32
tənzimlənən üzən valyuta məzənnəsi rejimi
çərçivəsində tədiyyə balansı ilə müəyyən edilmişdir.
Hesabat dövründə manat ABŞ dollarına nisbətən
12% ucuzlaşmışdır.
2016-cı ildə Mərkəzi bank inflyasiyanın,
valyuta ilə bağlı spekulasiyaların qarşısını almaq və
yerli valyutada əmanətlərinin həcminin artırılması
məqsədilə milli valyutaya etimadı gücləndirmək
faiz dərəcəsi dəhlizinin parametrlərinə əhəmiyyətli
düzəlişlər etmişdir. Beləliklə, təkrar maliyyələşdirmə
göstəricisi öncəki ildəki 3%-dən 15%-ə qaldırılmışdır.
Bank seqmenti
2
016-cı ildə Azərbaycanda bank aktivlərinin
öncəki il ilə müqayisədə 9.9%, 34.9 milyard
manatdan 31.4 milyard manat səviyyəsinədək
azalması ilə müşayiət olunan iqtisadi tənəzzül
fonunda ölkə iqtisadiyyatı zəif meyllər nümayiş
etməyə davam etmişdir. Azalma meyli il ərzində
doqquz bankın lisenziyasının ləğv edilməsi, digər
bankların isə kredit portfelini əhəmiyyətli dərəcədə
restrukturizasiya etməyə məcbur qalması faktı
ilə bir az da ağırlaşmışdır. Nəticədə Azərbaycan
bank sisteminin məcmu kredit portfeli 2016-cı ildə
22 %, 21.2 milyard manatdan 16.4 milyard manata
azalmışdır. Qeyri işlək kreditlər 1,314.6 milyon
manatdan 1,472.6 milyon manata qalxmışdır; ilin
sonuna qeyri işlək kreditlər məcmu kreditlərin
9%-ni təşkil edir. Öncəki il ilə müqayisədə
korporativ kredit portfeli 20.5%, 12.7 milyard
manatdan 10.1 milyard manatadək azalmışdır.
Eyni zamanda, keçən il ilə müqayisədə fərdi kredit
portfeli 25.4%, 8.47 milyard manatdan 6.32 milyard
manatadək azalmışdır.
İl ərzində depozitlər 5.8%, 23.46 milyard
manatdan 22.09 milyard manatadək azalmışdır.
Ev təsərrüfatları depozitlərinin 21%, 9.5 milyard
manatdan 7.4 milyard manatadək azalması
korporativ depozitlərin 19%, 7.6 milyard
manatdan 9.1 milyard manatadək artması ilə
qismən kompensasiya olunmuşdur. Maliyyə
təşkilatlarından cəlb edilmiş depozitlər təxminən
5.5 milyard manat təşkil etmişdir.
QLOBAL MAKROİQTİSADİ MƏNZƏRƏ VƏ AZƏRBAYCAN İQTİSADİYYATI
Valyuta məzənnəsi və orta xam neft qiyməti
120_
60_
0_
-60_
_2.0
_1.0
_0
_-1.0
% ilə dəyişiklik, il
ilə müqayisədə
Manat/ABŞ dolları
Orta xam neftin spot qiyməti
Manat/ABŞ dolları
Yanvar
2015
İyul
2015
Yanvar
2016
İyul
2016
Yanvar
2017
Qeyd: Valyuta məzənnəsində artım ucuzlaşma barədə xəbər verir.
Mənbə: Azərbaycan Respublikası Mərkəzi Bankı; Haver analitikaları (13 mart 2017-ci ildə istifadə edilmişdir).
33
Manat/ABŞ dolları
2017-ci il üzrə Proqnozlar
Beynəlxalq Valyuta Fondunun proqnozlarına
görə 2017-ci ildə inkişaf etməkdə olan bazar
iqtisadiyyatlarının canlanması və inkişaf etmiş
bazarlarda müşahidə olunan irəliləyişlər sayəsində
qlobal artım bərpa olunacaq. Beləliklə, BVF inkişaf
etməkdə olan ölkələr üçün 4.6% ÜDM artımı, inkişaf
etmiş ölkələr üçün isə 1.8% artım proqnozlaşdırır.
Əmtəə bazarlarında əks meyllər müşahidə
oluna bilər, bu isə inkişaf etməkdə olan bazarlarda
və Azərbaycanda iqtisadi inkişaf göstəricilərinin
artmasına yardım etməlidir.
Fitch-in proqnozlarına görə Azərbaycan
iqtisadiyyatı 0.2 % temp ilə müsbət artım meyllərinə
qayıdış edəcək. Eyni zamanda, Azərbaycan
hökumətinin proqnozlarına əsasən 2017-ci ildə milli
iqtisadiyyat 1% artacaq. Qeyri-neft ÜDM-nin 2.5 %
artacağı gözlənilir.
Maliyyə və real sektorlar üzrə təklif edilmiş
əhatəli islahatların iqtisadi mənzərəni daha da
yaxşılaşdıracağı gözlənilir.
PAŞA Bankın 2016-cı il üzrə fəaliyyətinə dair İllik hesabat
36
ƏSAS BANK SEQMENTLƏRİ
Müştəri meneceri layihəsi
İl ərzində PAŞA Bank mənfəətli bazar
seqmentlərini müəyyən etməklə, müştərilər
üzrə mənfəətliyin təhlilini həyata keçirməklə
və Bankın biznes proseslər infrastrukturunu
təkmilləşdirməklə Bankın fəaliyyət göstəricilərini
və effektivliyini möhkəmləndirmək üçün Müştəri
meneceri layihəsini həyata keçirmişdir. Çox
komponentli layihənin üstünlükləri sırasına 12
aylıq dövr ərzində proqnozlaşdırılan 5 milyon
manatdan çox həcmdə mənfəətin əldə edilməsi
daxildir, bu isə layihə qiymətindən təxminən 2.5
dəfə çoxdur.
Bu təşəbbüs növbəti illərdə ən yüksək
xalis mənfəətin əldə edilməsini vəd edən
bazar seqmentlərinə doğru yönəlmiş Bank
üçün strateji artım prioritetlərini müəyyən
etmişdir. Bununla yanaşı, hər bir müştərinin
mənfəətliyinin sistematik təhlili şəffaflığın
artırılması ilə nəticələnmişdir və korrektiv
addımların müəyyən edilməsinə yardım
etmişdir. Bunun nəticəsində isə PAŞA Bankın
itkilərin qarşısını almaq potensialı daha da
təkmilləşdirilmişdir.
Müştəri Meneceri layihəsi növbəti
iki-üç il ərzində effektiv biznes prosesləri
infrastrukturunun qurulmasını da əhatə edir.
Ən əlverişli biznes proseslərin qurulması
biznes proseslər infrastrukturunun təkmilləş-
dirilməsində PAŞA Bankı dəstəkləyəcək. Bu
səylər özündə analitik alətlərin/çarpazlaşan satış
vasitələrinin və effektiv təşkilati və əhatə etmə
modelinin qurulmasını ehtiva edir.
Miqyası artırıla bilən Müştəri menecer-
lərinin bacarıqlarının inkişaf etdirilməsi layihəsi
müştəri xidmətlərini yaxşılaşdıracaq və növbəti
illər ərzində dayanıqlı və effektiv artıma nail
olmağa imkan verəcək.
Təchizatçının maliyyələşdirilməsi
PAŞA Bankı öz rəqiblərindən fərqləndirən
cəhət ondan ibarətdir ki, Bank müştərilər ilə
sıx əməkdaşlıq etməklə yanaşı, həm də onların
biznesinin inkişaf etdirilməsi imkanlarını
genişləndirir. Bu məqsədlə Bank 2015-ci ildə yeni
Təchizatçının maliyyələşdirilməsi proqramına
start vermişdir. Təchizatçının maliyyələşdirilməsi
son istifadəçilərə fokuslanan (son müştəri)
alternativ kreditləşmə məhsullarından biridir.
Bank dəyərli korporativ müştərilərini onların
müştərilərini maliyyələşdirərək dəstəkləyir və
bununla da müştəri bazasının biznes imkanlarını
gücləndirir.
2016-cı ildə PAŞA Bank informasiya
texnologiyaları və dövlət sektoru ilə bağlı çeşidli
təşəbbüslər üzrə tərəfdaşlıqlar, həmçinin yerli və
beynəlxalq şirkətlər ilə əməkdaşlıqlar qurur.
Internet Bankçılıq
2016-cı il PAŞA Bankda əməliyyat yönümlü
bank məhsullarının aktiv rəqəmsallaşdırılması
ili olmuşdur. Bank internet bankçılıq vasitəsilə
icra olunan əməliyyatlar həcmini 47%-dən
60%-ə qaldırmağa müvəffəq olmuşdur.
İnternet bank məhsullarına digərləri ilə yanaşı
akvayrinq məhsulu ilə bağlı əməliyyatlara
nəzarət, bəyannamələrin təkmilləşdirilməsi
kimi əlavə funksionallar əlavə edilmişdir. 2016-
cı ildə Bank istifadəçilərin rəqəmsal bank
xidmətlərini mənimsəməsini gücləndirmiş və
onların gözləntilərini doğrultmuşdur və nəticədə
internet bank kanallarından istifadə göstəriciləri
əhəmiyyətli dərəcədə artmışdır.