22 iyun 2018-ci il, cümə
2
Moskva Dövlət Universitetinin Bakı filialının
rektoru, AMEA-nın vitse-prezidenti
Nərgiz Paşayeva “Birlik ulduzları”
mükafatı ilə təltif edilib
İyunun 19-20-də Qazaxıstanın paytaxtı Astanada,
Qazaxıstan Milli Muzeyində MDB iştirakçısı olan dövlətlərin
yaradıcı və elmi ziyalılarının “MDB-də dialoq - XXI əsrdə
humanitar əməkdaşlığın perspektivləri” mövzusunda XIII
Forumu keçirilib.
MDB iştirakçısı olan dövlətlərin
yaradıcı və elmi ziyalılarının Forumu
Müstəqil Dövlətlər Birliyi məkanında
ən iri illik humanitar tədbirdir.
MDB ölkələrinin mədəni, elmi və
təhsil elitası forumlarda görüşməklə
birbaşa peşəkar ünsiyyət və təhsil,
elm, ədəbiyyat, təsviri incəsənət və
Birlikdə mədəniyyətlərarası qar-
şılıqlı əlaqənin digər sahələrində
aktual, tələbat duyulan layihələrin
dəstəklənməsi üçün nadir imkana
malik olur.
Forumda Azərbaycanı geniş
nümayəndə heyəti təmsil edib.
Nümayəndə heyətinin tərkibinə
Moskva Dövlət Universitetinin
Bakı filialının rektoru, Azərbaycan
Milli Elmlər Akademiyasının
vitse-prezidenti, akademik Nərgiz
Paşayeva, AMEA-nın vitse-pre-
zidenti, M.Nağıyev adına Kataliz
və Qeyri-üzvi Kimya İnstitutunun
direktoru, akademik Dilqəm Ta-
ğıyev, Azərbaycan Respublikası
Prezidenti yanında Dövlət İdarəçilik
Akademiyasının rektoru, akademik
Urxan Ələkbərov, Azərbaycan Dövlət
Akademik Filarmoniyasının direkto-
ru, Azərbaycanın Xalq Artisti Murad
Adıgözəlzadə, digər elm və incəsənət
xadimləri daxil idi.
Forumun açılışında Azərbaycan
ilə yanaşı, Belarus, Qazaxıstan,
Rusiya, Moldova, Tacikistan,
Türkmənistan, Özbəkistan, Uk-
rayna və digər ölkələrdən 200-ə
yaxın nümayəndə iştirak edib.
Qazaxıstanın Dövlət katibi Gülşara
Abdıkalıkova Prezident Nursultan
Nazarbayevin Forum iştirakçılarına
təbrik məktubunu oxuyub. Dövlət
katibi vurğulayıb ki, belə forumlar
çərçivəsində humanitar əməkdaşlıq
ölkələr arasında mehriban qonşuluq
siyasətini daha da möhkəmləndirir.
Rusiya Federasiyası Prezidenti-
nin beynəlxalq mədəni əməkdaşlıq
üzrə xüsusi nümayəndəsi Mixail
Şvıdkoy Prezident Vladimir Pu-
tinin Forum iştirakçılarına təbrik
məktubunu oxuyub və tədbirin işinə
uğurlar arzulayıb.
Sonra 2017-ci il üçün “Birlik
ulduzları” mükafatı laureatlarının
təltif edilməsi mərasimi keçirilib.
Laureatlar sırasında M.V.Lomonosov
adına Moskva Dövlət Universitetinin
Bakı filialının rektoru, Azərbaycan
Milli Elmlər Akademiyasının vitse-
prezidenti, professor Nərgiz Paşa-
yeva, görkəmli rusiyalı musiqiçi, alt
alətində ifaçı, dirijor, məşhur pedaqoq
və ictimai xadim, SSRİ Xalq Artisti
Yuri Başmet, Qazax Milli incəsənət
Universitetinin rektoru, ictimai
xadim, Qazaxıstan Respublikasının
Xalq Artisti Ayman Musaxacayeva,
Moldova Elmlər Akademiyasının
həqiqi üzvü, Milli Kosmik Texnologi-
yalar Mərkəzinin direktoru, Moldova
Respublikasının elm və texnika
sahəsində Dövlət Mükafatı laureatı
İon Bostan, Qırğızıstan Milli Elmlər
Akademiyasının Ç.Aytmatov adına
Dil və Ədəbiyyat İnstitutunun direk-
toru, akademik Abdıldajan Akmatali-
yev, Tacikistan Respublikasının Xalq
Şairi, Yazıçılar İttifaqının sədri Ko-
sim Nizom, Belarus Respublikasının
Əməkdar İdman Ustası, Beynəlxalq
Biatlon Federasiyasının İdmançılar
Komitəsinin üzvü, dördqat Olimpiya
çempionu Darya Domraçeva da var.
M.V.Lomonosov adına Moskva
Dövlət Universitetinin Bakı filialının
rektoru, Azərbaycan Milli Elmlər
Akademiyasının vitse-prezidenti,
akademik Nərgiz Paşayeva elmi və
humanitar fəaliyyətinə görə “Birlik
ulduzları” mükafatını almaq üçün
səhnəyə dəvət edilib. Professor
Nərgiz Paşayeva onun fəaliyyətinə
verilmiş yüksək qiymətə görə Foru-
mun iştirakçılarına və təşkilatçılarına
minnətdarlığını bildirərək deyib:
-XIII Humanitar Forumun işti-
rakçılarını ürəkdən salamlayıram.
Mənə “Birlik ulduzları” mü-
kafatı laureatı olmaq və sizin
aranızda olmaq xoşbəxtliyi nəsib
olub. Şadam ki, dostluq tellərini
möhkəmləndirərək biz müasir dün-
yada bir-biri ilə qarşılıqlı anlaşmanın
necə vacib olduğunu başa düşürük.
Hər dəfə bu cür imkan düşəndə
biz biliklərin, ideyaların, mədəni
təcrübənin, gələcək planlarımızın
və ümidlərimizin mübadiləsinə
kömək etməliyik. Məhz bu əbədi
platformalar bizi hər şeydən daha çox
əlaqələndirə bilər.
Bu gün biz dünya mədəni irsinin
və universal dəyərlərin başı üstünü
alan yeni, gözlənilməz təhlükələri
tez-tez hiss edir və görürük. Gəlin
yada salaq ki, IX, X, XI, XII əsrlər
müsəlman mədəniyyəti və elminin
ən parlaq dövrü olub. Lakin Şərqdən
və Qərbdən başlanan müharibələr,
yürüşlər, basqınlar böyük tələfata
səbəb olub, çox şeyi birdəfəlik məhv
edib. XV əsrdə Qranadada o dövrün
böyük sayda sufi şeirləri yandırılıb.
Hamı başa düşmək və qəbul
etmək istəyirmi ki, əxlaqi-etik,
humanitar-mənəvi dəyərlər və
oriyentirlər olmadan yaradıcılıq,
ideya azadlığı, elmi fikrin tərəqqisi
davamlı inkişaf edə bilməz.
Tarixən yaradıcılıqda həqiqətin
öz abstrakt, bəzən tam fərdi, bədii
ifadəsi olur. Elmdə həqiqətə və
şöhrətə gedən yol uzundur. İllərboyu
gərgin əmək, axtarışlar, təcrübələr
olmasa, alimlər, yəqin ki, tanınma-
ğın və elmi uğurun sevincini duya
bilməzlər. Elmdə həqiqəti aşkar
etmək azdır, onu dönə-dönə yoxla-
maq, sübut etmək və illüziyalardan
qorumaq lazımdır. Xatırlayaq ki,
böyüklər də səhvə yol veriblər. Ptolo-
mey Yerin hərəkətsiz olmasına şübhə
etmirdi.
Kopernik, Eynşteyn, Tols-
toy kimi doğulmaq, Nizami kimi
“Xəmsə” yazmaq, Nəsimi kimi
yaradıcı ideyalar naminə tərki-dünya
olmaq hər kəsə nəsib olmur. Lakin
biz hamımız istəsək də, istəməsək də
bu böyük insanların – harmoniyanın
və biliklərin gözəlliyini yaradanların
bütün bəşəriyyətə qoyub getdikləri o
böyük nurun bir zərrəsini daşıyırıq.
Məhz onlar, onların ölməz irsi bizim
yolumuzda sönməz ulduzlardır.
Biz isə, öz növbəmizdə, o ulduz-
ların işıqlı yolu ilə getməyə çalışırıq
və bəzən bu işığı əks etdirməyə ehti-
yatlı cəhdlər edirik. Bununla da Göy
və Yer arasında öz borcumuzu yerinə
yetirir və dərk edirik ki, Həqiqətin
müəllifi yoxdur, çünki müəllif o
özüdür.
Əgər biz öz yolumuzda
müəyyən uğur qazanmışıqsa, onda,
ilk növbədə, müəllimlərimizə və
ustadlarımıza, valideynlərimizə,
doğmalarımıza və yaxınlarımıza,
həmkarlarımıza borcluyuq. Öz uğur-
larımıza görə məhz onlara borcluyuq.
Mənə verilmiş yüksək mükafata görə
səmimi təşəkkürümü bildirirəm.
Sizin icazənizlə, pul mükafatını
M.V.Lomonosov adına Moskva
Dövlət Universitetinin mənim
rəhbərlik etdiyim Bakı filialının
tələbələrinin xeyirinə istifadə etmək
istəyirəm. Mən bu mükafatı bizim ali
məktəbin ən yaxşı tələbəsinə təqaüd
üçün ayırmaq niyyətindəyəm.
Bu yaxınlarda Azərbaycanda
tariximizin ən parlaq səhifələrindən
birini təntənəli şəkildə qeyd etdik.
Azərbaycan Xalq Cümhuriyyətinin
yaradılması gününün yüz illiyini bay-
ram etdi. Azərbaycan xalqı müsəlman
Şərqində ilk azad və demokratik
respublika qurub. Azərbaycanlılar
bir əsr ərzində tarixi kataklizmlərə,
repressiyalara, edamlara, təqiblərə və
təhdidlərə rəğmən bu böyük hadisəni
daim yadda saxlayıb və respublika-
mızın banilərinə, o dövrün böyük
nümayəndələrinə ehtiram bəsləyiblər.
Azərbaycan özünün demokratik və
respublikaçılıq ənənələri ilə həmişə
fəxr edib və bu gün də fəxr edir.
Məqsədi ictimai rifaha xidmət
etmək və humanitar əlaqələri
möhkəmlətmək olan bu böyük mənalı
tədbirin bütün təşkilatçılarına bir
daha təşəkkürümü bildirirəm. Təltif
edilənlərin hamısını, bizim bütün
komandamızı təbrik edirəm, sizin
hər birinizə ruh yüksəkliyi, möhkəm
cansağlığı və bütün təşəbbüslərinizdə
uğurlar arzulayıram!
Əl-Fərabinin böyük ömür yolu-
nun başlandığı Qazaxıstan Torpağına,
bu gözəl Yerdə yaşayan bütün insan-
lara ehtiramla təzim edirəm. Qazaxıs-
tan xalqına xoşbəxtlik arzu edirəm.
Şərqdə belə bir məsəl var: xoşbəxt
olmaq istəyirsənsə, ol.
Sağ olun, yeni görüşlərədək!
Qazaxıstanın mədəniyyət və
idman naziri Arıstanbek Muhamedi-
ulı Forumda çıxış edərək bildirib ki,
MDB iştirakçısı olan ölkələrin Huma-
nitar Əməkdaşlıq üzrə Dövlətlərarası
Fondunun keçirdiyi forumlarda
mədəniyyət, təhsil, elm, informasiya,
idman və turizm sahələrində ən vacib
məsələlər müzakirə edilir. Nazir
MDB çərçivəsində elmi və huma-
nitar əməkdaşlıqda Azərbaycanın
rolunu xüsusi qeyd edib və akademik
Nərgiz Paşayevanın bütövlükdə
dünya elminə, mədəniyyətinə,
sivilizasiyalararası dialoqun inkişa-
fına verdiyi böyük töhfəyə görə ona
minnətdarlığını bildirib. O deyib:
“Azərbaycan Milli Elmlər Akademi-
yasının vitse-prezidenti Nərgiz xanım
da qlobal miqyaslı şəxsiyyətdir. Biz
bunu böyük fəxr hissi ilə söyləyirik.
Nərgiz xanımın “Birlik ulduzları”
mükafatı ilə təltif olunması bir daha
təsdiqləyir ki, onun həm Azərbaycan
elminin, mədəniyyətinin, həm də
dünya sivilizasiyasının inkişafında
böyük xidmətləri var. Akademik
Nərgiz Paşayevanın fəaliyyətini
qiymətləndirmək bizim üçün böyük
şərəfdir. Xüsusi olaraq qeyd etmək
istəyirəm ki, Azərbaycan elmi,
mədəniyyəti və təhsili yüksək
səviyyədədir”.
MDB iştirakçısı olan ölkələrin
Dövlətlərarası Humanitar
Əməkdaşlıq Fondunun (DHAF)
İdarə Heyətinin sədri, Azərbaycan
Respublikasının Rusiya Federasi-
yasındakı səfiri Polad Bülbüloğlu
müasir dünyada belə forumların
keçirilməsinin əhəmiyyətindən danı-
şaraq bildirib ki, ümumi qloballaşma
və texnologiyaların sürətli inkişafı
fonunda humanitar əməkdaşlıq
məsələləri daim diqqət mərkəzində
olmalıdır. Bu baxımdan birgə mədəni
layihələrin həyata keçirilməsi
müntəzəm xarakter alıb. Postsovet
məkanında humanitar əməkdaşlığın
miqyasının genişləndirilməsi modeli
sağlam düşüncəli insanların diqqət
mərkəzindədir. Diplomat MDB
iştirakçısı olan ölkələrin yaradıcı və
elmi ziyalılarının Forumunun həyata
keçirdiyi layihələr barədə də ətraflı
məlumat verib.
Azərbaycan nümayəndə
heyətinin rəhbəri, Azərbaycan Res-
publikası Prezidenti yanında Dövlət
İdarəçilik Akademiyasının rektoru,
akademik Urxan Ələkbərov Forumun
işinə uğurlar arzulayaraq deyib ki, bu
cür tədbirlər Birlik ölkələri arasında
elm və təhsil sahəsində əlaqələrin
inkişafı, təcrübə mübadiləsi üçün
geniş imkanlar yaradır. O vurğulayıb
ki, bu baxımdan Astana Forumunu
elm xadimlərinin, yaradıcı ziyalıların
ünsiyyət platforması adlandırmaq
olar.
Qeyd edək ki, beynəlxalq
“Birlik ulduzları” mükafatı 2009-
cu ildə MDB iştirakçısı olan
ölkələrin Dövlətlərarası Humani-
tar Əməkdaşlıq Fondu tərəfindən
təsis edilib. Mükafat elm və
təhsil, mədəniyyət və incəsənət,
humanitar fəaliyyət sahələrində
nailiyyətlərə görə hər respublikadan
bir nümayəndəyə verilir. Laureat-
ların irəli sürülməsi prosesi MDB
ölkələrindən olan görkəmli alimlərin,
dövlət və ictimai xadimlərin daxil
olduğu beynəlxalq münsiflər heyəti
tərəfindən həyata keçirilir.
Budəfəki Forum Qazaxıstan
Mədəniyyət və İdman Nazirli-
yinin və MDB iştirakçısı olan
ölkələrin Dövlətlərarası Humanitar
Əməkdaşlıq Fondunun təşkilatı
dəstəyi ilə keçirilib.
Astanada keçirilən budəfəki Fo-
rumda Belarus Respublikasının Brest
şəhəri 2019-cu il üçün MDB-nin
mədəniyyət paytaxtı elan edilib.
İlahə ƏHMƏDOVA
AZƏRTAC-ın xüsusi müxbiri
Astana
Azərbaycan parlamenti nümayəndə
heyətinin Çinə səfəri davam edir
Ümumçin Xalq Nümayəndələri Yığıncağının sədri Li
Canşunun dəvəti ilə Azərbaycan Respublikası Milli Məclisinin
sədri Oqtay Əsədovun rəhbərliyi ilə parlament nümayəndə
heyətinin Çin Xalq Respublikasına rəsmi səfəri davam edir.
İyunun 21-də nümayəndə heyəti
Şərq aləminin nadir tarixi-memarlıq
və maddi-mədəniyyət abidələrindən
hesab olunan Böyük Çin səddini
ziyarət edib. Bildirilib ki, insan
əli ilə yaradılmış çox heyrətamiz
möcüzələrdən olan Çin səddinin in-
şası e.ə. III əsrdə başlayıb və bir neçə
yüz il davam edib. Çinin şərqindən
qərbinə doğru uzanan Böyük Çin
səddinin tamaşasına dünyanın
müxtəlif ölkələrindən hər il
milyonlarla turist gəlir.
UNESCO-nun Dünya İrsi siya-
hısına daxil olan Böyük Çin səddi
ölkənin ən böyük və ən möhtəşəm
sənət abidəsi olmaqla yanaşı, Çin
xalqının qürur mənbəyi, habelə
ölkənin tarixi rəmzi hesab edilir.
Şahin CƏFƏROV,
AZƏRTAC-ın xüsusi müxbiri
Pekin
Əlcəzair ilə ilk dövlətlərarası
müqavilə imzalanıb
Azərbaycan Respublikası-
nın Prezidenti İlham Əliyevin
rəhbərliyi ilə ölkədə aparılan
hərtərəfli islahatlar çərçivəsində
Ədliyyə Nazirliyi tərəfindən
mütərəqqi beynəlxalq təcrübəyə bö-
yük əhəmiyyət verilir, bu məqsədlə
bir çox xarici dövlətlərin Ədliyyə
nazirlikləri ilə səmərəli ikitərəfli
əlaqələr qurulub.
Ötən il respublikamızın ədliyyə
nazirinin Əlcəzair Xalq Demok-
ratik Respublikasına səfəri zama-
nı Ədliyyə nazirlikləri arasında
əməkdaşlıq haqqında Anlaşma Me-
morandumunun imzalanması iki ölkə
arasında bağlanmış ilk sənəd olmaqla
ikitərəfli münasibətlərin inkişafına
təkan verib. Eyni zamanda, ekstra-
disiya haqqında müqavilə layihəsi
hazırlanaraq razılaşdırılıb və Əlcəzair
Ədliyyə Nazirliyi nümayəndə
heyətinin cari ilin əvvəlində ölkəmizə
səfəri zamanı paraflanıb.
Ədliyyə Nazirliyinin mətbuat
xidmətindən AZƏRTAC-a bildiriblər
ki, həmin sənədin imzalanması
məqsədilə Əlcəzair Xalq Demokra-
tik Respublikasının ədliyyə naziri
Tayeb Louh nümayəndə heyəti ilə
Azərbaycana rəsmi səfərə gəlib.
İyunun 21-də Əlcəzair
nümayəndə heyəti əvvəlcə Fəxri
xiyabanda ulu öndər Heydər Əliyevin
əziz xatirəsini yad edərək məzarı
önünə əklil qoyub.
Görkəmli oftalmoloq-alim, aka-
demik Zərifə xanım Əliyevanın da
xatirəsi anılaraq, məzarı üzərinə tər
çiçəklər düzülüb.
Qonaqlar, həmçinin Şəhidlər
xiyabanında ölkəmizin müstəqilliyi
və ərazi bütövlüyü uğrunda həlak
olmuş həmvətənlərimizin məzarlarını
ziyarət edərək “Əbədi məşəl”
abidəsinin önünə əklil qoyublar.
Sonra Ədliyyə Nazirliyində
respublikamızın ədliyyə naziri Fikrət
Məmmədovun və Əlcəzairin ədliyyə
naziri Tayeb Louhun görüşü keçirilib.
Azərbaycan və Əlcəzair arasında
əlaqələrin inkişaf etdirilməsində hər
iki ölkənin dövlət başçıları İlham
Əliyevin və Əbdüləziz Buteflika-
nın siyasi iradəsini qeyd edən nazir
F.Məmmədov “İslam Həmrəyliyi
İli” elan olunmuş 2017-ci ildə
Əlcəzairə səfərini və keçirilmiş rəsmi
görüşləri məmnunluqla xatırladıb,
nazirliklərarası Anlaşma Memo-
randumunun qarşılıqlı fəaliyyətin
genişləndirilməsində yeni səhifə
açdığını söyləyib, hazırkı səfərin
ölkələrimiz arasında əlaqələrin
dərinləşməsinə əlavə təkan olacağına
əminliyini ifadə edib.
Nazir respublikamızın
müstəqillik illərində keçdiyi
inkişaf yolundan bəhs edərək
ümummilli lider Heydər Əliyevin
müstəsna xidmətlərini vurğulayıb,
ölkə Prezidenti İlham Əliyevin
rəhbərliyi ilə qazanılan nailiyyətlər,
ədliyyə və məhkəmə sisteminin
müasirləşdirilməsi üzrə həyata
keçirilən tədbirlər barədə məlumat
verib.
Azərbaycana ilk dəfə səfər
etməsindən məmnunluğunu ifadə
edən Tayeb Louh ölkələrimiz
arasındakı tarixi əlaqələrin
genişləndirilməsinə dövlət başçı-
larının xüsusi önəm verdiyini, hər
iki ölkənin Ədliyyə nazirliklərinin
bu istiqamətdə səylə çalışdığını
vurğulayıb, imzalanmış Anlaşma
Memorandumunun hüquqi sahədə
əməkdaşlığın dərinləşməsinə xidmət
etdiyini bildirib.
Qonaq, həmçinin
Azərbaycanda ədliyyə sisteminin
müasirləşdirilməsi, innovasiyala-
rın tətbiqi sahəsində əldə olunan
nailiyyətləri təqdir edib, səfər zamanı
Azərbaycan brendi olan “ASAN
xidmət” mərkəzləri ilə tanışlıqdan
heyranlığını ifadə edib, ASAN-
ın göstərdiyi xidmətləri maraqla
qarşılayaraq bu sahədə təcrübəmizlə
daha yaxından tanış olmaq barədə
istəklərini bildirib.
Əlcəzairli nazir qarşılıqlı
fəaliyyətin və təcrübə mübadiləsinin
əhəmiyyətini qeyd edib, səmimi
qonaqpərvərliyə və səfərin yüksək
səviyyədə təşkil olunmasına görə
minnətdarlığını bildirib.
Sonra Azərbaycan və Əlcəzair
arasında ekstradisiya haqqında
müqavilə imzalanıb.
Mərasimdə bəyanatlarla çı-
xış edən nazirlər qeyd ediblər ki,
imzalanan bu mühüm sənəd ilk
dövlətlərarası müqavilə olmaqla
cinayət əməli törətmiş şəxslərin
təslim edilməsi sahəsində qarşılıqlı
fəaliyyətin həyata keçirilməsinə,
ölkələrimizin ədliyyə və məhkəmə
orqanları arasında əlaqələrin
möhkəmlənməsinə xidmət edəcək,
cinayətkarlığa qarşı mübarizəyə töhfə
verəcək.
Qonaqlar nazirlikdə bu il 100
illiyi qeyd olunan Azərbaycan
Ədliyyəsinin tarixi muzeyi ilə tanış
olub, nümayəndə heyətinə müasir
ədliyyə fəaliyyətinə və məhkəmə-
hüquq islahatlarına dair, həmçinin
iki ölkə arasında hüquqi əlaqələri,
habelə Ermənistan-Azərbaycan,
Dağlıq Qarabağ münaqişəsi ilə
bağlı məlumatları əks etdirən xüsusi
jurnallar və əyani vəsaitlər təqdim
edilib.
Tədbirin yekununda KİV
nümayəndələrinə müsahibə verilib.
Həmin gün əlcəzairli nazirin
Azərbaycan Respublikasının Baş
naziri ilə, həmçinin Milli Məclisdə və
Baş Prokurorluqda görüşləri olub.
Səfər zamanı Konstitusiya və Ali
məhkəmələrdə də rəsmi görüşlərin
keçirilməsi, Əlcəzair ədliyyə naziri-
nin hakimlər, hakimliyə namizədlər,
ədliyyə işçiləri, vəkillər və proku-
rorluq əməkdaşları üçün mühazirəsi,
eləcə də nümayəndə heyətinin müasir
məhkəmə infrastrukturu və elektron
məhkəmə sisteminin tətbiqi, habelə
paytaxtın mədəni və tarixi abidələri
ilə tanışlığı nəzərdə tutulur.
AZƏRTAC