gətirirlər. Empedokl «Təbiət haqqında» poemasında heyvanat aləminin yaranması
prosesini 4 dövrə bölürdü: birinci dövrdə (elementlərdən) orqanizmin ayrı-ayrı
hissələri formalaşır – əvvəlcə çoxlu başlar, alınsız gözlər, çiyinsiz qollar yaranır.
İkinci dövrdə iki üzlü (sifətli) və iki döşlü varlıq, insan başlı öküz, öküz başlı insan
meydana gəlir. Üçüncü dövrdə hər iki cinsi birləşdirən canlı varlıq yaranır. Axırıncı –
dördüncü mərhələdə nəhayət, müxtəlif cinsdən olan heyvanlar meydana gəlir (10,
229). Empedoklun bu baxışlarında təbii seçmə haqqında o qədər də aydın olmayan
gümana rast gəlinir, yalnız daha çox uyğunlaşanlar yaşayırlar.
Empedoklunun daha maraqlı ideyası işığın çox böyük də olsa sonlu sürətlə
yayılması gümanıdır. Bu məsələdə o, hətta, işığın yayılma sürətini sonsuz sayan
Aristoteldən qabağa getmişdir. Bizim işıq sürətini qavramamağımızın səbəbi də onun
sürətinin çox böyük olmasıdır. Müasir elm işığın boşluqda saniyədə 300 min kilometr
sürətlə yayıldığını müəyyən etmişdir.
Yunan filosofu Anaksaqora (e.ə. 500-428) görə bütün şeyləri əmələ gətirən
elementlər sonsuz miqdardadır. Onun fikrincə, şeylərin toxumları – «homeomeri-
yalar» ilkin başlanğıc deyildir. İlkin olan həmin elementlər deyil, maddənin bütün
növləridir. Empedokl kimi Anaksaqor da plyuralistdir, lakin onda 4 deyil, daha çox
başlanğıc vardır. Aristotel deyir ki, Anaksaqorda «başlanğıc qeyri-məhduddur». Həm
də başlanğıclar əmələ gətirdikləri şeylərdən, məsələn, torpaq – qızıldan, su qandan,
yaxud süddən ilkin başlanğıc deyildir. Odun, suyun, qızılın, ağacın ən kiçicik,
görünməz, fövqəlhissi hissəcikləri olan həmin «homeomeriyaların» hər bir növü
əmələ gətirdikləri müvafiq növün bütün keyfiyyətlərini saxlayırlar. Qanın toxumları
qanın, dəmirin toxumları dəmirin bütün keyfiyyətlərinə malikdir. Anaksaqorda
materiya rolunu oynayan homeomeriyalar passivdir və ilkin xaos öz gücünə kosmosa
inkişaf edə bilməz. Bundan ötrü xüsusi fəal başlanğıc lazımdır. Belə başlanğıc
Anaksaqorda kosmosu ibtidai xaos halından çıxaran ağıl – dünyanı hərəkətə gətirən
və dərk edən «Nus» idi (16, 175).
Qədim yunan naturfəlsəfəsində dünyanı onun əsasında durub müxtəlif şeyləri
əmələ gətirən, duyğu ilə qavranılan konkret ünsürlərdə görən ilk fəlsəfi təsəvvürlər o
dövr üçün mükəmməl təlim olan atomizmlə əvəz olunur. Əsası Levkipp tərəfindən
qoyulan və elm tarixinə onun ikinci nümayəndəsi Demokritin (e.ə. 460-370) adı ilə
daxil olan atomizm təliminə görə obyektiv surətdə mövcud olan dünya ən kiçicik,
bölünməz hissəciklər olan atom və onların hərəkət etdikləri boşluqdan ibarətdir.
K.Marksın ifadəsincə, yunanlar içərisində empirik təbiətşünas və ilk ensiklopedik
zəka olan Demokritə görə, atom bölünməz, tamamilə sıx, nüfuzedilməz, özünün çox
kiçikliyi üzündən duyğularla qavranılmayan, əbədi, dəyişməz, özü-özünün eyni olan
hissəcikdir. Atom bu daxili mahiyyətdən başqa xarici xassələrə, birinci növbədə
müəyyən formaya malikdir. Atomistlərə görə, atomlar qarmaqşəkilli, kürəvi, girintili,
çıxıntılı və s. olur. Atomlar formalarından başqa böyüklüyünə, düzülüşünə və
vəziyyətlərinə görə də fərqlənirlər.
Xarici formadan, nizamdan, vəziyyət və böyüklükdən başqa onlar boşluqda
hərəkətliliyə də malikdirlər. Hərəkət - atomların, eynilə də onların əmələ gətirdikləri
real aləmin mühüm xassəsidir. Boşluqda cisimlərin eyni sürətlə hərəkət etdiyini
bilmədiyindən Demokrit elə düşünürdü ki, ağır atomlar yüngüllərinə nisbətən daha
sürətlə hərəkət edərək qarşıdakı atomlara çatıb onlarla toqquşur, onların müxtəlif
birləşmələri müxtəlif şeyləri əmələ gətirir. Atomlar əbədi və dəyişməz, onların əmələ
gətirdiyi şeylər isə dəyişkən və keçicidir. Determinist olan Demokritə görə atomların
103
hərəkəti dəmir zərurətlə şərtlənmişdir və burada heç bir təsadüf mövcud deyildir.
Demokritin fatalizmə aparıb çıxaran bu çatışmazlığını atomların hərəkətində obyektiv
təsadüfün də olduğunu qəbul edən Epikur (e.ə. 342-271) aradan qaldırmışdı. Demok-
rit həyatın yaranmasından bəhs edərək bu məsələdə Anaksimandr və Empedoklun
ardınca canlının təbiət qanunu üzrə cansızdan yarandığını söyləyir.
Demokrit naturfəlsəfəsinin Kainatın quruluşu haqqında təlimi də müəyyən
maraq təşkil edir. Həmin təlimə görə, yalnız bizi bilavasitə əhatə edən predmetlər
deyil, sonsuz Kainatda mövcud olan saysız-hesabsız dünyalar da atomlardan təşkil
olunmuşlar. Həm də həmin dünyalar birdəfəlik verilmiş, dəyişməz olmayıb yaranıb və
məhv olaraq vaxtilə əmələ gəldikləri atomlara parçalanırlar. Həmin dünyalardan
bəziləri hələ təşəkkül tapmaqda, bəziləri çiçəklənməkdə, üçüncüləri isə artıq
dağılmaqdadır.
Qədim yunan naturfəlsəfəsinin inkişafında o dövrün ən görkəmli alimlərindən
və filosoflarından biri kimi K.Marksın qədim dövrün «ən ensiklopedik zəkası»
adlandırdığı Aristotelin özünəməxsus yeri vardır. Fəlsəfə tarixinə obyektiv idealizmin
görkəmli nümayəndəsi kimi daxil olan Platonun sevimli şagirdi Aristotelin (e.ə. 384-
322) maraq dairəsinə fəlsəfənin müxtəlif sahələrilə yanaşı təbii elmi biliyin riyaziy-
yat, fizika, astronomiya, biologiya sahələri də daxil idi. Bu sahələr üzrə onun
«Fizika», «Səma haqqında», «Yaranma və məhvolma», «Meteorologiya» və başqa
əsərləri məlumdur. Bütövlükdə təbiət haqqında elm olan fizikanın bir hissəsini təşkil
edən biologiya bir növ öz başlanğıcını Aristotelin «Heyvanların tarixi», «Heyvanların
hissələri haqqında», «Heyvanların hərəkəti haqqında», «Heyvanların mənşəyi
haqqında» adlı əsərlərindən alır. Buna görə onu hətta, biologiya elminin banisi hesab
edirlər. Təbiət elmləri içərisində ən böyük uğuru canlı təbiətin öyrənilməsində qazan-
mışdı. O, həyatı özünü təminetmə, habelə sərbəst böyümə və dağılma kimi müəyyən
etmiş, bir neçə yüz heyvanın adını çəkmiş, onlardan bir çoxunun dəqiq və müfəssəl
təsvirini vermişdir.
Elm sahəsində Aristotelin, şübhəsiz, xidməti qədim dünyada əldə olunmuş
bilikləri toplamaq və sistemləşdirmək səyi olmuşdur. Biliyin müxtəlif sahələri barədə
öz təsəvvürləri əsasında çıxış edərək o, ilk dəfə elmlərin təsnifatını verməyə cəhd
etmişdir. Aristotelə görə, idrakın özü naminə aparılan nəzəri, insanın davranışı üçün
rəhbər ideyalar verən praktiki (əməli) və idrakın hansısa gözəl olanın əldə edilməsi
üçün həyata keçirildiyi yaradıcı elmlər fərqləndirilməlidir.
Nəzəri elmləri də Aristotel üç hissəyə – «birinci fəlsəfə»yə, riyaziyyat və
fizikaya ayırırdı. O, duyğu orqanlarına müyəssər olmayan və yalnız mücərrəd şəkildə
öyrənilən bütün mövcudatın hansısa ali başlanğıcına həsr olunmuş «birinci fəlsəfəni»
təbiət aləmini öyrənən elmlərdən ayıraraq yerdə qalan elmlərə qarşı qoyurdu.
Riyaziyyatın sərəncamında cisimlərin abstraksiyada götürülən miqdar və məkan
xassələridir. Fizika isə təbiətdəki cisimlərin müxtəlif hallarını öyrənir (19, 66).
Aristotel sonralar «Metafizika» adlandırılan «birinci fəlsəfənin» predmetini
müəyyənləşdirərək göstərirdi ki, bu – təbiət olmayıb fövqəltəbii, fövqəlhissi
olanlardır. Digər elm sahələri ilə yanaşı riyaziyyat elminin problemləri ilə məşğul
olan Aristotel bildirirdi ki, fəlsəfə bütövlükdə təbiəti, digər elmlər isə onun ayrı-ayrı
tərəflərini öyrənirlər. Aristotel fəlsəfə ilə yanaşı xüsusi elm kimi riyaziyyatın da
predmetini aydınlaşdırmağa, onu fəlsəfənin predmetindən fərqləndirməyə çalışırdı.
Həm də bu zaman o, ümumi riyaziyyatı və xüsusi riyaziyyatı, həndəsəni və
astronomiyanı bir-birindən ayıraraq bildirirdi ki, xüsusi riyazi fənnlər varlığın ayrı-
104