1 Ramiz Dəniz
Yüklə 2,72 Mb. Pdf görüntüsü
|
33 öldürüldü, özü isə körpə uşaqla gücbəla ilə canını götürüb qaçdı. - Artur, Jannanın dediyinə görə, Sumqayıt hadisələri zamanı Qriqoryan soyadlı bir erməni həmin müsibətləri onun başına gətirmişdi. – Əvəz təkzib verməyə başladı. - Lakin onun dediklərinə məxfi orqanların əməkdaşları ciddi əhəmiyyət verməmiş və istintaqı başqa istiqamətdə aparmışdılar. Elə bu haqsızlığa görə də Janna acıq edib, Cənubi Qafqazı birdəfəlik tərk etdi. O ki qaldı Klaraya görə narahat olmağın, mən deyərdim ki, bu barədə sən ürəyini buz kimi saxlaya bilərsən. Mən nə vaxt Bakıya getsəm, daim onu yoxlamaq üçün evlərinə gedəcəm. - Buna görə mən daim sizin ailənizə minnətdar olacam. – deyə xəstə adam sevincək halda dilləndi və hər iki qardaşın əlini sıxaraq, qarşısında olan çayı içməyə başladı. Onlar bir qədər də söhbət edib ondan sonra ayrıldılar. İlqar evə çatanda qoyunlara baxmaq üçün tövləyə girdi.
34 III fəsil. Bakıdan gələn könüllülər Qarabağın bir çox yerlərində fəaliyyət göstərən hüquq- mühafizə orqanlarının əməkdaşları və blok-postlarda, komendaturalarda olan rus əsgərləri, hər hansı bir krimino- gen hadisə və ya azərbaycanlılara qarşı terror aktı baş verən kimi dərhal azərbaycanlıların məskunlaşdığı yaşayış məntəqələrində reyd keçirir və ermənilərin azğınlaşmasına qarşı etiraz edən fəalları həbs edirdilər. Lakin bütün bu haqsızlıqlara baxmayaraq sıravi insanlar hələ də ümid edirdilər ki, burada dislokasiya olunan rus hərbi hissələrinin əsgərləri münasib bir məqamda quldurluqla məşğul olan erməni ekstremistlərini və terrorçularının hamısını həbs edib, ədalətli məhkəməyə təhvil verəcəklər. Hava xeyli soyumuşdu. Dağlara yağan qarın nəticəsində əsən külək oradakı şaxtanı bu kəndə gətirirdi. Artıq yeri qırov bağlayırdı. Bir az keçəndən sonra kimsə həyət qapısı- nı döyməyə başladı. İlqar ayaq tappıltılarından çöldə bir neçə nəfərin olduğunu müəyyənləşdirdi. O, tövlədən çıxan- da kimlərin gəldiyini soruşdu. Gələnlər könüllü dəstələrin birində döyüşən, ailə ilə dostluq edən Füzuli, Kamil, Heydər və Vahid adlı hərbçilər idi və onlar bir neçə saat bundan əvvəl Bakıdan gəlmişdilər.
35 Onlar Əvəzin gəlişindən hali olan kimi onunla görüşüb söhbət etmək istədiklərini bildirdilər. İlqar tərəddüd etmə- dən onları evinə dəvət etdi. Gələn qonaqlar evdəkilərlə salamlaşan kimi Əvəz ilə birlikdə qonaq otağına keçdilər.
- Yaxşıdır ki, gəldiniz. – deyə kəndə gələn müddətə, burada həkim kimi fəaliyyət göstərən Əvəz səbirsizliklə dilləndi. – Məlumatsızlıqdan lap bağrım çartlayırdı. Sizi gecənin ortasına kimi buradan buraxmayacağam. Elə şamı da bir yerdə yeyəcəyik. Hə, danışın görüm rayonda vəziy- yət necədir? Onlar hamısı demək olar ki, eyni boyda idilər, yalnız Kamil o birilərindən cüzi fərqlə hündür görünürdü. O, iriqamətli, enli kürək, azacıq dolu bədənli, ağır gövdəli, ləng hərəkətli, enlisifət, başı daz qırxılmış, vahimə doğuran sərt baxışlı, Füzuli isə ondan azacıq arıq, çevik hərəkətli, iti baxışlı, yumru cod sifətli, qısa qalın saçlı, lakin elə Kamil kimi enli kürək və iriqamətli idi. Onların hər ikisi saqqallı olduğundan görkəmlərini daha vücudlu göstərirdi. Vahid hər iki silahdaşlarına nisbətən arıq, hərəkətli, balaca sifət, saçı səliqə ilə daranmış, üzü qırxılmış, üst-başına diqqət yetirən, qayğılı baxışlı bir döyüşçü kimi görünürdü. Ən cavanı olan yaraşıqlı, uzunsifət, düz burunlu, balaca gözləri içəri batmış, cod saçlı, cəld hərəkətli Heydər isə boyda yalnız Kamildən azacıq alçaq idi.
36 Köhüllü dəstəsinin komandiri olan Füzuli 30, o biriləri isə 28 yaşlarında idi və Qarabağda ilk döyüş əməliyyatları başlayandan bəri, silaha sarılaraq, Vətən torpağının azadlığı uğrunda mübarizə aparırdılar. - Uşaqlar, dünən magistral yoldan bir qədər aralıda güclü atışma səsləri eşidilirdi. – deyə İlqar maraqlandı. – Deyə- sən, dığalar hücuma keçmək istəyiblər? - 15 nəfərlik quldur dəstəsi təxribat törətmək üçün kəndə yaxınlaşmağa çalışdılar, lakin onlar bizim pusquya düşdü- lər. – deyə Kamil qalın səsi ilə dilləndi. - Yarım saatlıq döyüşdən sonra onlar silah-sursatlarını, bütün avadanlıq- larını, hətta meyidlərini də qoyub aradan çıxdılar. - Ölənlər çox idi? – deyə Əvəz maraqlandı. - Altı nəfərin meyidi mal peynlərinin arasında qalmışdı. – Kamil rişxəndlə dilləndi. Füzuli qabağına qoyulan çaydan içə-içə təşəxxüslə dedi:
- Rayondakı vəziyyət heç də ürəkaçan deyil. Ermənilər rus hərbçilərinin köməyi ilə əməlli-başlı silahlanır, biz isə əlacsız qalaraq, onların azğınlaşmasını seyr edirik. Mütləq silahlanmaq lazımdır. Lakin Moskvanın təsiri altında olan rəsmi dairələrimiz buna imkan vermirlər.
- Axı, nəyə görə? – deyə İlqar təəccüblə soruşdu və sanki soyuqdan üşüyürmüş kimi sıxılmış vəziyyətdə sözünə davam etdi. – Allahverdi Bağırov öz nüfuzundan istifadə Yüklə 2,72 Mb. Dostları ilə paylaş:
|