14
PAŞA Bankda müştərilər bir nömrəli
prioritet olaraq müəyyən edilmişdir.
Bunu nəzərə alaraq biz rəqəmsal
transformasiya dövründə də yüksək
müştəri məmnunluğuna nail olmaq
üçün gələcək rəqəmsal məhsul
və xidmətlərin hazırlanmasında
müştərilərimizin rahatlığına, məhsul
və xidmətlərdən istifadənin asan
olmasına xüsusi diqqətin yetirilməsini
təmin edəcəyik.
16
Hörmətli Həmkarlar, Müştərilər və
Səhmdarlar,
2016-cı ildə ABŞ-ın Federal ehtiyatlar sistemi
tərəfindən kəmiyyət aspektinin yumşaldılmasının
aradan qaldırılması və dünya əmtəə bazarlarının
çalxalanması fonunda qlobal iqtisadiyyat 2.3%
genişlənərək böhrandan sonrakı dövrdə nümayiş
etdirdiyi 3% göstərici ilə müqayisədə daha aşağı
artıma nail olmuşdur. İl ərzində inkişaf etməkdə
olan bazarların iqtisadi artım göstəricisi inkişaf
etmiş bazarları geridə qoymuşdur. 2016-cı ildə
inkişaf etməkdə olan ölkələrdə ÜDM artımı
3.4 %-də qeydə alınmışdır, bu isə 1.6% artım
nümayiş etdirmiş inkişaf etmiş iqtisadiyyatlarla
müqayisədə daha sürətli artım deməkdir.
2016-cı ildə Azərbaycanda zəif xam neft
qiymətləri və büdcə gəlirlərinin azalmasının
şərtləndirdiyi daha zəif istehlakçı tələbatı fonunda
ÜDM 3.8% faiz azalmışdır. Qeyri-neft ÜDM-si isə
əsasən tikinti işlərinin zəifləməsi səbəbindən 5.4%
azalma nümayiş etdirmişdir.
Keçən il ilə müqayisədə bank aktivlərinin
9.9% azalması ilə müşayiət olunan iqtisadi
zəifləmə fonunda ölkənin iqtisadi göstəriciləri
azalmağa davam etmişdir. 2015-2016-cı
illərdə 11 bankın fəaliyyət lisenziyalarının ləğv
edilməsi, digər bankların isə kredit portfellərini
əhəmiyyətli dərəcədə restrukturizasiya etmək
məcburiyyətində qalması faktı vəziyyəti bir
az da ağırlaşdırmışdır. Nəticədə Azərbaycanın
bank sisteminin məcmu kredit portfeli 2016-cı
ildə 22 % azalmışdır. İlin sonuna vaxtı keçmiş
kreditlər məcmu kreditlərin 9%-ni təşkil etmişdir.
Korporativ kredit portfeli öncəki il ilə müqayisədə
21.4% azalmışdır. Eyni zamanda fərdi kredit
portfeli 28.5% azalmışdır.
Hesabat dövründə depozitlər nisbəti 2.3%
azalmışdır. Ev təsərrüfatları depozitlərinin 14%
azalması korporativ kreditlərin 6.8 milyard
manatdan 9.1 milyard manatadək (34%) artması
ilə qismən kompensasiya edilmişdir. Maliyyə
təşkilatlarından depozitlər təxminən 3 milyard
manat təşkil etmişdir.
Çağırışlarla dolu mühitin olmasına
baxmayaraq, 2016-cı ildə PAŞA Bank dayanıqlı
inkişaf nümayiş etdirmişdir. Müştərilərimizin
maksimum bəhrələnməsini təmin etməyi
və kredit risklərimizin idarə edilməsini
təkmilləşdirməyi strateji prioritetlər qismində
müəyyən etməyimiz sayəsində biz dəyişkən
bazar şəraitində müsbət göstəricilər nümayiş
etdirməyə müvəffəq olmuşuq.
Yerli bank seqmenti portfelinin həcminin
və gəlirliliyinin azalması ilə üzləşdiyi halda, PAŞA
Bankın məcmu aktivləri 43% artmışdır, əməli
mənfəəti 60% sıçrayış nümayiş etdirmişdir.
Hesabat dövründə Bankın korporativ kredit
bazarındakı payı 8% artmışdır. Bunun nəticəsində
Bankın xalis mənfəəti təxminən dörd dəfə artaraq
69.3 milyon manat təşkil etmişdir. Bununla yanaşı
və bazarda baş verən proseslərin əksinə müştəri
depozitlərimizin həcmi 2015-ci il üzrə 1,374 milyard
manatdan 2016-cı ildə 2,350 milyard manatadək
artmış, beləliklə keçən il ilə müqayisədə 71% artım
nümayiş etdirmişdir.
PAŞA Bank iri korporativ, kommersiya və
KOS seqmentləri üzrə korporativ müştərilərinə
yüksək keyfiyyətli xidmətlərin göstərilməsi
hədəfinə sadiq qalır. Bizim yerli bazar mövqeyimiz
korporativ müştərilərimizə dayanıqlı dəstəyin
göstərilməsi üzərində cəmləşmişdir. Biz güclü
müştəri münasibətlərinin idarə edilməsinə
yönəlmiş əhəmiyyətli addımlar atırıq və
çağırışlarla doğru zamanda müştərilərin spesifik
ehtiyaclarını təmin etmək üçün fərdi məhsullar
hazırlayırıq. PAŞA Bank iri və kommersiya
müştərilərinə B2B xidmətlərini təmin etməklə
rəqabətli mövqeyini daha da möhkəmlətmiş
oldu. Təkmilləşmə müştərilərin ERP (Enterprise
MÜŞAHİDƏ ŞURASI SƏDRİNDƏN VƏ
İDARƏ HEYƏTİNİN SƏDRİNDƏN ÖN SÖZ
17
Resource Planning and Reporting) sistemlərinin
Bankın müvafiq sistemi ilə inteqrasiya olunmasına
imkan verdi, bu isə müştəri əməliyyatlarının
icra edilməsi sürətinin əhəmiyyətli dərəcədə
yaxşılaşdırılması ilə nəticələndi.
2016-cı ildə PAŞA Bank öz strateji məqsəd-
lərinə aparan yolda müəyyən edilmiş əsas
mərhələləri uğurla keçməyə müvəffəq oldu.
Hesabat dövründə özündə innovativ
texnologiyaları ehtiva edən və gələcək inkişaf
strategiyamızı dəstəkləyən yeni bank sisteminə
uğurla miqrasiya etməyə müvəffəq olduq. Bu
təkmil sistem PAŞA Banka əməliyyat xərclərini
azaltmağa və yeni məhsulları bazara çıxarmaq
üçün tələb olunan vaxtı azaltmağa imkan verəcək.
PAŞA Bank həmçinin yeni iş tərzini
aşılamaq üçün Biznes proseslərinin idarə edilməsi
yanaşmasını təqdim etmişdir. Qənaətcil təşkilat
fəlsəfəsi (lean organization philosophy) əsasında
biznes proseslərin idarə edilməsi Bankın davamlı
proseslərin təkmilləşirilməsi təşəbbüsləri üçün
təməli qoyur. Bu səylərin məqsədi iş proseslərinin
daha effektiv, daha məhsuldar və dəyişkən mühitə
daha asanlıqla adaptasiya olunan olmasını təmin
etməkdir.
İl ərzində biz yeni mobil bank əlavəsini
hazırladıq və təqdim etdik. Bu innovasiya fərdi
bankçılıq seqmentindən olan müştərilərin
rəqəmsal xidmətlər ilə əhatə edilməsinin
artırılmasına xidmət etdi.
İnsan kapitalının ən dəyərli aktiv olduğunu
anlayan PAŞA Bank işçi heyətin fəaliyyətinin idarə
edilməsi və həvəsləndirilməsi sistemini Bankın
yeni strateji hədəflərinə və təşkilati strukturuna
uyğunlaşdırmışdır. Yeni sistem strateji hədəflərin
təşkilat daxilində bütün səviyyələrdə effektiv əks
olunmasını təmin edir.
Həmçinin Bank yüksək fəaliyyətinin üstün
olmasının tanınması kimi bir sıra mötəbər
mükafatlar almışdır. 2016-cı ildə PAŞA Bank
World Finance tərəfindən “Azərbaycanın ən
yaxşı bank qrupu” və “Azərbaycanın ən yaxşı
kommersiya bankı” və Global Finance tərəfindən
“Azərbaycanın ən yaxşı bankı” mükafatlarına layiq
görülmüşdür. Biz bu nüfuzlu mükafatlara layiq
görülməyimizdən qürur duyuruq.
Bundan başqa, PAŞA Bank sosial
cavabdehlik təşəbbüsləri vasitəsilə Azərbaycan
cəmiyyətinin daha da inkişaf etdirilməsinə
yönəlmiş səylərini davam etdirməkdədir. Belə ki,
gənclər arasında sahibkarlığın dəstəklənməsinə
xidmət edən seminarların keçirilməsi, yox
olma təhlükəsinə məruz qalan nadir sənət
növlərinin qorunub saxlanılmasına töhfə verən
təlimlərin keçirilməsi, ehtiyacı olan tələbələr
üçün təqaüdlərin ayrılması və ölkədə keyfiyyətli
biznes jurnalistikasının təşviq edilməsi kimi çeşidli
təşəbbüslər vasitəsilə PAŞA Bank ölkədə bir sıra
əsas sahələrdə fərq yaratmaq üçün səy göstərir.
2017-ci il Bankın hazırkı strateji dövrünün
yekun ilidir. Növbəti ildə Bank əsas layihə və
təşəbbüsləri yerinə yetirməklə strateji məqsədlərə
nail olmağı hədəfləməyi planlaşdırır. PAŞA
Bank kredit portfeli və əməliyyat biznesləri
üzrə hədəflərini artırmaqla korporativ və
riteyl biznes fəaliyyətləri üçün yeni üfüqləri
hədəfləmişdir. 2017-ci ildə PAŞA Bank biznes
fəaliyyətini genişləndirməyi, rəqabətli mövqeyini
möhkəmləndirməyi və rəqəmsal təşəbbüsləri
həyata keçirməyi hədəfləyən 2018-2020-ci
illər üzrə yeni strateji planın hazırlanmasına
başlayacaq.
Rəqəmsal texnologiyalar gündəlik
həyatımızın hər bir aspektinin ayrılmaz hissəsinə
çevrilmişdir. Bu, biznes fəaliyyətlərinə, xüsusilə də
PAŞA Bankın 2016-cı il üzrə fəaliyyətinə dair İllik hesabat