BP Azərbaycanda Davamlı inkişaf haqqında hesabat 2010
49
Bacarıqlar müvəffəqiyyətə çevrilir
Usta yanında şagirdlik proqramında iştirak
etməyin müsbət nəticələri özünü iştirakçıların
sonrakı uğurlarında çox yaxşı göstərir.
Ruhidə Şahmərdanova 2007-ci ildə BP və
onun tərəfdaşlarının dəstək verdiyi “Gələcək
İcmalar” proqramı çərçivəsində “Ümid” SİD
tərəfindən təklif edilən bərbərlik üzrə altı-aylıq
usta yanında şagirdlik kursunun məzunlarından
biridir. Bu proqram vasitəsilə Ruhidə dəyərli
bacarıqlar əldə etdi və öz biznesinə başlamaq
üçün qrant aldı. Sonra o, effektiv bir biznes
planı tərtib etdi və irəli gedərək öz biznesini
qurdu – Hacıqabul şəhərində “Fidan” gözəllik
salonunu açdı.
Bu müvəffəqiyyət Ruhidəni tam qane
etmədi, öz bacarıqlarını başqalarına da
aşılamaq istədi. Belə ki, o, BP və onun
tərəfdaşlarının dəstəyi ilə “ÜMİD” SİD-in
həyata keçirdiyi davam etməkdə olan usta
yanında şagirdlik təlim proqramına qoşuldu.
Lakin bu dəfə o, gənc şagirdlərin müəllimi
oldu. O belə deyir: “Mən sənətin bütün
sirlərini şagirdlərimə açmaq üçün əlimdən
gələni edirəm. İstəyirəm ki, onlar elə peşəkar
olsunlar ki, gələcəkdə başqa birisini öyrədə
bilsinlər”. Ruhidənin öz işinə vurğunluğu iki
təzə usta köməkçisi – Bənövşə Süleymanova
və Ayşən İbrahimovanı özünə cəlb etdi və
onlar bu yaxınlarda “Fidan” gözəllik salonunda
kurs keçməyə başladılar.
Gənclərin inkişafına dəstək
Biz Azərbaycanda gənclərin bacarıq və
vərdişlərini yaxşılaşdırmağı nəzərdə tutan bir sıra
təşəbbüsləri də maliyyələşdirdik:
•
“Ümid” SİD tərəfindən həyata keçirilən və
2010-cu ilin noyabr ayından başlayaraq
2012-ci ilin iyununa qədər davam edəcək bir
layihə. Məqsəd davamlı bazar yanaşmaları
vasitəsilə icma iş adamlarının və gənclərin
bacarıq və gəlirlərini artırmaqdan ibarətdir.
Buna nail olmaq üçün biz birləşdirilmiş büdcə
metodundan istifadə edərək icma layihələri
həyata keçirməyi, təhlükəsiz və yeni
texnologiyaların tətbiqi ilə icma iş adamlarının
imkanlarını genişləndirməyi və gəncləri
inkişafın hərəkətverici qüvvəsi kimi fəaliyyət
göstərməyə təşviq etməyi planlaşdırırıq.
Layihənin büdcəsi 500 000 dollardır.
•
Avrasiya Əməkdaşlıq Fondu tərəfindən həyata
keçirilən birillik gənclərin inkişafı layihəsi.
Məqsəd gənclərə biznesə başlamaq və
mikro-iqtisadi layihələr həyata keçirmək
təcrübəsi aşılamaqla onların iqtisadi və
sahibkarlıq imkanlarını artırmaqdan ibarətdir.
Beş rayonda on hədəf icmanın gənclərini
əhatə edən beş gənclər fondu yaradıldı. Hər
bir fondun öz icmalarında digər gənclərə
bacarıqların yaradılması və biznes təlimləri
keçən yeddi üzvü var idi. Hər rayonda iki və ya
üç ən yaxşı biznes planı və ya mikro-iqtisadi
layihənin həyata keçirilməsi üçün fondlar
vasitəsilə maliyyə köməyi göstərildi. 2010-cu
ildə bütövlükdə bu layihədən 100 gənc
faydalandı. Layihənin büdcəsi 138 551 dollar
idi ki, bunun 129 445 dolları 2010-cu ildə
xərcləndi.
•
Gənclərin məşğulluğu və iqtisadi imkanların
genişləndirilməsi üzrə “Ümid”in həyata
keçirdiyi üçillik təşəbbüs. Bu layihədə əsas
diqqət Bakı Dəhlizindəki icmalara yönəlmişdi
və layihənin məqsədi gənclərə peşə və
sahibkarlıq vərdişləri aşılamaq, onlara iş
tapmaqda və ya öz bizneslərinə başlamaqda
kömək etmək idi. Bu layihə 2010-cu ilin avqust
ayında başa çatdı. Bütövlükdə 214 gənc
kursları qurtardı. Bundan sonra onların 145
nəfəri işə götürüldü, 45 nəfəri isə Sıçrayışlı
Başlanğıc üçün İqtisadi Layihə qrantlarının
köməyi ilə öz bizneslərini qurmağa nail oldu.
Layihənin büdcəsi 439 090 dollar idi ki, bunun
66 404 dolları 2010-cu ildə xərcləndi.
•
2010-cu ilin dekabrında gənclərin sahibkarlıq
bacarıqları əldə etməsinə yönəlmiş dördüncü
bir layihə başladı. Layihə 2012-ci ilin iyun
ayınadək davam edəcək. Azərbaycan İcma
İnkişafı Tədqiqat, Təlim və Resurs Mərkəzi
tərəfindən həyata keçirilən bu layihə
bacarıqların inkişaf etdirilməsi üzrə təlim kursları
təklif edir. Bu layihədən təxminən 600 nəfər
gəncin faydalanacağı gözlənilir. Bu təşəbbüsün
həyata keçirilməsinə cəmi 98 845 dollar
ayrılmışdır.
Əməkdaşların cəlb edilməsi proqramı
Əməkdaşların cəlb edilməsi proqramı (ƏCP)
əməkdaşlarımızı təşviq edir ki, onlar öz vaxt və
istedadlarını könüllü olaraq icmalara sərf etsin,
belə ki, şirkət təşəbbüsə vaxtın dəyəri qədər
dəstək verir. 2010-cu ildə 30-a yaxın əməkdaş
müxtəlif təhsil layihələri vasitəsi ilə ƏCP-də iştirak
edərək öz vaxtlarından 1 721 saat töhfə verdilər
ki, bunun dəyər ekvivalenti 34 420 dollarıdır.
2009-cu ilin noyabr ayından 2010-cu ilin dekabr
ayınadək yerli QHT – “Sağlam həyat” təşkilatı
ƏCP-nin topladığı vəsaitdən istifadə etməklə
dəyəri 70 120 dollar olan 11 ƏCP layihəsini həyata
keçirdi. Buraya BP-nin verdiyi 34 420 dollar,
layihəni həyata keçirən QHT-nin 16 890 dollar
payı və BP Azərbaycan əməkdaşlarının 18 893
dolları məbləğində bəxşişi daxil idi. Həyata
keçirilən təşəbbüslər arasında aşağıdakı layihələr
də var idi:
•
Meqa kitabxana layihəsinin 2-ci mərhələsi.
Dəyəri 5 000 dollar olan bu layihə Neft
Akademiyasında və digər təhsil
müəssisələrində neft və qaz ixtisasları üzrə
təhsil alan 1 500 tələbəyə kömək etmək üçün
nəzərdə tutulmuşdu. Mühəndis-geoloq və
digər neft-qaz ixtisaslarına dair kitablar onlayn
alındı və Azərbaycan Dillər Universitetinin
İnformasiya Resurs Mərkəzinə verildi.
•
BP-nin kitabxana təşəbbüsü. Bu təşəbbüs
əvvəlcədən seçilmiş altı məktəbin ikisində
– Hacıqabuldakı 5 nömrəli və Yevlaxdakı 8
nömrəli orta məktəbdə kitabxanalarının təmiri
və/yaxud bərpası və yeni kitab rəflərinin
quraşdırılması işlərini əhatə edirdi. 18 891
dollarlıq büdcəsinin üçdə iki hissəsi BP AGT
əməkdaşlarının bəxşişləri hesabına
maliyyələşən bu iki layihədən təxminən 80
müəllim və 1 565 şagird faydalandı.
Azərbaycan, Gürcüstan və Türkiyədə sosial xərclər, 2010
(min dollar)
Yalnız BP
BP və tərəfdaşları
Yalnız BP
(%)
Azərbaycan
Gürcüstan
Türkiyə
4 776
5 824
3 718
2 341
1 369
938
49%
23%
30%
Cəmi
13 718
4 648
34%
Cəmiyyət