2016-ci ilin İllik Hesabatı
Yüklə 3,71 Mb. Pdf görüntüsü
|
18 bank sahəsinə də şamil edilir. Rəqəmsal bankçılığa keçid nəinki qaçılmazdır, hətta qlobal miqyasda artıq həyata keçiriməkdədir. Azərbaycanın aparıcı korporativ banklarından biri olaraq PAŞA Bank hal-hazırda çox-şaxəli rəqəmsal strategiyası üzərində çalışır. Hal-hazırda strategiyanın detallarını müzakirə etmək üçün çox tez olsa da, müştərilərimizlə əməkdaşlıq etmək tərzimizin əhatəli transformasiyasını nəzərdə tutduğumuzu deyə bilərik. Yerli bazarda olan bəzi bank müştəriləri üçün bu innovasiyalar və dəyişikliklər ilk baxışda komfort zonasından çıxış kimi qiymətləndirilə bilər. Baxmayaraq ki, rəqəmsal transformasiya müştərilərin növbələrdə və kağız əsaslı proseduraların yerinə yetirilməsində üzləşdikləri vaxt itkisinin qarşısını alacaq, yeni texnologiyalara uyğunlaşmaq üçün müəyyən vaxt tələb oluna bilər. PAŞA Bank üçün müştərilər bir nömrəli prioritetdir. Bunu nəzərə alaraq biz rəqəmsal transformasiya dövründə də yüksək müştəri məmnunluğuna nail olmaq üçün gələcək rəqəmsal məhsul və xidmətlərin hazırlanmasında müştərilərimizin rahatlığına, məhsul və xidmətlərdən istifadənin asan olmasına xüsusi diqqətin yetirilməsini təmin edəcəyik. İnnovativ və müştəri yönümlü yanaşması sayəsində PAŞA Bank təsis edildiyi gündən Azərbaycanın maliyyə sahəsində hər zaman liderlik mövqeyinə malik olmuşdur. Çağırışlarla dolu bir zamanda biz anlayırıq ki, müştərilərin güclü tərəfdaşa ehtiyacı var. Biz həmişə müştərilərimizi dəstəkləyirik, onlar çağırışlarla üzləşdikdə və ya genişlənmək və ya inkişaf etmək istədikdə yanlarında olmuşuq. Onların müsbət rəyi və ilin sonuna nümayiş etdirdiyimiz müsbət göstəricilər bizim doğru yolda olmağımıza işarə edir.
Fürsətdən istifadə edərək biz, sadiq müştərilərimizə, işinə can yandıran əməkdaşlarımıza, çox dəyərli səhmdarlarımıza və digər maraqlı tərəflərə davamlı dəstəklərinə və PAŞA Bankın uğuruna verdikləri töhfələrə görə minnətdarlığımızı bildirmək istərdik və gələcəkdə birgə səylərlə daha da yüksək nailiyyətlər əldə edəcəyimizə ümid edirik. Hörmətlə, Mir Camal Paşayev Müşahidə Şurasının sədri Taleh Kazımov İdarə Heyətinin sədri MÜŞAHİDƏ ŞURASI SƏDRİNDƏN VƏ İDARƏ HEYƏTİNİN SƏDRİNDƏN ÖN SÖZ 19 PAŞA Bankın 2016-cı il üzrə fəaliyyətinə dair İllik hesabat 20 RƏHBƏRLİYİN TƏRKİBİ “PAŞA Bank” ASC-nin rəhbərliyi Müşahidə Şurası Mir Camal Paşayev Müşahidə Şurasının sədri Mir Camal Paşayev 1993-cü ildə Moskva Dövlət Universitetinin Fizika fakültəsini bitirib, 1996-ci ildə texniki elmlər üzrə magistr dərəcəsi almaq məqsədilə Kaliforniya Universitetinə daxil olub və bundan sonra, 1998-ci ildə Vaşinqtonda- kı “Amerika Universiteti”-nin biznesin idarə edilməsi üzrə magistr dərəcəsini alıb. 1999-cu ildə Azərbaycan Respublikasının Mərkəzi Bankının məsləhətçisi vəzifəsini icra etmək üçün Bakıya gəlməzdən əvvəl 1998-ci ildə “Mobil Korporeyşn” şirkətinin Dallas və Vaşinqton ofislərində biznes layihələrinin məsləhətçisi vəzifəsində işləyib. 2000-ci ildə o, Avropa Yenidənqurma və İnkişaf Bankında (AYİB) maliyyə analitiki kimi işə başlayıb, tezliklə infrastruktur layihələri üzrə bankir vəzi- fəsinə yüksəlib. 2005-ci ildən 2008-ci ilədək infrastruktur, telekommunikasiya və maliyyə xid- mətləri sahəsində irimiqyaslı investisiya layihələri üzrə konsaltinq fəaliyyəti ilə məşğul olub. Mir Camal Paşayev 2006-cı ildən “PAŞA Holdinq” MMC-də icraçı direktor vəzifəsində çalışır. O həmçinin “PAŞA Sığorta” ASC-nin Müşa- hidə Şurasının sədridir. Fərid Axundov Müşahidə Şurasının üzvü Fərid Axundov 1992-ci ildə Azərbaycan Xalq Təsərrüfatı İnstitutunu (hazırda Azər- baycan Dövlət İqtisad Universitetini) bitirib, Nottingham Trent Universitetinin idarəetmə kurslarının məzunudur. 1994-cü ildə o, Birləşmiş Krallıq hökumətinin təsis, Xarici İşlər və Britaniya Birliyi Məsələləri Nazirliyinin təltif etdiyi nüfuzlu Chevening təqaüdünü qazanan ilk Azərbaycan vətəndaşlarından biri olmuşdur və 1995-ci ildə Salford Universitetinin (Mançester, Birləşmiş Krallıq) MBA dərəcəsini almışdır. Cənab Axundov əmək fəaliyyətinə 1991-ci ildə metal zavodunda iqtisadçı vəzifəsindən başlamışdır. Bir il sonra o, xarici iqtisadi əlaqələr üzrə baş iqtisadçı kimi Azərbaycan Respublikası İqtisadiyyat və Planlaşdırma Dövlət Komitəsinə işə qəbul edilmişdir. 1996-cı ildən 2003-cü ilədək Fərid Axundov HSBC-nin törəmə qurumu British Bank of the Middle East bankında bir sıra rəh- bər vəzifələr tutmuş, maliyyə nəzarəti meneceri vəzifəsindən Müştəri Xidmətləri, sonra Korpora- tiv Bankçılıq Departamentinin rəhbəri, nəhayət, HSBC Azərbaycanın baş icraçı direktor müavini vəzifəsinədək yüksəlmişdir. 2003-cü ildə Fərid Axundov İdarə Heyəti sədri qismində “Most- Bank Azərbaycan” KB-də fəaliyyətə başlamış, “Mostbank Azərbaycan”-nın restrukturizasiyası və rebrendinqi nəticəsində o zaman ölkənin ən böyük kommersiya banklarından biri olan “Bank Standard” ASC-nin yaradılması prosesinə nəzarət etmişdir. 2007-ci ildə Fərid Axundov PAŞA Bankda İdarə Heyətinin Sədri qismində fəaliyyətə başlamış, 2015-ci il 1 iyul tarixində Müşahidə Şurasının üzvü vəzifəsinə təyin edilmişdir. Vadim Şneyer Müşahidə Şurasının üzvü Vadim Şneyer 1991-ci ildə Bakı Dövlət Uni- versitetinin Hüquq fakültəsini hüquq elmləri üzrə fərqlənmə diplomu ilə bitirib. 1991-1997-ci illərdə müxtəlif yerli və xarici şirkətdə, o cümlədən, Bakı Banklararası Valyuta Birjasında və Far East Levingston Shipbuilding gəmiqayırma şirkətində hüquqşünas işləyib. 1997-2001-ci illərdə o, Dr. Entezari & Asso- ciates hüquq şirkətinin Bakı ofisində idarəedici partnyor kimi fəaliyyət göstərib. 2001-ci ildə Michael Wilson & Partners hüquq şirkətinin Almatı ofisinə işə qəbul edilib və 2005-ci ilədək orada işləyib. 2005-ci ildə “BM” hüquq şirkətinin Bakı ofisinə işə qəbul edilib və 2007-ci ilədək orada işləyib. Vadim Şneyder 2007-ci ildən “PAŞA Holding” MMC-nin Hüquq Departamentinin direktoru vəzifəsində işləyir, 2011-ci ildə “PAŞA Holding” MMC-nin direktor müavini vəzifəsinə
Yüklə 3,71 Mb. Dostları ilə paylaş:
|