297
Pul axınlarının diskontlaşdırılması metodu torpağa sahiblik dövründə renta
ödənişləri və ya başqa formada, habelə torpaq sahəsi yenidən satıldıqda əldə
edilməsi gözlənilən pul gəlirləri axınlarının qiymətləndirmə tarixindəki dəyərinin
hesablanmasına əsaslanır. Metod faydalı qazıntıları olan torpaq sahələrinin
qiymətləndirilməsi üçün əlverişlidir.
Göstərilən metoddan istifadə edən qiymətləndirici ilk növbədə pul gəlirləri
axınlarının
proqnozlaşdırılan
müddətini
və
diskontlaşdırma
faizlərini
müəyyənləşdirməlidir. Pul gəlirləri axınlarının proqnozlaşdırılan müddəti aşkar
olunmuş və mənimsənilməsi nəzərdə tutulan yaxud işlənilən faydalı qazıntı
yataqlarının həcmindən və onların çıxarılması üçün istifadə olunan avadanlığın
istehsal gücündən asılıdır. Təcrübəyə görə, faydalı qazıntıların hasilatı sənayesində
proqnozlaşdirma müddəti 25 il və daha çox qəbul edilir.
Torpaq sahələri üzrə gəlir axınlarının diskontlaşdırma faizi hesablanarkən,
aşağıdakılar nəzərə alınmalıdır:
- faydalı qazıntı yataqlarının istismarının gəlirliyi;
- yerin təkindən çıxarıla biləcək faydalı qazıntıların həcmi haqqında
məlumatların dəqiqliyi;
- faydalı qazıntı yatağının işlənilməsinin risk dərəcəsi.
Uzunmüddətli icarəyə verilmiş torpaq sahələri qiymətləndirilərkən torpağa
görə icarə haqqının birbaşa kapitallaşdırılması metodundan istifadə olunması daha
münasibdir. Bu metod torpaq sahəsinin icarə haqqının müvafiq orqanlar tərəfindən
təsdiq olunmuş minimum məvləği, habelə icarəçinin sahibkarlıq fəaliyyəti növünü
və torpaq sahəsinin ərazidə yerləşməsinin kommersiya baxımından dəyərliliyini
nəzərə alan əmsallardan istifadə edilməsinə əsaslanır. Bu göstəricilər əsasında illik
icarə haqqı aşağıdakı düsturla hesablana bilər:
= b x Ə f x Ə k.d. x S
Burada:
- torpaq sahəsinin illik icarə haqqının məbləği;
b - 1 kvadrat metr sahənin baza icarə haqqının məbləği;
Ə
f - icarəçinin fəaliyyət növünü nəzərə alan əmsal;
Ə
k.d - torpaq sahəsinin ərazidə yerləşdirilməsinin
kommersiya baxımından dəyərliyini nəzərə alan əmsal;
S - torpağın sahəsidir.
Üzərində
kommersiya
obyektləri
ucaldılmış
torpaq
sahələrinin
qiymətləndirilməsi üçün torpaq sahəsinə düşən gəlirin qalığı texnikasından istifadə
olunur. Torpağın qalıq məhsuldarlığı prinsipinə uyğun olaraq nəzərdə tutulur ki,
pul gəlirləri axınlarının yaradılmasında kapitalın, işçi qüvvəsinin və idarəetmənin
iştiraki ilə yaradılmış bina və qurğuların rolu daha yüksəkdir. Bu istehsal
amillərinin dəyərinin ödənilməsi ilə bağlı xərclər çıxıldıqdan sonra gəlirin qalan
hissəsi torpaq sahəsinə aid edilir. Torpaq sahəsinin dəyərinin qalıq metodu ilə
hesablanması əvvəlki fəsillərdə nəzərdən keçirilmişdir.
298
Torpaq sahəsinin qiymətləndirilməsinə xərclər mövqeyindən yanaşma
səriştəli investorun torpaq sahəsinə görə təyinatı və faydalığı eyni olan digər torpaq
sahəsinin qiymətindən yüksək qiymətlə razılaşmayacağı barədə müddəaya
ə
saslanır. Torpaq sahələrinin xərclər mövqeyindən yanaşmaqla qiymətləndirilməsi
metodlarına aşağıdakılar aiddir:
- ayırma metodu;
-
torpaq
sahələrinin
mənimsənilməsinə
çəkilən
xərclərin
müəyyənləşdirilməsi metodu.
Ayırma metodu torpaq sahəsinin bazar dəyərinin daşınmaz əmlakın ümumi
bazar dəyəri ilə tikililərin köhnəlmə nəzərə alınmaqla bərpa dəyəri arasındakı fərq
kimi hesablanmasıdır. Metoddan tikililəri olan vahid daşınmaz əmlak
kompleksinin tərkibindəki torpaq sahələrinin qiymətləndirilməsi üçün istifadə
olunur. Metoddan istifadənin əsas şərti torpaq sahəsi və onun üzərində yerləşmiş
tikililərdən mövcud istifadənin ən yaxşı və səmərəli istifadə variantına uyğun
olmasıdır, çünki əks halda, alınan nəticələr təhrif oluna bilər. Sözügedən metodla
hesablamalar bir neçə mərhələdə aparılır.
Birinci mərhələdə daşınmaz əmlak bazarının və müqayisəli satışların təhlili
ə
sasında üzərində tikililər olan torpaq sahəsinin daşınmaz əmlak obyekti kimi
bazar dəyəri barədə məlumatlar toplanır və öyrənilir.
kinci mərhələdə torpaq sahəsində yerləşmiş tikililərə anoloji olan
obyektlərin bərpa dəyəri hesablanır. Bu hesablama zamanı əvəzolunma yaxud
təkrar istehsal dəyərindən istifadə edilə bilər. Bu dəyərlər arasındakı fərqlər,
onların strukturu əvvəlki fəsillərdə nəzərdən keçirilmişdir.
Üçüncü mərhələdə qiymətləndirilən torpaq sahəsində yerləşən bina və
qurğuların
fiziki,
funksional
və
zahiri
köhnəlməsinin
kəmiyyətləri
müəyyənləşdirilir. Bu köhnəlmə növlərinin mahiyyəti və fərqləri əvvəlki fəsillərdə
açıqlanmışdır.
Dördüncü mərhələdə bina və qurğuların bərpa dəyərindən yuxarıda
göstərilən köhnəlmə növlərinin ümumi kəmiyyəti çıxılmaqla, onların
qiymətləndirmə tarixində qalıq dəyəri hesablanır.
Beşinci mərhələdə torpaq və tikililərdən ibarət olan daşınmaz əmlak
obyektinin bazar dəyərindən bina və qurğuların qiymətləndirilmə tarixindəki qalıq
dəyəri çıxılır və bu dəyərin torpağa aid olan hissəsi müəyyənləşdirilir.
Mənimsənilmə xərclərinin müəyyənləşdirilməsi metodundan üzərində
tikililər olmayan torpaq massivlərinin qiymətləndirilməsi üçün istifadə olunur. Bu
metod qiymətləndirilən torpaq massivinin ayrı-ayrı torpaq sahələrinə bölünərək
satılacağı ehtimalına əsaslanır. Həmin torpaq sahələrinin satışından əldə olunan
gəlirlərdən onların mənimsənilməsi üzrə çəkilən xərclər və sahibkarın mənfəəti
çıxıldıqdan sonra alınmış kəmiyyətlər toplanır və beləliklə, torpaq massivinin
bazar qiyməti müəyyən edilir. Torpağın dəyərinin bu metodla hesablanması bir
neçə mərhələdən ibarətdir.
Birinci mərhələdə torpaq sahələrinin ölçüləri və onların abadlaşdırılmasının
hüquqi və fiziki mümkünlüyü, iqtisadi baxımdan məqsədə uyğunluğu
müəyyənləşdirilir.