1 xalid mahmud
Yüklə 4,95 Mb. Pdf görüntüsü
|
Əbədiyyət yolçuları 34 ƏLİNİYAZ VAHABOV (1969 - 1993) Vahabov Əliniyaz Əhməd oğlu –1969-cu ildə Lerik rayonu-nun Mistan kəndində anadan olub. 1976-cı ildə Mistan kənd orta məktəbinin birinci sinfinə qəbul olunub. 1986-cı ildə həmin məktəbin onuncu sinfini bitirib. Orta məktəbi bitirdikdən sonra Lerik rayon Hərbi komissarlığı tərəfindən həqiqi hərbi xidmətə çağrılaraq keçmiş Sovet ordu sıralarına yola salınıb. Əliniyaz Rusiya Dəniz Donanmasında xidmət edib, xidmətini başa vurduqdan sonra vətənə qayıdıb. 1992-ci ildə könüllü olaraq milli ordu sıralarına qoşulur və Qarabağ cəbhəsinin müxtəlif istiqamətlərində gedən döyüşlərdə iştirak edir. Torpaqlarımızın müdafiəsi zamanı böyük qəhrəmanlıqlar göstərir. 1993-cü il iyul ayının 18-də Ağdam rayonunun müdafiəsi uğrunda gedən döyüşlər zamanı qəhrəmancasına şəhid olub. Şəhidin cənazəsi doğulduğu kəndə gətirilərək torpağa tapşırılıb. Əbədiyyət yolçuları 35 ZÜLFÜQAR SƏFƏROV (1974-1994) Səfərov Zülfüqar Heydər oğlu - 1974-cü il aprelin 24-də Lerik rayonunun Perzəküçə kəndində doğulub. 1991-ci ildə orta mək- təbi bitirdikdən sonra ordu sıra- larına qəbul olunub. Uzun bir doyüş yolu keçən Zülfüqarın xidmət yolu Güzdək qəsəbəsində yerləşən hərbi təlim mərkəzindən başlayıb. Zülfüqar bir müddət təlim keçdikdən sonra tank briqadasının tərkibində ön cəbhəyə gedib və Ağdamın Abdal-Gülablı, Uzundərə, Xındırıstan kəndləri ətrafında gedən qanlı döyüşlərdə iştirak edib. Rəhbərlik Fuzuli cəbhəsindəki vəziyyəti nəzərə alıb tank briqadasını ora göndərir. Zülfüqar Kərimbəyli, Əhməd- bəyli, Yuxarı Bəhmənli, Aşağı Seyidəhmədli, İkinci Alışlı kəndlərinin müdafiəsində igidliklər göstərərək düşmənə ağır zərbələr endirir. Ağdərə doyüşlərində də Zülfüqar xususi fəallıq gös- tərərək düşmənin xeyli canlı qüvvəsini məhv edib. Beləliklə, Vətənin qəhrəman oğlu uzun bir döyüş yolu keçib. Döyüş yoldaşları onu Həzi Aslanova bənzə- dirmiş. Zülfiqar Səfərov 1994-cü il aprelin 26-da Ağdərə uğrunda gedən döyüşlərdə qəhrəmancasına şəhid olaraq əbədiyyətə qovuşur. Əbədiyyət yolçuları 36 CƏLAL FƏRZİYEV (1974-1993) Fərziyev Cəlal İbrahim oğlu – 1974-cü ildə Lerik rayonunun Perzəküçə kəndində anadan olub. 1981-ci ildə Perzəküçə kənd orta məktəbinin birinci sinfinə daxil olub, 1991-ci ildə həmin məktəbin onuncu sinfini bitirib. Orta məktəbi bitirdikdən sonraLerik rayon Hərbi komissarlığı tərəfindən həqiqi hərbi xidmətə çağrılaraq Qarabağ cəbhəsinə yola salınıb. Cəlal Feyziyev Fizuli və Ağdam rayonları uğrunda gedən döyüşlərdə iştirak edərək əsl döyüşçü kimi mətin- ləşmiş, düşmənə qarşı mübarizədə əsl qəhrəmanlıqlar göstərmişdir. Daha sonra Ağdərə rayonuna göndərilən Cəlal burada da bir sıra uğurlu döyüş əməliyyatlarının iştirakçısı olub. 1993-cü ilin mart ayında Cəlal ağır yaralanır. Ağdam rayonunun səhra hospitalına gətirilsə də, çoxlu qan itir- diyindən onun həyatını xilas etmək mümkün olmur. Beləliklə, Cəlal həyatla vidalaşaraq şəhidlik zirvəsinə ucalır. Şəhidin cənazəsi doğulduğu kəndə gətirilərək dəfn edilir. Əbədiyyət yolçuları 37 HABİL NƏCİYEV (1973-1993) Nəciyev Habil Xanqulu oğlu - 1973-cü ildə Lerik rayonunun Noda kəndində anadan olub. 1980-cı ildə Noda kənd orta məktəbinin birinci sinfinə daxil olub, 1990-cı ildə həmin məktəbin onuncu sinfini bitirib. Orta məktəbi bitirdikdən sonra Lerik rayon Hərbi komissarlığı tərəfindən həqiqi hərbi xidmətə çağrılaraq Qarabağ cəbhəsinə yola salınıb. 1992-ci ildən Milli ordu sıralarında xidmətə başlayan Habil Ağdam və Fizuli rayonu uğrunda gedən döyüşlərdə iştirak edərək igidliklər göstərib. 1993-cü ildə Fizulidə gedən döyüşlər zamanı yaralı yoldaşını xilas edərkən düşmən gülləsinə tuş gələrək şəhid olub. Şəhidin çənazəsi doğulduğu Noda kəndinə gətirilərək torpağa tapşırılıb. Noda kənd orta məktəbi Habil Nəciyevin adını daşı- yır. Məktəbin girişində şəhidin xatirə lövhəsi asılıb. Habil Nəciyev Noda kəndinin ilk şəhididir. Habil orta məktəbdə oxuyarkən bu sözlərlə başlayan bir inşa yazıb: “Əgər mən müharibədə olsaydım, özümü “Alay oğlu” əsərinin qəhrəmanı kimi aparardım. İgidlik və qəhrə- manlıq göstərər, heç olmasa faşistlərdən bir neçəsini öldü- rərdim. Vətənə faydalı olduğumu başa düşüb sevinərdim.” Yüklə 4,95 Mb. Dostları ilə paylaş:
|