Matematika fanini o‘rganish bo‘lajak muhandis, iqtisodchi, tadqiqotchiga ma’lum hajmdagi bilimlarni beribgina qolmay, balki unda turli xil masalalarni qo‘yish, tadqiq etish va yechish qobiliyatini ham rivojlantiradi. Boshqacha aytganda, matematika bo‘lajak mutaxassisning tafakkurini rivojlantiradi va ko‘plab maxsus fanlarni o‘zlashtirish uchun mustahkam konseptual asos yaratadi. Bundan tashqari, uning yordami bilan mantiqiy fikrlash, diqqatni jamlash, aniqlik va qat'iyatlilik qobiliyatlari eng yaxshi rivojlanadi.