4
1
NAMİZƏDƏ QADAĞANDIR:
- imtahana mobil telefon, konspekt, lüğət, cədvəl, məlumat kitabçası və digər yardımçı
vasitələr gətirmək və onlardan istifadə etmək;
- yandırıcı, partlayıcı, kəsici, deşici və digər bu növ əşyalarla imtahan binasına girmək;
- imtahan başladıqdan hər hansı bir səbəbə görə imtahan zalını tərk edib yenidən geri dönmək;
- nizam-intizam qaydalarını pozmaq;
- zalda yerini dəyişmək, gəzişmək, yerindən durmaq və bu kimi hallarla imtahanın gedişinə
mane olmaq;
- başqasının komputerinə baxmaq və ya öz komputerinə başqasının baxması üçün şərait
yaratmaq;
- imtahan nəzarətçisinə test tapşırıqlarının həllində kömək üçün müraciət etmək;
Belə hallar aşkar olunarsa, namizəd test imtahanından xaric olunacaq və onun imtahan
nəticələri ləğv olunacaqdır.
Əgər siz imtahan zamanı qaydaların pozulması halları ilə rastlaşsanız, mütləq nəzarətçiyə
müraciət edin. Test imthan ilə bağlı Sizi maraqlandıran hər hansı suallarla, o cümlədən
test imtahanın gedişi ilə bağlı 012-521-15-85 nömrəsi ilə əlaqə saxlaya və ya
tt@socar.az
elektron poçt ünvanına məktub göndərə bilərsiniz.
Nəzarətçinin vəzifəsi imtahanın gedişi zamanı nizam-intizam yaratmaqdır. İmtahanın
başlandığı elan edildikdən sonra vaxt itirmədən test tapşırıqlarının cavablandırın. İmtahan
qaydalarına zidd hər hansı hərəkətə yol verməyin.
Nəzarətçinin fəaliyyəti imtahan prosesinin tələblərinə uyğun olmazsa, bu barədə imtahan
başa çatdıqdan sonra İnsan Resursları Departamentinin Testləşdirmənin təşkili şöbəsinə
məlumat verin. Test imtahan zalından çıxdıqdan sonra test imtahan proqramının işi ilə
əlaqədar şikayətlərə baxılmayacaqdır.
Sizə müvəffəqiyyətlər arzulayırıq!
2016
AZƏRBAYCAN RESPUBLİKASI DÖVLƏT NEFT ŞİRKƏTİ
www.socar.az
YADDAŞ
KİTABÇASI
(SOCAR-ın təlim mərkəzlərinə şagird qəbulu üzrə test imtahanı)
Aşağıdakıları imtahana gətirmək qəti QADAĞANDIR!
İmtahan nəticələrinizi
www.socar.az
internet səhifəsindən öyrənə bilərsiniz!
BAKI – 2016
İMTAHANDA İŞTİRAK ETMƏK ÜÇÜN AŞAĞIDAKILARA
ƏMƏL ETMƏLİSİNİZ:
1.Siz test imtahanına dəvət edilən vaxtdan ən azı 1 saat əvvəl imtahanın keçiriləcəyi binanın
qarşısına gəlməlisiniz. Test imtahan zalına şəxsiyyəti təsdiq edən sənədi təqdim etdikdən sonra
buraxılırsınız.
2
3
DİQQƏT!
Şəxsiyyəti təsdiq edən sənəd təqdim edilmədikdə və ya təyin edilən vaxtda
gəlmədikdə imtahana buraxılmayacaqsınız!
2.Şəxsiyyəti təsdiq edən sənədinizi imtahan binasının giriş qapısında sənədləri yoxlayan
mühafizə əməkdaşlarına təqdim edib, müvafiq siyahıda imza etdikdən sonra test imtahan zalına
dəvət ediləcəksiniz.
İDDİAÇININ İMTAHAN ZALINDA GÖRƏCƏYİ İŞLƏR:
1.Test imtahan zalında göstərilən yerdə oturduqdan sonra nəzarətçinin izahatını və təlimatı
diqqətlə dinləyin. Təlimatla bağlı hər hansı sualınız olduqda əlinizi qaldırıraq nəzarətçiyə
müraciət edin.
2.Test imtahanı başlamazdan əvvəl vətəndaşlar test tapşırıqlarının yerinə yetirilməsi şərtləri,
hüquq və vəzifələri, auditoriyada davranış, eləcə də texniki təhlükəsizlik qaydaları haqqında
(elektron və ya şifahi) habelə imtahan prosesinin test otağında quraşdırılan kamera vasitəsi ilə
çəkilişi barədə təlimatlandırılırlar. Test imtahanı zamanı vətəndaşların köməkçi vasitələrdən
istifadə etməsi və kənardan hər hansı müdaxilənin edilməsinə yol verilmir.
DİQQƏT!
Bu prosedur tələbinə riayət olunmadıqda vətəndaş imtahan zalından
kənarlaşdırılır və nəticələri ləğv olunur. Test imtahan tapşırıqlarının surətini imtahan
zalından kənara çıxarıla bilməz.
3.Təlimat bitdikdən sonra Sizə təqdim edilmiş FİN vasitəsilə test imtahan proqramına daxil
olacaqsınız.
DİQQƏT!
Sizə təqdim edilən test tapşırıqları ilə bağlı hər hansı uyğunsuzluk olarsa dərhal
nəzarətçiyə müraciət edin. Unutmayın ki, məzmununda səhv getmiş hər hansı bir test tapşırığı
cavablandırmanızdan asılı olmayaraq düzgün cavab kimi xeyrinizə qiymətləndiriləcəkdir.
4.Test imtahan proqramına daxil olduqdan sonra test tapşırıqlarına cavab vermək üçün ayrılan
vaxtdan səmərəli istifadə edin.
5.Hər bir test tapşırığının düzgün cavabı bir balla qiymətləndirilir. Səhv cavablar ümumi
nəticəyə təsir göstərmir.
Ballarınız hesablanarkən yalnız cavablandırdığınız cavablar nəzərə alınır.
Hər bir test tapşırığında verilmiş beş cavabdan (bunlar A, B, C, D, E hərfləri ilə işarələnmişdir)
düzgün hesab etdiyiniz yalnız bir cavabı seçin.
Test imtahan proqramında yaranan hər hansı texniki çatışmazlığa görə dərhal nəzarətçiyə
müraciət edin. Sizdən asılı olmayan səbəblərdən test imtahanından ayrılmış vaxtdan tez
çıxarsınızsa, bu barədə nəzarətçiyə dərhal məlumat verin. Bu zaman istifadə edə bilmədiyiniz
müddət bərpa olunacaqdır. İmtahan bitdikdən sonra müddətin bərpası ilə bağlı müraciətiniz
təmin edilməyəcəkdir.
DİQQƏT!
Başqasının cavablarını köçürməyin. Özünüz də diqqətli olun ki, sizin
cavablarınızı heç kim köçürməsin. Hər hansı köçürmə faktı aşkar edilərsə, imtahan
nəticələriniz ləğv olunacaqdır.
6.Test imtahan zamanı Sizə orta məktəb fənn proqramlarını tam əhatə edən 70 test tapşırığı
təqdim olunur:
Riyaziyyat
- 25 test tapşırığı;
Fizika
- 15 test tapşırığı;
Kimya
- 15 test tapşırığı;
Milli dövlətçilik və Azərbaycan tarixi - 10 test tapşırığı;
Məntiq
- 5 test tapşırığı.
7.Hesablamaları və qeydləri aparmaq üçün Sizə boş kağızlar verilməsi nəzərdə tutulmuşdur.
Buna görə də əlavə kağızdan istifadə etməyə icazə verilmir.
Qaralama üçün Sizə verilmiş kağızların zaldan çıxarılmasına görə namizəd şəxsən
məsuliyyət daşıyır.
8. Hər hansı sualınız olduqda, nəzarətçinin sizə yaxınlaşması üçün əlinizi qaldırın.
9.Vaxtından əvvəl imtahanı tərk etmək istəyisinizsə, elektron təlimata uyğun olaraq test
imtahanını yekunlaşdırmalı, öz imtahan nəticələrinizi test imtahan proqramında tanış olduqdan
sonra zalı tərk etməlisiniz.
10.İmtahan zalını tərk edərkən səssizliyə əməl etməli, digər namizədlərə mane olmamalısınız.