1 dekabr 2017-ci il, cümə 6
Yüklə 0,5 Mb. Pdf görüntüsü
|
- Bu səhifədəki naviqasiya:
- Mədəniyyət və Turizm Nazirliyi Mədəniyyətşünaslıq üzrə Elmi-Metodiki Mərkəzin elmi araşdırmalar şöbəsinin müdiri Rafiq Məhərrəm oğlu Quliyevdir.
- Asif RÜSTƏMLİ, AMEA Ədəbiyyat İnstitutu mətbuat tarixi və publisistika şöbəsinin müdiri, filologiya üzrə elmlər
- Xavaca Məhəmməd Asif və Mövlud Çavuşoğlu birgə mətbuat konfransı keçiriblər.
- AZƏRTAC ÇKP-nin XIX qurultayı Çinin qarşıdakı onilliklərdə strateji inkişaf yollarını müəyyənləşdirdi
- Çinin “Sinxua” İnformasiya Agentliyi öz saytında Azərbaycan
- AZƏRTAC Bakıda “Gənclər və dini icmalar: əməkdaşlıq və inkişaf” mövzusunda konfrans keçirilib
- Respublikasının Prezidenti yanında Gənclər Fondunun birgə təşkilatçılığı ilə “Gənclər və dini icmalar
| 1 dekabr 2017-ci il, cümə 6
əhval-ruhiyyə, məqsədə nail olmaq üçün səriştə və inadkarlıq onun həyat kredosu, fəaliyyət tərzi üçün xarakterik cizgilərdir. Sənətində və şəxsiyyətində emosional keçidlər sərtliklə kövrəkliyin vəhdətində özünü daha qabarıq büruzə verərək milli özgürlük koloritini gücləndirir. Hisslərin, duyğuların coşub-çağlayan məqamında molbertin sıxacları arasında tarıma çəkilmiş kətanla üz-üzə dayanmağı, poetik düşüncələrin portretini rənglərin polifonik qurşağından, zərif, incə qovşağından faydalanaraq təbiiliyin harmoniyasını yaratmaqdan yorulmaq bilmir. Haqqında söz açdığımız rəssam, heykəltəraş, qrafika ustası, Azərbaycan Rəssamlar İttifaqının üzvü, beynəlxalq festival laureatı, Respublika Mədəniyyət və Turizm Nazirliyi Mədəniyyətşünaslıq üzrə Elmi-Metodiki Mərkəzin elmi araşdırmalar şöbəsinin müdiri Rafiq Məhərrəm oğlu Quliyevdir. O, 1956-cı ildə Cəbrayıl rayonunun Quycaq kəndində anadan olub. İxtisas təhsilini Bakıdakı Əzim Əzimzadə adına Rəssamlıq Məktəbində alıb. Həmin təhsil ocağını fərqlənmə diplomu ilə bitirərək, 1980-ci ildə təyinatla Azərbaycan Res- publikası Mədəniyyət Nazirli- yinin sərəncamına göndərilib. Rafiq Məhərrəm oğlu bir müddət incəsənət bilikləri şöbəsinin müdiri vəzifəsində çalışıb, Azərbaycanda xalq yaradıcılığının öyrənilməsi və təbliği sahəsində fəaliyyət göstərib. Sonralar Azərbaycan Dövlət İncəsənət İnstitutunda ali təhsil alan Rafiq uzun illər respublikanın müxtəlif guşələrində yaşayan istedadları üzə çıxarmaqla yanaşı, özü də yaradıcı- lıqla ciddi məşğul olaraq, rəngkarlıq, qrafika və heykəltəraşlıq sahəsində yaddaqalan, bənzərsiz əsərlər yaradıb. Xüsusilə rəngkarlığa aid işlərinin müxtəlif miqyaslı yerli və xarici sərgilərdə nümayiş etdirilməsi uğurlu olub, müəllifini cəmiyyətdə tanıdıb və sevdirib. Onun Azərbaycan təsviri sənətinin problemlərindən bəhs edən tədqiqatları böyük maraq doğurur. Rəssamın “Azərbaycan incəsənətində rəmzi-bədii şərhə yüksəlmə” (2007), “Təsviri sənətdə insan dünyası” (2009) və “Azərbaycan təsviri sənətində tarix və şəxsiyyət” (2013) kitablarını sənətşünaslıq elmimizə, bütövlükdə Azərbaycan mədəniyyətinə dəyərli töhfə hesab etmək olar. R.Quliyevin rəngkarlıq yaradıcılı- ğında hansı janrın ələyatımlılığından, hansı boyanın imkanlarından, rəng çalarlarının üstünlüklərindən söz aç- maq çətindir. Çünki o, müəyyən janra, boyaya rəğbətini büruzə versə də, peşəkarlıq, səriştə, araşdırdığı mövzu- ya vurğunluq bütün əsərlərinin bədii- estetik mahiyyətində, cazibəsində duyulmaqdadır. Etiraf olunmalıdır ki, Rafiq incəsənət aləmində daha çox rəngkar kimi tanınır. Bununla belə, o, heykəltəraşlıq, tətbiqi-sənət sahəsində də özünəməxsus üslubu, ifadə tərzi, işıq kontrastlarının qabarıqlığı, rəmzi detalların tipikliyi, obrazın bütövlüyü, canlılığı ilə fərqlənir. Doğrudur, sovet dönəmində şablon, trafaret mövzu- lardan kənaraçıxmalar, milliliyə və müstəqil düşüncə tərzinə meylilik arzuolunan hal deyildi. Rafiq müəllim bədii yaradıcılığında rejimin məhdud çərçivələrinə sığışmır, bəzən onun məlum yasaqlarını sənətin qüdrətinə, füsunkarlığına tabe edirdi. Rəssamın rəngkarlıq əsərləri sırasında süjetli kompozisiyalar daha çox diqqəti cəlb edir. Mühitin, əhval-ruhiyyənin qabarıq panoramını belə lövhələrdə canlandırmaq peşəkar fırça ustası üçün o qədər də çətin deyil. “Xeyir-dua” əsərində rəssamın doğulub boya-başa çatdığı kənddə müşahidə etdiyi toy mərasiminin ən duyğulu, həyəcanlı məqamı təsvir edilmişdir. Toy libası geyinmiş, milli adət-ənənəyə uyğun bəzədilmiş gəlin bəy evinə yola salınmazdan əvvəl valideynlərinin, yaxın qohumlarının xeyir-duasını almağı intizarla gözləyir. Ön planda papağını gözlərinin üstünə basmış, saç-saqqalı ağarmış, çayı stəkanda soyusa da, qəlyanına dərin qüllab vuraraq onu tüstülədən atanın qayğılı siması verilmişdir. Başı örtüklü ana ötən günlərin xiffətindən tam azad deyildir. Qızının gəlinlik libası ilə ananın geyimi arasındakı fərqi sənətkar cəmiyyətdəki ziddiyyətlərdən daha çox, onun inkişaf dinamikasının göstəricisi kimi təqdim edir. Ayrılıq nə qədər xoşməramlı olsa da, hamının çöhrəsindən nigarançılıq duyulmaq- dadır. Bu məqamda ayrılıq anının uzanmasına son qoyacaq, narahatçılığı təbəssümlə əvəzləyəcək xeyir-duanı hər kəsin intizarla gözləməsi portretin ümumi kompozisiyasını təşkil edir. “Xeyir-dua”dakı qəlyanlı kənd ağsaqqalı Rafiq Quliyevin yaradıcı- lığında bir dəfə görüntülənib yoxa çıxan, təsadüf olunmayan obrazlardan deyil. Tipik olduğu qədər də, yadda- qalan, mənalı sifət cizgiləri, ciddi ba- xışı, qayğılı görüntüsü olan müdrikə biz rəssamın yağlı boya ilə işlədiyi “Ümid”, “Hisslər”, “Fraqment” və s. tablolarında da rast gəlir, müxtəlif ra- kurslardan müşahidə etmək, izləmək imkanı qazanırıq. Eləcə də “Xeyir- dua”dakı Gəlin obrazı “Fraqment”, “Söhbət” və digər lövhələrdə qabarıq verilmişdir. Bu vurğulanan məqamlar tamaşaçıda əminlik yaradır ki, rəssam sevimli obrazlarını həyatdan seçir və yaradıcılıq boyu onları izləyir, fərqli situasiyalarda rənglərin dili ilə onların fikir və düşüncələrini ifadə etməyi bacarır. “Sarı gəlin” obrazı Rafiqin yaradı- cılığında milli koloriti və tarixi ənənəsi ilə seçilən, təbiət gözəli timsalında təqdim olunan, güllərin, çiçəklərin rəngindən, rayihəsindən süslənən bir Vətən qızının bədiiləşdirilmiş portre- tidir. Tabloda cazibədarlığı, zərifliyi, gözəlliyi şərtləndirən detallar kompo- zisiyanın mükəmməlliyini tamamlayır, rənglərin harmoniyası eyniadlı mahnı qəhrəmanının Azərbaycan təbiətinin qüdrətindən, bənzərsizliyindən təcəlla tapdığını təsdiqləyir. “Sarı gəlin” portreti görkəmli sənətkarın qadın obrazları cərgəsində kübarlığı, ifalılığı, cazibədarlığı, milli- liyi, mükəmməlliyi ilə seçilən, tarixilik və müasirlik rakurslarından yanaşdıq- da məmləkətini dünya müstəvisində təmsil etmək səviyyəsinə ucaldılan Azərbaycan qadını nümunəsidir. Rəssamın yaradıcılığında bütün fəsilləri ilə görüntülənən, rəngarəng, göz oxşayan Azərbaycan təbiəti – güllü-çiçəkli, barlı-bəhərli Vətən torpağı, ləpələri nəğmə zümzümə edən dənizi, çayı, şəlaləsi, qucağına sığınmış kəndləri ilə vüqarlı, əzəmətli görünən dağları, mənzərələri, onu gündən-günə gözəlləşdirən, min naz- nemətlə barındıran, zənginləşdirən zəhmətsevər insanları araşdırma predmetinə çevrilmiş, böyük sevgi və rəğbət hissi ilə təqdim edilmişdir. “Lalələr”, “Yağışdan sonra”, “Yazın gəlişi”, “Nar ağacı, nar çiçəyi”, “Mənzərə”, “Küsdümgül”, “Natrümort”, “Güllər”, “Buket” və b. rəsmlərdə adlarından da məlum olduğu kimi, onun çiçəyə, təbiətin yaratdığı gözəlliklərə sevgisini, vurğunluğunu izhar etməklə yanaşı, rənglərin bəzən açıq, işıqlı, bəzən də solğun, tutqun çalarlarından yerli -yerində faydala- naraq hər kəsin birmənalı bəyəndiyi torpağın ecazkar töhfələrinə laqeydli- yin, diqqətsizliyin mövcudluğunu da vurğulamağı unutmur. Gülün, çiçəyin taleyindən ifadə olunan narahatlıq insanları Tanrının yaratdıqlarına daha həssas olmağa çağırır. Dəniz lövhələri rəssamın ya- radıcılığında, demək olar ki, digər mövzularla müqayisədə üstünlük təşkil edir. Bu mənzərələrdə kükrəyən, şahə qalxan dalğalara, fırtına və tufanların məcrasından oynatdığı mavi dənizə təsadüf edilmir. “Dənizin nağılı” sahildə lövbər salmış “Qayıqlar”ın qəlbindən axan qara qanları ovsun- laya bilmir... “Qağayıların döyüşü” dəniz sükutunu “Lirika”ya çevirməyə hesablansa da, yalnız “Mayak”ın işıq yaddaşında yaşam haqqı qazanır. Onun tablolarında dəniz sanki canlı, duyğu- lu, düşüncəli orqanizmdir, insan taleyi yaşayır – qayğılı, narahat, məsuliyyət hissi daşıyan ömür... Dağ, kənd, çay, şəlalə obraz kimi düşüncələr aləmini tamamlayan, bütövləşdirən bədii detallardır. “Yağış- dan sonra”, “Çaylaq”, “Yazın gəlişi”, “Köhnə kənd”, “Mənzərə”, “Ağsaq- qal”, “Axşam” və digər lövhələrdə doğma, tanış kənd mənzərələri, ucalıq, əzəmət rəmzi olan dağlar və dağ ağırlı- ğında el, Vətən dərdini çiyinlərində daşıyaraq ömrün qış çağında yumaq kimi bükülən kənd ağsaqqalı... Rəssam maraqlı süjetlər əsasında mükəmməl kompozisiyalar quraraq tamaşaçını düşündürmək, hisslərlə rənglərin səssiz dialoqunu qurmaq bacarığını böyük ustalıqla sezdirə bilir. Azərbaycanın Xalq rəssamı, Respublika Dövlət mükafatı laureatı Kazım Kazımzadə təsadüfi deyildir ki, Vətənimizin dilbər guşələrini, əsrarəngiz gözəlliklərini tablolarında canlandıran sənətkar haqqında demiş- dir: “Rəssam Rafiq Quliyevin yara- dıcılığında tarixi yaddaşa diqqət və ehtiramın ifadəsi diqqətimi daha çox cəlb etdi. Çünki yaradıcı adam üçün bu, çox vacib keyfiyyətdir. İnanıram ki, o, bu cür başlanğıcla özünün yaxın gələcəkdə də uğur qazanacağına zəmin yaratmışdır.” Yaradıcı şəxsiyyətdə, sənətkarda vətənpərvərlik keyfiyyətinin, milli- tarixi yaddaşa ehtiramın önəmliliyini vurğulayan K.Kazımzadənin dəqiq müşahidələri, elmi proqnozları demək olar ki, bu gün özünü tamamilə doğ- rultmuşdur. Rafiq Quliyevin yaradı- cılıq palitrası çoxçalarlı və çoxşaxəli olmaqla yanaşı, yurdsevərlik duyğusu, dövlətçilik hissiyyatı ilə süslənmişdir. “İlk şum” əsəri rəssamın torpağa sevgisinin bədii ifadəsi, zəhmət adam- larına rəğbətinin, ehtiramının əyani təcəssümüdür. Sübh çağı, dağlar arxa- sından dan yerinin qızardığı, şəfəqlərin ağ buludları qırmızılı-çəhrayılı rəngə boyadığı anlarda tüstüsü ərşə bülənd olan çəhrayı traktorla yerin şumlanma- sı, kotan caynağının torpağın bağrını sökməsi, uzaqlarda görünən kəndin uğurlu və xeyirli sabahlarından xəbər verir. Bu mənzərədə torpaq, dağ və nurlu səma arasında rəng keçidlərinin təbii harmoniyası duyulmaqdadır. Onun əsərlərinin əksəriyyətində tarixilik və müasirlik tendensiyası vətəndaş-rəssam mövqeyindən təqdim edilmişdir. Bu düşüncənin qabarıqlı- ğına diqqət yetirmək, fərqinə varmaq, təzadlar arasındakı bəzən görünməz incə, zərif vəhdəti həssaslıqla müşahidə etmək üçün “İçərişəhər” və “Yeniləşən Bakı” tablolarının önündə bir anlıq dayanaraq yaşanan duyğula- rın çoxqatlı rəng çalarlarında yuvar- landığının şahidi olmaq yetərlidir. Bu iki əsərin yaranma tarixi illərlə ölçülsə də mahiyyəti, məzmunu, süjet xətləri arasında əsrlər yaşayır... Rafiq Quliyevin təsviri incəsənət təmayüllü əsərlərində tariximizin, mədəniyyətimizin, adət-ənənələrimizin zamanın sınağından üzüağ çıxan unikal tərəflərinin təcəssüm tapma- sı, milli-mənəvi dəyərlərimizdən qədərincə barınması qürur və iftixar hissi doğurur. Asif RÜSTƏMLİ, AMEA Ədəbiyyat İnstitutu mətbuat tarixi və publisistika şöbəsinin müdiri, filologiya üzrə elmlər doktoru, professor Təbiiliyin harmoniyası Azərbaycan, Pakistan və Türkiyə xarici işlər nazirləri Bakıda birgə mətbuat konfransı keçiriblər
başa çatdıqdan sonra Azərbaycanın, Pakistanın və Türkiyənin xarici işlər nazirləri Elmar Məmmədyarov, Xavaca Məhəmməd Asif və Mövlud Çavuşoğlu birgə mətbuat konfransı keçiriblər. Nazirlər üçtərəfli görüşdə müzakirə olunan məsələlər barədə məlumat veriblər. Elmar Məmmədyarov bil- dirib ki, Azərbaycan bu görüşün keçirilməsində maraqlı idi. Birinci üçtərəfli görüşdə əsasən ölkələrimiz arasında iqtisadiy- yatın inkişafı, xüsusilə ticarət dövriyyəsinin artırılmasına dair məsələlər müzakirə edildi. Nazir bu il Azərbaycanın hər iki ölkə ilə diplomatik münasibətlərinin qurulmasının 25 illiyinin qeyd olunduğunu deyib. O qeyd edib ki, beynəlxalq təşkilatlarda ölkələrimizin mövqeləri üst-üstə düşür. Nazir görüşdə regional münaqişələr, terrorla mübarizə barədə də müzakirələrin aparıl- dığını diqqətə çatdırıb. Elmar Məmmədyarov vurğulayıb ki, görüşdə Azərbaycanın və Türkiyənin yaratdığı nəqliyyat dəhlizindən Pakistanın da yararlanması təklif olundu. “Ölkələrimiz arasında ikitərəfli və ya üçtərəfli hava nəqliyyatının bərpa olunması məsələsini də müzakirə etdik. Ener- ji sahəsində əməkdaşlığın yüksək səviyyəsindən məmnunuq. Parlamentlərarası münasibətlərimiz də yüksək səviyyədədir, amma bu əlaqələr daha da genişləndirilməlidir. Beləliklə, Azərbaycan tərəfi bu görüşdən məmnundur”, - deyə xarici siyasət idarəsinin rəhbəri vurğulayıb. Pakistanın xarici işlər naziri Xavaca Məhəmməd Asif deyib ki, xarici işlər nazirlərinin birinci üçtərəfli görüşü çox məhsuldar keçdi, geniş müstəvidə müzakirələr aparıldı. Ölkələrimiz arasında ticarət dövriyyəsinin artırılması ilə bağlı müzakirələr xüsusi qeyd edilməlidir. Nazir vurğulayıb ki, ticarət dövriyyəsinin üçtərəfli for- matda inkişafı daha faydalı nəticələr verə bilər. “Birbaşa hava nəqliyyatının bərpası üçün lazım olan bütün səyləri göstərəcəyik və hesab edirəm ki, buna nail olacağıq. Beynəlxalq məsələlərdə hər üç ölkənin mövqeləri üst-üstə düşür. Parlamentlərarası əlaqələri genişləndirmək barədə razılığa gəldik. Həmçinin qərara aldıq ki, üçtərəfli formatdan daha geniş istifadə edək”, - deyə pakistanlı nazir qeyd edib. Üçtərəfli görüşün əhəmiyyəti barədə danışan Türkiyənin xarici işlər nazi- ri Mövlud Çavuşoğlu deyib ki, əsas məqsəd ölkələrimiz arasındakı əlaqələri daha da inkişaf etdirməyin yolları barədə müzakirələr aparmaq idi. Ticarət dövriyyəsi daha da inkişaf etdirilməlidir. Xüsusilə müdafiə sahəsində əməkdaşlığı gücləndirə bilərik. Biz bu sahədə bir-birimizi dəstəkləyirik. Nazir görüşdə bu formata hər üç ölkənin parlamentarilərini də cəlb etmək barədə razılıq əldə edildiyini bildirib. “Biz Qara- bağ, Kəşmir və Kipr məsələsinin həllində daha çox həmrəy olmalı və bir-birimizə dəstək zamanı heç nədən çəkinməməliyik. Qarabağ və Kəşmir məsələsində qardaş Azərbaycanın və qardaş Pakistanın daim yanındayıq. Biz terrorçuların İslamı əllərində vasitəyə çevirmələrinə imkan verməyəcəyik”, - deyə nazir qeyd edib. Mövlud Çavuşoğlu Azərbaycanın beynəlxalq are- nada rolunun getdikcə daha da artdığını, önəmli aktora çevrildi- yini vurğulayıb. AZƏRTAC__ÇKP-nin_XIX_qurultayı_Çinin_qarşıdakı_onilliklərdə__strateji_inkişaf_yollarını_müəyyənləşdirdi'>AZƏRTAC ÇKP-nin XIX qurultayı Çinin qarşıdakı onilliklərdə strateji inkişaf yollarını müəyyənləşdirdi Bunu “Sinxua” Agentliyinin müxbirinə eksklüziv müsahibəsində Yeni Azərbaycan Partiyası icra katibinin müavini Siyavuş Novruzov bildirib
Milli Məclisinin ictimai birliklər və dini qurumlar komitəsinin sədri, hakim Yeni Azərbaycan Partiyasının icra katibinin müavini Siyavuş Novruzovun Çin Kommunist Partiyasının (ÇKP) XIX qurultayına həsr olunmuş eksklüziv müsahibəsini yerləşdirib. “Sinxua”nın müxbiri ilə söhbətində S.Novruzov qeyd edib ki, Çin Kommu- nist Partiyasının oktyabr ayında keçi- rilmiş XIX qurultayı tarixə ölkənin və dünyanın siyasi həyatında mühüm hadisə kimi daxil oldu. “Qurultay ÇKP-nin XVIII qurultayından ötən beş il ərzində Çinin nailiyyətlərini, dünyada çox sürətlə yüksələn siyasi və iqtisadi mövqe- yini əks etdirdi. Həmçinin qarşıdakı onilliklər üçün strateji inkişaf yollarını müəyyənləşdirdi”, - deyə komitə sədri vurğulayıb. Deputatın fikrincə, XIX sessiya Çinin daxili və xarici siyasət sahəsində mühüm qərarların qəbul edilməsi, o cümlədən Çin Xalq Respublikasının sədri Si Cin- pinin yenidən ÇKP Mərkəzi Komitəsinin baş katibi, həmçinin MK-ya üzvlərin seçkiləri ilə təqdirəlayiqdir. O diqqətə çatdırıb ki, Si Cinpinin qurultaydakı məruzəsində Çinin daxili və xarici siyasət xəttinin müxtəlif aspektlərinə aydınlıq gətirilməsi ilə yanaşı, ölkənin inkişafında yeni mərhələnin başlanması da bəyan olunub. S.Novruzov deyib: “Si Cinpinin Çinə rəhbərliyi dövründə, yəni 2012-ci ildən bu günədək iqtisadiyyat, siyasət, mədəniyyət, sosial və ekologiya sahələrində, cəmiyyətin rifah halının bütün parametrlər üzrə orta səviyyədə formalaşdırılmasında, islahatların dərinləşdirilməsində, hüquqi dövlət quruculuğunda və partiya idarəçiliyinin gücləndirilməsində uğurlar əldə edilib. Çinin daxili və xarici siyasəti hər bir çinli üçün layiqli həyat şəraitinin təmin olunmasına, həmçinin dünya birliyi ilə ahəngdar münasibətlərə, qarşılıqlı faydalı əməkdaşlığın genişləndirilməsinə yönəlib”. O, həmçinin vurğulayıb ki, ÇXR-in daxili və xarici siyasətində ən başlıca prinsiplərdən biri ölkənin suverenliyi və ərazi bütövlüyünün qorunmasına əsaslanan vahid Çin prinsipidir. S.Novruzov qeyd edib ki, “Bir kəmər, bir yol” təşəbbüsünün (“İpək Yolunun iqtisadi kəməri” və “XXI əsrin Dəniz İpək Yolu”) reallaşdırılmasının davam etdirilməsi Çinin dünya iqtisadiy- yatında hərəkətverici qüvvə rolunu daha da möhkəmləndirəcək. Onun fikrincə, dünya iqtisadiyyatını ÇXR-siz təsəvvür etmək qeyri-mümkündür. “Daxili ticarət həcminin genişlənməsi, ticarət və inves- tisiya sahəsində liberallaşdırma nəinki Çinin, onunla əməkdaşlıq edən ölkələrin də maraqlarına cavab verir”, - deyə depu- tat bildirib. Çinin daxili siyasət kursuna ayrıca toxunan S.Novruzov xüsusilə qeyd edib ki, beynəlxalq münasibətlərdə bu ölkəni təcavüzdən çəkinmək, daxili işlərə qarış- mamaq meyilləri fərqləndirir.
Dini Qurumlarla İş üzrə Dövlət Komitəsi və Azərbaycan Respublikasının Prezidenti yanında Gənclər Fondunun birgə təşkilatçılığı ilə “Gənclər və dini icmalar: əməkdaşlıq və inkişaf” mövzusunda konfrans keçirilib. Dövlət Komitəsinin sədri Mübariz Qurbanlı konfrans- da çıxış edərək mövzunun əhəmiyyətindən danışıb, gənclər və dini icmalar arasındakı qarşı- lıqlı əlaqələrin və bu məsələdə gənclərin rolunun önəmini bildirib. Dini Qurumlarla İş üzrə Dövlət Komitəsinin dini radikalizmə qarşı mübarizədə müxtəlif qurumlarla, o cümlədən gənclər təşkilatları ilə sıx əməkdaşlıq etdiyini diqqətə çatdıran Mübariz Qurbanlı Azərbaycan Respublikasının Prezidenti yanında Gənclər Fondu ilə müxtəlif xarakterli tədbirlərin həyata keçirildiyi- ni qeyd edib. Bildirib ki, dini xurafat, dini radikalizm və ekstremizmə qarşı mübarizədə təbliğat işi daha yüksək səviyyəyə qaldırılmalıdır. Qafqaz Müsəlmanları İdarəsi və Dövlət Komitəsi müxtəlif dövlət qurumları ilə birlikdə bu sahədə geniş proqram həyata keçirir. Azərbaycanda din amilindən istifadə edərək hər hansı formada qarşıdurma yaratmaq və yaxud ictimai- siyasi sabitliyi pozmağa cəhd etməyin mümkün olmadığını bildirən Dövlət Komitəsinin sədri ulu öndər Heydər Əliyevin həyata keçirdiyi siyasəti uğurla davam etdirən Prezident İlham Əliyevin diqqət və qayğısı nəticəsində Azərbaycanda dövlət-din münasibətlərinin yüksək səviyyədə olduğunu vurğulayıb. Diqqətə çatdırıb ki, sovet dönəmində ölkəmizdə 17 məscid mövcud idisə, müstəqil Azərbaycanda hazırda 2000-dən artıq ibadət məkanı fəaliyyət göstərir. Republikamızda 750- dən çox icma var ki, bunun da 28-ni qeyri-İslam icması təşkil edir. Azərbaycanda müxtəlif dini konfessiyalar sərbəst və azad şəkildə dini ayinlərini icra edirlər.
Dövlətimizin başçısı İlham Əliyevin sərəncamı ilə Mənəvi Dəyərlərin Təbliği Fondunun təsis edildiyini bildirən Müba- riz Qurbanlı bunu Azərbaycan Prezidentinin dinimizə və mənəvi dəyərlərimizə diqqət və qayğısının növbəti təzahürü kimi dəyərləndirib. Azərbaycan Respublikası- nın Prezidenti yanında Gənclər Fondunun icraçı direktoru Fərhad Hacıyev rəhbərlik etdiyi qurumun fəaliyyət göstərdiyi altı il ərzində respublikamı- zın müxtəlif bölgələrində 4 minə yaxın layihəni maliyyələşdirdiyini vurğulayıb. F.Hacıyev onların arasında dini dözümlülük, tolerantlıq və dini maarifləndirmə ilə bağlı layihələrin də olduğunu diqqətə çatdırıb. Qeyd edib ki, respublikamızda beynəlxalq forumların keçirilməsi dünyada Azərbaycanın rolunu, ölkəmizə olan hörməti və inamı gündən- günə artırır. Azərbaycan Ağsaqqallar Şurasının sədri, Milli Məclisin deputatı Fəttah Heydərov çıxışında bildirib ki, dünya- da baş verən münaqişələrin fonunda Azərbaycan dövlətinin dini konfessiyalara münasibəti olduqca təqdirəlayiqdir. Prezi- dent İlham Əliyev tərəfindən elan edilən “İslam Həmrəyliyi ili”nin sülhə xidmət etmək baxımından başlanğıc olduğunu vurğulayan Fəttah Heydərov Azərbaycanda müxtəlif dinlərin nümayəndələrinin sərbəst və sülh şəraitində yaşadıqlarını bildirib. Deputat, eyni zamanda, Dini Qurumlarla İş üzrə Dövlət Komitəsi ilə Prezident yanın- da Gənclər Fondunun həyata keçirdiyi tədbirlərin təqdirəlayiq olduğunu vurğulayıb. Milli Məclisin beynəlxalq münasibətlər və parlamentlərarası əlaqələr komitəsi sədrinin müavini Sevinc Fətəliyeva qeyd edib ki, dünyada gedən proseslər, baş verən münaqişələr, terrorizm və dini ekstremizm halları gənclərə də təsir göstərir. Azərbaycanda ictimai-siyasi sabitliyin hökm sürdüyünü diqqətə çatdıran deputat ölkəmizdə multikultura- lizmin həyat tərzinə çevrildiyini bildirib. Bakı Dağ Yəhudiləri Dini İcmasının sədri Milix Yevda- yev, “İrəli” İctimai Birliyinin sədri Mirhəsən Seyidov, Roma Katolik Kilsəsinin ordinarisi Vladimir Fekete, “Gənclər üçün Təhsil Mərkəzi” İctimai Birliyi- nin sədri Fəxrəddin Həsənzadə, Alban-Udi Xristian dini icmasının sədri Robert Mobili və “Asan Könüllüləri” Gənclər Təşkilatı İctimai Birliyinin sədri Bəxtiyar İslamov və digərləri çıxışlarında Azərbaycanda multikultural mühitin inkişafın- da və təbliğində belə tədbirlərin əhəmiyyətini qeyd ediblər. Konfransda mövzu ətrafında müzakirələr aparılıb, rəy və təkliflər dinlənilib. Tədbir çərçivəsində Dini Qurumlarla İş üzrə Dövlət Komitəsi ilə Gənclər Fondu arasında əməkdaşlıq haqqında memorandum imzalanıb. AZƏRTAC Yüklə 0,5 Mb. Dostları ilə paylaş:
|