17 Biz necə işləyirik / 29 Əməyin təhlükəsizliyi və sağlamlıq / 35
Yüklə 0,97 Mb. Pdf görüntüsü
|
- Bu səhifədəki naviqasiya:
- Yerliləşdirmə istiqamətində səylər qarşılıqlı faydalı nəticələr verir
- Təchizatçı müəssisələri maliyyələşdirmə mexanizmi
- 2011-ci il üçün perspektivlər
BP Azərbaycanda Davamlı inkişaf haqqında hesabat 2010 47 2010-cu ilin mart ayında Mikro və kiçik kreditlərin verilməsi və məsləhət proqramına Azərbaycan KOM Kredit Məsləhət Xidmətləri adlanan 30-aylıq təşəbbüs üzrə fonddan 1,6 milyon dolların istifadə edilməsinə imkan verən düzəliş edildi. Bu layihədə əsas diqqət Azərbaycanda ilkin olaraq yeddi maliyyə institutunu texniki yardım göstərməklə gücləndirməyə yönəlib ki, onlar şəhər və kənd rayonlarında KOM kreditlərini davamlı səviyyədə təmin edə bilsin. Bu təşəbbüsə start verildikdən sonra Azərbaycanın altı rayonunda dörd maliyyə institutunu təmsil edən 34 nəfər işçi kredit müfəttişliyi üzrə əsas təlim kursu keçdi. Yerliləşdirmə istiqamətində səylər qarşılıqlı faydalı nəticələr verir Əvvəllər “Metal Qaynaq Sınaq” şirkəti kimi tanınan MQS 1998-ci ildə Qafqaz Enerji Qurğuları Trestinin qaynaq və sınaq işləri üzrə mərkəzi əməliyyat laboratoriyasının varisi kimi yaradıldı. Laboratoriya keçmiş Sovet İttifaqının hər yerində böyük elektrik stansiyalarının tikintisində çox böyük təcrübə əldə etmişdi. Hazırda MQS Xəzər regionunun neft, qaz və neft-kimya layihələrinə cəlb edilmişdir. Onun ixtisaslaşdığı sahələrə polad konstruksiyaların, boru və boru kəməri sistemlərinin hazırlanması, şırnaqla təmizləmə, rəngləmə və qaynaq işləri daxildir. MQS-nin direktoru Rasim Məmmədovun sözlərinə görə, şirkətin biznesdə qazandığı uğurlar əsasən təchizatçıların inkişaf etdirilməsi üzrə BP və onun tərəfdaşları tərəfindən təşkil edilmiş proqramlar ilə bağlıdır. Bu proqramlar MQS-ni keyfiyyətə nəzarət, sağlamlıq, əməyin təhlükəsizliyi və ətraf mühit, həmçinin beynəlxalq neft və qaz sənayesinin tələb etdiyi əminlik və şəffaf hesabatvermə üzrə yeni bacarıqlarla silahlandırıb. Rasim deyir: “Bizim məhsul və xidmətlərimizin keyfiyyətinə ən yaxşı sübut BP və onun tərəfdaşları ilə Azərbaycanda həyata keçirilən neft və qaz layihələrində nail olduğumuz uzunmüddətli əməkdaşlıqdır.” Məsələn, 2008-ci ildə şirkət BP-nin milliləşdirmə strategiyası əsasında boru kəmərinə texniki xidmət və təmir işlərinin təmin edilməsi üçün dəyəri bir neçə milyon dollar olan uzunmüddətli bir müqavilə imzaladı. Daha sonra, 2011-ci ilin mart ayında BP-nin operator olduğu Səngəçal terminalı və onunla bağlı ixrac neft və qaz kəmərlərinin hazırlanması və texniki-təmir xidmətlərinin təmin edilməsi üçün üçillik kontraktın qalibi oldu.
Bundan üç il sonra MQS BP ilə davamlı tərəfdaşlığa nail oldu. BP İxrac boru kəmərlərinə texniki-təmir xidmətləri və maddi-texniki təchizat meneceri Hikmət Bağırovun sözləri ilə desək, “Biz MQS ilə əməkdaşlığımızın səviyyəsindən məmnunuq. MQS yüksək etibarlılıq nümayiş etdirir, boru kəmərinin keyfiyyətli və sərfəli şərtlərlə hazırlanmasını, eləcə də örtüyün təmiri xidmətlərini müvəffəqiyyətlə təmin edir.” İndi MQS neft-qaz sənayesində öz texniki-təmir xidmətlərini Xəzər regionundan kənara da genişləndirməyi planlaşdırır. Bilirdinizmi? Yerli şirkətlərə Azərbaycanda BP ilə iş görmək üçün tələb olunan ilkin addımlar haqqında məlumat vermək məqsədi ilə 2010-cu ilin iyun ayında biznes inkişaf e-mərkəzi yaradıldı: www.ecbaku.com Bundan başqa, dörd rayonda yeddi maliyyə institutunu təmsil edən 23 nəfər “təlimatçını təlimatlandır” məşğələlərində iştirak etdi. Təchizatçı müəssisələri maliyyələşdirmə mexanizmi Təchizatçı müəssisələri maliyyələşdirmə mexanizmi (TMMM) 2006-cı ildə BMK ilə birgə Azərbaycanda neft və qaz sənayesini təchiz edən yerli şirkətlərə kömək etmək üçün təsis edilmişdir. O, BP maddi-texniki tədarük və təchizatın idarə edilməsi (TTİE) şöbəsinin tərəfdaşlar adından müqavilə bağladığı yerli təchizatçı şirkətlərə kreditlər təklif edir. 2009-cu ildə TMMM vasitəsilə təxminən 2,1 milyon dollar həcmində kredit almış dörd yerli şirkət – “Debet”, “AzMetco”, “Rapid Solutions” və “Student Travel International” – 2010-cu ildə öz dövriyyələrini təxminən 7,5 milyon dollaradək artırdı. Nəticədə onlar işçilərinin ümumi sayını 117 nəfərdən 230 nəfərədək ikiqat artırmağa nail oldular.
2011-ci ildə biz yerli iqtisadiyyata dəstək vermək üçün bir neçə yeni təşəbbüsün həyata keçirilməsini planlaşdırırıq. Onlara aşağıdakılar aiddir: •
tədbirlər keçirmək. Məqsəd yerli
sahibkarlığın inkişafına təsirimizin şəffaf olmasını təmin etmək, kadrların
milliləşdirilməsi və əməliyyatların təhlükəsizliyi üzrə öhdəliyimizə sadiq olduğumuzu nümayiş etdirmək, yeni imkanlar yaratmaq və yeni layihələr haqqında məlumatları yaymaqdır. • Azərbaycanda BP üçün yerliləşdirmənin vahid proqramının işlənib hazırlanması və həyata keçirilməsi. Bu proqrama
milliləşdirmə strategiyası, həyata keçirilmə mərhələləri və nəzarət mexanizmləri daxildir. • Rəqabətədavamlı yerli təchizat sistemlərinin reyestrini yaratmaq üçün yeni təchizatçı keyfiyyətinin idarə edilməsi prosesini başlamaq. Cəmiyyət
Yüklə 0,97 Mb. Dostları ilə paylaş:
|