1-Seminar Mustaqil tasviriy faoliyatning mazmuni. Mustaqil tasviriy faoliyatga rahbarlik qilish. Maktabgacha katta yoshdagi bolalarni tasviriy sanʼat asarlari bilan tanishtirish usullari. Tayanch so`zlar

Grafika san’ati tasviriy san’atning eng keng tarqalgan hozirjavob va jangovar turidir. Grafika san’atida voqelik asosan chiziqlar, shakllar va oq-qora ranglar orqali tasvirlanadi. Bu san’at turida har doim ham turli ranglar ishlatilavermaydi, ishlatilganida ham asar mazmunini ochib berishda asosiy vazifani o`tamaydi. Bo`yoqlar kishilarni jalb qilishi yoki chaqiriq vazifasini bajarishi mumkin. Shuning uchun ham, bu sohada ikki, uch xildan ortiq bo`yoq deyarli ishlatilmaydi. Grafika san’ati o`z o`rnida quyidagi turlarga bolinadi. Masalan: dastgoh grafikasi turiga ijodkorning mustaqil badiiy faoliyatini anglatish bilan birga yangi fikr va g`oyalarni ilgari suradigan asarlar kiradi. Kitob grafikasi san’atida esa kitobning turiga qarab muqova, titul muqova kabilar hisobga olinadi. Kitob grafikasi shu kitobning mazmunini ochib berishga xizmat qiladi. Kitob, gazeta jurnal grafikasi va bulardan tashqari, ana shu kitob grafikasining o`ziga xos bir turi gravyura san’ati deyiladi. Gravyura ham o`z o`rnida 2 quyidagi turlarga bo`linadi.

1. 
   Litografika asosan toshga o`yib ishlanadi.
   
2. 
   Linogravyura linonumga uyib ishlanadi.
   
3. 
   Ksilografiya yog`ochga o`yib ishlanadi.
   
4. 
   Ofort alyuminiy va boshqa metallarga o`yib ishlanadi.
   

Grafika san’atining yana bir turi plakatlar yasashdir. Siyosiy plakatlar, reklama (tijorat) afishalar. satira va yumoristik asarlar shular jumlasidandir. Plakatlar ma’lum bir mavzuga (tinchlik, ekologiya, paxta kabilar) qaratilgan bo`ladi. Sanoat grafikasiga esa yorlik, ramz va boshqalar kiradi. Arxigrafikada loyiha, reja, uy sxemasi, manzil bo`yicha yo`nalish kabilar tasvirlanadi.
Rangtasvir- asosan bo`yoqlar vositasida matoga, devorga shuningdek, tekislik va yuzalarga ishlanadigai san’at turidir. Tasvir mazmuni, xarakteri va shunga o`xshash barcha xususiyatlari bo`yoqlar orqali ifodalab berilsa rangtasvir san’ati deb ataladi. Tasviriy san’atning bu turida ijodkorning ichki kechinmalari ranglarni bir biriga me’yorida qo`shib ishlatish natijasida namoyon bo`ladi. Masalan, qizil va qora bo`yoqlar qo`shib ishlatilishi fojiaviylikni aks ettirsa, och moviy va yashil ranglarni o`ziga xos bog`lashlar natijasida tinch va osoyishtalik holatlari tasvirlanishi mumkin. Rangtasvir san’ati jozibali va qiziqarliligi bilan nafaqat o`zlashtirishda, hatto uni idrok qila bilishda ham o`quvchidan muayyan tayyorgarlikni talab etadi.
Tasviriy san’atning o`ziga xos nafis bu turi insoniyat tafakkurining noyob namunasi sifatida kishilarni necha asrlardan beri o`ziga rom qilib kelmoqda. O`zbekiston hududida ham qadimdan rangtasvir san’ati taraqqiy etganligini Afrosiyobdagi devoriy rasmlar, Varaxsha va Bolaliktepa tasviriy namunalaridan bilish mumkin. Bu o`tmish rangtasvir san’ati ajdodlarimizning go`zallik borasida erishgan yutuqlarini hikoya qilibgina qolmasdan tarix sirlarini ochib beruvchi ko`zgu vazifasyni bajara oladi. Rangtasvir san’atining mashhur vakillaridan Leonardo da Vinchi, Rafael Santi, Rembrand, Karl Bryullov, Anri Matiss, XX asr o`zbek rangtasvir san’ati ustalaridan O`rol Tansiqboyev, Abdulhaq Abdullayev, Rahim Ahmedov, Malik Nabiyev, Javlov Umarbekov, Bahodir Jalolov, Alisher Mirzayev, Akmal Ikromjonovlar ijodi diqqat e’tiborga molik. Rangtasvir san’ati oz o`rnida monumental, dastgoh, dekorativ bezak ko`rinishlarga ajraladi. Monumentallik ko`rinish o`zida ijtimoiy hayot voqealari aks ettiriladi va tasvir uzoq masofadan ko`rishga mo`ljallanadi. Monumental ko`rinishdagi rangtasvir san’ati to`g`ri devor yuzasiga ishlash (freska), turli rangli toshlar, shishalar, sirli sopollarning devorda ishlatilishi (mozaika), maxsus to`rtburchak va ramkalar ichida tasvirlash (panno), yo`nalishlarini ham o`z ichiga qamrab oladi.
Dekorativ rangtasvir san’ati esa bezash vazifasini o`taydi. Teatr, kino va boshqa shunga o`xshash sohalarda dekorativ rangtasvir san’ati qo`llaniladi.