193
istifadə etməklə qiymətləndirmə dəyərin indikatoru olan məsrəflər və ya aralıq
hesablamalar tələb edən parametrlər vasitəsilə deyil, birbaşa dəyərin müəyyən
edilməsinə imkan verir. Müqayisə yanaşması dedikdə, praktiki reallıqda satışların
müqayisəsi nəzərdə tutulur. Bu zaman müqayisə obyektlərinin düzgün seçilməsi
həlledici rol oynayır. Rəsmi razılaşma və müvafiq müqavilələr əsasında
qiymətləndirmə işini aparan mütəxəssis özü də, yanaşmanın dürüst müəyyən
edilməsində olduqca maraqlıdır. Çünki o, öhdəlik götürür. Əks təqdirdə,
qiymətləndirmənin yerinə yetirilməsi gözlənilən iqtisadi səmərəni təmin edə bilən
ehtiyatların sahibkarın əlindən çıxmasına səbəb ola bilər.
Sahibkarın obyektinin qiymətləndirilməsi ona gəlir gətirməlidir. Adətən, kapitalın
iştirakçıları tərəfindən ayrılan sərmayə qoyuluşu ilə əlaqəli olmayan, lakin investisiyada
artım ilə nəticələnən və hesabat dövrü ərzində aktivlərin artması, öhdəliklərin azalması
şə
klində iqtisadi səmərəlilik yüksəlməlidir.
Ə
mlak bazarının inkişafı şəraitində bazar subyektləri oxşar razılaşmalar barədə
məlumatlara istinad edərək alqı-satqı əməliyyatlarını həyata keçirirlər. Deməli, sözün
ə
sl mənasında bu yanaşma qiymətləndirmənin əsas prinsipi olan əvəzetmə prinsipinə
ə
saslanır. Həmin prinsipə görə, heç bir səriştəli alıcı satışa çıxarılan daşınmaz əmlak
obyektinə, keyfiyyət və yararlılıq səviyyələri üzrə oxşar digər obyektin dəyərindən
daha çox vəsait ödəməyə razı olmaz.
Qiymətləndirmə obyektinin oxşarı dedikdə, müvafiq məkanda və bazar şəraitində
ə
sas iqtisadi, maddi, texniki xassələri üzrə eyni olan obyektlər nəzərdə tutulur.
Müqayisəli yanaşmanın tətbiqinin başlıca şərti qiymətləndiricinin mövcud bazarda
qiymətləndirmə obyektinin oxşarı olan obyektlərin alqı-satqısı, habelə ümumi
sövdələşmələr barədə müvafiq informasiyalar əldə edə bilməsidir. Müqayisəli yanaşma
ilə qiymətləndirmənin bazar dəyərinə uyğunluğunu təmin etmək üçün bir neçə oxşar
obyektin müvafiq informasiyalarından istifadə edilməsi zəruridir. Bəzən əldə edilmiş
yekun göstəricinin bazar dəyərinə uyğunluğunu təmin etmək üçün qiymətləndirici
tərəfindən müəyyən düzəlişlərə də ehtiyac duyulur.
Xərc yanaşmasında olduğu kimi, müvafiq qiymətləndirmə prosesində müqayisə
194
yanaşmasının da özünə xas olan bir sıra üstünlükləri və qüsurlu cəhətləri mövcuddur.
Bu da, həmin yanaşmanın tətbiqi zamanı aşağıdakı xüsusiyyətlərin nəzərə alınmasını
zəruri edir.
Qeyd etmək lazımdır ki, bu yanaşma digərlərinə nisbətən daha az əməktutumludur.
O, qiymətləndirmə obyektinin dəyərinin real bazar qiymətlərinə daha da
uyğunlaşdırılmasına imkan verir.
Yuxarıda qeyd olunan bütün araşdırma və bazarın tam öyrənilməsi müqayisə üçün
analoji obyektin seçilməsi mərhələsinə keçid yaradır. Həmin vəzifə icra olunduqdan
sonra qiymətləndirilən və bu məqsədlə seçilən analoji obyektlər arasında fərqlər təhlil
olunur.
Beləliklə, əmlakı bazar satışlarının müqayisəsi mövqeyindən yanaşmaqla
qiymətləndirən mütəxəssis (qiymətləndirici) müvafiq təshihlərin hesablanması üçün
ə
sasən iki metoddan yəni kəmiyyət və keyfiyyət metodlarından istifadə edir.
Müqayisə yanaşmasından istifadə olunarkən bir sıra müddəaların nəzərə alınması
vacibdir. Ən əvvəl bazarı öyrənmək vəzifəsi qarşıya çıxır. Çünki bazarı öyrənərkən
təkcə ümumi iqtisadi təhlillərə əsaslanmaq kifayət deyildir. Eyni zamanda qiymət və
gəlirlilik göstəriciləri mütləq təhlil edilməli, onların məkan və vaxt bölgüsü, eləcə də,
onlara təsir edən mühüm amillər, maliyyələşmə şərtləri, rəqabət səviyyəsi, bazar
subyektinin səciyyəsi, tələb və təklifin nisbəti göstəriciləri nəzərə alınmalıdır. Bunlarsız
heç bir peşəkar qiymətləndirici və hətta ən sivil bazarın mövcudluğu şəraitində məqbul
nəticələr əldə edə bilməz. Ona görə ki, bu məlumatlarsız qiymətləndirmə obyekti ilə
onun oxşarının müqayisə amillərini, onların dəyərə təsirini dəqiq müəyyən etmək
mümkün deyil. Digər tərəfdən, müqayisə yanaşmasını tətbiq edərkən qiymətləndirilən
ə
mlaka mülkiyyət hüququ növlərinin dəqiq müəyyən edilməsi olduqca vacibdir. Çünki
bəzən obyekt qiymətləndirilərkən sifarişçinin binaya və onun yerləşdiyi torpaq
sahəsinə mülkiyyət (sahiblik və ya icarə) hüquqları fərqlənir. Bu da son nəticənin
reallığı üçün çox mühüm rol oynayır. Ona görə də, hesablamalar prosesində belə
hallara nəticəyə qüsur gətirə bilən amillər kimi baxmaq lazımdır.
Müqayisə yanaşması obyektin qiymətləndirilməsi zamanı müvafiq obyektlər üzrə
195
satış bazarı və təkliflər barədə məlumatlar yığımını özündə birləşdirir. Oxşar obyektləri
bir-birindən fərqləndirən parametrlər nəzərə alınmaqla obyektlərin qiymətlərinə
düzəlişlər edilir. Düzəlişlərdən sonra bu qiymətlərdən mülkiyyət obyektinin bazar
dəyəri ilə qiymətləndirilməsində istifadə edilə bilər. Xüsusilə, qeyd olunmalıdır ki, bu
yanaşma təcrübədə olduqca riskli hesab olunur. Belə ki, əldə edilən dəyər çoxsaylı
amillərdən asılı olaraq tərəddüd edir. Həmin dəyərdən obyektin təcili
reallaşdırılmasında, girov qoyulmasında və s. istifadə etmək olar.
Eyni zamanda qiymətləndirmənin nəticələrinin düzgünlüyünə əsaslı təsir edən bir
sıra amillər də mövcuddur. Bunlardan biri də, bazarın məhdudluğu amilidir. Elə ona
görə də, iqtisadçılar arasında və hətta Qərb ədəbiyyatlarında bəzən müqayisə
yanaşmasına “oxşarlar yanaşması” da deyirlər. Bu baxımdan da, əmlak bazarının
fəallığından və obyektlərin dövriyyəsindən asılı olaraq iki bazar növünü, yəni zəngin
ə
mlak bazarlarını və məhdud əmlak bazarlarını diqqətə gətirmək lazımdır.
Zəngin əmlak bazarı dedikdə, başlıca olaraq bazar satışları prosesində əmlakın
dövriyyəsi nəzərdə tutulur. Çünki təyinatlı əmlak dövriyyəsindən (məsələn,
özəlləşdirmə, müflisləşmə, mübadilə olunma yolu ilə baş verən əmlak dövriyyəsi
müqayisə yanaşmasının predimeti ola bilməz) kənardakı digər dövriyyələr məqsədin
realizə olmasına imkan vermir.
Məhdud əmlak bazarı isə özünəməxsus obyektiv və subyektiv amillərdən asılı
olaraq potensial alıcıların çox kiçik hissəsini özünə cəlb etmiş olur. Belə bazarlarda
müqayisə yanaşması yolu ilə əmlakın qiymətləndirilməsi imkanları da məhdud olur.
Obyektin qiymətləndirilməsi müqayisə edilən obyektlərin tam eyni olmadığından
müvafiq düzəlişlər oxşar bazar satışları qiymətlərinin birbaşa müqayisəsi yolu ilə
aparıla bilər. Birbaşa müqayisənin təhlili obyektin bazar dəyərinin qiymətləndirilmə-
sinin elə bir qaydasıdır ki, oxşar obyektlər üzrə qeyri-bərabər razılaşmaların təbii
nəticələri də nəzərə alınır. Müqayisə yanaşması ilə obyektin qiymətləndirilməsi
təcrübəsində təkcə oxşar (analoq) obyektlər anlayışı deyil, həm də “ideal oxşar”
obyektlər məfhumu da mövcuddur.
Qiymətləndirilən müəssisə ilə eyni istiqamətdə (istehsal və xidmətin konkret
Dostları ilə paylaş: |