2 iyul 2017-ci il, bazar
4
“Zəngəzur” adlı ikicildlik romanı ilə adı ədəbiyyat
tariximizə yazılan yazıçı Əyyub Abbasov həmin əsərində hazırda
əsirlikdə inləyən ulu yurdun adət – ənənələri haqqında da ətraflı
məlumat var. Kitabda belə bir haşiyə diqqət çəkir: “İndi bizim
yerlərdə yazdır, çöl, bayır göyərib, ağaclar yarpaqlayıb, çayın,
bulaqların qıraqlarında yarpızlar baş qaldırıb. Eh, görəsən, mənim
ev-eşiyim hansı zalıma qismət oldu? Görəsən, qızılgüllərimi qırıb
tələf etmədilər ki? Biz kəndə qayıtsaq, ermənilər hər kəsin evini,
torpağını özünə verəcəklərmi? Andranik kökümüzün üstündə od
qaladı. Allah baisin evini başına uçursun, axı biz ermənilərə nə
eləmişdik? Niyə məxluqu yerindən, yurdundan elədilər?!”
... Mən hər dəfə bu sətirləri
oxuduqca təkcə uşaqlığımın,
gəncliyimin kəndini, insanlarını
xatırlamıram, o yurdun hər daşı,
ağacı, çayı, dağı da gözlərim
önündən çəkilmir. Yazda novruzgü-
lünün ətrini, yayda günortanın ra-
hatlıq gətirən qara kölgəsini, payız-
da bağ-bağçaların bar-bərəkətini,
qışda şaxtanın iliyə işləyən buz
nəfəsini, nə illah eləyirəm, unuda
bilmirəm...
... Builki yazla yayın qovu-
şuğundakı günlərin birində neçə
illərdi yağı tapdağında inləyən o
viranə kəndin Ağdünün hüznlü
kimsəsizliyini bir daha xəyalımda
canlandırdım; məhəlləmizə uzanan
yol – yolağaları, cığırları kol-kos
basıb. Fərəhli günlərimin şahidi
olan həyət-bacamız, sanki dərdə
tab gətirməyib, ot-ələf içində
itib-batıb… “Bir qarış boyu, yarım
qarış eni olan, tək-tənha qalan,
gələni, gedəni görünməyən”,
ətrafında bir ins-cins gözə
dəyməyən evimizsə beş addımlıq-
dakı köhnə qəbiristanlığın qara-
matına bürünüb. miskin görkəmilə
ürək dağlayır…
… Yadıma keçmişin uzaq-
lardan əks-səda verən söyləməsi
düşdü:
... Mən yollara baxaram,
Yollar əliboş gələr...
... Düşüncələrimdə həmin
“əliboş gələn yollar”la geri dönüb
kəndimizin yazın Novruz hazırlığı
günlərinə qayıtdım: Həyət – baca,
ev-eşik təmizlənir, səliqə – sah-
mana salınır. Əkin yerləri şumla-
nır. Ruzi-bərəkət gətirən adamlar
torpağa yaşıl naxışlar salır.
… Uşaqlar çərşənbə axşamı
Novruz tonqalının üstündən “ağır-
lığım, uğurluğum tökül bu odun
üstünə...” deyib atdanır, sonra da
qapı pusur, torba atırlar.
Tonqalların işığından gündüzə
dönən həmin axşamda qonaq
getmirlər, əziz bayramı doğma
ocaq başında keçirirlər. Obaşdan-
ala qaranlıqdan isə böyüklü-kiçikli
hamı bulağa, su üstünə üz tutur,
nov üstündən atlanıb “diş ağrım,
baş ağrım, göz ağrım burda qalsın”
deyir, sonra da evə su gətirir və
onu evin dörd bir bucağına səpib
“qoy qurd-quş olmasın” söyləyir.
Küsülülər barışır, ağrı-acılar
unudulur. Evlərdə bayram süfrəsi
bəzənir. Qonum-qonşu bir-birinə
xeyir-dua verir. Uzaq-uzaq mahal-
lara “səpələnən ” nəvə-nəticələr
yeddi ilin ayrılığının tilsimini
qırmaq üçün Novruz bayramına
tələsirlər...
* * *
... Yay da bir göz qırpımında
özünü yetirir. “Dağların lala vaxtı”
gəlhagəli başlayır yaylaqların, qo-
yun-quzu sürüləri zirvəsi qarlı dağ-
ların ətəklərinədək yayılır. Yamac-
lardakı gül-çiçəyin ətri adamı məst
edir. Bulaqların şırıltısı kövrək bir
mahnını xatırladır...
Nənəmin tez-tez dilə gətirdiyi
Aşıq Abbasın “Dağların lala vax-
tıdı” sözləri isə qəlbimi bahar yeli
kimi sığallayır, ürəyim bir dinclik,
rahatlıq tapır:
Budu gəldi bahar fəsli,
Dağların lala vaxtıdı.
Açılıbdı qızıl güllər,
Bülbülün bala vaxtıdı.
... Sərin mehdən döşlərdəki
taxıl zəmilərinin, düzənlərdə dizə
qalxan otların dərya kimi dalğalan-
ması, qayalıqlardan gələn qantəpər,
kəklikotu qoxusu, ayaq səslərindən
hürkən kəkliklərin pırıltıyla havaya
qalxması el-obanın qoyun-quzu
sürüsünü çöl-bayıra yayan çobanda
xoş ovqat yaradır, yorğunluğunu
çıxarır.
Arpa, Buğda təpələrindən
yaylaqlara doğru uzanan əriş-arğac
dağ yollarını yazın ortalarından
başlayaraq, qoyun sürüləri, at ilxı-
ları, dəvə qatarı tutmur. Qadınlar
dəvələrin üstündə fərməşlərin
arasında oturub yun darayır, cəhrə
qurub, ip əyirirlər. Yaylağa çatana
qədər xalça-palaz üçün tədarük
görürlər. İşıqlıdağın ətəklərindəki
dərələrdən sürünüb qalxan yaz
dumanının arxasınca güllü-çiçəkli
yamaclar tərəkəmə köçünə qu-
caq açır. Şükürbəyli, Rəsullu,
Şahsevənli, Qiyamadınlı, Kür-
mahmudlu, Xəlfəli, Ovşar, Böyük
Mərcanlı elat camaatı binələrdə
dinclik tapır.
Yayın quyruq doğan vədəsində
isə dəvələr ağzı arana yatırlar...
Camaat bununla köçün geriyə,
arana dönmə vaxtının yetişdiyini
duyub yır-yığışa başlayır, yavaş-
yavaş barxanları bağlayıb arana
yola salır. Yaşlılar axşam-səhər
“dağ yeri-duman yeri, yurd yeri-
güman yeri” məsəlini pıçıldayırlar.
Çobanlar gündə neçə kərə dağlara
baxıb köks ötürürlər:
İldırımlar buludların pələngi,
Paslanacaq mənsiz
şimşək üzəngim.
Eh, ya qismət, a şəlaləm,
a gəncim,
Salamat qal,
salamat!
* * *
… Payız toyları el-obaya
bəxtəvərlik gətirirdi. Bir-birinin
ardınca həyətlərdə qurulan mağar-
larda qara zurnada çalınan “Cəngi”
havasında pəhləvan cüssəli oğullar
güləşirdilər. Bəzənib-düzənən
el gözəlləri heydən düşənədək
oynayırdılar… Bir də görərdin ki,
“Yaylığı” havası çalınır:
… Cavan oğlan, ver yaylığı,
Yaylıq salar ayrılığı...
… Ötən bahar axşamlarının
birində bu yaylıq iki istəkli qəlbi
bir-birinə bağlamışdı. İndi isə
“ayrılıq salmasın” deyə yaylıq
oğlandan geri alınır…
…Payız beləcə gəlirdi, çöl-
çəmənlər payız rənginə boyanırdı.
Arpa, Buğda təpələrindən üzü
İşıqlıdağa uzanan kövşən yerləri
yenidən göyərməyə, sünbül bağla-
mağa qəribsəyirdi…
Kövşən yerlərindən danışdığım
bu məqamda, yadıma ocaqlaşmış
bir məkan – Alməmməd kişinin
dəyirmanı düşdü… Düz-dünya
sünbül ətrilə nəfəs alan vədələrdə
taxıl dolu taylar o dəyirmana
gətirilər, buradan isə un kisələri
evlərə daşınardı. Kəndin aşağı ba-
şında təndirlərdə bişirilən çörəyin
qoxusu yuxarı məhəlləyə gedib
çatardı.
Ermənilər o dəyirmanı da da-
ğıtmışdılar. O müqəddəs ocaqdan
təkcə ora gələn arx, bir də, az qala,
torpağa qarışmış dəyirman yeri
qalmışdı... Mən “Çaylar” dediyi-
miz dərin dərədən axan Bazarçayın
sahilindəki həmin dəyirmanın xara-
balığında - qaralan ocaq yerində
həmişə qəribə bir hüzn, nisgil
görürdüm. Bu qəmli düşüncələr
içində dəyirmana dən gətirdiyimiz
günləri indi də rənglərinə, isti-
soyuğuna qədər xatırlayıram.
Orada dəyirmanın qapısı ağzında
ocaqda bişən kütün dadını-duzunu,
ləzzətini indi də unuda bilmirəm...
...Bu qeydləri etdiyim yay
gecələrinin birində yuxuda xaraba
qalmış o dəyirmanı gördüm:
Alməmməd kişi həmişəki kimi
dəyirmanın qapısı ağzındakı daşın
üstündə oturub bura gələnlərin
yolunu gözləyirdi.
Dəyirmana gələnsə yoxuydu...
* * *
...O payızdan sonra kəndimizin
yeni bir qışı gələcəkdi. Nənəm “qış
təqvimi”ni tez-tez təkrarlayacaq,
havaların necə keçəcəyini
əvvəlcədən doğru-dürüst bilməsi
ilə qürrələnəcəkdi: – Yağışlar
payızın ortalarından başlayıb,
aramsız yağsa, ağaclar yarpaqla-
rını aşağıdan töksə, gecələr ayaz,
gündüzlər dumanlı olsa qış çox sərt
keçəcək. Gündüzlər əl-üzü ayaz
kəssə, gecələr duman-çəndən göz-
gözü görməsə havalar yumşalacaq,
günlərin ağırlığı ürək sıxmayacaq.
Sonra da dilində el
şeiriyyətindən bir yozma
təkrarlanacaqdı: “Gecə ayaz,
gündüz duman, ilin kürüdür-kürü.
Gündüz ayaz, gecə duman, ilin
gülüdür – gülü”.
Nənəm qış hələ qapını
kəsdirməmiş “çillə” adətlərindən,
qırx gün çəkən, çox vaxt ağır, üzü-
cü keçən “böyük çillə”dən, qışın
ən sərt, çovğunlu, dondurucu çağı
sayılan “kiçik çillə”dən, Xıdır Nəbi
bayramından, “boz ay”ın qızarıb-
bozaran həftələrinin cansıxıcılığın-
dan danışmaqdan doymayacaqdı.
… Çöl-bayırdan əl-ayaq
yığışanda, evlərdə xalça-kilim
xanaları qurulardı. Payızın, qışın
uzun gecələrində xalı, palaz…
toxunardı… Qız-gəlinin min bir
zəhməti hesabına başa gələn, sözün
həqiqi mənasında, sənət əsərləri
olan bu toxumaların tamamlandığı
gün o ocağın ən xoşbəxt, bəxtəvər
çağı olardı; xanaçılar oğul doğan
gəlinlər, qoyunu əkiz doğan çoban-
lar, inəkləri və camışları yelinləyən
naxırçı kimi qürurlu gəzərdilər,
sevinclərini qonum-qonşuyla
bölüşər, şirinlik paylayardılar...
Xalçaçılıqdan danışarkən,
bir məqamı da xüsusi qeyd
etmək istərdim. Zəngəzurun hər
bölgəsində, hər kəndində sadə
əyiricilik və toxuculuq alətləri ilə
ip əyrilməsi, xalça toxunması adət-
ənənə halını almışdı. Demək olar
ki, əksər evdə toxucu dəzgah (hana
və yer hanası) var idi. Hazırlanan
yun və pambıq iplərdən xalça,
kilim, palaz, fərməş, xurcun, yun
şal (parça) və digər məmulatlar
toxunurdu...
Qışın qarlı-şaxtalı, ot-ələf
“dərdli” günləri sona çatanda isə
torpaq təzədən buğlanardı. Çöl-
çəmən al-qırmızı rəngə boyanardı.
Baharın yolunu intizarla gözləyən
bağrı qan lalələr, boynu bükük
bənövşələr qar altından baş qaldı-
rıb yaz Günəşinə sarı boylanırdı.
Dərələrdən şırıltıyla axan sular
düzlərə yayılıb, torpağın yaşıl xalı-
sı olan otlara ruh verirdi.
Pirani qocalar dağları çənli
görəndə əsrlərin uzaqlığından
qopub gələn ulu bir sözü yada
salırdılar:
Qışın çəni qar gətirər,
Yazın çəni bar gətirər.
* * *
... 1988-in payızından son-
ra kəndimizin yeni bir qışı da
gələcəkdi, sonra təzə bir baha-
rını yaşayacaqdıq, çöl-çəmən
yenidən yaşıllaşacaqdı, ağaclar
çiçəkləyəcəkdi, bulaqlar zümzümə
edəcəkdi. Üzü yaya doğru isə elat
camaatı yenə də dağlara-yaylaqlara
üz tutacaqdı…
...O payızdan sonra kəndimizin
qışı çox ağır, məşəqqətli gəldi.
Yazı isə gəlmədi ki, gəlmədi...
...O kənd 1988-dən bəri özünün
tilsimli qış ömrü yaşayır-yazsız,
yaysız, payızsız ömrünü...
* * *
... Qınanılsam da, deyəcəyəm:
mən - torpağı tapdalanan, ev-
eşiyi yağmalanan, yurdu talanan,
arzu-diləyi qarsalanan, ümidi,
inamı daşlara çırpılan bir Allah
bəndəsi indi daha yazın gəlişindən
sevinmirəm. İndi yayın ruzi
yetirən istisinin həsrətini o qədər
də çəkmirəm. İndi xatirələrimi
təzələyən payızdan da heç nə
ummuram. Qış yaxınlaşdıqca isə
uzun gecələrin həsrət əzabına
bürünəcəyimi düşünüb üşünürəm...
1988-dən “lələsi köçüb viran
qalan yurdun” yığnaqsız, tək-
tənha, arxa-dayaqsız, toy-düyünsüz
qaldığını gözlərim önünə gətirib
korun-korun alışır, pörşələnirəm.
Vaqif BAYRAMOV,
“Xalq qəzeti”
O dağların lala vaxtı…
Yağı tapdağında qalan Zəngəzurun adət – ənənələri haqqında qeydlər
Azərbaycan Respublikasının Prezidenti yanında Kütləvi
İnformasiya Vasitələrinin İnkişafına Dövlət Dəstəyi Fondunun
keçirdiyi müsabiqəyə təqdim edilir.
Şərqdə ilk təcrübə:
demokratik cümhuriyyətin
zəngin irsi
99 il bundan əvvəl Şərqdə ilk
demokratik dövlət meydana gəldi.
Ancaq onun ömrü uzun sürmədi.
1920-ci il aprelin 28-də XI Qı-
zıl ordu Azərbaycana daxil oldu.
Xarici müdaxilə nəticəsində Şərq
dövlətçiliyinin ən parlaq ulduzu
söndü. Lakin müdrik Azərbaycan
xalqı SSRİ tərkibində də inkişaf
etməyi bacardı. Xüsusilə keçən
əsrin 70-ci illərində hakimiyyətə
ulu öndər Heydər Əliyevin gəlməsi
ilə respublika sürətli inkişaf
mərhələsinə qədəm qoydu.
Prezident İlham Əliyev bununla
bağlı demişdir: "Əfsuslar olsun ki,
Azərbaycan Xalq Cümhuriyyətinin
ömrü uzun olmadı. İki ildən sonra
müstəqilliyimiz əlimizdən alınmış-
dır... Ondan sonra 70 il Azərbaycan
xalqı Sovet İttifaqının tərkibində
yaşadı. Baxmayaraq ki, müstəqil
deyildik, Azərbaycan xalqı inki-
şaf edirdi. Xüsusilə 1970-1980-ci
illərdə ulu öndər Heydər Əliyevin
rəhbərliyi ilə Azərbaycan sürətlə
inkişaf etmişdir, həm iqtisadi, həm
sosial sahədə böyük uğurlar qazan-
mışdır".
Dövlət başçısı ayrıca vurğu-
layıb ki, əgər Azərbaycan Xalq
Cümhuriyyəti yaşasaydı, indi
Azərbaycan dünyanın ən inkişaf
etmiş ölkələri sırasında idi. Bura-
da çox təbii bir məntiq vardır. Və
o, konkret reallığa əsaslanır. Pre-
zident İlham Əliyev onun səbəbini
dəqiq ifadə edib. 1993-cü ildən
başlayaraq, müstəqil Azərbaycan
regionda heç bir dövlətin keçə
bilmədiyi inkişaf yolunu qət edib.
Heydər Əliyev yenidən xalqın
tələbi ilə hakimiyyətə qayıtdıq-
dan sonra Azərbaycan bütün
istiqamətlərdə sürətlə inkişaf
edib. İndi də bu proses dünya üzrə
çətinliklərin mövcud olmasına
baxmayaraq, davam edir. Şübhəsiz
ki, müstəqil dövlətimiz bu yoldan
heç zaman dönməyəcək, ulu
öndərin müəyyənləşdirdiyi inkişaf
yolunu yeni zirvələrə doğru apa-
racaq.
Bu reallıq 1918-ci il ma-
yın 28-də rəsmən elan edilmiş
Azərbaycan Xalq Cümhuriyyətinin
tarixi əhəmiyyətini geniş şəkildə
ortaya qoyur. Hər şeydən əvvəl,
tam əminlik yaranır ki, Azərbaycan
xalqı tarixən olduğu kimi, müasir
mərhələdə də demokratik müstəqil
dövlət yaratmağa nail olmuşdur.
Sirr deyil ki, hətta SSRİ dağılandan
sonra bir sıra respublikalar müstəqil
dövlət formalaşdıra bilməyiblər.
Onların sırasında birinci yeri
Ermənistan tutur.
Rəsmi İrəvanın bəyanatlarına
baxmayaraq, Ermənistanın müstəqil
dövlət olduğu qəbul edilmir. Bunu
hətta erməni alimlər və ekspertlər
belə etiraf edirlər. Onların əsas işi
hazırda Ermənistan rəhbərlərini
kənardan olan tam asılılıqdan qur-
tarmağa təhrik etməkdən ibarətdir.
Lakin erməni dövlətçiliyi elə bir
bataqlığa düşüb ki, onun oradan
xilas olması imkansız görünür.
Onu vurğulayaq ki, bunun fo-
nunda ABŞ-da yaşayan bir sıra
erməni alimlər Heydər Əliyevin
Azərbaycan dövlətçiliyi üçün
etdiklərini yüksək qiymətləndirirlər.
Onlar etiraf edirlər ki, Azərbaycan
rəhbəri müasir şərtlərə tam cavab
verən müstəqil dövlətçilik kursu
formalaşdıra bildi.
Deməli, Azərbaycan Xalq
Cümhuriyyəti qısa müddət yaşa-
sa da, bütün dünyaya bu xalqın
müstəqil dövlət qurmaq qüdrətinə
sahib olduğunu təsdiqlədi. Cənubi
Qafqaza dövlət səviyyəsində
demokratiyanı gətirən də məhz
Azərbaycan Xalq Cümhuriyyəti
oldu. 2 il müddətində bir sıra de-
mokratik islahatlar aparıldı. Ayrıca
qadınların sosial fəallığını təmin
etmək işində konkret addımlar
atıldı. Azərbaycanın inkişaf etmək
üçün ciddi potensiala malik olduğu-
nu bütün dünya gördü. Lakin bütün
bunlarla yanaşı, Cümhuriyyətin
mövcudluğu ilə bağlı bir məqamı
da xüsusi vurğulamaq lazımdır.
İnkişafa davam: müstəqil
dövlətçilikdə yeni səhifələr
Bu barədə Prezident İlham
Əliyev 28 may – Respublika
Günü münasibətilə təşkil edilmiş
qəbulda konkret danışıb. Dövlət
başçısı vurğulayıb ki, sosial-iq-
tisadi, mədəni inkişafla yanaşı,
təhlükəsizliyin təmini məsələsi
də Azərbaycan üçün böyük önəm
daşıyır. Təcrübə göstərir ki,
təhlükəsizliyin təminində problem
olanda, ümumiyyətlə, müstəqillik
qalmır. Ölkə rəhbəri deyib: "Bu gün
qarşıda duran vəzifələr haqqında
danışmaq istərdim. Biz gələcək
illərdə də müsbət dinamikanı sax-
lamalıyıq və əminəm ki, saxlaya-
cağıq. Daxili siyasətə gəldikdə, ilk
növbədə, Azərbaycanda bundan
sonra da təhlükəsizlik təmin
edilməlidir. Deyə bilərəm ki,
Azərbaycanda daxili risk mənbələri
mövcud deyil. Mümkün olan risklər
xaricdə formalaşır. Belə olan halda
biz ölkəmizi bundan sonra da xarici
risklərdən qorumalıyıq, həm fiziki
nöqteyi-nəzərdən, eyni zamanda,
düzgün siyasət aparmaqla. Biz
sərhəd mühafizəsini kifayət qədər
gücləndirmişik və bu istiqamətdə
əlavə addımlar atılacaqdır".
Kifayət qədər real, dəqiq və
konkret mövqedir. Çünki müstəqil
dövlət quruculuğu təcrübəsinə
əsaslanır. Burada sosial-iqtisadi
və mədəni sahələrdə islahatlar-
la yanaşı, təhlükəsizliyin təmini
də vardır. Müstəqil Azərbaycan
tarixi təcrübəni çox doğru
qiymətləndirərək, ikinci dəfə
dövlətin süqut etməsinə imkan
vermədi. Bu siyasətin memarı ulu
öndər Heydər Əliyevdir! Məhz bu
məqamı Prezident İlham Əliyev
incəliklə vurğulayıb. Dövlət
başçısı müasir şərtlər daxilində
cəmiyyətin dayanıqlı inkişafı ilə
dövlətin təhlükəsizliyinin təmininin
nisbətini çox doğru vurğulayıb. Ulu
öndərin yaratdığı inkişaf konsep-
siyasında bu iki vacib element
mükəmməl şəkildə öz ifadəsini
tapıb. Bunu təmin etmək isə həm
böyük diplomatik ustalıq, həm də
sistemli islahatlar proqramlarını
həyata keçirməyi tələb edirdi.
Prezident həmin prosesin əsas
məqamlarını öz nitqində vurğula-
yıb.
Bu sırada enerji, nəqliyyat, so-
sial sferanın inkişafı, hərbi qüdrətin
artırılması, xarici siyasətdə yeni
formatlardan istifadə, sivilizasiya-
lar, mədəniyyətlər və dinlər arasın-
da əməkdaşlığın inkişaf etdirilməsi,
təhlükəsizlik sahəsində kompleks
tədbirlərin həyata keçirilməsi,
nəqliyyat sferasında nəhəng
layihələrin gerçəkləşdirilməsi, mul-
tikulturalizmin dövlət siyasətinə
gətirilməsi kimi əhəmiyyətli
aspektləri qeyd etmək gərəkdir.
Məsələn, Bakı-Tbilisi-Cey-
han, TAP, TANAP, "Cənub qaz
dəhlizi" layihələrinin reallaşması
xüsusi əhəmiyyəti olan hadisədir.
Bakı-Tbilisi-Qars dəmir yolunun
tikintisi, Şimal-Cənub nəqliyyat
dəhlizinin qurulması, "Yeni İpək
Yolu" layihəsi çərçivəsində aparılan
işlər (deyək ki, böyük potensiala
malik yeni dəniz limanının inşası
və s.) həmin bağlılıqda ciddi rolu
olan hadisələrdir. Bütün bunlara
görə, Azərbaycan müstəqilliyi ilə
fəxr edə bilər. Müstəqil dövlət
quruculuğu sahəsində əldə etdiyi
nailiyyətləri vurğulaya bilər.
Bəs Ermənistan müstəqillik
kontekstində nədən danışa bilər?
Mahiyyətcə heç nədən danı-
şa bilməz. Məsələn, bu il Serj
Sarkisyan respublika günü ilə
bağlı etdiyi müraciətdə han-
sı məqamları vurğulayıb? 100
il bundan əvvəl ermənilərin
xarici havadarlarının yardımı
ilə törətdikləri qətlləri azadlıq
savaşı kimi təqdim etməkdən
başqa heç bir şey deyə bilməyib
(bax: Президент в Сардарапате
принял участие в торжественном
мероприятии, посвящённом
Празднику Республики / "pre-
sident.am", 28 may 2017). Onun
yekun fikrinə diqqət edin: "Müasir
Ermənistan da müharibə alovun-
dan yaranıb". Bununla da keçən
əsrdəki Ermənistanın ənənəsinə
sadiqdir. Bəli, Ermənistan
mahiyyətcə qırğınların, günahsız
insanları qətlə yetirmənin, etnik
təmizləmənin, qonşuların mədəni
dəyərlərini mənimsəmənin və
talan etmənin səfində ortaya atılıb.
Bunlardan başqa, onun hansı
"müstəqil nailiyyəti" var? Bu
səbəbdən də S.Sarkisyan kimilərin
müstəqillikdən danışması rüsvay-
çılıqdır.
Azərbaycan isə müstəqil dövlət
quruculuğu prosesini qətiyyətlə
davam etdirir. Bunun bir ildən
sonra, Respublika Gününün 100
illik yubileyində bir daha şahidi
olacağıq, inşaallah!
Newtimes.az
Növbəti mərhələ:
dövlət
quruculuğunda yüksələn xətt
Hər bir xalq üçün müstəqillik böyük nemətdir. Yalnız
müstəqil dövləti olan millətlər müasir mürəkkəb dünyada
mövcud ola bilir, ləyaqətli həyat sürürlər. Tarixi təcrübə göstərir
ki, heç də bütün xalqlar öz dövlətlərini müasir tələblərə və
çağırışlara cavab verən səviyyədə qura bilmirlər. Onlardan
bəziləri kənar qüvvələrdən asılı olan və müstəqil hərəkət edə
bilməyən kvazi (yalançı) dövlətlərə çevrilirlər. Həmin ölkələr
suverenliklərini təmin etmək iqtidarında olmurlar. Buna
nümunə Cənubi Qafqazda Ermənistandır. Azərbaycan isə keçən
müddətdə tam müstəqil və sürətlə inkişaf edən, bütün sfera-
larda suverenliyini təmin edən dövlətdir. Ulu öndər Heydər
Əliyevin əsasını qoyduğu müstəqil dövlət quruculuğu kursu
öz bəhrəsini verməkdədir. Bununla yanaşı, Azərbaycan Xalq
Cümhuriyyətinin müstəqil dövlətçilik təcrübəsi qiymətli tarixi
irsimizdir. 28 May tarixi müqəddəsdir və fəxarət yerimizdir.