BP Azərbaycanda Davamlı inkişaf haqqında hesabat 2010
19
Biz necə işləyirik
Təhlükəsizlik və insan haqları
BP-nin əməliyyatçısı
olduğu bütün obyektlərdə təhlükəsizliyin insan haqlarına uyğun olaraq
təmin olunması üçün biz müvafiq maraqlı tərəflərlə əməkdaşlıq edirik
İcmalarla işimiz
Əməliyyat ərazilərimizin yaxınlığında yerləşən
icmalarla əməkdaşlıq Azərbaycanda
biznesimizin təhlükəsizliyinin təmin
edilməsində çox mühüm rol oynayır. 2010-cu
ildə BP-nin operatoru olduğu boru kəmərləri
boyunca yerləşən icmalarla Təşkilatlararası
Təhlükəsizlik Komitəsi (TATK) iclaslarının
keçirilməsinə köməyimizi davam etdirmişik. BP
sahə təhlükəsizliyi müşavirlərinin rəhbərliyi ilə
13 rayonda İBKMİ nümayəndələri, yerli icra
komitələri və 3 920 nəfər icma üzvünün iştirakı
ilə 85 iclas keçirilib.
TATK iclaslarında qaldırılmış məsələlər
2009-cu ildə təsis edilmiş yüksək səviyyəli
regional icra orqanları nümayəndələrindən
ibarət olan təhlükəsizlik komissiyalarına təqdim
olunub. Bu komissiyaların başlıca vəzifəsi
Təhlükəsizlik və İnsan Haqları haqqında Könüllü
Prinsiplərin (KP) həyata keçirilməsini təmin
etmək və insan haqlarının pozulması ilə bağlı
hər hansı iddiaların BP və İBKMİ tərəfindən
birgə araşdırılmasına kömək etməkdir. 2010-cu
ildə insan haqlarının pozulması barədə heç bir
iddia qaldırılmayıb.
BP-nin operatoru olduğu boru kəmərləri
boyunca yerləşən icmaların təhlükəsizliklə
bağlı narahatlıqlarını bildirmələri üçün 2009-cu
ildə açılmış 114 nömrəli “qaynar xətt” 2010-cu
ildə də fəaliyyətini davam etdirib. 2010-cu ildə
bizə boru kəmərlərinin təhlükəsizliyi ilə bağlı
heç bir məlumat daxil olmayıb.
Monitorinq
2010-cu ildə Azərbaycan Sosial Təhlil
Komissiyası (ASTK) KP-lərin Azərbaycanda necə
həyata keçirdiyini qiymətləndirmək üçün
monitorinq keçirib. Özünün dördüncü
hesabatında ASTK bildirib: “KP-lərin monitorinqi
üçün BP-nin daxili proseduraları, təhlükəsizlik və
insan haqları üzrə keçirdiyi təlimlər və bu
proseduraların həyata keçirilməsində göstərdiyi
səyləri, həmçinin TATK-nın təsis olunmasını əla
qiymətləndirir”.
Bununla belə, ASTK kənardan monitorinqin
aparılmamasını bir məsələ kimi ortaya qoyub.
BP KP-lərin kənardan monitorinqinin
mümkünlüyünü istisna etməsə də, əminik ki,
bizim müntəzəm olaraq həyata keçirdiyimiz daxili
qiymətləndirmə proqramımız KP-lərin həyata
keçirilməsini və təkmilləşməyə ehtiyacı olan
sahələrin müəyyən edilməsini təmin edəcəkdir.
Bu mövqeyə uyğun olaraq, biz 2010-cu ilin
may ayında ilk dəfə olaraq KP-lərin həyata
keçirilməsinin daxili qiymətləndirilməsini apardıq.
Burada əsas məqsəd yalnız “qaydalara riayət
olunan” və ya “riayət olunmayan” sahələri
müəyyən etmək deyil, həm də şirkətləri
təlimatlandırmaq və onlara məsləhətlər
verməkdən ibarət idi. Yoxlama zamanı aşkar
etdik ki, Azərbaycanda KP-lərin həyata
keçirilməsinin bütün sahələrində BP-nin
mövqeyi güclü olsa da, icmalarla vaxtaşırı sorğu
keçirmək və İBKMİ təlim proqramları kimi bəzi
sahələri daha da yaxşılaşdırmaq olar.
Qiymətləndirmənin qısa xülasəsi və əsas
standartlar Azərbaycan və ingilis dillərində bizim
veb-səhifəmizdə yerləşdirilib.
SƏTƏM (sağlamlıq, əməyin təhlükəsizliyi və
ətraf mühit) üzrə əminlik proqramının bir hissəsi
olaraq BP 2010-cu ildə bizim təhlükəsizlik üzrə
podratçımız olan “Titan D” şirkətinin SƏTƏM
idarəetmə sisteminin BP və “Titan D” SƏTTƏM
(sağlamlıq, əməyin təhlükəsizliyi, təhlükəsizlik və
ətraf mühit) tələblərinə cavab verib-vermədiyini
yoxlamaq üçün audit keçirib. Audit nəticəsində
əldə olunan məlumatlar qeydiyyatdan keçirilib və
növbəti addımlar üzrə tədbirlər planı işlənib
hazırlanıb.
Dövlət və özəl təhlükəsizlik
orqanları ilə qarşılıqlı fəaliyyətimiz
İkitərəfli təhlükəsizlik protokolunun həyata
keçirilməsi məqsədilə 2009-cu ildə İBKMİ ilə
razılaşdırılmış proseduralar nəzərdən keçirilmək
üçün 2010-cu ildə Nazirlər Kabinetinə təqdim
olundu. Buna paralel olaraq, biz dəniz
əməliyyatlarını əhatə edən proseduraların
razılaşdırılması üçün Azərbaycan Respublikası
Müdafiə Nazirliyinin Hərbi Dəniz Qüvvələri və
Dövlət Sərhəd Xidmətinin Sahil Mühafizəsi ilə
birgə işlədik.
Nəticədə İBKMİ boru kəmərləri dəhlizi boyunca
avtomobillərlə gündüz patrul keşiyindən istifadə
edilməməsi üçün BTC/CQBK (Bakı-Tbilisi-Ceyhan/
Cənubi Qafqaz qaz boru kəməri) marşrutu
boyunca silahsız atlı patrulların sayının artırılmasına
razılıq verdi. 2010-cu ilin sonunda atlı patrulların sayı
BP-nin nəzarət etdiyi və əməliyyatçısı olduğu
obyekt və istehsal sahələrində çalışan
insanların və qurğuların təhlükəsizliyi üçün
şirkət məsuliyyət daşıyır. BP-nin quruda olan
obyekt və qurğularının mühafizəsi subpodratçı
“Titan D Ltd” şirkətinə həvalə olunub. BP-nin
obyektlərindən kənarda təhlükəsizlik üçün
məsuliyyəti ölkə hökuməti öz üzərinə götürüb.
Boru kəmərlərinin təhlükəsizliyi üçün İxrac
Boru Kəmərlərinin Mühafizəsi İdarəsi (İBKMİ)
a
məsuliyyət daşıyır. Dənizdə təhlükəsizlik
Azərbaycan Respublikasının hərbi donanması
və sahil mühafizəsi tərəfindən təmin edilir.
32 idi. Məqsədimiz onların sayını 2011-ci ilin
sonunadək 57-yə çatdırmaqdır. Patrullar boru
kəməri dəhlizi boyunca yaşayan icma üzvləri
arasından seçilir.
KP-lərin həyata keçirilməsi üzrə təlimlər davam
etdirildi. Biz təhlükəsizlik və insan haqları məsələləri
ilə əlaqədar Hərbi Dəniz Qüvvələrinin komanda-
idarəetmə mərkəzinin işçi heyəti və gəmi
kapitanları üçün iki ayrı-ayrı məşğələ təşkil etdik.
Birinci məşğələdə komanda-idarəetmə mərkəzinin
21 zabiti və ikinci məşğələdə 19 nəfər gəmi
kapitanı iştirak etdi.
“Titan D” şirkətinin mühafizəçilərinə əsas
təhlükəsizlik bacarıqları və əməyin təhlükəsizliyi
üzrə təlimləri keçirildi. Əlli iki mühafizəçi
avtomobildə axtarış və mühafizə xidmətinin
əsasları üzrə təlimi başa vurdu, 152 mühafizəçi
davranışların müşahidəsi üzrə təhlükəsizlik sistemi
(DMTS) kursunu bitirdi və 34 mühafizəçi
Azərbaycandakı 2 nömrəli Nasos Stansiyasında
inteqrasiya edilmiş elektron təhlükəsizlik
sistemlərinin idarə olunması üzrə texniki tanışlıq
kursunu tamamladı. Dənizdə çalışan
əməkdaşlarımızın istifadə etdiyi Bakı limanında
“Titan D” şirkəti ilə qadağan edilmiş əşyaların
aşkar edilməsi üzrə birgə təhlükəsizlik məşqi də
keçirildi.
Şikayətlərlə bağlı məsələlərin həlli
2010-cu il ərzində BTC/CQBK boru kəmərləri
marşrutu boyunca şikayətlərlə bağlı
məsələlərin həlli mexanizmi qüvvədə qaldı.
Şikayət aldığımız məsələlərin həlli ilə məşğul
olanların sırasına altı nəfər icmalarla əlaqə üzrə
məsul şəxs (İƏMŞ) və boru kəməri marşrutları
ərazilərində şikayətlərə baxan Səngəçal
terminalındakı bir menecer daxil idi. 2010-cu
ildə biz dörd şikayət aldıq. Şikayətlər əmlaka
dəyən zərər, işsizlik, torpağın bərpası,
sağlamlıq və qazın məşəldə yandırılmasının
ətraf mühitə təsirinə aid idi. 2010-cu ildə
bütün şikayətlər, o cümlədən terminalın
genişləndirilməsinin çoban və naxırçıların otlaq
sahələrinə təsiri haqqında 2008-ci ildə edilmiş
bir şikayət də həll olundu.
2010-cu ildə konkret şikayətlərdən başqa,
biz BTC/CQBK boru kəmərlərinin marşrutu
boyunca yerləşən ərazilərdə müxtəlif fəaliyyət
növləri ilə məşğul olmaq üçün icazə
verilməsinə dair 215 xahiş ərizəsi qəbul etdik.
Onların 206-sı 2010-cu ildə, doqquzu isə
2011-ci ilin yanvar ayında həll olundu.
ASTK-nın tam hesabatı:
bp.com/caspian/asrc
a
İBKMİ (İxrac Boru Kəmərlərinin Mühafizəsi İdarəsi)
Dövlət Xüsusi Mühafizə Xidmətinin (DXMD) bir şöbəsidir.