20
ildə 100 dirhəm vəd edir. 703-cü ildə Fars əyalətində özlərini müstəqil aparan kürdlərin
müqavimətini qırmaq üzün bura yeridilən ərəb qoşununa xilafətin şərq vilayətlərinin
hakimi əl-Xəccac şəxsən özü rəhbərlik edir.
744-cü ildə anası kürd olan Məhəmməd ibn Mərvan (II Mərvan) xəlifə təyin
olunur. O, 750-ci ilə qədər xilafətə başçılıq edir (33,31). Xəlifə təyin olunanadək II
Mərvan on iki il (732-744)
Qafqazda hərbi döyüşlərdə təcrübə qazanmış, ərəb
qoşunlarının Kiçik Asiyada Vizantiya imperiyasına qarşı hərbi əməliyyatlarına başçılıq
etmişdir.
750-ci ildə Xəlifə Mərvan öldürüldü və xilafətin başına abbasilərsülaləsi keçdi.
Abbasilər 1258-ci ilədək xilafətə başçılıq etdilər. Abbasilərin birinci xəlifəsi Abal-Abbas
(749-754) hakimiyyətə keçən kimi Kürdüstan şəhərlərində yeni başçılar təyin etməklə
burada öz iqtidarını güclənirdi. Xəlifə əl-Mənsur (754-775) abbasilərə qarşı Xürrəmilər
hərəkatı geniş vüsət almağa başlayır. Ərəb mənbələrinin verdiyi məlumata görə kürdlərin
üstünlük təşkil etdiyi Cibal vilayətində Əhalinin əksəriyyəti “xürrəmi dinini” qəbul etmişdi
(32,37). Həmədan rayonunda xürrəmi hərəkatına qarşı döyüşdə ərəblər 60 mindən çox
əhalini (əsasən kürdləri) məhv etmişdi. Ərəb alimi əl-Məsudinin verdiyi məlumata görə
kürdlərin böyük əksəriyyət təşkil etdiyi Cibalda xürrəmilərin sayı 200 min nəfərdən çox
idi (33,38).
IX əsrin 30-cu illərində Mosal vilayətindən ərəblərə qarşı kürdlərin daha güclü
üsyanı baş qaldırır. Ərəb mənbələrinin verdiyi məlumata görə geniş ərazini əhatə edən və
838-ci ildə başlayan bu üsyana kürdlərin rəhbəri Cəfər ibn Fəhərcas başçılıq edirdi. Bu
üsyan haqqında ərəb müəlliflərindən İbn əl-Fəkih, əl-Məsudi, ad-Dinavəri, İbn əl-Əsir, İbn
Xaldun və başqaları öz əsərlərində müəyyən məlumatlar vermişlər. Məsələn, Əl-Məsudi
yazır ki, Cəfər ibn Fəharcasın rəhbərlik etdiyi bu üsyan Mosal, Azərbaycan və Ermənistan
arasındakı geniş ərazini (başqa sözlə Kürdüstanın böyük bir hissəsini) əhatə edirdi (33,41).
Həmin üsyandan ciddi narahat olan Xəlifə
əl-Mötəssim 840-cı ildə görkəmli
sərkərdə İtahın başçılığı altında böyük miqdarda qoşunu kürdlərin üzərinə yeritdi. Ciddi
müqavimətə baxmayaraq, üsyan məğlubiyyətə uğradı. Ərəb mənbələri bu qələbəni Xəlifə
əl-Mötəsinin hakimiyyəti dövründə altı ən mühüm qələbədən biri kimi göstərir, üsyana
rəhbərlik edən Cəfəri Xürrəmilərin rəhbəri Babək, Təbəristan Knyazı Məzyar və digər
görkəmli sərkərdələrlə
müqayisə
edirlər. Dasin dağlarında
həbs edilən Cəfər
öldürüldükdən sonra cəsədi Babək (837) və Məzyarın (839) edam edildiyi Sammara
şəhərinə göndərilir və burada parça-parça edilir.
900-cü ildə Suriyada kərmatilər hərəkatı küclənməyə başlayır. Zikrəvayhın rəhbərlik
etdiyi bu hərəkat tezliklə bütün Suriya və İraq ərazisinə yayılmağa başlayır. ərəb
mənbələrində suriyanın qərb rayonlarından birinə hakimlik edən Cəfər ibn Həmid əl-
21
Kürdiyə İbn Zikrəvayhın yazdığı məktuba rats gəlirik ki, bu da onu göstərir ki, kürdlər
suriyanın qərbində hələ IX əsrdə məskunlaşmışlar və onlar kərmatilər hərəkatında fəal
iştirak etmişlər. Belə ki, həmin məktubda İbn Zikrəvayh Cəfər ibn Həmid əl-Kürdidən
xahiş edir ki, ora göndərilən qoşuna köməklik göstərsin və baş verən hadisələr haqqında
düzgün məlumat göndərsin (33,47).
IX əsrin ikinci yarısında ərəblərə qarşı mübarizədə Şimali Mesopotomiyada,
xüsusilə Mosal vilayətində yaşayan kürdlər mühüm rol oynamışlar. 868-ci ildə xaricilər
hərəkatı Müsavir ibn əl-Həmid ibn Müsavir əş-Şarinin başçılığı ilə Mosal vilayətində
geniş vüsət almağa başladı. Bu hərəkatda əsasən kürdlər və ərəblər iştirak edirdi.
Məlumolduğu kimi xaricilik IIV əsirdə meydana çıxmış ictimai-siyasi və dini cərəyandır.
Dördüncü xəlifə Həzrət Əli Suriyada Əmavilərlə müharibədə (657) qələbə əzminə olarkən
aldanaraq döyüşü dayandırıb, danışıqlar aparmağa razı olduğu üçün bir qrup onun
ordusundan ayrılmış və buna görə də xaricilər adlanmışlar. Xaricilərin təliminə görə imam
və ya hər hansı müsəlman başçı bütün şəxslərdən, müxtəlif sinfin nümayəndələrindən
seçilə bilər; rəhbər üçün başlıca şərt-onun ədalətli olmasıdır (34,57).
Xaricilərin üsyanı qısa vaxt ərzində genişlənərək bütün Mosul vilayətini bürüdü.
Xaricilərin Mosuldan Xulvana doğru irəlilədiyini görən Xəlifə onların üzərinə qoşun
yeritdi, lakin ərəb qoşunları məğlub olub geri çəkilmək məcburiyyətində qaldı. Xaricilər
az vaxt ərzində Mosalda, Xadissdə, Tikritdə, Sincarda, Nisaybində, Haburda hakimiyyəti
ələ keçirtdilər. 876-cı ildə hərəkatın başçısı Müasavir əş Şari vəfat etdi. Xaricilər
Şəhrizurda yerləşən kürd Məhəmməd ibn Hurrada müraciət edərək hərəkata başçılıq
etməsini ondaç xahiş etdilər. O, əvvəlcə bu təklifi qəbul etmədi, sonradan fikrini dəyişsə
də müəyyən münaqişələr nəticəsində Harun əl-Bacəli əş Şari hərəkatın başçısı təyin
olundu.
892-ci ildə yeni Xəlifə əl-Mütədid (892-902) kürdləri öz tərəfinə çəkmək və
beləliklə Mosal vilayətində qayda-qanun yaratmaq məqsədi ilə həmin vilayətə Əli bin
Davud ibn Ruhzadə əl-Kürdini hakim təyin edir. 894-cü ildə Xəlifə əl-Mütədid Mosal
üzərinə qoşun yeritdi. Bunu eşitən kürdlər və onlarla birgə hərəkət edin köçəri ərəblər son
damla qanlarınadək vuruşmaq qərarına gəldilər. Onlar yan-yana üç süvari dəstəsi yaradıb
bununla öz ailələrini qorumağa başladılar. Ciddi müqavimətə baxmayaraq üsyançılar
saysız-hesabsız xilafət qoşununun böyük təzyiqinə tab gətirə bilmədi və məğlub oldular.
Onların bir qismi öldürüldü, xeyli hissəsi Zab çayında boğuldu, müəyyən hissəsi isə əsir
alındı. Buradan Bağdada doğru irəliləyən Xəlifə yol üstü kürdlərin yaşadığı əl-Həsəniyə
məntəqəsinə daxil oldu. İbn əl-Əsirin məlumatına görə burada ərəblər on min qoşuna
başçılıq edən və özünün müdafiə qalası olan kürd şəddadla qarşı-qarşıya gəldi. Xilafıt
çox çətinliklə də olsa Şəddadın qoşunlarını məğlub edib, qalasını dağıtdı.
Dostları ilə paylaş: |