219
Daşınmaz əmlakla aparılan alqı-satqı əməliyyatlarının
qiyməti onların maliyyələşdirilmə şərtlərindən asılı olaraq
fərqlənir. Maliyyələşdirilmə şərtləri üzrə təshihlər daşınmaz
əmlak obyekti borc vəsaitləri cəlb edilməklə alındıqda, yaxud
ödənişlər nağd pulla yerinə yetirildikdə aparılır. Təshihlərin
aparılması satıcı ilə alıcı arasında hesablaşmaların aparılmasının
müddətləri və qaydaları barədə razılaşmadan asılıdır. Məsələn,
bəzi hallarda alqı-satqı əməliyyatı satıcının özü tərəfindən,
ipoteka krediti verilməklə maliyyələşdirilə bilər. Nümunə kimi,
alıınması aşağıdakı şərtlərlə maliyyələşdirilmiş daşınmaz əmlak
obyekti üzrə təshihetmə kəmiyyətinin hesablanmasını nəzərdən
keçirək. Dəyəri 27800 şərti vahid olan daşınmaz əmlak satılarkən,
15300 şərti vahid alıcı tərəfindən ödənilmiş, qalan məbləğə isə
satıcı ildə 8% ödənilməklə, 5 il müddətinə ipoteka krediti
verilmişdir. Bazar məlumatlarına görə, alqı-satqı əməliyyatının
aparıldığı dövrdə ipoteka krediti üzrə ödənilən orta dərəcə 10%
olmuşdur. Bu halda daşınmaz əmlakın dəyərinin maliyyələşmə
şərtləri üzrə təshihetmə kəmiyyəti aşağıdakı kimi hesablanacaq:
Cədvəl № 18
220
İpoteka
kreditinin
məbləği
(şərti vahid)
12500 (27800ş.v.
– 15300 ş.v.)
Kredit
üzrə
aylıq
ödənişlərin məbləği
(8%,5 il) (şərti
vahid)
253,5 (12500 ş.v.
x 0,02028)
Kreditə görə aylıq
ödənişlərin
orta
bazar dərəcəsi üzrə
cari
dəyəri
(şərti
vahid) (10%, 5 il)
11931,0 (253,5ş.v.
x 47,06537)
Alqı-satqı
vaxtı
ödəniş (şərti vahid)
15300
Satışın
təshih
olunmuş
qiyməti
(şərti vahid)
27231(11931ş.v. +
15300 ş.v.)
Satışın təshih olunmuş qiymətini kreditə görə müqavilə üzrə
aylıq ödənişlərin məbləğinin bazar norması üzrə aylıq ödənişlərin
məbləğinə bölüb, qismətin kreditin məbləğinə hasil etməklə
hesablamaq olar (Cədvəl№ 19 ).
221
Müqavilənin şərtləri alıcının bankdan kredit götürməsini
nəzərdə tutursa, kredit üzrə ödənilən faizlər satış qiymətindən
çıxılır. Satış şərtləri üzrə təshihlər alıcı ilə satıcı arasında xüsusi
münasibətlərin (qohumluq, asılılıq və s.) alqı-satqının aparıldığı
vaxt satıcının maddi və hüquqi vəziyyətinin, alıcının
məqsədlərinin, habelə bazar münasibətləri üçün səciyyəvi
olmayan digər xüsusiyyətlərin nəzərə alınmasıdır. Məsələn, alqı-
satqı əməliyyatı iştirakçılarının bir-birindən asılılığı (məsələn baş
müəssisə ilə törəmə müəssisə, filial), qohumluğu, işgüzar
münasibətlərin
səviyyəsi
(məsələn
daimi
müştərilər,
malgöndərənlər), daşınmaz əmlakın bazar qiymətlərindən aşağı
qiymətə satılmasına səbəb ola bilər.
Bu zaman qiymətləndiricinin qarşısına çıxan ən böyük
çətinlik adi satış üçün tipik olmayan cəhətləri aşkar etməkdir.
Buna görə də, analoji obyektin satış qiymətinə bu cür amillərin
təsir göstərdiyi müəyyənləşdirildikdə, onların siyahıdan çıxarıl-
ması tövsiyyə olunur.
Cədvəl № 19
Müqavilə şərtləri üzrə aylıq
ödəniş
(şərti vahid)
253,5
Bazar şərtləri üzrə aylıq ödəniş
222
(10%, 5 il)
(şərti vahid) (12500 ş.v. x
0,02125)
265,6
Kreditin təshih olunmuş dəyəri
(şərti vahid) ( 12500 ş.v. x (253,5
ş.v. : 265,6 ş.v.)
11930,5
Alqı-satqı vaxtı ödəniş (şərti
vahid)
15300
Satışın təshih olunmuş qiyməti
(şərti vahid)
(11931,5 ş.v. + 15300 ş.v.)
27231
Bazarın vəziyyəti üzrə təshihlər müəyyən müddət ərzində
bazarda baş verən dəyişikliklərin, daşınmaz əmlakın orta satış
müddətlərindən fərqlənən vaxt ərzində satılmasının nəzərə
alınmasıdır.
Bazarın
vəziyyəti
inflyasiya
proseslərinin,
qanunvericilik bazasının, tələb və təklif arasında nisbətlərin təsiri
altında dəyişir. Qeyd etmək lazımdır ki, dəyişikliklər həm
bütövlüklə bazarda, həm də onun ayrı-ayrı seqmentlərində baş
verə bilər.
223
Bazarın vəziyyətini səciyyələndirən ən münasib meyar fiziki
və iqtisadi göstəriciləri sabit qalan eyni obyektin qısa müddət
ərzində bir neçə dəfə satılmasıdır. Bu cür satışlar barədə
məlumatlar olmadıqda, analoji obyektlər bazarın müvafiq
seqmentindən seçilir. Bazarın vəziyyəti üzrə təshihlər daşınmaz
əmlak obyektlərinin əvvəlki qiymətinin faizlə ifadə olunmuş
dəyişməsi göstəricisi ilə hesablanır.
Ərazidə yerləşmə üzrə təshihlər qiymətləndirilən daşınmaz
əmlak obyekti və analoji daşınmaz əmlak obyekti coğrafi
baxımdan müxtəlif ərazilərdə yerləşdikdə aparılır. Lakin, ərazidə
yerləşmə təkcə obyektlər arasındakı məsafədən deyil, həmçinin
onların əhatəsindən də asılıdır. Yaxınlığında istirahət obyektləri
və sənaye müəssisələri yerləşən yaşayış binaları buna nümunədir.
Bu təshihlər həm faizlə, həm də konkret pul məbləği ilə ifadə
oluna bilər. Təcrübəyə görə demək olar ki, bu təshih əslində
obyektlərin yerləşdiyi ərazilərdə torpağın dəyərləri arasındakı
fərqi əks etdirir.
Dostları ilə paylaş: |