=============================================
Şurəddin Məmmədli * Gürcüstan Azərbayvanlıları * s. 12
yolunun kənarında, dəniz səviyəsindən 410 m hündürlükdə.
Çoxsaylı adaşları kimi, qədim Midiyada əsas tayfalardan biri
olmuş Muğ, Muğan tayfalarının adıyla ilgilidir. Yaxınlıqdakı ar-
xeoloji məskən erkən tunc dövrünə aid edilir və daş sərdaba
içində Kür-Araz mədəniyətinə şamil olunan daşdan, gildən
bəzəkli-naxışlı qablar tapılıb. Əhalisi: 1803-cü ildə 16 ailədə
65 nəfər; 1870’də 25 ailədə 168 nəfər; 1926’da 65 ailədə 198
nəfər; 2002’də 274 ailədə 1205 nəfər (600 kişi, 605 qadın),
2006'da 278 ailədə 1250 nəfər. Məktəb 1921-cu ildə yaradılıb.
Təməl məktəb (2005’də 10 sinifdə 170 şagird) var.
Məşhurları: müharibə qəhrəmanı Xan Məmmədov, sinədəftər
el ağbirçəyi Məsmə Alı qızı, ağsaqqal Məhəmməd Məmmədov,
aşıq Əli Qənbərov, şair Vilayət Rüstəmzadə, alim İbadət
Mövləli, ictimaiyətçilər Kamandar Məmmədov, Abbas Ab-
basov, Aydın Məmmədov, xeyriyəçi Tofiq Əliyev, şairlər
Bəxtiyar Rüstəmzadə, Esmira Məmmədova vb.
BALIC kəndi – Ükəngər çayının sağ sahilində, rayon
mərkəzindən 21 km güneydədir. Yaxında ortaəsrlərə aid qoç,
at heykəlcikləri aşkarlanıb. Gürcülərlə yanaşı, təxminən 50
nəfər azərbaycanlı yaşayır.
BƏYTƏKƏR (Bərtəkər) kəndi – Dəniz səviyəsindən 810
m hündürlükdə. Toponim Sakların, bulqarların tirəsi Təkə
tayfasının, qıpcaqlardakı Tək tayfasının adını əks etdirə bilər.
Əhalisi: 1870’də 8 ailədə 54 nəfər; 1918’də 110 nəfər;
1926’da 22 ailədə 123 nəfər; 1886-cı ildə 9 ailədə 79 nəfər;
2002’də 65 ailədə 289 nəfər (147 kişi, 142 qadın), 2006'da 59
ailədə 300 nəfər. Məktəbin tarixi 1937-ci ildəndir. Təməl
məktəb (2005’də 9 sinifdə 46 şagird) var.
CƏFƏRLİ kəndi – Maşaver çayının sağ sahilində, rayon
mərkəzindən 7 km gündoğarda, dəniz səviyəsindən 430 m
=============================================
Şurəddin Məmmədli * Gürcüstan Azərbayvanlıları * s. 13
hündürlükdə. Toponim oğuz-türkman soylu vəya qıpcaqların
Qazax tayfasına mənsub elin adını əks etdirir. Əhalisi:
1870’də 7 ailədə 47 nəfər; 1918’də 109 nəfər; 1926’da 37
ailədə 144 nəfər; 2002’də 144 ailədə 541 nəfər (262 kişi, 279
qadın), 2006'da 126 ailədə 545 nəfər. Elementar məktəb fəa-
liyətdədir. Məşhurları: profesör Səmayə Əhmədova, veteran
müəllimlər Əmir Əhmədov, Ələddin Əhmədov.
DARBAZ kəndi – Gədi çayının sol sahilində, rayon
mərkəzindən 23 km qərbdə, dəniz səviyəsindən 820 m
hündürlükdə. 1536-cı ilin sənədlərində Darbasçala kənd adına
rastlaşırıq. Darvaz deyilir. Əhalisi: 1870’də 72 ailədə 483
nəfər; 1918’də 2872 nəfər; 1926’da 208 ailədə 1144 nəfər;
2002’də 847 ailədə 3743 nəfər, 2006'da 837 ailədə 3600
nəfər. Məktəbin tarixi 1919-cu ildən başlanır. Orta məktəb
(2005’də 13 sinifdə 267 şagird) fəaliyətdədir. Məşhurları:
Osmanlıda paşalıq rütbəsinə yüksəlmiş Mehralı bəy, ağsaqqal
Alı Əhmədoğlu, Alı Orduxanov, şair Mirzə, sərkərdə Ayvaz
İsmayılov, İsgəndər Əlləzov, alimlər Məhəmmədəli Məm-
mədov, Mədəd Çobanov, Fərman Gülməmmədov, Valeh
Hacıyev, Murtuz Məmmədov, Fazil Bəxtiyarov, Fəxri Hacıyev,
şair Rafiq Hümmət, ‘Gürcü–Azərbaycan dilləri paralelləri’
kitabının müəllifi Məhər Qəhrəmansoy, ‘Çağdaş Borçalı ədəbi
məktəbi’, ‘Borçalı aşıqları’ kitablarının yazarı Müşfiq Çobanlı,
jurnalist Musa Çobanlı, həkimlər Güləhməd Güləhmədzadə,
Səməd Çobanov, hüquq-mühafizəçisi Rəşid Hacıyev, icti-
maiyətçilər Hacıməmməd Hacıyev, Əlləz Məmmədov, Novruz
Məmmədov, Nadir Əhmədov, Nadir Abbasov, müəllimlər
Müseyib Qəmbərov, Süleyman Hacıyev, xeyriyyəçi Ziya
Abbasov vb.
DAŞDIOĞULLAR kəndi – Maşaver çayının sol sahilində,
avtomobil yolunun kənarında, rayon mərkəzindən 12 km
=============================================
Şurəddin Məmmədli * Gürcüstan Azərbayvanlıları * s. 14
gündoğarda, dəniz səviyəsindən 430 m hündürlükdə.
Toponimin Dəşti-Qullar, Daşlı-Qullar, Dəşti-oğullar anlamları
var. Bulqarların qıpcaq tirəsi kollar, alban tayfası kellər, qıp-
caq-qarapapaqlar içindəki Kul tayfası ilə ilgili ola bilər. Kəndin
adı 19-cu əsr sənədlərində Ağbabalı kimi də gedir. Əhalisi:
1870’də 25 ailədə 168 nəfər; 1918’də 180 nəfər; 1926’da 40
ailədə 184 nəfər; 2002’də 279 ailədə 893 nəfər (445 kişi, 448
qadın), 2006'da 279 ailədə 900 nəfər. Məktəb 1924-cü
ildəndir. Orta məktəb (2005’də 11 sinifdə 240 şagird)
fəaliyətdədir.
Məşhurlar:
əmək
qəhrəmanları
Əmirxan
Abbasov, Heyransa Mehdiyeva vəb.
DƏLLƏR (Müşevan) kəndi – Maşaver çayının sağ
sahilində, rayon mərkəzindən 14 km günbatarda, dəniz
səviyəsindən 750 m hündürlükdə. Dəllər vəya Aran-Dəlləri
deyilir. Türkmənşəli Tele/Tələ tayfasının adını əks etdirir. Bu
tayfa Kolayır kəndindəki Dəllər nəsliylə genetik qohumdur.
Yaxında 10–11-ci əsrlərə aid kiçik ölçülü salon formalı kilsə
aşkarlanıb. Pir deyilən yerdəki qəbirüstü daşda kaman, saz
çalıb-oxuyan aşıq təsviri diqqəti çəkir. Əhalisi: 1870’də 7
ailədə 47 nəfər; 1918’də 198 nəfər; 1926’da 53 ailədə 314
nəfər; 2002’də 290 ailədə 1194 nəfər (607 kişi, 587 qadın),
2006'da 246 ailədə 1200 nəfər. Məktəbin tarixi 1931-ci ildən
götürülür. Təməl məktəb (2006’da 9 sinifdə 142 şagird) fəa-
liyətdədir. Məşhurları: ağsaqqallar Hüseyn İmanoğlu, Alı
Sarıoğlu, Yəhya Məmmədoğlu, Səməd Süleymanoğlu, Vəkil
Sarıyev, Əlimədəd Muxtarov, zurnaçı Söyün, aşıqlar Murad
Kövrək, Əhəd, Əli, Bafəli, şair ‘Şərəf’ ordenli Əlixan Yəhyaoğ-
lu, xeyriyəçi Eldəniz Yəhyaoğlu, alimlər Əlican Sarıyev,
İbrahimxəlil Tatıyev, Şamo İsrafilov vb.
DƏMİRLİ kəndi – Gədi çayının sol sahilində, rayon
mərkəzindən 21 km qərbdə, dəniz səviyəsindən 800 m
Dostları ilə paylaş: |