24
ADY -
ması məsələsinin həllində kadrlar çox böyük
rol oynayırdı. Digər tərəfdən, müharibənin ilk
günlərindən cəbhəyə səfərbər olunanlar ara-
sında dəmiryolçuların da olması arxa cəbhədə
kadr çatışmazlığı yaradırdı və buna görə də,
müvəqqəti çətinliyi aradan qaldırmaq üçün
hətta qadın və gənclər də nəqliyyat sahəsində
işə qəbul olunurdular. Dəmir yoluna yenicə
qəbul olunmuş işçilərin qısamüddətli kurslar-
da və fərdi təlimlərdə iştirak etməsi ixtisaslı
kadr çatışmazlığı problemini müəyyən qədər
aradan qaldırdı. Peşəkar dəmiryolçular öz is-
tehsalat təcrübələrini gənclərə öyrədərək onla-
rın tez bir zamanda öncüllər sırasına çıxmala-
rına şərait yaradırdılar. Belə dəmiryolçulardan
biri - Azərbaycanda ilk dəfə “Sosialist Əməyi
Qəhrəmanı” kimi yüksək ada layiq görülmüş
təcrübəli təlimatçı-maşinist Firudin Ağayev
gənc maşinistlərin təlim-tərbiyəsinə böyük
əmək sərf edib.
25
ADY -
“VAXTINDA ÇATDIRILAN
HƏR BİR QATAR DÜŞMƏNƏ
ZƏRBƏDİR”
II Dünya müharibəsi zamanı Azərbaycan dəmiryolçularının göstərdikləri fədakarlığı əks etdirən bəzi
statistik rəqəmlər:
* 1941-ci il iyun ayının 23-dən Zaqafqaziya dəmir yolunda kütləvi hərbi daşınmalara
start verildi. İyun ayının 23-dən 30-na kimi 152 eşelon və 6849 vaqon yüklənərək yola salın-
dı.
* 1941-ci ilin iyul ayı ərzində 201 eşelon və 112 nəqliyyat vasitəsi yüklənərək (ümu-
milikdə, 16442 vaqon) ön cəbhəyə göndərildi.
* Sərnişindaşımanın həcmi məhdudlaşdırıldı və sərnişin vaqonları sanitar vaqonlar
kimi istifadə edilmək üçün yenidən quraşdırıldı. Sərnişindaşımanın xarakter və şərtləri kəs-
kin surətdə dəyişdirildi.
* Dəmir yolunun həkim-sanitar xidməti yoluxucu xəstəliklərin profilaktikasını və sa-
nitariya nəzarətini gücləndirdi.
* 1941-ci ilin oktyabr ayında Gəncə hissəsində yükvurma planı 304,6 faiz, Ələt stan-
siyasında isə 152 faiz yerinə yetirildi.
* Dəmiryol nəqliyyatında ciddi qayda yaratmaq məqsədi ilə SSRİ Ali Sovetinin Rə-
yasət Heyəti 15 aprel 1943-cü il tarixli fərmanı ilə dəmir yolunda hərbi vəziyyət elan etdi.
* 1941-ci ilin iyul ayında 1560, avqust ayında isə 2325 sistern yanacaqla doldurularaq
ön cəbhəyə göndərildi. Bütövlükdə, 1941-ci ildə 303716 sistern ön cəbhəyə göndərilmişdir.
* II Dünya müharibəsi illərində Bakı Vaqon Təmiri Zavodunda zirehlə örtülmüş hər-
bi qatar hazırlanmış və digər döyüş sursatları istehsal edilmişdir.
Qəhrəman xalqımızın Böyük Vətən müharibəsi illərində göstərdiyi mətinlik, rəşadət, cə-
sarət və şücaət layiqincə dəyərləndirilməlidir. Çünki Azərbaycan xalqı üçün bunun əhəmiyyəti
indi daha çoxdur, belə ki, biz elə indi də müharibə şəraitində yaşayırıq. Torpaqlarımızın bir his-
səsi düşmənin tapdağı altındadır. Qarabağ kimi dilbər guşəni düşmən əlindən qurtarmaq üçün
birinci olaraq gənclərimizdə vətənə məhəbbət hissini artırmalıyıq. Hazırda 400-dən çox II Dünya
müharibəsi veteranı - bir vaxtlar dəmir yolunun müxtəlif sahələrində çalışmış insanlar ömürləri-
nin ixtiyar çağını yaşamaqdadırlar.
Hər il Qələbə günü ərəfəsində Azərbaycan Dəmir Yolu İdarəsinin rəhbərliyi müharibə ve-
teranları ilə görüşərək onların qayğıları ilə maraqlanır. Biz vətənpərvərlik dərsi aldığımıza görə
onlara minnətdar olmalıyıq.
22 iyun 2009-cu il tarixində Azərbaycan Respublikasının Prezidenti Zati-aliləri İlham Əli-
yev “1941-1945-ci illəri ehtiva edən Böyük Vətən müharibəsi zamanı faşizm üzərində qələbənin
65 illik yubileyinə hazırlıq və bu yubileyin qeyd edilməsi üzrə Milli proqram”ın təsdiq edilməsi
haqqında sərəncam imzalamışdır.
Respublikanın aparıcı mətbuat orqanlarında dəmiryolçuların müharibə illərindəki şücaə-
tini əks etdirən materiallar dərc olunmuş, dəmiryolçuların II Dünya müharibəsi zamanı göstər-
dikləri fədakarlığı əks etdirən plakatlar hazırlanmışdır. Yerli televiziya kanallarında Azərbaycan
26
ADY -
dəmiryolçularının arxa cəbhədəki fəaliyyətini əks etdirən arxiv sənədləri yayımlanmış və dəmir-
yolçu müharibə vete ran larının xati rələrini əks etdirən süjetlər göstərilmişdir.
Sovetlər Birliyindəki dövrdə polad magistralın əməkçiləri çoxminli mitinqlərdə böyük
qəzəb və etirazlarla çıxış edir, qəbul olunan qətnamələrdə vətənimizin müstəqilliyi (Sovetlər Bir-
liyindəki dönəm nəzərdə tutulur) və azadlığı naminə son damla qanından belə keçməyə hazır
olduqlarını bildirirdilər. Onlar cəbhə üçün daşımaların vaxtlı-vaxtında çatdırılmasına, qatar-
ların yüksək sürətlə idarə olunmasına və ağır müharibə dövrünün tələblərinə uyğun işləməyə
and içmişdilər. Hamı kimi, bütün nəqliyyat işçilərinin, xüsusən də dəmiryolçuların qəlbi dərin
vətənpərvərlik hissi ilə döyünürdü.
Beləliklə, II Dünya müharibəsində Azərbaycan dəmiryolçuları üzərilərinə düşən vəzifəni,
neft və neft məhsullarının, hərbi silah və qurğuların, eləcə də geyim və ərzağın ön cəbhəyə daşın-
masını təmin edə bilmişdilər. Müharibə dövründə dəmiryolçular belə bir şüarı özlərinin fəaliyyət
devizi kimi seçmişdilər: “Vaxtında çatdırılan hər bir qatar düşmənə zərbədir!”
27
ADY -
“ŞİMAL-CƏNUB”
BEYNƏLXALQ NƏQLİYYAT
DƏHLİZİ
Strateji baxımdan mühüm coğrafi mövqedə - şimal-
dan cənuba və qərbdən şərqə iki əsas beynəlxalq nəq-
liyyat dəhlizinin kəsişməsində yerləşən Azərbaycan
əsrlər boyu özünəməxsus körpü rolunu oynamışdır.
Beynəlxalq “Şimal-Cənub” nəqliyyat
dəhlizinin reallaşdırılması sahəsində də gər-
gin işlər gedir. Azərbaycan Respublikasının
“Şimal-Cənub” beynəlxalq nəqliyyat dəhlizinə
qoşulmasına Ümummilli lider Heydər Əliyev
razılıq vermişdir. Məhz onun razılığından
sonra bu istiqamətdə bir sıra mühüm işlərin
həyata keçirilməsinə başlandı və o vaxtdan
etibarən, Azərbaycan Respublikası Nəqliyyat
Nazirliyinin İran İslam Respublikası və Rusi-
ya Federasiyasının nəqliyyat nazirlikləri, eləcə
də aidiyyəti qurumların rəhbərləri ilə keçirdiyi
çoxsaylı görüşlərdə bu məsələlər ətraflı şəkildə
müzakirə edilmişdir.
12 sentyabr 2000-ci il tarixində Sankt-Pe-
terburq şəhərində Rusiya Federasiyası, İran
İslam Respublikası və Hindistan arasında
“Şimal-Cənub” beynəlxalq nəqliyyat dəhlizi
haqqında saziş imzalanmış və bu saziş 21 may
2002-ci il tarixində qüvvəyə minmişdir. Saziş
bütün nəqliyyat növlərinə - dəmir yolu, dəniz,
avtomobil, çay və hava nəqliyyatı ilə daşımala-
rı təmin edən nəqliyyat infrastrukturu və nəq-
liyyat vasitələrinə aiddir. Bu baxımdan yalnız
Hindistan istisna təşkil edir, belə ki, onun yal-
nız dəniz marşrutları ilə daşımalarda iştirakı
nəzərdə tutulmuşdur.
Proqnozlar göstərir ki, tam gücü ilə fəa-
liyyət göstərəcəyi təqdirdə, “Şimal-Cənub”
beynəlxalq nəqliyyat dəhlizi Avropa ölkələri,
Rusiya, Orta Asiya və Qafqaz regionlarının
Fars körfəzi və Hindistana çıxışına, Xəzər-
yanı ölkələrin Qara dəniz limanları ilə ticarət
əlaqələrinin intensivləşdirilməsinə şərait yara-
dacaq. Bu dəhliz Avropa-Cənubi Asiya-Yaxın
Şərq arasında dəmiryol daşımalarını və dəmir
yolunun istər yerli, istərsə də tranzit daşıma-
larından əldə etdiyi gəlirləri artırmağa imkan
yaradacaqdır.
19-21 may 2004-cü il tarixində Moskva
şəhərində Rusiya, Azərbaycan və İranın dəmir
yolu rəhbərlərinin üçtərəfli müşavirəsi keçiril-
miş və burada beynəlxalq Konsorsiumun ya-
radılması, üç ölkənin dəmir yollarına tranzit
yük axınının cəlb edilməsi, birgə layihə-axtarış
işləri, ümumi məsələlər və birgə işlərin koordi-
nasiyası müzakirə edilmişdir.
24-27 iyul 2005-ci il tarixində İranın pay-
taxtı Tehran şəhərində keçirilmiş tədbirdə bir
sıra hazırlıq işlərinin görülməsi planlaşdırıl-
mışdı. Həmin tədbirdə “Şimal-Cənub” bey-
nəlxalq nəqliyyat dəhlizinin tikintisi, gələcək
istismarı, beynəlxalq konsorsiumun yaradıl-
ması və maliyyələşdirilməsi üsulları, hər bir
tərəfin tikintidə payı, yatırılacaq kapital vəsa-
itlərin qaytarılması yolları və digər məsələlər
müzakirə edilmişdir.
2005-ci il fevral ayının 9-da Bakıda ke-
çirilən üçtərəfli görüş zamanı, əsasən Rusiya,
Azərbaycan və İranın dəmir yolları tərəfindən
Qəzvin-Rəşt dəmir yolu xəttinin layihələndi-
rilməsi, tikintisi və gələcək istismarı, həmçinin
Astara (Azərbaycan)-Astara (İran) dəmiryol
sahəsinin layihələndirilməsi ilə əlaqədar səhm-
dar cəmiyyətin (SC) yaradılması və həmin cə-
miyyətin Nizamnamə kapitalının razılaşdı-
rılması nəzərdə tutulmuşdur. Bu istiqamətdə
2001-ci ildən başlayaraq müəyyən işlər görül-
müş və bu işlər hazırda da davam etdirilir. Gö-
rülən işlərin məntiqi nəticəsi kimi, Milli Məc-
lis “Azərbaycanın “Şimal-Cənub” beynəlxalq