23
tədbirlərini idarəetmə sahəsində başlayıb, 2006-
cı ildə kredit mütəxəssisi kimi maliyyə xidmətləri
sahəsində çalışmağa başlayıb. 2007-2011-ci illərdə
maliyyə analitiki və layihə meneceri kimi “PAŞA
Holdinq” MMC-də işləyib.
Xəyalə Nağıyeva
İdarə Heyətinin üzvü, baş maliyyə inzibatçısı
Xəyalə Nağıyeva 2015-ci ildə “PAŞA Bank”
ASC-də Kredit Risklərinin Qiymətləndirilməsi De-
partamentinin direktoru kimi fəaliyyətə başlayıb
və qısa müddətdən sonra İdarə Heyətinin üzvü
və baş maliyyə inzibatçısı vəzifəsinə təyin edilib.
Bundan əvvəl o, 2009-cu ildən “PAŞA Holdinq”
MMC-də investisiyalar üzrə menecer vəzifəsində
işləyib və 2010-cu ildən “PAŞA Bank” ASC-nin Audit
Komitəsinin üzvü kimi fəaliyyət göstərib. Xanım
Nağıyeva peşəkar karyerasına 2003-cü ildə mal-
iyyə xidmətləri sahəsində, Deloitte CIS şirkətində
auditor kimi başlayıb. Nəticədə o, Deloitte CIS
şirkətinin maliyyə məsləhət xidmətləri bölməsində
baş auditor vəzifəsinə yüksəlib, Almatıya (Qazax-
stan) təyinat alıb və burada bir sıra yerli və region-
al layihələri idarə edib. O, 2004-cü ildə Azərbaycan
Dövlət İqtisad Universitetini fərqlənmə diplomu ilə
bitirib, universitet təhsilinin bir hissəsini Slippery
Rock Universitetində (Pensilvaniya, ABŞ) davam
etdirib. Xanım Nağıyeva həmçinin Harvard Biznes
Məktəbinin, London Biznes Məktəbinin, Ashridge
Biznes Məktəbinin (Birləşmiş Krallıq) və IE Biznes
Məktəbinin (İspaniya) məzunudur.
Şahin Məmmədov
“PAŞA Bank Georgia”-nın Direktorlar
Şurasının sədri, baş icraçı direktor
Şahin Məmmədov 2002-ci ildə Azərbaycan
Dövlət İqtisad Universitetinin Mühasibat Uçotu və
Audit fakültəsinin bakalavr pilləsini bitirib, 2004-
PAŞA Bank 2015-ci ilin İllik Hesabatı
24
cü ildə həmin təhsil ocağının magistr dərəcəsini
alıb və 2010-cu ildə iqtisadiyyat üzrə fəlsəfə
doktoru elmi dərəcəsini qazanıb. O, 2003-cü
ildə “Koçbank Azərbaycan” MMC-də işə başlayıb,
əvvəlcə mühasib, sonra baş mühasibin müavini
vəzifələrini tutub. 2005-ci ildə Deloitte & Touche
şirkətində audit üzrə kiçik əməkdaş vəzifəsinə işə
düzəlib, sonra audit üzrə menecer vəzifəsinədək
yüksəlib. 2014-cü ildən ACCA-nin (İxtisaslaşmış
Sertifikatlı Mühasiblər Assosiasiyasının) üzvüdür.
Şahin Məmmədov 2009-cu ildə “PAŞA Bank”
ASC-nin Maliyyəni İdarəetmə Departamen-
tinin direktoru, 2011-ci ildə İdarə Heyətinin üzvü
təyin edilmişdir. O, biznesin inkişafı üzrə direk-
tor vəzifəsini icra etmək məqsədilə 2013-cü ildə
“PAŞA Bank Georgia”-a keçmişdir. 2014-cü ilin
iyul ayından “PAŞA Bank Georgia”-nın baş icraçı
direktorudur.
Qoqa Caparidze
“PAŞA Bank Georgia”-nın Direktorlar
Şurasının sədri, baş kommersiya direktoru
Qoqa Caparidze 2014-cü ilin yanvar ayında
“PAŞA Bank Georgia”-da kommersiya müdiri kimi
fəaliyyətə başlayıb və 2015-ci ilin aprel ayından
Direktorlar Şurasının üzvüdür. Cənab Capar-
idze bank işi sahəsində karyerasına 2003-cü ildə
“Bank of Georgia”-nın investisiya törəmə bankı
olan “BG Capital”-da partnyor kimi başlamışdır.
2005-ci ildə o, “Bank of Georgia”-da peşəkar
fəaliyyətinə səhmdar kapital məsələləri üzrə
aparıcı bankir qismində davam etmişdir. Daha
sonra o, 2006-cı ildən 2011-ci ilədək Tifslis-
də və Londonda Avropa Yenidənqurma və
İnkişaf Bankının (AYİB) özəl səhmdar kapitalın
maliyyələşməsi üzrə baş bankir kimi xidmət
göstərişdir. Bunda sonra o, “Bank Republic So-
ciété Générale Group”-da korporativ bankçılıq
bölməsinin rəhbəri olmuşdur. Qoqa Caparidze
1996-cı ildə Tiflis Dövlət Universitetini bitirib.
2002-ci ildə o, Hofstra Universiteti Zarb Biznes
Məktəbinin magistr dərəcəsini alıb.
H. Cenk Eynehan
“PASHA Yatırım Bankası A.Ş.”-nin Direktorlar
Şurasının üzvü, baş müdir
H. Cenk Eynehan Erasmus Universitetinin
(Niderland Krallığı) iqtisadiyyat üzrə subbakalvr
(təməl ali təhsil) dərəcəsini, Monroe Kolecinin
(Nyu-York, ABŞ) idarəetmə üzrə bakalavr
dərəcəsini və Koç Universitetinin rəhbər işçilər
üçün işgüzar inzibatçılıq üzrə magistr dərəcəsini
alıb. 1994-2013-cü illər ərzində o, Türkiyədə
və xarici ölkələrdə banklarda və digər maliyyə
təsisatlarında orta səviyyədən rəhbərliyə qədər
müxtəlif vəzifələrdə çalışıb. 2013-cü il 2 avqust tar-
ixində “PASHA Yatırım Bankası A.Ş.”-də fəaliyyətə
başlayıb. Bank işi və işgüzar inzibatçılıq sahəsində
21 illik təcrübəsi var.
Ali İhsan Tokkuzun
“PASHA Yatırım Bankası A.Ş.”-nin baş direk-
tor müavini
Ali İhsan Tokkuzun 2013-cü ilin iyun ayın-
da “PASHA Yatırım Bankası A.Ş.”-də baş direktor
müavini vəzifəsində fəaliyyətə başlayıb. Bundan
əvvəl o, “İstanbul Denizçilik Gemi İnşa Sanayi
ve Ticaret A.Ş.”-da İcraiyyə Komitəsinin üzvü və
maliyyə koordinatoru vəzifəsində işləyib. Cənab
Tokkuzun peşəkar karyerasına “Esbank T.A.Ş.”-nin
Auditorlar Şurasında başlamış, sonra Vyanadakı
“Esbank AG”-a keçərək 2000-ci ilədək müxtəlif
vəzifələrdə (o cümlədən, Audit Komitəsinin sədr
müavini vəzifəsində) çalışmışdır. 2000-2002-ci
illərdə o, “Kentbank A.Ş.”-də maliyyə təsisatları
və beynəlxalq marketinq qrupunun meneceri
işləmişdir. Daha sonra o, 2010-cu ilədək Vyanadakı
“DenizBank AG”-də baş direktor müavini olmuş,
2010-cu ildən “SK Danube AG”-nin baş direktor
vəzifəsini icra etmişdir. Cənab Tokkuzun Gazi Uni-
versiteti İdarəetmə fakültəsinin bakalavr pilləsini
bitirib, İstanbul Texniki Universitetinin rəhbər
işçilər üçün işgüzar inzibatçılıq üzrə magistr
dərəcəsini alıb.
RƏHBƏRLİYİN TƏRKİBİ