Əbədiyyət yolçuları
18
MİKAİL İBADOV
(1963 - 1992)
İbadov Mikail Qubad oğlu –
1963-cü il avqust ayının 16-da
Lerik rayonun Cəngəmiran kən-
dində anadan olub. 1970-ci ildə
Cəngəmiran kənd orta məktəbi-
nin birinci sinfinə daxil olub, 1980-ci ildə həmin məktəbi
bitirib.
1981-ci ildə Sovet ordusu sıralarına hərbi xidmətə
çağırılıb, 1983-cü ildə ordudan tərxis olunub. Hərbi xidmətini
Rusiyanın Xarkov şəhərində daxili qoşunlarda (VV) kəskin
nişançı (snayper) kimi keçib.
Hərbi xidmətini başa vurduqdan sonra vətənə qayıdır.
Sonra işləmək üçün Bakı şəhərinə gedərək 3 nömrəli evtikmə
kombinatında işə düzəlir və burada işləyir.
1992-ci ilin iyul ayında Suraxanı rayon Hərbi Komis-
sarlığına könüllü olaraq müraciət edir və 27 iyul 1992-ci il
tarixində Qarabağ cəbhəsinə göndərilir. Qarabağın bir çox
bölgələrində döyüşlərdə kəskin nişançı kimi döyüşür və
şücaətlər göstərir.
1992-ci il oktyabrın 2-də Martuni (indiki Xocavənd) ra-
yonunun Muğanlı, Əmralılar və Kurapatkino kəndləri uğrunda
gedən döyüşlərdə mühasirəyə düşür lakin təslim olmayaraq
döyüş sürsatı bitənədək döyüşür və sonda qəhrəmancasına
şəhid olur. Ərazi mühasirədə olduğundan digər döyüşçü
yoldaşları kimi İbadov Mikail Qubad oğlunun da cəsədini götür-
mək mümkün olmur.
Əbədiyyət yolçuları
19
ARZUMAN ƏSƏDULLAYEV
(1970-1992)
Əsədullayev Arzuman Azad oğlu
- 1970-ci ildə Lerik qəsəbəsində
dünyaya göz açıb. Orta məktəbi bi-
tirdikdən sonra texniki-peşə mək-
təbində oxuyub və maşinist peşə-
sinə yiyələnib.
1987-ci ildə Lerik rayon Hərbi komissarlığı tərəfin-
dən həqiqi hərbi xidmətə çağrılan Arzuman keçmiş Sovet
ordu sıralarına yola salınır. 1989-cu ildə hərbi xidmətini
başa vuraraq vətənə qayıdır.
Ordudan tərxis olunduqdan sonra Bakı şəhərinin Xətai
və Nizami rayon Daxili İşlər Şöbəsində polis olaraq xidmət edir.
Qarabağ savaşı zamanı könüllü olaraq milli ordu sıralarına
qoşulur.
Arzuman peşəkar hərbçi kimi bir çox döyüş əmə-
liyyatlarının iştirakçısı olub, torpaqlarımızın müdafiəsində
şəxsi igidliklər göstərib.
Vətənin qəhrəman oğlu 3 mart 1992-ci ildə döyüşlərin
birində düşmən gülləsinə tuş gələrək qəhrəmancasına şəhid
olur.
Ölümündən sonra Lerik rayonunun mərkəzi küçələrin-
dən birinə Əsədullayev Arzuman Azadxan oğlunun adı verilir.
Əbədiyyət yolçuları
20
NAZİM AĞAYEV
(1969-1992)
Ağayev Nazim Ziyad oğlu –
1969-cu ildə Lerik rayonunun
Bülüdül kəndində anadan olub.
1976-cı ildə Bülüdül kənd orta
məktəbinin birinci sinfinə qəbul
olunub, 1986-cı ildə həmin məktəbin onuncu sinfini bitirib.
Orta məktəbi bitirdikdən sonra Lerik rayon Hərbi
komissarlığı tərəfindən həqiqi hərbi xidmətə çağrılaraq
keçmiş Sovet ordu sıralarına yola salınır.
Hərbi xidmətdən qayıtdıqdan sonra 1990-cı ildə Bakı
Tibb Texnikumuna daxil olur.
Qarabağ savaşı başlandığından təhsilini yarımçıq qoyan
Nazim digər qeyrətli vətən oğulları kimi könüllü olaraq həm bir
həkim, həm də bir əsgər kimi döyüşə yollanır.
Nazim Ağayev Qarabağ cəbhəsində bir sıra uğurlu
əməliyyatlarda iştirak edərək igidliklər göstərir, eyni zamanda
bir həkim kimi neçə-neçə yaralını ölümün pəncəsindən xilas
edərək onları həyata qaytarır.
Nazim Ağayev 1992-ci il mart ayının 27-də Daşaltı
əməliyyatında şəhid olaraq əbədiyyətə qovuşur.
Hal-hazırda Bülüdül kənd orta məktəbi Nazim Ağayevin
adını daşıyır.
Əbədiyyət yolçuları
21
RZA RÜSTƏMOV
(1963-1993)
Rüstəmov Rza Sulduz oğlu-
1963-cü ildə Lerik rayonunun
Bülüdül kəndində anadan olub.
1970-ci ildə Bülüdül kənd orta
məktəbinin birinci sinfinə qəbul
olunub, 1980-cı ildə həmin məktəbini onuncu sinfini bitirib.
Orta məktəbi bitirdikdən sonra Lerik rayon Hərbi
komissarlığı tərəfindən həqiqi hərbi xidmətə çağrılaraq
keçmiş Sovet ordu sıralarına yola salınır.
Hərbi xidmətdən qayıtdıqdan sonra Qaradağ rayonu-
nun Qızıldaş qəsəbəsinə köçərək burada məskunlaşır.
1992-ci il dekabırın 24-də bir qrup könüllülərlə birlikdə
Şəhidlər Xiyabanını ziyarət etdikdən sonra özü də könüllü ola-
raq milli ordu sıralarına qoşulur.
Rzanın döyüş yolu Tərtər rayonundan başlayır, Tərtə-
rin müdafiəsi uğrunda gedən döyüşlərdə iştirak edərək
şücaətlər göstərir. Sonra Ağdərə rayonuna gələrək burdakı
əməliyyatlarda iştirak edir, döyüşlərdə xüsusi fəallığı ilə seçilir.
Rüstəmov Rza 18 yanvar 1993-cü ildə Sırxavənd uğrun-
da gedən döyüşlərdə düşmən gülləsinə tuş gələrək qəhrəman-
casına şəhid olur.
Şəhidin cənazəsi doğulduğu kəndə gətirilərək torpağa
tapşırılır.
Dostları ilə paylaş: |