5-mavzu. XIX asr oxiri XX asr boshlarida buxoro amirligi va xiva xonligidagi ijtimoiy-iqtisodiy va siyosiy hayot reja

1846–1855-yillаrdа xonlik qilgаn Muhammаd Аmin (Mаdаmin) vа Abdullaxon (1855–1864) o‘z xonlikning fаoliyatlаrini turkmаnlаrgа qarshi to‘xtovsiz kurashlаrdа o‘tkаzadilаr vа shu urushlаrdа halokаtgа uchrаydilаr. Sаyid Muhammаd Rahimxon (Feruz) dаvri (1864–1910) dа Xiva xonligi Rossiya bosqinchi to‘dаlаrigа qarshi kurash olib borolmаydi vа g‘oyatdа kuchli dushman bilаn Gаndimiyon – shаrmаndаli sulh bitimigа imzo chekishgа mаjbur bo‘ladi. Xiva o‘z mustаqilligini yo‘qotadi vа Rossiyagа qаrаm bir mаmlаkаtgа аylаnadi.

XX asr boshlarida ham Rossiya imperiyasining yarim mustamlakasi hisoblangan Xiva xonligida xon boshliq amaldorlar, ruhoniylar mamlakat boshqaruvida cheklanmagan huquqqa ega bo’lib, iqtisodiy hayotda esa yerga egalik munosabatlari ham avvalgi holatdagidek saqlanib qolgan edi. Imperiya hukmronligi ta’sirida ko’pgina yuqori mansablar (inoq, otaliq, biy) oldingidek iqtisodiy asosini yo’qotgan bo’lsa ham lekin, yuqori unvon sifatida mamlakat siyosiy hayotida katta ta’sirga ega edi.

Xiva xonligidagi asosiy shaharlarga Xiva, Urganch, Toshhovuz, Hazorasp, Pitnak va boshqalar kirgan. Xonlik hududi Rossiya bosqinidan keyin 62.236 kv.km bo’lib, u 20 ta beklik va 2 ta noiblikdan iborat edi. Aholi aniq ro’yxatga olinmagan bo’lib, bu davrga oid manbalarda, u 600 mingdan 900 mingga qadar ko’rsatiladi. Ularning 60 foizdan ko’prog’ini o’zbeklar, 28 foizini turkmanlar, qolganlarini qozoq, qoraqalpoq, fors (eroniy),arab, rus va boshqa xalq vakillari tashkil etgan.

Ijtimoiy-siyosiy va iqtisodiy taraqqiyotdan ancha orqada qolgan Xiva xonligida sanoat ishlab chiqarishi yo’q darajada bo’lib, bu yerda o’ndan ortiq paxta, yog’ zavodlarigina bor edi. Aholining asosiy qismi dehqonchilik, chorvachilik, hunarmandchilik, kosibchilik va boshqalar bilan shug’ullangan. Xalq ommasining turmush sharoiti ancha og’ir bo’lib, ular hosildor yerlar, sug’orish manbalarini o’z qo’lida to’plab olgan amaldorlar va ruhoniylarga ko’plab soliqlar to’lab turganlar. O’sha davr manbalarida qayd qilinishicha, Xiva xonligida 20 dan ortiq soliq to’lovlari va majburiyatlar bo’lgan. Ayniqsa, birinchi jahon urushi yillarida soliq va to’lovlarning miqdori hamda turi yanada oshgan.

XX asr birinchi choragida butun Turkiston o’lkasi, Buxoro amirligi kabi Xiva xonligida ham xalq harakatining mafkuraviy asosini jadidchilik harakati, jadidchilik g’oyalari tashkil etdi. Turkiston va Buxorodan farqli o’laroq Xiva xonligidagi jadidchilik harakatining shakllanishida, harakatning asosiy yo’nalishi hisoblangan maktab, maorif ishining taraqqiyotida Xiva xoni Muhammad Rahimxon II (Feruz), qozikalon Salim Oxun va uning o’g’li Bobo Oxun, vazir Islomxo’ja, mirzaboshi va devonbegi lavozimida ishlagan Pahlavonniyoz Komil Xorazmiy, Xonqa hokimi Muhammad va boshqalar katta rol o’ynadilar.