188 Müasir dövr
Tarix və onun problemləri,
№ 3 2013
HƏMZƏ ƏLIYEV
AMEA A.A.Bakıxanov adına Tarix İnstitutunun dissertantı, tarixçi-tədqiqatçı
E-mail: TarixVeOnunProblemleri@gmail.com
AZƏRBAYCAN RUSIYA DÖVLƏTLƏRI ARASINDA HUMANITAR
ƏLAQƏLƏRIN INKIŞAFINDA MƏDƏNI MÜNASIBƏTLƏRIN ROLU
Açar sözlər: mədəni, dövlət, əlaqə
Ключевые слова: культурный, государство, контакт
Key words: cultural, state, contact
Azərbaycanla Rusiya arasında mədəni əlaqələr tarixən uzun illər mövcud olmuş və
müxtəlif formalarda həyata keçirilmişdir. Mədəni əlaqələrin çoxşaxəli inkişafı hər iki ölkə
arasında humanitar əlaqələrin inkişafında böyük rol oynamışdır. Azərbaycanla Rusiyanı 200
illik birgə yaşayış və dostluq telləri bağlayır. Xalqımız uzun illər boyu birlikdə olmuş, bir
dövlətdə yaşamışlar. Lakin müəyyən dövrlərdə müxtəlif problemlər və çətinliklər də
olmuşdur.
Azərbaycan Respublikası müstəqillik əldə etdikdən sonra Heydər Əliyevin hakimiyyətə
qayıdışı vəziyyəti kökündən dəyişdi. Hər iki ölkə arasında gərginlik aradan qaldırıldı, bütün
sahələrdə münasibətlər yüksələn xətlə inkişaf etməyə başladı.
Müstəqil Dövlətlər Birliyinin digər üzv ölkələri ilə yanaşı Rusiya dövləti ilə də iqtisadi,
siyasi, mədəni, sosial və başqa sahələrdə müqavilələr imzalandı.
Azərbaycan Respublikası humanitar əlaqələrin bütün formalarından və istiqamətlərindən
istifadə edərək Rusiya ilə bu sahədə əlaqələrin yaranıb inkişaf etməsinə nail ola bildi. Bu
əlaqələr mədəniyyətin bütün sahələrini, incəsənət, ədəbiyyat, kino, teatr, musiqi, televiziya,
radio və s. əhatə etmişdir. Göstərilən sahədə əlaqələr müxtəlif formalarda, istiqamətlərdə və
səviyyədə baş vermişdi; qastrol səfərləri festival, mədəniyyət günləri, həftələri, illəri, ayları,
teatr tamaşaları, musiqi festivalları, sərgi mübadiləsi, konfrans, simpozium və digər forma-
larda təşkil edilib həyata keçirilmişdir.
1990-cı ilin oktyabr ayında Rusiyada keçirilmiş gənc bəstəkarların “Azərbaycan-Rusiya”
adlı festivalı böyük maraqla qarşılanmışdır.
1991-ci ildə Moskva şəhərində dünya poeziya xəzinəsinə misilsiz sənət inciləri bəxş
etmiş dahi Azərbaycan şairi Nizami Gəncəvinin 850 illik yubileyi böyük təntənə ilə qeyd
edilmişdir. Bu əzəmətli poeziya bayramı ərəfəsində Azərbaycan hökuməti adından görkəmli
söz ustasını Rusiya ictimaiyyətinə daha yaxından tanıtmaq, qonşu ölkənin poeziya sevərləri
arasında mədəni əməkdaşlığı daha da möhkəmləndirmək məqsədi ilə Nizami Gəncəvinin
abidəsi Moskva meriyasına təqdim edilmişdir.
Rusiyanın Ulyanovski vilayətində yaşayan soydaşlarımız Nizami adına mədəniyyət
Mərkəzi yaratmışlar. Mərkəzin əsas məqsədi vilayətdə yaşayan 40 mindən çox soydaşımıza
müstəqil respublikamızın iqtisadi, siyasi, mədəni həyatındakı yeniliklər barədə məlumat
vermək, incəsənət ustalarının qastrollarını təşkil etmək, sərgilər vədigər mədəni tədbirlər
keçirmək olmuşdur.
1991-ci il noyabr ayının 17-də Moskvada Azərbaycanın dahi şairi Məhəmməd Fizulinin
500 illik təntənəli yubileyi keçirilmişdir.
Müasir dövr 189
Tarix və onun problemləri,
№ 3 2013
Azərbaycan – Rusiya humanitar əlaqələrinin daha da möhkəmləndirilməsində 1991-ci il
iyun ayının 8-13-nə kimi Azərbaycanda Rusiya federasiyası mədəniyyəti günlərinin
keçirilməsinin az rolu olmamışdır. Rusiya mədəniyyəti günləri çərçivəsində tədbirlər təkcə
Bakıda deyil, həm də Naxçıvanda, Gəncədə, Sumqayıtda, Şəkidə və Lənkəranda keçirilmişdir.
1991-ci il may ayının 15-də Azərbaycan Dövlət İncəsənət Muzeyində məşhur Rusiya
rəssamı Mikas Safranovun sərgisi açılmışdır.
1991-ci il aprel ayının 26-da Rusiya Federasiyasının paytaxtı Moskva şəhərində keçirilən
Azərbaycan Respublikasının mədəniyyət günləri də çox təsirli olmuşdur. Ölkəmizin Moskva-
da mədəniyyət günləri çərçivəsində Moskva Rəssamlar İttifaqının sərgi salonunda “Azərbay-
can təsviri sənəti” sərgisi və tanınmış Azərbaycan kinorejissoru, respublikanın xalq artisti Əj-
dər İbrahimovun xatirə lövhəsi asılmışdır. Bundan başqa sərgidə xalqımızın tanınmış rəssam-
larından Səttar Bəhlulzadənin, Tahir Salahovun, Mikayıl Abdullayevin, Toğrul Nərimanbəyo-
vun, Asəf Cəfərovun, Oqtay Seyfullayevin və başqalarının tabloları nümayiş etdirilmişdir.
1995-ci ildə Moskvada keçirilən “Dostlarımızın musiqisi-95” Beynəlxalq musiqi festi-
valı xüsusi maraq doğurmuşdu. Tədbirdə nümayəndə heyətində Respublika Bəstəkarlar İtti-
faqının sədri Tofiq Quliyev, bəstəkarlardan Arif Məlikov, Tofiq Bakıxanov, Məmməd Quli-
yev, musiqişünas Ramiz Zöhrab və b. iştirak etmişlər. Həmin ilin martında Tatarıstan Respub-
likasının Mədəniyyət Nazirliyinin dəvəti ilə Azərbaycanın Dövlət Gənclər teatrının kollektivi
Tatarıstanın paytaxtı Kazan şəhərində türk milli xalqların teatr kollektivlərinin beynəlxalq
“Novruz” festivalında iştirak etmişlər.
1995-ci il iyunun 17-dəAzərbaycan Yazıçılar Birliyində dahi rus şairi A.S.Puşkinin 200
illik yubileyi ilə əlaqədar tədbir keçirilmişdir. Tədbirdə Yazıçılar Birliyinin sədri Anar,
Rusiyanın Azərbaycandakı səfiri Aleksandr Bloxin və başqaları çıxış etmişlər.
2000-ci il iyun ayının 26-dan iyulun 1-dək Azərbaycanda Rusiya Federasiyası və
Moskva şəhərinin mədəniyyət günləri keçirilmişdir. Tədbirdə 250 nəfərdən çox qonaq iştirak
etmişdir. Mədəniyyət günlərinin açılışı ilə bağlı ilk tədbir iyunun 26-da M.F.Axundov adına
Dövlət kitabxanasında keçirilmiş, orada Respublikanın mədəniyyət naziri Polad Bülbüloğlu və
Rusiya Federasiyasının mədəniyyət naziri Mixail Şvidkov çıxış etmiş və KİB nümayəndə-
lərinin çoxsaylı suallarını cavablandırmışlar.
İyun ayının 27-də isə R.Mustafayev adına Dövlət İncəsənət Muzeyində və Bədii Sərgi
Salonunda rus müəlliflərinin əsərlərinin sərgisi açılmışdır.
Mədəniyyət günləri ilə bağlı böyük təntənəli mərasim iyunun 27-də Respublika
Sarayında keçirilmişdir. Tədbir çərçivəsində Azərbaycan Dövlət Musiqili Komediya teatrında,
habelə Opera və Balet teatrında bir sıra tamaşalar nümayiş etdirilmişdir. Bundan əlavə qonaq-
lar Bakının Qaradağ rayonunda və Sumqayıt şəhərində olmuş, sakinlərlə görüşlərkeçirmişlər.
Mədəniyyət günlərinin təntənəli bağlanış mərasimiisə iyunun 30-da ölkə Prezidenti
Heydər Əliyevin iştirakı ilə Respublika Sarayında keçirilmişdir.
Azərbaycan-Rusiya humanitar əlaqələrinin genişlənməsinə Moskvada böyük Azərbay-
can eposu “Kitabi-Dədə-Qorqud”un 1300 illiyinin böyük təntənə ilə bayram edilməsinin
böyük təsiri olmuşdur.
Azərbaycan-Rusiya mədəni münasibətlərinin inkişafında Respublika Prezidenti Heydər
Əliyevin Rusiya Federasiyasının prezidenti Vladimir Putinin dəvəti ilə iyunun 8-9-da Sank
Peterburq şəhərində işgüzar səfərinin də ciddi əhəmiyyəti olmuşdur. Həmin günün səhəri, yəni
iyunun 9-da Sank-Peterburqun Kamennostrovski prospektindəki bağda dahi Azərbaycan şairi
Nizami Gəncəvinin abidəsinin açılışına həsr olunmuş təntənəli mərasim keçirilmişdi. Hər iki
dövlət başçısı Heydər Əliyev və Vladimir Putin mərasim iştirakçıları:– ictimaiyyətin nüma-
190 Müasir dövr
Tarix və onun problemləri,
№ 3 2013
yəndələri, dövlət və mədəniyyət xadimləri, Azərbaycan diasporunun üzvləri tərəfindən
alqışlarla qarşılanmışdır.
2002-ci il aprelin 21-dən 26-na kimi Azərbaycan Respublikasında Rusiya mədəniyyəti
günləri keçirilmişdir. Rusiyalı qonaqlar ölkəmizdə mədəniyyət, ictimai və təhsil ocaqlarında
müxtəlif görüşlər keçirmişlər.
Həmin günlərin arxasınca Moskva yaxınlığındakı Reutov şəhərində “Bütün Rusiya-
2002” kütləvi informasiya vasitələrinin VII festivalı öz işini başa çatdırmışdı. Tədbirə
Rusiyanın bütün regionlarından 800 nümayəndə toplaşmışdı. Həmin tədbirə Azərbaycan Milli
Bürosunun kordinatoru Oleq Əliyevin rəhbərlik etdiyi nümayəndə heyəti də qatılmışdır.
O.Əliyev Rusiya Jurnalistlər Birliyinin sədri Y.Baqdanov və bir sıra KİV rəhbərləri ilə
görüşüb, danışıqlar aparmışdı.
Azərbaycan-Rusiya humanitar əlaqələrinin inkişafınahər iki xalqın musiqi ictimaiyyə-
tininfəaliyyəti də ciddi təsir göstərmişdi. Bu faktor 1991-2005-ci il illərdə də mühüm rol
oynamışdır. Musiqi çox güclü bir təsirə malik olanmənəvi vasitədir. Belə ki, musiqiöz
məqsədivə mahiyyətinə görə ünsiyyət vasitəsidir. Hər zaman belə günlər olub və gələcəkdə də
olacaqdır. Göstərilən illər Azərbaycan-Rusiya musiqi aləmi üçün xarakter olmuşdur.
Beynəlxalq musiqi həyatının mühüm qolunu təşkil edən və Rusiya Bəstəkarlar İttifaqı
tərəfindən keçirilən “Dostların musiqisi” festivalı həmin məqama qulluq etmişdir. 1994-cü il
tarixdən başlayan və ardıcıl davam edən bu festivallarda ayrı-ayrı ilərdə Q.Qarayev, A.Məli-
kov, T.Bakıxanovun, X.Mirzəzadə, M.Mirzəyev, M.Quliyev, F.Əlizadə və başqa bəstəkarların
musiqisi səslənmişdir.
Mədəniyyət sahəsində hər iki xalqı mənəvi cəhətdən birləşdirmək sahəsində ədəbi
əlaqələrin də mühüm əhəmiyyəti olmuşdur. Cəmi otuz il yaşamış, lakin rus poeziyasında
silinməyən izlər qoyub getmiş Sergey Aleksandroviç Yesenin doğma Bakımızla da qəlbən
bağlı bir şair olmuşdur. Qorkinin “xilqətən poeziya üçün yaranmış bir varlıq” adlandırdığı
Yesenin Blok və Mayakovski ilə yanaşı duran istedadlı söz sənətkarı kimi çox tez məşhurla-
şaraq xalqının sevimlisinə çevrilmişdir. Onun zəngin yaradıcılığında Azərbaycan mühiti,
təbiəti, xüsusən Bakı-Mərdəkan gözəllikləri ümumşərq koloriti kimi verilmişdi. Bakıda-
Mərdəkan bağlarında istirahət edərkən yazdığı “İran nəğmələri” silsiləsindən 20 şeiri məhz
doğma diyarımıza həsr olunmuşdur. Odur ki, tarixən söz və sənət qədri bilən xalqımız onun
adına muzey yaratmışdır.
2003-cü ilin oktyabrın 3-də Mərdəkanda Sergey Yeseninin xatirə ev muzeyində toplaşan
qonaqlar bu dəfədə mənəvi bir poeziya gününün iştirakçısı olmuşlar. AMEA-nın Nizami
Gəncəvi adına Azərbaycan Ədəbiyyatı Muzeyinin filialı kimi fəaliyyət göstərən bu xatirə
ocağı Yeseninin poeziyasının təbliğində, Azərbaycan-Rusiya əbədi əlaqələrinin möhkəmlən-
dirilməsində xüsusi rol oynayır. Həmin tədbirdən sonra muzeydə “XVIII-XIX əsrlər rus
incəsənəti” sərgisinin açılışı olmuşdur. Tədbirdə Rusiya Mədəniyyət Naziri Mixail Şvidkov və
Azərbaycan Rəssamlar İttifaqının sədri Fərhad Xəlilov çıxış etmişlər. Azərbaycan Yazıçılar
Birliyi və Kinematoqrafçılar İttifaqındakı görüşlər, M.F.Axundov adına Azərbaycan Dövlət
Kitabxanasında Rusiya və Azərbaycan idmançıları arasında şahmat üzrə dostluq turnirinin
açılışı, Çaykovski adına Dövlət Akademik Böyük SimfonikOrkestrinin Respublika sara-
yındakı konserti də eyni günə təsadüf etmişdir.
Azərbaycanın xalq yazıçısı Elçin xarici ölkələrdə, o cümlədən Rusiyada ən çox çap
olunan sənətkarlardan biridir. Onun roman, povest və hekayələri eləcə də pyesləri müxtəlif
ölkələrdə, o cümlədən Rusiyada çap olunur, tamaşaya qoyulur və geniş oxucu auditoriyasının
rəğbətini qazanır.
Müasir dövr 191
Tarix və onun problemləri,
№ 3 2013
2004-cü ildə Moskvanın məşhur və nüfuzlu “Avallon” nəşriyyatı Elçinin “Ölüm hökmü”
adlı kitabını nəfis şəkildə çapdan buraxmışdır.
2004-cü il iyunun 21-də Azərbaycan Yazıçılar Birliyinin dəvəti ilə işgüzar səfərə gələn
Rusiyanın məşhur və qədim ədəbiyyat jurnallarından biri olan “Drujba narodov” jurnalının
baş redaktoru Aleksandr Ebanoidze ilə görüş keçirilmişdir. Görüşdə görkəmli yazıçılar,
şairlər, elm və mədəniyyət xadimləri iştirak etmişlər.
2005-ci il aprelin 20-də MoskvadaMillətlər Evində “Ocaq” Azərbaycan Mədəniyyəti
Cəmiyyəti və Azərbaycan Yazıçılar Birliyinin Moskva bölgəsinin təşkilatçılığı ilə görkəmli
Azərbaycan yazıçısı və mütəfəkkiri Cəlil Məmmədquluzadənin 140 illiyinə həsr olunmuş
ədəbi gecə keçirilmişdir. Azərbaycan Yazıçılar Birliyinin katibi, xalq yazıçısı Çingiz Abdul-
layev, birliyin məsul katibi, Azərbaycan ədəbiyyatı fondunun baş direktoru Nazim İbrahimov
və başqaları ustadın həyat və yaradıcılığından, “Molla Nəsrəddin” jurnalının əhəmiyyətindən
danışmışlar.
2004-cü il fevralın 16-da Moskvada, Kreml sarayında Azərbaycan ilinin təntənəli açılış
mərasimi olmuşdur. Rusiyanın və Azərbaycanın dövlət bayraqları ilə bəzədilmiş salona
toplaşanlar Azərbaycan Respublikasının prezidenti İlham Əliyevi və Rusiya Federasiyasının
prezidenti Vladimir Putini hərarətli alqışlarla qarşılaşmışlar. Açılış mərasimində hər iki
prezident çıxış etmişlər. Rəsmi hissədən sonra Azərbaycan incəsənət ustalarının iştirakı ilə
geniş proqramda konsert verilmişdir.
2004-cü il aprelin 22-də Azərbaycan ili çərçivəsində Moskva şəhərində Y.Vaxtanqov
adına Dövlət teatrı nəzdindəki Ali teatr məktəbinin səhnəsində dahi Üzeyir Hacıbəyovun
dünyada məşhur olan “Arşın mal alan” musiqili komediyasının yeni quruluşda ilk tamaşası
böyük uğurla keçmişdir.
2004-cü il oktyabrın 21-də Mədəniyyət Nazirliyində Azərbaycan respublikası ilə Rusiya
federasiyasının Sverdlovski vilayətinin mədəniyyət sahəsində əməkdaşlığının daha da geniş-
ləndirilməsinə dair protokol imzalanmışdır. Bunun nəticəsində Rusiya federasiyasının Sverd-
lovsk vilayətinin Azərbaycanda mədəniyyət günləri çərçivəsində oktyabrın 22-də Heydər
Əliyev adına sarayda incəsənət ustalarının böyük konserti olmuşdur. Həmin gün Azərbaycan
Respublikasının prezidenti İlham Əliyev prezident sarayında Sverdlovsk vilayətinin quberna-
toru Eduard Rosseli qəbul etmişdir. Qonağı səmimi salamlayan dövlət başçısı Bakıda Sverd-
lovsk vilayəti mədəniyyət günlərinin keçirilməsini Azərbaycan-Rusiya əlaqələri tarixində
əlamətdar bir hadisə kimi qiymətləndirilmişdir.
2004-cü il iyunun 12-dək ölkəmizdə keçirilən Rusiya mədəniyyəti günləri də maraqlı
olmuşdur. Rusiyanın Mədəniyyət və kütləvi Kommunikasiyalar Naziri Aleksandr Sokolovun
başçılığı ilə respublikamıza 170 nəfərə yaxın qonaq gəlmişdir.
Yeri gəlmişkən demək olar ki, 1994-cü ildən başlayaraq Rusiya ilə Azərbaycan arasında
mədəniyyət günlərinin keçirilməsi artıq ənənə şəklini almışdır.
Mədəniyyət günləri çərçivəsində Azərbaycan Respublikasının Mədəniyyət Nazirliyi ilə
Rusiya federasiyasının Mədəniyyət və Kütləvi Kommunikasiyalar Nazirliyi arasında əməkdaş-
lıq haqqında protokol və kitabxanaçılıq işində qarşılıqlı fəaliyyət haqqında saziş imzalan-
mışdır. Bu müqavilə əsasında mədəniyyət günləri, festivallar keçirilməsi, bir-birinə musiqi
kollektivləri göndərilməsi, dram teatrlarının bədii kollektivlərinin və ayrı-ayrı ifaçıların
qastrollarının təşkil olunması nəzərdə tutulmuşdur. Sonralar bu işlər uğurla davam etdirilmiş,
tərəflər xalq yaradıcılığısahəsində də əməkdaşlıq etmiş, xalq yaradıcılığı evləri və özfəaliyyət
kollektivləri arasında birbaşa əlaqələr yaradılmışdır.
192 Müasir dövr
Tarix və onun problemləri,
№ 3 2013
Muzey işi və sərgi fəaliyyəti sahəsində əməkdaşlıq, ali və orta ixtisas, mədəniyyət və
incəsənət məktəbləri arasında da birbaşa əlaqələr yaradılmış, biri-birinə tələbələr göndərilmiş,
yaradıcılıq stajları, informasiya mübadiləsi, Rusiya və Azərbaycan xalqlarının tarixi-mədəni
irsinin öyrənilməsi, axtarışı və qeydiyyata alınması da həyata keçirilmişdir.
Azərbaycanda Rusiya mədəniyyəti günlərində proqrama uyğun olaraq “Nizami” kino-
teatrında Rusiyanın kino həftəsi başlamışdır. Həftə “Karmen” filminin nümayişi ilə açılmışdı.
2005-ci ilin noyabr ayında Səməd Vurğun adına Azərbaycan Dövlət Rus Dram teatrı
Rusiyada qastrol səfərində olmuşdur. Layihə Rusiya teatr xadimləri İttifaqı yanında “MDB və
Baltika ölkələri Rus teatrlarının Dəstəklənməsi Mərkəzi”nin proqramı çərçivəsində həyata
keçirilmişdir. Azərbaycanı təmsil edən teatr kollektivi Rusiyanın Belqorod, Oryol və Bryansk
şəhərlərində tamaşalar göstərmiş, sonda isə Rusiya teatr ictimaiyyəti qarşısında çıxış etmişlər.
2005-ci il aprel ayında Mossovet adına Dövlət Akademik teatrı Bakıda qastrol səfərində
olmuşdur. Onlar aprelin 12-də Azərbaycan DövlətMusiqili Komediya teatrının səhnəsində rus
ədəbiyyatlarının klassiklərindən olan Anton Çexovun “Qağayı” pyesi əsasında tamaşa
göstərmişlər.
Həmin il, noyabr ayının 5-də Moskva Dövlət Konservatoriyasının Raxmaninov adına
salonunda “Moskva payızı 25” Beynəlxalq müasir musiqi festivalı çərçivəsində SSRİ xalq
artisti, Lenin və Dövlət Mükafatları laureatı, professor Qara Qarayevin 85 illik yubileyinə həsr
olunmuş konsert verilmişdir.
Beləliklə, yuxarıda göstərilən faktlar göstərir ki, 1991-2005-ci illərdə Azərbaycanın
ictimai həyatının digər sahələrində olduğu kimi, onun Rusiya ilə dövlətlərarası geniş huma-
nitar əlaqələri də mövcud olmuşdur. Həmin əlaqələr demək olar ki, hər iki MDB üzv
dövlətinin humanitar inkişafına xidmət edən, güclü təsir göstərən və ölkələrarası dostluq və
əməkdaşlıq meyllərini gücləndirən bütün istiqamətlərini və formalarını əhatə etmişdir. Görü-
lən işlər, həyata keçirilən ənənəvi tədbirlər Azərbaycan-Rusiya dövlətlərinin həmin sahələrdə
əməkdaşlıqlarının möhkəmləndirilməsi işini gücləndirmiş və hər iki xalqın humanitar
inkişafının həmin dövrdə qarşısında duran mühüm vəzifələrinin həyata keçirilməsində böyük
rol oynamışdır.
Ədəbiyyat:
1.
"Musiqi dünyası" jurnalı
2.
"Xalq"qəzeti
3.
"Azərbaycan" qəzeti
4.
"Ədəbiyyat" qəzeti
5.
"Bakinskiy raboçiy" qəzeti
6.
Azərbaycan Respublikası Mədəniyyət və Turizm Nazirliyinin cari arxivi
7.
"Respublika" qəzeti
8.
Azərbaycan-Rusiya, Rusiya-Azərbaycan, 1992-2002 sənədlər toplusu.
9.
H.Əliyev - XXI əsr, Azərbaycan-MDB ölkələri. (monoqrafiya), Bakı, 2008-ci il
Müasir dövr 193
Tarix və onun problemləri,
№ 3 2013
ХАМЗА АЛИЕВ
Диссертант Института Истории имени А.А.Бакиханова НАНА
РОЛЬ КУЛЬТУРНЫХ СВЯЗЕЙ В РАЗВИТИИ ГУМАНИТАРНЫХ
ОТНОШЕНИЙ МЕЖДУ ГОСУДАРСТВАМИ АЗЕРБАЙДЖАНА И РОССИИ
Исторически культурные связи между Азербайджаном и Россией существовали в
течение долгих лет и осуществлялись в разных формах. Многостороннее развитие
культурных связей играли важную роль в развитии гуманитарных отношений между
двумя странами. Россию и Азербайджан связывают двести лет совместного проживания
и дружбы. Наши народы долгие годы были рядом ижили в составе одного государства.
Но, конечно в разные времена возникали разные проблемы и трудности.
Возвращение к власти Гейдара Алиева после обретения независимости
Азербайджаном в корне изменило ситуацию, была устранена напряженность между
обеими государствами, отношения начали развиваться по восходящей линии во всех
областях, в том числе в области гуманитарных связей.
В статье на основе широких фактов всесторонне освещаются претворенные в
жизнь работы в области создания, расширения и укрепления гуманитарных отношений
между Азербайджанской Республикой и Российской Федерацией за 1991-2005 годы.
HAMZA ALIEV
Dissertator of the Institute of History named after Bakikhanov of NAS
ROLE OF CULTURAL TIES IN DEVELOPMENT OF HUMANITARIAN
RELATIONS BETWEEN THE AZERBAIJANI AND RUSSIAN STATES
Historically the cultural ties between Azerbaijan and Russia existed within long years
and were carried out in different forms. Multilateral development of cultural ties played an
important role in development of the humanitarian relations between two countries. Russia
and Azerbaijan are connected by two hundred years of cohabitation and friendship. Our
people for many years were near, and lived in one state. But, certainly at various times there
were different problems and difficulties in thatrelations.
Heydar Aliyev's return to power after that Azerbaijan get it's independencea situation
changed in a root, an intensity between both states was eliminated, the relations started
developing in the line of ascent in all areas, including in the field of humanitarian
communications.
In article on the basis of the wide facts are comprehensively shinedthe realized works
in the field of creation, expansions and strengthenings of the humanitarian relations between
the Azerbaijan Republic and the Russian Federation for years of 1991-2005.
Rəyçilər: t.e.d.S.A.Sayadov, t.e.d.R.C.Süleymanov
AMEA A.A.Bakıxanov adına Tarix İnstitutunun 19.11.2008-cü il tarixli iclasının
qərarı ilə çapa məsləhət görülmüşdür (pr. №09).
Dostları ilə paylaş: |