Y y háribi sózlerdiń barlıq esitilgen jerlerinde jazıladı. Sózdiń, buwınnıń basında: ya,yar, yabı, yamasa, yapırmay, yarım, yapon, yumor, yosh, yod, yubiley, yurist, yusticiya; sózdiń ortasında hám aqırında: ay, jay, may, tay, bay, say, bayraq, taypaq, tiye, biye, Baykal t.b.
L l háribi sózlerdiń barlıq esitilgen jerlerinde jazıladı: lala, lap, láblebi, pálle, ǵálle, pille, al, sal, pil, bil, til, salma, talaq, baldaq, lenta, laborant, ılaqa, ılay, qala t.b.
M m háribi sózdiń barlıq esitilgen jerlerinde jazıladı: mal, may, mol, mala, muz, murın, mektep, keme, aman, samal, múmkin, gúmbez, ilham, qálem, kólem, ilim, magnit, makaron, Murat, Miyras.
N n háribi sózdiń barlıq esitilgen jerlerinde jazıladı: nan, nama, naqıl, tana,
náwshe, nálshe, dene, mákan, kún, qulan, jılan, qan, qanar, neft, nasos, notarius, Naǵmet, Naǵıyma, Nazarbay t.b.
Ń ń háribi sózdiń ortasında hám aqırında jazıladı: ań, tań, seń, soń, toń, kóń, keń, teń, sheńgel, teńge, shúńgil, dońız, ańız, Jańı1, Jańabay, Teńel, keńse, ańsat, jańǵaq, jańǵırıq, jońıshqa t.b.
R r háribi sózlerdiń ortasında hám aqırında esitiliwinshe jazıladı: arba, ara, tarı, arpa, ıras, ırash, ıray, ırısqı, urıq, qurıq, jarıs, qarıq, sarı, ar, tar, tomar, Pirnazar t.b. Shet tillerden ózlestirilgen sózlerdiń basında qısqa ı, i, u, ú dawıslıları esitilse de, ol jazıwda saqlanbaydı: ret, reń, rásmiy, roman, razı, raxmet, Raziya, Reyim, Rayxan, Ramet, Rústem t.b.
H h háribi tiykarınan sózlerdiń basında hám ortasında jazıladı: hárre, házil, halat, haqı, hadal, haq, hal, hákke, hápte, haywan, hesh, hiyle, hinji, hól, hújdan, hújjet, húkimet, húrmet, máhá1, báhár, náhán, sáhár, Hámiyda, Hámre t.b. Ayırım pah, ah, wah sıyaqlı tańlaq sózlerdiń aqırında jazıladı.
Dostları ilə paylaş: |
