154
Qeyd edildiyi kimi, tikintiyə aid layihə-smeta sənədləri olmadığı təqdirdə,
obyektin bərpa dəyəri ümumiləşdirilmiş indekslərlə hesablanır. Obyektin dəyəri məsrəf
yanaşması ilə müəyyənləşdirilərkən aparılan hesablamalara artırılmış indekslər
praktiki olaraq tətbiq edilmir. Ona görə ki, belə indekslər yalnız eynitipli sənaye
obyektlərinə tətbiq edilə bilər. Əks təqdirdə, bu obyektlərin özünəməxsus
xüsusiyyətlərinin təsiri altında ciddi kənarlaşmalar baş verər.
Bəzən bir neçə il əvvəl inşa edilmiş oxşar binalardan birində kiçik zirzəminin
tikilməsi əlavə xərc tələb etmişdirsə də, ola bilsin ki, bu zirzəmi mövcud alıcı üçün
arzuolunan deyil. Beləliklə, artırılmış indekslər, heç də həmişə obyektin real bərpa
dəyərini düzgün əks etdirə bilmir. Ona görə də, bəzən obyektin dəyərini məsrəf
yanaşması ilə müəyyənləşdirmək üçün 1984-cü ilin Qiymətlər Toplusundan istifadə
olunur. Buna istinad edərək, qiymətləndirilən obyektin tikintisinə dair smeta sənədləri
hazırlanır. Daha sonra alınan dəyəri ilkin səviyyəyə (1991-ci ilin qiymətləri) gətirərək,
ilkin smeta dəyərini bazar metodlarına və iqtisadiyyatın yeni idarəetmə üsullarına
keçidlə əlaqləndirilməsi işi aparılır. Eyni zamanda o, infilyasiyanın təsiri ilə əlaqədar
materialların, tikinti - quraşdırma işlərinin başlanma dinamikasını əks etdirən uyğun
ə
msala vurulmaqla, qiymətləndirmə tarixinə obyektin məsrəf yanaşması ilə
hesablanmış dəyəri müəyyən edilir.
Təcrübə göstərir ki, obyektin bərpa dəyərini Bərpa Artım ndeksləri Toplusu
(BA T) üzrə daha tez müəyyənləşdirmək olar.Tələb olunan şərtlər təmin edildikdə,
qiymətləndirici üçün həmin topludan istifadə edilməsi daha önəmli olur. Bu topludan,
qiymətləndirilən obyektin oxşarı və müqayisə vahidi seçilir (1 m
2
yaşayış sahəsi, 1m
3
həcm, 1 dayanacaq və s.), onun əsasında hesablanan ilkin dəyər qiymətləndirmə
tarixinin cari dəyərinə keçirilir. Beləliklə, daha sonra qiymətləndirici tərəfindən
araşdırmalar aparılaraq, obyektin ümumi həcmində (%-lə) xüsusi çəkiyə malik, ayrı-
ayrı konstruktiv tikinti elementləri (özül, divarlar, örtüklər, dam və s.) üzrə bina və
tiklilərin fiziki aşınması hesablanılır.
Peşəkar qiymətləndiricilər əmlakın bərpa dəyərinin hesablanması işi ilə məşğul
olarkən “tərəzi”nin digər tərəfi kimi həmin obyektin smeta dəyərini də nəzərdən
155
qaçırmırlar. Bu qayda ilə qiymətləndirici, qiymətləndirilən bina və tikililərin
qiymətləndirmə anındakı bərpa dəyərini obyektin orta fiziki aşınma əmsalı nəzərə
alınmaqla, onun smeta dəyəri kimi hesablamış olur. Başqa sözlə desək, bu qayda ilə
bərpa dəyərinin müəyyən edilməsi aşınmanın nəzərə alınması kimi başa düşülə bilər.
Ş
übhəsiz ki, bu da qiymətləndirmə obyektinin mövcud real dəyərinin əldə edilməsinə
kömək edər. Məsrəf yanaşmasının ən mürəkkəb cəhəti məcmu köhnəlmələrin müəyyən
edilməsindən ibarətdir. Bu məsələnin şərhi köhnəlmədən bəhs edən mövzularda tam
izahını tapmışdır.
Qeyd etmək lazımdır ki, məsrəf yanaşması üzrə aparılan qiymətləndirmə konkret
obyekt dairəsində müştərinin gələcək arzuları ilə bağlı sualları cavablandıra bilmir.
Doğrudur, bu yanaşma yalnız mövcud olan aktivlərə şamil edildiyinə görə, bir qədər
mücərrədliyə malik olmaqla qəbul edilən sayılır. Lakin, qiymətləndirilən obyektin
gələcəyinin (perspektivinin) nəzərə alınması, daha çox əmək tutumluluğu, habelə
qiymətləndirilən obyektin gəlirliliyi barədə təsəvvürün yaranmaması baxımından digər
yanaşmalara nisbətən qeyri-mükəmməl hesab olunur.
Qiymətləndirici işə başlayarkən sadalanan problemlərin həlli ətrafında hərtərəfli
düşünməlidir. Eyni zamanda bərabər satış bazarı məhdud olan, görünüşünə və
təyinatına görə bənzəyişli, yeni istifadəyə verilən tikililər və habelə müştərilərin tələbi
və ehtiyacı baxımından o qədər də üstün əhəmiyyət kəsb etməyən obyektlərin
qiymətləndirilməsində bu yanaşma tətbiq edilir və onun əhatə çərçivəsində lazım olan
metod və üsullardan istifadə edilir.
Hər bir metod üzrə aparılan hesablamalar zamanı onların nəticələri arasındakı
ziddiyyətlər baxımından daha ehtiyatlı olmaq lazım gəlir. Təcrübə göstərir ki,
qiymətləndirmə obyektinin tam bərpa dəyəri – tikinti-quraşdırma işlərinin,
materialların, konstruksiyaların qiymətlərinin, ticarət əlavələrinin, nəqliyyat tariflərinin
cari səviyyələri nəzərə alınmaqla, köhnə layihə üzrə ilkin vəziyyətə gətirmək üçün
onların tam bərpasna lazım olan vəsaitlərin dəyəridir. Həm beynəlxalq və həm də milli
standartlara istinad edərək, aparılan hesablamalar bunu bir daha təsdiq edir.
156
Təcrübədən aydın olur ki, bəzən tikinti-layihə sənədlərindəki texniki qüsurlar və
hətta sənədlər olmadıqda, obyektin bərpa dəyəri iriləşdirilmiş göstəricilər əsasında
hesablanmalı olur. Obyektə vizual baxış keçirdikdən sonra bina və qurğuların ayrı-ayrı
konstruksiya inşaat elementlərinin (bünövrə, divarlar, örtüklər, dam və s.) obyektin
ümumi həcmində xüsusi çəkisi (faizlə) və onların fiziki köhnəlməsi müəyyən olunur və
orta fiziki köhnəlmə əmsalı hesablanır. Beləliklə, qiymətləndirilən bina və qurğuların
bərpa dəyəri qiymətləndirilmənin keçirildiyi vaxt obyektin orta fiziki köhnəlmə əmsalı
nəzərə alınmaqla, smeta dəyəri kimi müəyyən edilir. Başqa sözlə, bu metod obyektin
köhnəlmə dəyəri çıxılmaqla, bərpa dəyərinin qiymətləndirilməsini əks etdirir ki, bunu
da təbii hesab etmək olar.
Digər tərəfdən xərc mövqeyindən yanaşma bütün yekun köhnəlmənin
kəmiyyətini çıxmaqla obyektin yeni bərpa dəyərinin hesablanmasıdır. Bu yanaşmanın
üstünlüyünü artıran amillərdən biri də tikinti xərcləri üzrə məlumatların kifayət qədər
dəqiq və dürüst olmasıdır. Yanaşmanın mənfi tərəfi isə, köhnəlmənin bütün
formalarının dəqiq qiymətləndirilməsinin mürəkkəbliyidir. Beləliklə, təcrübəli satıcılar
və alıcılar öz qərarlarının qəbul edilməsində tikinti xərclərinə ciddi istinad etdikləri
hallarda xərc yanaşmasından istifadə olunması daha münasibdir. Digər üstünlüklərdən
biri də ondan ibarətdir ki, bu yanaşmanın tətbiqi konkret proqnoz məlumatları ilə bağlı
olduğundan və qiymətləndirmə tarixinə real dəyəri əks etdirdiyinə görə, kifayət
dərəcədə əsaslandırılmış dəyər göstəricisi əldə etməyə imkan yaradır. Qeyd oluna bilər
ki, yerli bazarda tikinti materiallarının mövcud olan yüksək qiymətləri, habelə anbar
kimi istifadə üçün təklif edilən sahələrin çoxluğu potensial alıcılara yeni tikintini artıq
hazır olan obyektlərin alternativi kimi nəzərdən keçirməyə imkan vermir. Bununla
bərabər, xərclər metodu növünə və təyinatına görə nadir, bazarı olmayan obyektlər
yaxud köhnəlməsi cüzi olan obyektlərin qiymətləndirilməsində daha səmərəli olur.
Xərc mövqeyindən yanaşma yeni obyektin inşası xərclərinin mövcud obyektlərin
alınmasına gəlirlilik, yaxud müqayisə metodu ilə müəyyənləşdirilmiş xərclərdən xeyli
az olmasını göstərərsə, bu fakt investoru yeni tikinti variantını seçməyə sövq edə bilər.
Dostları ilə paylaş: |