157
Beləliklə, məlumatlandırılmış investorun hərəkətlərinə müəyyən dərəcədə təsir
göstərdiyinə görə xərc yanaşması ilə əldə olunmuş nəticələri nəzərə almamaq olmaz.
Xərc mövqeyindən yanaşma daşınmaz əmlakın dəyərinin tikili kimi
qiymətləndirilməsinə əsaslanır. Həmin dəyər binanın dəyəri (onun modernləşdirilməsi
və ya bərpası) ilə ehtimal olunan, yaxud müəyyənləşdirilmiş fiziki və mənəvi köhnəlmə
arasındakı fərqin üzərinə torpaq sahəsinin dəyərinin əlavə edilməsi yolu ilə hesablanır.
Qeyd edək ki, Azərbaycanda sosial-iqtisadi inkişaf proqramının uğurla həyata
keçirilməsi nəticəsində torpaq alıcıları artır. Bazar məzənnəsi sürətlə dəyişir. Bu da,
torpağın qiymətinə daha diqqətlə yanaşmanı tələb edir. Qiymətləndirmə obyektinin
dəyəri müəyyən edilərkən bərpa və modernləşdirmə dəyərləri bir-birindən
fərqləndirilməlidir.
Modernləşdirmə, yaxud bərpa dəyəri müəyyənləşdirilərkən istifadə olunmuş
materialların dəyəri, əmək məsrəfləri, işlərin texniki təşkili üzrə xərclər, inzibati xərclər
nəzərə alınmalıdır. Hesablama prosesini sadələşdirmək üçün iri şəhərlərdə bərpa dəyəri
1m
2
sahənin bərpasının dəyəri kimi müəyyənləşdirilir. Modernləşdirmənin dəyəri inşaat
materiallarından və texnologiyalardan istifadə olunmaqla inşa edilmiş oxşar obyektin
dəyəri əsasında müəyyənləşdirilir.
Hesablama üsulu kimi xərclərin təhlili daşınmaz əmlakın idarə olunması
baxımından müəyyən üstünlüklərə malikdir. Bu üsul şirkətə xalis gəlirin məbləğinin
asılı olduğu obyektin köhnəlmə səviyyəsi və sığorta haqqının miqdarı amillərini dəqiq
qiymətləndirmək imkanı verir. Bu cür qiymətləndirmənin dəqiqliyi, bütövlükdə
köhnəlmə dərəcəsinin düzgün hesablanmasından və torpağın müqayisəli dəyərinin
müəyyənləşdirilməsindən asılıdır. Kifayət qədər məlumata malik olan alıcı heç vaxt
daşınmaz əmlak obyektinə eyni xərclə əldə edə biləcəyi oxşar obyektə görə tələb
olunan məbləğdən artıq vəsait ödəmək (ödənişin vaxtında yerinə yetirilməsi şərti ilə)
niyyətində olmur.
Xərc mövqeyindən yanaşma metodu tipik alıcının daşınmaz əmlak obyektinə
görə eyni dəyərli torpaq sahəsi alıb, onun üzərində analoji faydalılığı olan bina və
qurğuların inşa edilməsinə sərf edəcəyi vəsaitdən artıq qiymət ödəməyə
158
razılaşmayacağı barədə müddəaya əsaslanır. Müqayisə və gəlir mövqeyindən yanaşma
metodları ilə müvafiq obyektin dəyərini müəyyən etmək imkanlarının bəzən
məhdudluğundan, Azərbaycanda xərc yanaşması daha geniş yayılmışdır. Təcrübə
göstərir ki, satışların müqayisəsi, yaxud gəlirin kapitallaşdırılması metodu ilə
qiymətləndirilməsi çətin olan bir sıra daşınmaz əmlak qrupları mövcuddur. Belə
qiymətləndirmə obyektlərinə əsasən sosial təyinatlı binaları (məktəb, xəstəxana, poçt
binalarını və s.) aid etmək olar. Bu cür obyektlərlə müqayisə olunan obyektlərin satışı
barədə məlumat tapmaq çox çətindir. Bu onunla bağlıdır ki, həmin obyektlərin
dövriyyəsi gəlir əldə etmək məqsədini güdmür.
Ümumi iqtisadi tənəzzül nəticəsində bazar fəallığının zəifləməsi dövründə satış
kəskin aşağı düşür. Daşınmaz əmlakdan əldə olunan gəlirlər də kəskin azalır. Belə
şə
raitdə ilkin məlumatların kifayət qədər yaxud adekvat olmaması nəticəsində,
satışların müqayisəsi və gəlirin kapitallaşdırılması metodlarından istifadə olunması
çətinləşir, yaxud ümumiyyətlə, önəmli olmur. Məhdud hallarda satılan, yaxud
ümumiyyətlə, satılmayan nadir obyektlər bazarında analoji vəziyyət yarana bilər. Ona
görə də, belə hallarda obyektin bazar dəyəri barədə təsəvvür yaradılmasının yeganə
yolunu xərc yanaşmasının tətbiqində görmək olar.
Beləliklə, daşınmaz əmlakın bazar dəyərinin müəyyənləşdirilməsinə xərc
yanaşması bir tərəfdən bazar dəyərinin müəyyənləşdirilməsi prosedurunun vacib
elementi, digər tərəfdən isə daşınmaz əmlakın dəyəri barədə təsəvvür əldə etməyin
yeganə yolu sayılır. Obyektin xərc yanaşması ilə qiymətləndirilməsi bir tərəfdən layihə
tərtibatı və funksional təyinatına görə analoqu olan obyektin inşasına nəzərdə tutulan
minimal məbləğdən artıq vəsait xərcləmək istəməyən alıcının münasibəti, digər
tərəfdən isə tikintiyə sərf etdiyi vəsaitləri geri qaytarmaq niyyətində olan tipik satıcının
davranışı (rəftarı) ilə səciyyələnir.
Xərc yanaşmasının tətbiqi analoji obyektin təkrar istehsalının məqsədəuyğun
amilləri ilə məhdudlaşır. Bütün məhdudiyyətlərinə baxmayaraq, bu cür yanaşma bazar
vəziyyətinin təhlili zamanı faydalı ola bilər. Xərc yanaşması ilə alınan nəticələri bazar
dövriyyəsində olan oxşar obyektlərin dəyəri ilə müqayisə etməklə, bazarın inkişaf
159
yaxud tənəzzül mərhələsində olduğunu görmək mümkündür. Bu zaman məsrəf
yanaşmasının həm üstünlükləri və həm də qüsurları özünü biruzə verə bilər.
Qeyd etmək lazımdır ki, obyektin bazar dəyərinin müəyyən edilməsi təcrübəsində
məsrəf yanaşmasından çox nadir hallarda istifadə olunmasına təsadüf edilir. Bunun da
ə
sas səbəbi bu və ya digər obyektin qiymətləndirilməsində məsrəf yanaşmasından
istifadənin yararlı olub-olmaması, onun tətbiqi xüsusiyyətləri, düzgün nəticələrin
alınıb-alınmaması gerçəklikləri ilə izah edilməlidir. Bu məqsədlə də aşağıdakı sxemi
nəzərdən keçirmək məsləhət bilinir.
Qiymətləndirmə obyektinə aid olan yanaşma və metodların dəqiq
müəyyənləşdirilməsinə, habelə lüzumsuz və artıq hesablamalardan qiymətləndiricinin
azad olmasına kömək edər. Həm də, bu cür münasibət təkcə qiymətləndirilən obyektin
bazar dəyərinin deyil, digər dəyər növlərinin də, düzgün müəyyənləşdirilməsinə imkan
verər.
Belə yanaşmadan həmçinin torpaq sahəsinin səmərəliliyinin təhlili, yeni tikintinin
texniki-iqtisadi təhlili, dövlət obyektlərinin qiymətləndirilməsi, fəallığı zəif olan
bazarların təhlili və əmlakın sığorta məqsədilə qiymətləndirilməsində istifadə olunması
məqsədəuyğundur.
Qiymətləndiricini narahat edən problemləri dörd mühüm qrupa bölmək olar.
Bunlardan birincisi, yaxşılaşdırma və ya bərpa ilə əlaqədar xərclərin bütün hallarda
bazar dəyərinə ekvivalent olmamasıdır. Bu, tikinti materiallarının qiymət dəyişkənliyi
amili ilə bağlıdır. kincisi, isə köhnə tikililəri təkrar inşa etmək və köhnəlmə dərəcəsini
müəyyənləşdirməklə əlaqədardır. Bunun da əsas səbəbi köhnəni bərpa etməklə
köhnəlmə dərəcəsinin hesablanması prosesində baş verən fikir ayrılıqları ilə izah oluna
bilər. Üçüncüsü, tikilinin torpaq sahəsindən ayrılması təcrübəsində tez-tez təsadüf
olunan qeyri-mümkünlük yaxud problemlərin həllinin çətinliyidir. Dördüncüsü isə
Azərbaycanda torpağın qiymətləndirilməsi ilə bağlı bir sıra obyektiv amillərin nəticəsi
olaraq qarşıya çıxan çətinliklərdir. Qeyd edək ki, bu qəbildən olan problemlərə bütün
MDB ölkələrində hətta klassik bazar ölkələrində də rast gəlmək olar.
7.2. Xərc mövqeyindən qiymətləndirmənin aparılması
Dostları ilə paylaş: |