13
əlaqələri aparılırdı. Su yolları ilə ticarət əlaqələri çay (Kür-Araz) və dəniz (Xəzər)
vasitəsilə yaradılırdı. Qobustan qayaları üzərində həkk edilmiş müxtəlif tipli gəmi
təsvirləri bunu əyani sübut edir.
7. Azərbaycan ərazisində qədim tayfa ittifaqları və ilk sinifli cəmiyyətlər.
E. ə . III minillikdə Azərbaycan ərazisində qədim tayfa ittifaqları və erkən
dövlət qurumları yaranmağa başladı.Qədim tayfa ittifaqları və dövlət qurumları
haqqında ilk məlumatlar Şumer - Akkad mixi yazılarında əks olunmuşdur. Bu
məlumatlara əsəsən Cənubi Azərbaycan ərazisində yaşayan tayfalar İkiçayarasında
mövcud olmuş şəhər dövlətləri ilə iqtisadi və erkən siyasi münasibətlər
saxlamışlar.
İlk dövlət qurumu e.ə.III minilliyin I yarısında Urmiya gölünün cənub və
cənub – şərq hissəsini əhatə edən Arrata olmuşdur. Şumer qaynaqlarında “saf
ənənələr ölkəsi” adlandırılan Arrata e. ə. XXVIII – XXVII əsrlərdə mövcud olmuş
Uruk şəhər dövləti ilə iqtisadi, siyasi və mədəni əlaqələrə girmişdir. Aratta hökmarı
En - Sukuşsiranın Uruk dövlətinin başçısı En – Merkar arasında baş vermiş siyasi
rəqabət və qismən də dostluq münasibətləri Şumer – Arrata əlaqələri haqqında
geniş məlumatlar verir. E. ə. XXVII əsrdə Arattada hökmdara məxsus vahid
hakimiyyət və dövlət idarələri mövcud olmuşdur. Dini görüşləri çoxallahlıq olan
Arattada bərəkət və məhəbbət allahı olan İnnanaya ibadət geniş yayılmışdı.
Arattanın siyasi səhnədən çıxmasından sonra Azərbaycanda yaranmış
ikinci dövlət qurumu Lullubi olmuşdur. E.ə. XXIII əsrdə Urmiya gölünün
cənubunda yaranmış Lullubi dövlət qurumu e.ə. XXIV – XXII əsrlərdə
İkiçayarasında hakimiyyəti ələ keçirmiş Akkad dövləti ilə mübarizə apararaq öz
mövcudluğunu təsdiq etməyə çalışmışdır. Lullubi hökmdarı Satuni (e.ə. 2230 –
2200) və İmmaşqun (e.ə.2200-2170) mərkəzi Lullubi dövlətini möhkəmləndirməyə
çalışmış və buna nail olmuşlar. Lullubi hökmdarı Annubaninin (e.ə.2170-2150)
dövründə artıq lulubilərin ölkəsi cənubda Diyala çayına, şimalda Urmiya gölünə
qədər uzanırdı.
14
E. ə. III minillikdə Urmiya gölünün qərb və cənub qərb torpaqlarında
yaranmış kuti tayfalarının dövləti formalaşmağa başladı. Kutilər Akkad dövlətinin
işğalçılıq siyasətinə qarşı çıxaraq hətta İkiçayarası ərazisinə müdaxilə edirdilər.
Kuti hökmdarları İmta (e.ə.2204-2197), İnqeşauş (e.ə 2198-2192), Sarlaq
(e.ə.2191- 2185), Yarlaqaş (e.ə.2184-2178) akkadlarla mübarizədə məglub
olsalarda, onların sələfi Elulumeş (e.ə.2177-2171) bu vəzifənin öhdəsindən gəlmiş
və e.ə. 2175–ci ildə Kutilər İkiçayarasına sahib olmuşlar. Lakin sonradan zəifləyən
kuti etnik birliyi e.ə. 2104–cü ildə hökmdar Tirikanın dövründə onların
İkiçayarasındakı hakimiyyəti ləğv edilmişdir. Kutilərin hakimiyyətinə asanlıqla
son qoyulması onunla bağlı idi ki, onlar İkiçayarasında böyük hərbi qüvvə
saxlamırdılar. Ikiçayarasında kutilərin ağalığına son qoyulduqdan sonra kuti
dövləti də süquta uğrayır, xırda hakimiyyətlər yaranır.
15
8. Manna dövləti. Yaranması, dövlət quruluşu
və təsərrüfat həyatı
Azərbaycan dünyada qədim dövlətçilik ənənələrinə malik olan bir ölkə kimi
tanınır. E.ə. III minillikdə erkən dövlət yaratmaqla tarixin səhnəsinə çıxan
Azərbaycan türkləri e.ə. I minilliyin əvvəllərində Azərbaycanın cənubunda Manna
adlı yeni bir dövlətin əsasını qoymuşdular. Mannanın adı ilk dəfə e.ə. 843-cü ildə
Assur mixi kitabəsində “Munna” kimi çəkilmişdir. Urartu yazılarında bu dövlətin
adı Mana, Tövratda isə Minni kimi verilmişdir. Urmiya gölündən cənubda İç
Zamuada yaşayan mannalılar bu bölgədə mövcud olan siyasi qurumları –
“ölkələri” öz dövlətlərinin tərkibində birləşdirmişdilər. Nəticədə Mannanın coğrafi
hüdudları xeyli genişlənmişdi. Urmiya gölu hövzəsində yerləşən bu vilayətlərin
(Zamua, Mazamua Gilzan,Gizil- bunda, Meişta - Mesi və s.) vahid dövlət şəklində
birləşməsi e.ə .IX- VIII əsrlərin hüdudunda baş vermişdir. Manna hökmdarı qeyri –
məhdud hakimiyyətə malik idi. Xarici siyasəti müstəqil şəkildə müəyyənləşdirmək
səlahiyyətinə malik olan Manna hökmdarının idarəetmə sisteminə məşvərətçi
orqan olan ağsaqqallar şurası da daxil idi. Hökmdardan asılı şəkildə fəaliiyət
göstərən əyanlar və dövlət məmurları ölkənin idarəçilik sistemində mühüm rol
oynayırdılar. Bütövlükdə Mannada canişinlik sistemi yaradılmışdı.
Mannanın yüksəlişi isə İranzunun(e.ə. 740 -719) hakimiyyətə gəldiyi dövrə
təsadüf edir. İranzu müstəqil hakimləri mərkəzi hakimiyyətə tabe etdi və canişinlik
sistemi yaratdı. Onun dövründə Cənubi Azərbaycanın demək olar ki, bütün
torpaqları Manna dövlətinin tərkibində idi və dövlətin Şimal hüdudları Araz çayına
çatmışdı. Nəticədə Manna qədim Şərqin dörd qüdrətli dövlətindən biri olmuşdu.
Iranzu mərkəzləşmə siyasəti yeridərək bütün vilayətlərin hakimlərini özünə tabe
edə bilmişdi. Təxmini məlumatlara əsasən, Manna dövləti şimalda Araz