202
firmalarının, qiymətləndirməyə cəlb olunan əmlak brokerlərinin məlumatlarından,
kredit təşkilatlarının, sığorta şirkələrinin, tikinti-investisiya şirkətlərinin arxiv sənəd-
lərindən və s. istifadə oluna bilər. Qiymətləndirmə standartları və normalarının imkan
verdiyi əlavə mənbələrdən də istifadə olunması yolveriləndir. kinci mərhələ
dürüstlüyün artırılması və alqı-satqı əməliyyatlarının sərbəst bazar şəraitində yerinə
yetirilməsinin təsdiq olunması məqsədilə məlumatların seçilməsindən başlanır. Bu za-
man onların dəqiqliyi və reallıqları əks etdirə bilməsi, habelə, bazar konyunkturasına
uyğunluğu öyrənilir. Üçüncü mərhələdə alqı-satqı əməliyyatları haqqında məlumatların
yoxlanılması, əməliyyatın yerinə yetirilməsinin onun əsas iştirakçılarından biri (alıcı
yaxud satıcı) yaxud rieltor şirkətinin agenti tərəfindən təsdiq olunması, habelə, satış
şə
rtlərinin aydınlaşdırılması məsələləri icra olunur.
Növbəti mərhələdə müvafiq müqayisə vahidlərinin seçilməsi və onlardan hər biri
üzrə müqayisəli təhlilin aparılması, beşinci mərhələdə qiymətləndirilən obyektlə
müqayisə üçün seçilmiş (bazarda satılmış yaxud satışa çıxarılmış) obyektlərin ayrı-ayrı
elementlər üzrə müqayisə olunması, qiymətləndirilən obyektin qiymətinin təshih
edilməsi prosesi aparılır.
Nəhayət, altıncı və sonuncu mərhələ isə müqayisə olunan xassələrin təhlili, onların
vahid dəyər göstəricisinə çevrilməsi yaxud göstəricilər qrupunda birləşdirilməsi yolu ilə
qiymətləndirilən obyektin dəyərinin müəyyənləşdirilməsi, yəni yekun mərhələsidir.
Bazar barədə məlumatların qıtlığı, yaxud onların dürüstlüyünün aşağı səviyyədə olduğu
şə
raitdə obyektin dəyərinin qiymətləndirilməsi əvəzinə ilkin məlumatlar göstəricilər
qrupu şəklində təqdim oluna bilər. Bu zaman əlavə məlumatların toplanması və yekun
nəticəyə gəlmək üçün müvafiq tədbirlərin görülməsi lazım gəlir.
Müqayisə mövqeyindən yanaşma əslində qiymətləndirmə obyektinə bənzəyən
obyektlər üzərində aparılan qiymətləndirmə əməliyyatları barədə məlumatların təhlili
prosesidir. Bu əməliyyat qiymətləndirilən obyektin bazarda satılmış, yaxud satış
reyestrinə daxil edilmiş analoji daşınmaz əmlak obyektləri ilə birbaşa müqayisəsinə
ə
saslanır. Analoji obyektlərin bazar satış qiymətlərinin təhlil olunması nəticəsində bu
yanaşmanın vasitəsilə qiymətləndirilən obyektin bazar dəyəri modelləşdirilir. Bu
203
qaydadan təcrübədə istifadə olunması inkişaf etmiş əmlak bazarı şəraitində
mümkündür. ndi isə bazar haqqında məlumatların toplanılması mərhələsini daha ətraflı
nəzərdən keçirək.
Bazar haqqında məlumatların toplanılması region üzrə bazar şəraitinin təhlil
olunmasını, habelə növbəti mərhələlərin reallaşdırılması üçün məlumat massivinin
seçilməsini əhatə edir. Bu zaman qiymətləndirilən obyektin yerləşdiyi regionun
daşınmaz əmlak bazarında mövcud vəziyyət təhlil edilir. Təhlil zamanı nəzərdən
keçirilən regionda yerləşən əmlak agentliklərinin təqdim etdiyi məlumatlardan,
müxtəlif reklam qəzetlərinin informasiyalarından istifadə olunur. Çünki informasiyalar
nə qədər yeni olsa, son hesabat göstəricisi də, bir o qədər səlist olar.
Qeyd etmək lazımdır ki, bazar satışlarının müqayisəsi ilə bağlı yuxarıda deyilən və
bundan sonra da, işlədilməsi mümkün olan bütün ifadələrin əsas predimeti daşınmaz
ə
mlakdır. Bu da, bir həqiqətdir ki, daşınmaz əmlak bazarında yerinə yetirilən alqı-satqı
ə
məliyyatları barədə məlumatlar çox zaman olduğu kimi açıqlanmır. Bu məlumatları
dəqiqliklə nə notariat kontorlarından (məsələ təkcə notariat hərəkətlərinin sirr
olmasında deyil, alqı-satqı müqavilələrində bəyan edilən qiymətlərin aşağı göstərilmə-
sindədir), nə də kütləvi informasiya vasitələrindən əldə etmək mümkün deyil. Faktiki
qiymət alıcı ilə satıcıdan başqa, yalnız bu işdə vasitəçilik edən rieltora məlum ola bilər.
Mövcud rieltor firmaları isə öz imkanlarını həmin informasiyaların toplanması və
təhlilinə deyil, öz müəssisələrinin daha çox gəlir əldə etməsinə istiqamətləndirirlər.
Deməli, yuxarıda aparılan araşdırmalara əsasən qiymətləndirmə prosesində
sadalanan mərhələlərin sayının azaldılması və onların cəmi iki qrupda birləşdirilərək
təshihlərin aparılması barədə düşünməyə də ehtiyac yaranır. Bunlardan biri müxtəlif
amillərin hərtərəfli təhlilindən sonra müvafiq əmsalın (bunu “sövdələşmə üzrə düzəliş”
adlandıraq) müəyyənləşdirilməsi və təklif qiymətinə tətbiq edilməklə, obyektin bazarda
satıla biləcəyi daha çox ehtimal olunan qiymətin hesablanmasının mümkünlüyüdür.
kincisi isə, qiymətləndirmənin spesfik prosedurlarını yerinə yetirməklə,
qiymətləndirilən obyektin ədalətli sövdələşmə şərtilə açıq, rəqabətli bazarda satıla
biləcəyi dəyərin hesablanmasıdır.
204
Yuxarıda qeyd edildiyi kimi, bazar satışlarının müqayisə vahidləri ilə yanaşı
müqayisə elementləri də mövcuddur. Müqayisə yanaşması ilə obyektin qiyməti
müəyyənləşdirilərkən müqayisə üçün istifadəsi zəruri olan əsas göstəricilər və ya
müqayisə elementləri müəyyənləşdirilir, onlardan müqayisə olunan obyektlərin satış
qiymətlərinə lazımi təshihlər aparılması üçün istifadə olunmaqla, qiymətləndirilən
obyektin dəyəri modelləşdirilir. Müqayisə elementləri bir çox hallarda qiymətləndirmə
obyektinin təyinatından asılı olaraq fərqləndirilə bilərlər. Deyilənlərin təsdiqi məqsədilə
yaşayış evlərinin (mənzillərin) nümunəsində müqayisə vahidlərinin ardıcıllıq sxemini
nəzərdən keçirək.
Qiymətləndirilən obyektin hüquqi reallıqları onun dəyərinin və deməli, satış
qiymətinin müəyyənləşdirilməsində həlledici rol oynayır. Yəni, sahibkarı düşündürən
təkcə əmlakın fiziki dəyəri deyil, həm də onun mülkiyyət hüququnun dəyəridir. Daha
doğrusu, mülkiyyət hüquqlarına müxtəlif məhdudiyyətlərin qoyulması və onun ləğvi
qiymətləndirilən obyektin dəyərini, yəni satış qiymətini obyektiv olaraq azalda və ya
tamamilə dəyərsizləşdirə bilər.
Sahibkar (investor) hər bir addımı atarkən onun maliyyə nəticələri haqqında daha
çox düşünür. Beləliklə, qiymətləndirmə təcrübəsində maliyyə hesabatları tərəflərin
öhdəliklərindən birinə çevrilir. Bu baxımdan alqı-satqı əməliyyatlarının müxtəlif
variantları mövcuddur. Həmin variantlardan təcrübədə daha çox yayılmaqda olanlara
aşağıdakıları aid etmək kifayətdir: istər-istəməz alıcı və satıcı öz vəsaitləri hesabına
satış tarixində hesablaşmalıdırlar, alıcı daşınmaz əmlakı əldə etmək üçün maliyyə
strukturlarından kredit almağa məcbur olur; zərurət yarandıqda satıcı alıcıya ödənişlərin
yerinə yetirilməsi üçün müəyyən vaxt verir.
Müqayisənin satış şərtləri elementi əmlakın əldə edilməsinin qeyri-ənənəvi
səbəbləri nəticəsində satışın xalis bazar şərtlərindən kənarlaşması hallarında müqayisə
üçün seçilmiş müvafiq obyektləri müqayisə olunanlar sırasından çıxarmağa, yaxud
onların satış qiymətlərində düzəlişlər aparmağa imkan verir.
Müqayisə elementləri içərisində mühüm əhəmiyyətinə görə satış vaxtı nəzər-diqqəti
daha çox cəlb edir. Çünki bu amil ayrı-ayrı obyektlərin deyil, satışa çıxarılan bütün
Dostları ilə paylaş: |