1953-cü ilin L. P. Beriyanın xarici kapitalın mənafeyi naminə sovet dövlətini sarsıtmaq
Yüklə 0,58 Mb. Pdf görüntüsü
|
| 1
İTTİHAM
1953-cü ilin L.P.Beriyanın xarici kapitalın mənafeyi naminə sovet dövlətini sarsıtmaq, hakimiyyəti əla almaq, sovet fəhlə-kəndli quruluşunu dağıtmaq, burjua hakimiyyətini bərpa etmək məqsədilə SSRİ hökümətini və Sov. İKP-ni Daxili İşlər Nazirliyindən asılı vəziyyətə salmaq cəhdləri dövlət, partiya əleyhinə cinayətkar fəaliyyət kimi MK tərəfindən ifşa edilmişdir. SSRİ Ali Sovetinin 1953-cü il 8 avqust tarixli qərarına müvafiq olaraq Beriyanın və onun əlaltılarının işi baxılmaq üçün SSRİ Ali Məhkəməsinə göndərilmişdi. 1953-cü il dekabrın 23-də SSRİ Ali Ali Məhkəməsi Vətənə xəyanət və digər ağır dövlət cinayətləri törətdiklərinə görə Beriya və onun yaratdığı xəyanətkar qrupun digər fəal üzvləri: Merkulov, Dekanozov, B.Kobulov, Qoqlidze, Meşik Vlodzimirski ən böyük cəzaya- güllələnməyə məhkum edildilər. Beriya və onun yaxın əlaltılarının ifşası ilə əlaqədar olaraq sui-qəsdçi qrupun başçılarının Beriyanın digər həmməsləkləri ilə əlaqələri araşdırılmağa başladı. Məlum oldu ki, xalq düşməni Beriyanın ən yaxın və aktiv məslək dostu uzun illərdən bəri cinayətkar fəaliyyətdə onunla sıx tellərlə bağlı olan, bu iş üzrə müqəssir hesab edilən M.C.Bağırov olmuşdur. Göstərilənlərə əsasən M.C.Bağırov həbs olunmuşdur. N.C.Bağırovun iş üzrə istintaqda məlum olmuşdur ki, 1921-ci ildən – Bağırov Bakı şəhərində Azərbaycan Fövqəladə Komitəsinin sədri olan vaxtdan etibarən Beriyanın müsavat əkskəşfiyyatı ilə bağlı cinayətkar fəaliyyətindən tam xəbərdar imiş və cinayətkar keçmişini ört- basdır etməkdə ona yaxından köməklik göstərirmiş. Bağırov bilirdi ki, Beriya müsavat əkskəşfiyyatına kommunist partiyası və ya digər inqilabi təşkilatlar tərəfindən göndərilməyib, ingilis kəşfiyyatının nəzarəti altında fəaliyyət göstərən müsavat əkskəşfiyyat xidmətinə öz xoşu ilə daxil olub və inqilabi fəhlə hərəkatına qarşı fəal mübarizə aparıb. Bağırov bütün bunları bilə- bilə, Beriyanı ifşa edəcək adamların aradan götürülməsində, sənədlərin oğurlanıb məhv edilməsində, Beriyaya ötürülməsində fəal iştirak edərək Beriyanın məsuliyyətində fəal iştirak edərək Beriyanın məsuliyyətindən kənar olmasına köməklik göstərmişdir. Beriya də öz növbəsində vətəndaş müharibəsi illərində banditizmlə məşğul olan Bağırovun cinayətkar keçmişini ört-basdır etmiş və onu ifşa edə biləcək adamların aradan götürülməsində, məhv edilməsində yardımçı olmuşdur. Öz aralarında qarşılıqlı şəkildə bu cür sıx cinayətkar tələlərlə bağlanan Bağırov və Beriya bir-birini təkcə ifşa olunmaq təhlükəsindən qorumurdular, həm də bütün cinayət fəaliyyətləri dövründə, ta Beriya həbs olunana qədər bir-birinin müxtəlif məsul vəzifələrlə təyin olunmaları üçün canfəşanlıq göstərirdilər. Uzun illər boyu Beriya, Bağırov və onların əlaltıları öz düşmənçilik və xəyanətkarlıq fəaliyyətlərini mərhəmətlə pərdələnmiş, gizlətmiş, bu yolda terrorçular fəaliyyətindən də çəkinmiş, ifşa olunacaqlarından xoflanaraq müxtəlif şəxslərin qətlinə fərman vermişlər. Beriya və Bağırovun Zaqafqaziyada sovet hakimiyyətinin təşəkkürlü dövründə və vətəndaş müharibəsi illərindəki cinayətkar fəaliyyətindən xəbərdar olan şəxslərin xüsusilə təhlükəli olduğu nəzərə alaraq, bir sıra kommunistlər xəyanətkar qrupun üzvləri tərəfindən məhv edildi.
Sovet xalqının qatı düşməni, Vətən xaini, xarici kəşfiyyatlara satılmış Beriya öz cinayətkar fəaliyyətində əsas metod kimi hakimiyyətə və Sovet dövlətinə qarşı düşmənçilik niyyətlərinə çatması yolunda ona maneə olan namuslu partiya və sovet işçilərinə qarşı böhtandan, intriqa və müxtəlif təxribatlardan istifadə edirdi. Öz xəyanətkar niyyətlərinin həyata keçirilməsində, Beriya və onun əlaltıları dövlət təhlükəsizlik orqanlarındakı məsul vəzifələrindən istifadə etmişlər. Günahsız adamların istintaq işinin saxtalaşdırılması, onlara qarşı yalançı əksinqilabi fəaliyyət ittihamı verilməsi yolu ilə Beriyanın sui-qəsdçi qrupu Zaqafqaziyanın bir çox partiya və sovet işçiləri, Zaqafqaziya respublikalarının terrorçuluqla məhv edilməsinə səbəb olmuşdur.
2
Beriya və onun əlaltıları qorxu, xof yaratmaq, namuslu sovet adamları arasında şübhə, inamsızlıq toxumu səpmək, milli düşmənçilik törətmək, onları ifşa edə biləcək adamları aradan götürmək yolu ilə cinayətlərin məsuliyyətindən uzaqlaşmağa çalışırdılar. Bağırovun və cinayətkar fəaliyyətdə onun ən yaxın məsləkdaşları olan Sumbatov- Topuridze, Atakişiyev, Makaryan, Qriroryan, Borşev, Yemelyanovun işi üzrə istintaq müəyyənləşdirib ki, onlar da öz cinayətkar fəaliyyətlərini Beriyanın yaratdığı sui-qəsdçi qrup üçün xarakterik olan metodlarla həyata keçirib. Günahsız adamlara qarşı terrorçuluq fəaliyyətlərini bilavasitə həyata keçirmək üçün Gürcüstanda Beriya, Azərbaycanda isə Bağırov qabaqkı cinayətləri Bağırov tərəfindən ört-basdır edilən, onun tapşırığı ilə Sovet hökümətinə qarşı istənilən cinayəti törətməyə hazır olan şəxsləri XDİK-DİN-DTN orqanlarına qəbul etmişdi. Kommunist partiyasına və Sovet hökümətinə sadiq, namuslu kadrlara divan tutmağı qarşısına məqsəd qoymuş Bağırov və onun əlaltıları günahsız adamların istintaq işini saxtalaşdırırdılar. Bağırov namuslu adamların kütləvi şəkildə həbs edilməsi barədə sərəncam verirdi, bundan sonra həbsdə olanlara qarşı zor işlədilib, onlar vəhşicəsinə döyülür, bu yolla da işgəncəyə dözməyən adamlar faktiki olaraq heç vaxt məşğul olmadıqları əksinqilabi fəaliyyətdə günahkar olduqlarını boyunlarına alır, hələ digər günahsız adamların da üzünə dururdular. Bu yolla Bağırov və onun əlaltıları öz xəyanətkar əksinqilabi fəaliyyətlərini ört-basdır etmək məqsədi ilə Azərbaycanın müxtəlif rayonlarının kolxozçularını, neft buruqlarında, Xəzər gəmiçiliyində çalışan fəalları, Azərbaycanın elm, incəsənət və mədəniyyət xadimlərini əksinqilabi fəaliyyətdə günahlandırmaq məqsədi ilə həmin günahsız adamlara qarşı saxtalaşdırılmış cinayət işi qaldırırdılar. Bağırov və əlaltıları günahsız adamları guya ki, Beriyaya, Bağırova Sumbatov- Topuridzeyə və b. qarşı terrorçuluq aktları hazırlanması barədə yalan ifadələr verməyə məcbur edirdilər. Bağırov və onun ən yaxın məsləkdaşları - keçmiş menşevik Sumbatov Topuridze, eləcə də bu iş üzrə müqəssir hesab edilən Atakişiyev, Markaryan, Qriqoryan, Borşev və Yemelyanov yüzlərlə, minlərlə namuslu adamı amansız divan tutulmasına səbəb olmuşlar. Bu yolla əksinqilabi fəaliyyətdə günahlandırılan, sonra isə qətlə yetirilənlər arasında Azərbaycanın keçmiş MK katibləri Ruhulla Axundov, Əliheydər Qarayev, ZSPSR XKS-nın keçmiş sədri Qəzənfər Musabəyov, sədr müavini Mirzə Davud Hüseynov, Azərbaycanın əkinçilik üzrə keçmiş xalq komissarı Heydər Vəzirov, Azərbaycan Xalq Komissarları Sovetinin keçmiş sədri Dadaş Bünyəzadə, Azərbaycan MİK sədri Sultan Məcid Əfəndiyev, Azərbaycan XKS sədri Hüseyn Rəhmanov, Azərbaycan Kommunal Təsərrüfat üzrə xalq komissarı Həmid Sultanov, Azərbaycan XKS sədr müavini Xəlilov, Azərbaycan Xalq Maarif Komissarı Cuvarlinski, Azərneftin keçmiş rəisi, həbsə alınan zaman Baş Neft trestinin rəisi Barilov, Xəzər gəmiçiliyi idarəsi siyasi şöbəsinin rəisi Həsən Rəhmanov, Azərbaycan Fövqəladə Komissarlığının keçmiş sədri Baba Əliyev və başqaları da var idi. ISTINTAQ MATERIALLARINDAN
Bağırov Azərbaycanın Mərkəzi İcraiyyə komitəsinin sədri Sultan Məcid Əfəndiyevə olan düşmənçilik münasibətini gizlətmirdi, müxtəlif yığıncaqlardakı çıxışlarında və replikalarında onu təhqir edir, acılayır, lağa qoyurdu. 1937-ci ildə Bağırov artıq təhqirdən birbaşa hədəyə keçdi. Belə ki, 1937-ci ilin iyununda Azərbaycan Kommunist partiyasının XIII qurultayında Bağırov Əfəndiyevin çıxışlarını kobudcasına pozaraq dedi: “Əfəndiyev istəyir ki, bizonun əldə silah açıq aşkar bizə qarşı vuruşmasına icazə verək. Sən gəbərəcəksən, ancaq biz buna yol verməyəcəyik. Səninlə vaxtında haqq-hesab çəkməyi bacarırıq.”
Yüklə 0,58 Mb. Dostları ilə paylaş:
|