52
məbləği (qiymətləndirilən obyektin köhnəlməsi uçota alınmaqla) nəzərdə tutulur.
Qiymətləndirmə təcrübəsinə əsasən oxşar obyekt məfhumu dəqiq münasibət tələb edir.
Analoq kimi qəbul olunan belə əmlak qiymətləndirmə obyektinə tam, həm də keyfiyyət
və kəmiyyət baxımından oxşar olmaqla müasir materiallardan istifadə üzrə yeni
texnologiyaya əsaslanmalıdır. Əvəzetmə dəyəri əsasən, sığorta məqsədi ilə müəyyən
edilir. Bəzən də, obyektin təkrar istehsal dəyərinin müəyyən edilməsi mümkün
olmadıqda baş verən itkilərin hesablanması məcburiyyəti də bu dəyərə müraciət
olunmasını tələb edir.
Qalıq əvəzetmə dəyəri əvəzetmə dəyərinin tərkib hissələrindən biri sayılır.
Başlıca fərq, onun əsasən aşınmaya məruz qalmış əmlak növlərinə şamil
edilməsindədir.Qiymətləndirilən aşınmış obyektin qalıq əvəzetmə dəyəri dedikdə,
həmin obyektin açıq və rəqabətli bazardan alınan, bütün xassələrinə görə deyil, yalnız
qalıq funksional, konstruktiv və istismar göstəriciləri üzrə əvvəlkindən pis olmayan
analoji obyektlə əvəz olunmasına çəkilən minimal (cari qiymətlərlə) ümumi xərclərin
məbləği başa düşülür. Bu dəyərin əvəzetmə dəyərindən fərqi ondadır ki, bu zaman
alınmış əvəzetmə dəyərindən fiziki və mənəvi aşınma çıxılır. Şübhəsiz ki, nəticənin
reallıqları hesablamanın aparılması dəqiqliyindən daha çox asılı olur. Qalıq əvəzetmə
dəyəri hesablanarkən əvəzedici kimi nəzərə alınan xüsusiyyətlərə görə
qiymətləndiriləndən pis olmayan analoji, yaxud ona ekvivalent obyekt seçilir. Bütün
hallarda qiymətləndiricinin təcrübəsi, onun peşəkarlığı ön plana keçir.
Ə
mlakın sığorta dəyəri onun sığorta olunması və ya baş verən sığorta hadisələri
ilə əlaqədar proseslər zamanı tələb olunur. Bu dəyər əmlakın sığorta kontraktının yaxud
polisinin müddəaları ilə müəyyənləşdirilən, dövlət və xüsusi sığorta sferasında istifadə
edilən metodikalarla hesablanan dəyəridir. Təcrübədə daşınmaz əmlakın sığorta dəyəri
bir qayda olaraq, bina və qurğuların sığorta hadisəsinin baş verməsi nəticəsində
zədələnə biləcək hissələrinin tam əvəz olunması şərti əsasında müəyyənləşdirilir.
Ə
lbəttə zədələnmə dərəcəsindən asılı olaraq məsələyə yanaşılması lazım gəlir.
Ə
mlak sığorta edilərkən öyrənilməsi zəruri olan amillərdən biri də, əmlakın
dəyərinin (sığorta dəyərinin) dəqiq hesablanmasıdır. Qeyd etmək lazımdır ki, sığorta
53
dəyərinin hansı metodlar və yanaşmalar üzrə müəyyən edilməsi istiqamətində fikir
ayrılıqları hələ də mövcuddur. Lakin, hər bir ölkənin qanunvericlik qaydalarından,
regionun xüsusiyyətlərindən, əmlakın növündən asılı olaraq qiymətləndirici özünün
düzgün seçimini etməlidir.
Təkrar istehsal dəyəri – oxşar tikinti obyektindəki tikintinin oxşar materiallar və
eyni texnologiya üzrə aparılmasını nəzərdə tutur. Qiymətləndirilən obyektin əvəzetmə
dəyərində olduğu kimi, təkrar istehsal dəyərinin hesablanması da sığorta
məqsədlərindən və baş verən itkilərin hesablanması tələblərindən irəli gəlir.
Vergiyə cə lb olunma mə qsə di ilə də yə r – qiymətləndirmə obyektinə vergiqoyma
bazasının müəyyən edilməsi üçün istifadə olunan dəyər, yaxud mülkiyyətə vergi
qoyulmasına dair müvafiq sənədlər bazasında hesablanan dəyərdir. Başqa sözlə,
vergiqoyma dəyəri dövlət vergiqoyma orqanları tərəfindən təsdiq olunmuş metodikalar
ə
sasında hesablanan dəyərdir. Bu məqsədlə də, Azərbaycan respublikasının müvafiq
qanunlarından mövcud hüquqi-normativ sənədlərdən istifadə edilir. Vergiqoyma dəyəri
bir qayda olaraq, qiymətləndirmə yanaşmaları və metodları tətbiq edilməklə
müəyyənləşdirilir.
Məhdud bazar şəraitində dəyər. Bəzi əmlak növləri üzrə bazarın məhdudluğu
mövcuddur. Bu, bir sıra səbəblərlə əlaqədardır. Birincisi, əmlak sahibinin arzusundan,
yəni onun əmlakın satılmasının geniş təbliğ olunmasını istəməməsindən irəli gəlir.
kincisi, əmlakın açıq bazarda satışı mümkün olmur və ya bu yolla satış olduqca baha
başa gəlir. Üçüncüsü, əmlaka böyük tələbatın olmamasına görə sahibi onun satışı üçün
uzun müddət gözləməli olur. Digər tərəfdən, elə əmlak növləri vardır ki, onların
alınması və istifadəsi xüsusi müştərilər (alıcılar) təbəqəsinə məxsusdur. Fərdi qaydada
və ya xüsusi fərdi sifarişlərlə hazırlanan əmlak növlərinin açıq bazara çıxarılmasına
ehtiyac olmur. Elə əmlak növləri də vardır ki, onlar yalnız istehsal və xidmət təyinatlı
müəssisələrin fəaliyyəti ilə əlaqədardır və onların daxili qurumlarında satışa təklif
olunur. Açıq ticarət şəbəkələrində həmin əmlakdan (məhsuldan) geniş çeşidlərdə və
nisbətən ucuz qiymətə olmasına baxmayaraq belə müəssisələrdə xeyli baha qiymətə
təklif olunur. Bu hallarda isə, satış az olur. stehsal və xidmət təyinatlı müəssisələr əsas
54
fəaliyyətlərindən istənilən qədər mənfəət götürdüklərinə görə həmin əmlakın satışında
o qədər də maraqlı olmurlar. Başlıca məqsəd əsas fəaliyyətin cəlb etdiyi müştərilərin
ə
lavə ehtiyaclarının ödənilməsinin təmin edilməsidir. Bu zaman fərdi sifarişlər
prinsipinə daha çox əsaslanılır.
Mövcud istifadə olunma şə raitində də yə r (istehlak də yə ri). Tələb və təklifdən,
rəqabət amillərindən asılı olaraq qiymətləndirmə obyektinin dəyəri vaxtaşırı arta və ya
azala bilər. Dünya təcrübəsində təsdiq edilmişdir ki, əmlakın dəyəri şəraitdən, istifadə
olunma təyinatından, texnologiyanın yeniləşməsindən, ölkənin bütünlüklə investisiya
cəlbediciliyindən və sairədən daha çox asılı olur.
Tam bərpa dəyəri – bütün funksional xassələrinə və fiziki parametrlərinə görə
oxşar obyektin yararlılıq və müştəri cəlbetmə xassələrini tamamilə özündə əks etdirən
qiymətləndirmə obyektinin dəyəridir. Tam bərpa dəyəri təkrar istehsal dəyərindən
köhnəlmənin kəmiyyəti qədər fərqlənir. Bu dəyər “xüsusi dəyər” anlayışı kimi də
işlədilir.
Qalıq bərpa dəyəri - tam bərpa dəyərindən əmlakın ötən xidmət müddətindəki
ümumi dəyərsizləşməni çıxmaqla müəyyən edilir. Bu dəyər əmlakın həm fərdi və həm
də kütləvi qiymətləndirilməsi prosesində tətbiq edilir. Eyni zamanda tam və qalıq bərpa
dəyərlərindən əsas fondların kütləvi yenidən qiymətləndirilməsi zamanı da istifadə
olunur.
Util dəyəri - buna bəzən istifadə dəyəri də deyilir. Elə qiymətləndirmə obyektləri
vardır ki, onlar istifadə üçün yaramır, lakin onun tərkib hissəsi olan materiallardan
istifadə etmək mümkündür. Bu zaman həmin obyektdə mövcud olan yararlı
materialların dəyəri (həmin materialların sökülməsi və yararlı vəziyyətə gətirilməsi ilə
ə
laqədar xərclər çıxıldıqdan sonra) bu obyektin util dəyəri adlanır.
Utilləş dirmə də yə ri – mülkiyyət obyektinin tərkibində olan materialların əlavə
təmir aparılmadan dəyərinin məcmusu kimi nəzərə alınan dəyəridir. O, satış xərcləri
uçota alınmaqla hesablanır və mahiyyət etibarilə əmlakın ayrı-ayrı elementlərinin
satışının dəyərinəuyğun bir kəmiyyətdir. Yeri gəlmişkən qeyd edək ki, həm util və həm
də utilləşdirmə dəyərləri torpaq sahəsinə şamil edilmir.
Dostları ilə paylaş: |