1.Texniki mexanika haqqında məlumat
Texniki mexanika fənni kompleks fənn olub,Nəzəri mexanika,Materiallar müqaviməti,Maşın detalları və konstruksiya etmənin əsasları” fənlərinin əsas bölmələrini əhatə edir.
Texnikanın inkişafı mühəndislər qarşısında müxtəlif qurğularınhesablanması, bir çox obyektlərin layihələndirilməsi,istehsalı və istismarı ilə əlaqədar müxtəlif məsələlər qoyur.Bu məsələlərin həllində maddi cisimlərin hərəkət və ya müvazinət qanunlarının öyrənilməsini tələb edən məsələlər əsas yer tutur.
Nəzəri mexanika-maddi cisimlərin hərəkət və müvazinət qanunlarını öyrənən elmdir.Nəzəri mexanika həm də klassik mexanika adlanır və əsası Qaliley və Nyuton tərəfindən qoyulmuşdur.Klassik mexanikada maddi cisimlərin kütləsi sabit qəbul olunur və maddənin hərəkətindən asılı olmayan mütləq məkan və zaman anlayışlarından istifadə edilir.
Materiallar müqaviməti konustruksiya elementinin möhkəmlik,sərtlik və dayanıqlığından bəhs edir,deformasiya və gərginlik arasındakı asılılığı öyrənir. Materiallar müqavimətində cisimlərə deformasiya olunan cisimlər kimi baxırlar.
Maşın detalları və konustruksiya etmənin əsasları kursunda ümumi təyinatlı detalların,qovşaqların layihələndirilməsi,hesablanması və qurulmasının əsas metodları öyrənilir.
Dostları ilə paylaş: | 
