Əbədiyyət yolçuları
54
ZƏFƏR SƏFƏROV
(1975-1994)
Səfərov Zəfər Ağayar oğlu -
1975-ci il iyun ayının 7-də Lerik
rayonunun Blaband kəndində
anadan olub. 1982-ci ildə Blaband
kənd orta məktəbinin birinci sinfi-
nə daxil olub, 1992-ci ildə həmin məktəbin onuncu sinfini
bitirib.
Orta məktəbi bitirdikdən sonra Lerik rayon Hərbi
komissarlığı tərəfindən həqiqi hərbi xidmətə çağrılaraq
Qarabağ cəbhəsinə yola salınıb.
Qarabağ döyüşlərində iştirak edərək qəhrəmanlıqlar
göstərən Zəfərin son döyüş yeri Murov cəbhəsi olub.
Zəfər yoldaşları ilə çətin dağ şəraitində düşmənə qarşı
mübarizə apararaq onların mövqelərinə ağır zərbələr endirir.
Döyüşlərin birində yaralı əsgər yoldaşını döyüş meydanından
uzaqlaşdırmış, lakin geri dönərkən xain düşmən gülləsinə tuş
gəlib.
Beləliklə, yurdumuzun qəhrəman oğlu 19 aprel 1994-cü
ildə Murovdağ uğrunda gedən döyüşlərdə qəhrəmancasına
şəhid olub.
Blaband kənd orta məktəbi Səfərov Zəfər Ağayar oğlu-
nun adını daşıyır.
Əbədiyyət yolçuları
55
SALEH BABAYEV
(1972-1994)
Babayev Saleh Azadxan oğlu –
1972-ci ildə Lerik rayonunun
Bülüdül kəndində anadan olub.
1979-cu ildə Bülüdül kənd orta
məktəbinin birinci sinfinə daxil
olmuşdur. Sonradan ailəsi Biləsuvar rayonuna köçdüyündən
orta təhsilini burada başa vurmalı olur.
Orta məktəbi bitirdikdən sonrahərbi xidmətə çağrı-
laraq Sovet ordu sıralarına yola salınır.
Ordudan tərxis olunan kimi könüllü olaraq milli ordu
sıralarına yazılır. Əmisi oğlu Rza ilə çiyin-çiyinə döyüşən Saleh
Qubadlıda, Zəngilanda, Ağdərədə, Murovdağda, Ağdamda,
Fizulidə, Qızılqayada düşmənə sarsıdıcı zərbələr endirir.
Qızılqaya döyüşündə Rzanı itirdikdən sonra düşmənə
qarşı son gülləsinə qədər döyüşəcəyinə and içən Saleh döyüş
meydanına atılaraq yaralı aslan kimi düşmən mövqelərinə
zərbələr endirir. Bu döyüşlərdə o düşmənin iki piyada döyüş
maşınını və çoxlu canlı qüvvəsini məhv edir. Buna görə Saleh
komandirliyin təsis etdiyi pul mükafatına sahib olur.
Döyüşdən-döyüşə atılaraq peşəkar döyüşçü kimi püxtə-
ləşmiş qəhrəman vətən oğlu düşməni susdurmaq üçün əsl
qəhrəmanlıq nümayiş etdirib.
Nəhayət, Saleh Babayev 17 yanvar 1994-cü ildə Ağdam
uğrunda gedən döyüşlərdə xain düşmən gülləsinə tuş gələrək
qəhrəmancasına şəhid olur.
Əbədiyyət yolçuları
56
VALEH İBRAHİMOV
(1973-1992)
İbrahimov Valeh Allahyar oğlu –
1973-cü ildə Lerik qəsəbəsində
anadan olub. 1980-ci ildə Lerik
qəsəbəsindəki iki saylı orta mək-
təbin birinci sinfinə daxil olub,
1991-ci ildə həmin məktəbin onuncu sinfini bitirib.
Orta məktəbi bitirdikdən sonra Lerik rayon Hərbi
komissarlığı tərəfindən həqiqi hərbi xidmətə çağrılaraq
Qarabağ cəbhəsinəyola salınıb.
1992-ci ilin may ayında Valehin döyüş sınağı baş-
layır. O, Qarabağ döyüşlərində bir çox uğurlu döyüş əməliy-
yatlarda iştirak edərək qəhrəmanlıqlar göstərib.
Döyüşçü dostlarının dediyinə görə Valeh ölümlə üz-
üzə gəlməkdən heç vaxt qorxmazmış. Hər döyüşdə sərrast
atəşləri ilə düşmənin çox sayda canlı qüvvəsini məhv edər,
dostlarını qələbəyə səsləyərək ruhlandırarmış.
Qəlbi vətən sevgisiylə çırpınan, vətən uğrunda şəhid
olmağı şərəf sayan Vətən oğlundan ancaq bunu gözləmək
olardı.
Döyüş meydanını düşmən üçün cəhənnəmə cevirən
Valeh İbrahimov 1992-ci ilin noyabr ayında düşmən güllə-
sinə tuş gələrək qəhrəmancasına şəhid olub.
Əbədiyyət yolçuları
57
NAMİQ ƏLİYEV
(1973-1993)
Əliyev Namiq Rəcəbəli oğlu -
1973-cü ildə Lerik rayonunun
Osnağakücə kəndində anadan
olub. 1980-cı ildə Osnağakücə
kənd orta məktəbinin birinci
sinfinə daxil olub, 1990-cı ildə həmin məktəbin onuncu sinfini
bitirib.
Orta məktəbi bitirdikdən sonra Lerik rayon Hərbi
komissarlığı tərəfindən həqiqi hərbi xidmətə çağrılaraq
Qarabağ cəbhəsinə yola salınıb.
Namiqin döyüş yolu 1993-cü ilin aprel ayında Ağdərə
cəbhəsindən başlayıb. O Akop-Kamari, Tonaşen, Dastagir, Talış,
Mehritaq, Madagiz, Levonark, Verin-Çaylı, Papravənd, Ağdərə
rayonları və bu yaşayış məntəqələrinə bağlı yüksəkliklər
uğrunda gedən döyüşlərdə bacarıqlı kəşviyyatçı kimi iştirak
edərək neçə əlverişli mövqeyin ələ keçirilməsində əsl igidlik
nümayiş etdirib. Namiq Papravənd vuruşmasında mövqe-
lərimizə xeyli yaxınlaşan düşmən texnikasını məhv etmiş,
Madagiz ətrafındakı qanlı döyüşlərdə isə düşmənin artlerya
qurğularını sıradan çıxararaq döyüş yoldaşlarını ölümün pən-
cəsindən xilas edib.
Namiq Əliyev 1993-cü il dekabr ayının 27-də Madagiz
uğrunda gedən döyüşlərdə düşmən gülləsinə tuş gələrək
qəhrəmancasına şəhid olub.
Dostları ilə paylaş: |