəstəxanada yatır və onun müəalicəsi ilə mən məşğulam. - Allahverdi Bağırov Qarabağda çox hörmətli adam sayılır, lakin bir günə görə sən öz həyatını risqə qoya bil- mərsən. - Qasım baba təşvişlə dilləndi. - İndi isə evə gedirik.
23
Həqiqətən də Ağdamın Mərzili kəndi ərazisində erməni həbiləşdirilmiş dəstələri və rus muzdluları raket qurğusu ilə, saat 14:42-də Xocavənd rayonunun Qarakənd kəndi üzərində 300 metr yüksəklikdə uçan Mİ-8 N72 helikop- terini vurmuşdular. Azərbaycanın dövlət və hökumət rəhbərlərinin, jurnalistlərin və hərbçilərin uçduğu helikop- ter erməni terrorunun qurbanı oldular. Dövlət katibi Tofiq İsmayılov, Baş prokuror İsmət Qayıbov, Daxili İşlər naziri Məhəmməd Əsədov, Baş nazirin müavini Zülfü Hacıyev, nazir müavini Qurban Namazəliyev, nazir müavini Vaqif Cəfərov, xalq deputatı Vəli Məmmədov, Prezident aparatı- nın şöbə müdiri Osman Mirzəyev, jurnalist Alı Mustafayev, operatorlar Fəxrəddin Şahbazov və Arif Hüseynzadə xalqın haqqı, ədaləti və nicatı uğrunda canlarından keçdilər. Lakin rəhbərliyin biganəliyi ucbatından onların qanı yerdə qaldı. Bundan əlavə həmin missiya zamanı DQMV-nin prokuroru İqor Plavski, DQMV-nin Daxili İşlər İdarəsinin rəisi Vladimir Kovalyov, Dağlıq Qarabağ üzrə milli təhlükəsiz- lik şöbəsinin rəisi Sergey İvanov, fövqəladə vəziyyət rayonunun komendantı Nikolay Jinkin, Qazaxstanın DİN- nin müavini Sanlal Serikov, milis general-mayoru Mixail
24 Lukaşov, polkovnik-leytenant Oleq Koçerev, helikopter heyətinin komandiri və üzvləri Vyaçeslav Kotov, Gennadi Domov və Dmitri Yarovenko həmin terror aktının qurbanı olmuşdular. Qanlı faciəni və beynəlxalq miqyaslı sui-qəsdi törədən ermənilər demək olar ki, məsuliyyətə cəlb olunmadılar. Cinayətin açılmasında maraqlı olmayan Rusiya höküməti istintaq qrupunu iflic etdi. Bu ondan xəbər verirdi ki, helikopterin partladılmasında erməni yaraqlıları ilə birlikdə Rusiya məxfi orqanlarının əli olubdur.
Xocavəndin Qaradağlı kəndində yaşayan camaat da gərginlik altında yaşayırdı. Ona görə ki, hər gün müxtəlif yerlərdə, xüsusən də bu kəndə yaxın yerlərdə baş verən terror aktları, dinc əhalinin quldurlar tərəfindən öldürülməsi xəbəri ildırım surətilə gəlib çatırdı. Yuxarıda qeyd edildiyi kimi əksəriyyəti azərbaycanlılar olan bu kənddə bir çox erməni ailəsi də yaşayırdı. Bu səbəbdən kənddə rus hərbçilərindən ibarət komendatura yaradılmışdı ki, erməni- lərlə azərbaycanlılar arasında münaqişə baş verməsin. Lakin buna baxmayaraq ermənilərdən çox azərbaycanlılar təhlükə altında idilər. Ona görə ki, bütün ətraf bir neçə cərgədə yerləşmiş erməni kəndləri ilə əhatə olunmuş və ekstremistlərlə, terrorçuların çox hissəsi məhz həmin kəndlərdə məskunlaşmışdı.
Yüklə 2,72 Mb. Dostları ilə paylaş:
|