34
Ikki yoqlama yozuv schyotlarni bir -biri bilan o’zaro bog’lanishni aks
ettiradi. Bu bog’lanish schyotlar korrespondentligi deyiladi.
Schyotlar korrespondentligi - bu xo’jalik operatsiyasi natijasida yuzaga
kelgan holatlarni ikki va undan ortiq schyotlarning bog’lanishida aks
ettirilishidir.
Xo’jalik operatsiyalari natijasida bir vaqtning o’zida bir nechta
schyotlar korrespondentligi bajarilish mumkin. Agar, xo’jalik operatsiyasi
natijasi ikkita schyot bog’liqligida aks ettirilsa, bunday yozuvlar oddiy
yozuvlar (provodkalar) deyiladi, uchta yoki undan ortiq schyotlar ishtirok
etsa, bunday yozuvlar murakkab yozuvlar (provokalar) deyiladi.
Demak, xo’jalik operatsiyalarini ikki yoqlama yozuv asosida aks
ettirish albatta, ikkita schyotga ta’siri ko’rsatish bilan bajariladi. Bunda bir
schyot debetlanib, ikkinchisi - kreditlashadi. Ayni vaqtda bir summa ikki
joyda aks ettiriladi.
Ikki yoqlama yozuv sodir bo’lgan xo’jalik operatsiyalarning iqtisodiy
mazmuniga ko’ra nazorat qilib boradi.
Dostları ilə paylaş: 
