BP Azərbaycanda Davamlı inkişaf haqqında hesabat 2010
23
İdarəetmə Məktəbinin həyata keçirdiyi xüsusi
tərtib olunmuş MBA (biznesin idarə olunması
üzrə magistr) proqramında iştirak edən 14
əməkdaşdan ibarət idi. 2010-cu ildə altı
əməkdaşımız bu proqramın məzunu olub.
Digər bir proqram BP AGT-də işləyən
mühəndisləri Böyük Britaniyadakı Mühəndis-
texniki Şuradan diplomlu mühəndis sertifikatı
almağa həvəsləndirdi. İl ərzində daha üç
işçimiz Maşınqayırma və Texnologiya
İnstitutunu bitirib.
Əməkdaşlarımıza Neft Mühəndisləri
Cəmiyyətinin üzvü olmaları üçün verdiyimiz
dəstəyi davam etdirdik. Bu təşkilat bilik
mübadiləsi aparmaq və neft mühəndisliyi
ixtisasına marağı artırmaqla neft və qaz
sənayesində çalışan ixtisaslı mütəxəssisləri bir
araya gətirir.
Biz necə işləyirik
Müvəffəqiyyətin düsturu
Hələ məktəbdə oxuyarkən Anar Vəliyev
mühəndis atasının işi haqqında daha çox şey
bilmək istəyirdi. Bunun üçün də o, yerli və xarici
jurnallarda mühəndis işlərinə dair dərc edilmiş və
atasının onunla bölüşdüyü məqalələri oxuyurdu.
Əldə etdiyi biliklər Anarın mühəndis olmaq
qərarına gəlməsində əsas rol oynadı.
Öz arzusuna nail olmaq üçün Anar
Azərbaycan Dövlət Neft Akademiyasının
istehsal proseslərinin avtomatlaşdırılması
fakültəsinə daxil oldu. Üçüncü kursda oxuyarkən
o, BP-nin yay təcrübə proqramını reklam edən bir
afişa gördü. O, bu proqrama qoşulmaq üçün
ərizə ilə müraciət etdi və Səngəçal terminalında
yay təcrübəsinə qəbul edildi. Çox yaxşı işinə görə
ona SƏTƏM (sağlamlıq, əməyin təhlükəsizliyi və
ətraf mühit) qrupunun texnoloji proseslərdə
əməyin təhlükəsizliyi mühəndisi kimi
ixtisaslaşmaq üçün sağlamlıq və əməyin
təhlükəsizliyi üzrə Çəllencer kimi çalışmaq təklif
olundu. Onun ruh yüksəkliyi, inadkarlığı və daima
öyrənmək həvəsi ona Çəllenger proqramını (üç il
davam etməsi nəzərdə tutulan) doqquz ayda
qurtarmağa kömək etdi. Daha sonra o,
terminalda texnoloji proseslərdə əməyin
təhlükəsizliyi üzrə BP-nin Azərbaycandakı ilk yerli
mühəndisi oldu.
İndi dünyanın ən böyük neft və qaz
terminallarının birində risklərin idarə edilməsində
iştirak edən Anar məmnuniyyətlə müvəffəqiyyət
düsturunu digər gənc mühəndislərlə bölüşür. O
deyir: “Aldığın təhsildən maksimum istifadə et
və öz ixtisasını yaxşı bil ki, imkan yaranan kimi
ondan istifadə edə biləsən. Lakin o zaman da
yerində dayanma. Gərək həmişə özünü inkişaf
etdirəsən və bunun da məsuliyyəti sənin öz
üzərinə düşür.”
BP liderləri necə yetişdirir?
BP-dəki liderlik təlimlərində əsas diqqət
təşkilatın hər bir səviyyəsində fərdlərin strateji
təfəkkürünə yönəlir. Digər qabiliyyətlərlə
yanaşı siz ünsiyyət vərdişlərini, komanda kimi
işləməyin əsaslarını və digər işlərlə birlikdə
işçiləri necə inkişaf etdirməyi öyrənirsiniz.
Keçdiyim təlimin nəticəsi olaraq, mən
təşkilatda yaxşı rəhbər işçinin rolunun nədən
ibarət olmasını gözəl başa düşürəm.
Eldar Qazıyev
Maddi-texniki
tədarük üzrə
menecer
bacarıqlarının yaxşılaşdırılması kimi mövzular
üzrə dərslər vasitəsilə özlərinin idarəetmə
vərdişlərini inkişaf etdirmək imkanı verir. İl
ərzində biz 155 qrup rəhbərinin iştirak etdiyi
yeddi məşğələ keçirdik.
Dil təlimi
2010-cu ildə yerli işçi heyəti üçün ingilis dili
dərslərinin keçirilməsi davam etdi. İlin
sonunda 250 nəfər əməkdaş bu dərslərdə
iştirak edirdi. İngilis dilində danışıq bacarıqlarını
yaxşılaşdırmaq arzusunda olanlar üçün hər ay
ingilis dilində danışıq klubları təşkil olunub.
Bütün əcnəbi əməkdaşlara Azərbaycan dili
dərsləri və yeni gələn əcnəbi əməkdaşlara
Azərbaycanın tarixi, mədəniyyəti və adət-
ənənələri üzrə giriş kursu təklif olunub. Biz
həmçinin Azərbaycan dili üzrə biliklərini biznes
kontekstində təkmilləşdirmək arzusunda olan
yerli əməkdaşlar üçün də Azərbaycan dili
dərsləri təşkil etdik.
Erkən peşəkar inkişaf – BP-nin İddialı gənc
mütəxəssis proqramı
Texniki ixtisasların geniş spektrini əhatə edən
sahələrdən, o cümlədən təbiət elmləri,
texnologiya, mühəndislik və riyaziyyat
sahələrindən məzunlar işə qəbul edilir. Onların
BP fəaliyyətlərinin müxtəlif sahələri ilə
yaxından tanış olması və burada öz vəzifələrini
yerinə yetirməyə davam etməsinə kömək
etmək üçün hazırlanmış “İddialı gənc
mütəxəssis – Çəllencer” layihəmizin bir
hissəsi kimi daha sonra məzunlardan bəziləri
intensiv proqramlarda iştirak edirlər.
2010-cu ilin iyun ayında Çəllencer məzunlar
arasında keçirilən sorğunun nəticələrinə görə,
son 12 ayda Azərbaycan-Gürcüstan-Türkiyə
regionundakı BP gənc mütəxəssislərinin
məmnunluq səviyyəsi əvvəlki 12 aya nisbətən
40% artıb. 2009-cu ildə keçirilmiş sorğuda
müəyyən edilmiş narahatlıq doğuran əsas
məsələlərdə – texniki təlimatlandırmada
himayə, səriştəliliyin qiymətləndirilməsinin
faydası və qrup rəhbərlərinin dəstəyində
əhəmiyyətli irəliləyişin olduğu qeyd edildi.
Noyabr ayında Çəllencer gənclərin
şirkətdən kənarda keçirdikləri tədbirdə gənc
mütəxəssislər sorğunun nəticələrini
yekunlaşdıraraq, proqramın təkmilləşdirilməsi
yollarını müzakirə etdilər və bu barədə öz
rəylərini qrup rəhbərlərinə və əməkdaşların
inkişafı üçün məsul olan menecerlərə
çatdırdılar. Elə həmin gün BP AGT-dən 24
Çəllencerə məzun şəhadətnamələri təqdim
edildi.
Peşə ixtisasları
İşçilərin ixtisas səviyyəsini yüksəltmək üçün
göstərdiyimiz səylərin bir hissəsi kimi, biz yerli
işçi heyətinin peşəkar təhsilinə sponsorluq
edirik. 2010-cu ilin sonunda 109 nəfər
İdarəetmə uçotu üzrə Mühasiblər İnstitutunda
təhsil alıb. 2010-cu ildə 15 nəfər işçi bu
proqramı bitirib.
Dəstək verilən digər əməkdaşlar kadrlar
şöbəsinin Böyük Britaniyadakı Kadrların
İnkişafı İnstitutuna qəbul olmuş 7 nəfər
əməkdaşı və ABŞ-dakı Arizona Dövlət
Universiteti nəzdindəki Uilyam P. Keri