1. Bakı şəhərinin inzibati ərazisində müntəzəm şəhərdaxili (qəsəbədaxili) sərnişin daşımalarını yerinə yetirən
avtobuslara dair tələblər
1.1. A
vtobusların texniki göstəricilərinə dair tələblər
1.1.1.
Bakı şəhərinin inzibati ərazisində müntəzəm şəhərdaxili (qəsəbədaxili) sərnişin daşımalarını yerinə yetirən
avtobuslar (bundan sonra - avtobus) onlar üçün
irəli sürülən milli və beynəlxalq standartlara və normativlərə uyğun texniki
təchizata malik olmalı və 3 (üç) qapılı olmalıdır.
1.1.2. Avtobuslar müvafiq
avtonəqliyyat vasitələri üçün qüvvədə olan ekoloji standartlara uyğun mühərriklə və ya
elektrik
mühərriki ilə təchiz edilməlidir.
1.1.3. Avtobuslarda
ayaqaltı mexanizmi nəzərə alınmadan yerdən pillənin üst səviyyəsinə qədər hündürlük 300 mm-
dək, hündürlüyün 300 mm-dək düşməsinə imkan verən pillə mexanizmi olduqda isə 410 mm-dək olmalıdır.
1.1.4. Avtobuslarda salonun tam
havalandırma (isitmə və sərinlətmə funksiyalı) sistemi olmalıdır.
1.1.5. Avtobuslarda
sağlamlıq imkanları məhdud şəxslər üçün arabaların və uşaq arabalarının giriş və çıxışı üçün
mexanizm
olmalıdır.
1.1.6. Avtobuslarda
Bakı Nəqliyyat Agentliyinin (bundan sonra - Agentlik) müəyyən etdiyi nağdsız ödənişin
aparılmasına imkan verən avadanlıq (qurğu) olmalıdır.
1.1.7. Avtobuslarda maksimal
sürət həddi müəyyən etməyə imkan verən qurğu olmalıdır.
1.1.8. Avtobuslarda
onların bütün salonunu əhatə edən daxili və dörd tərəfdən xarici nəzarətə imkan verən, qeydə
aldığı məlumatları ən azı 15 gün saxlaya bilən yaddaş qurğusu ilə təchiz edilmiş kameralar olmalıdır.
1.1.9. Avtobuslar
onların hərəkətini izləmək üçün nəzərdə tutulmuş və Agentliyin müəyyən etdiyi mərkəzi sistemə
inteqrasiya
olunmuş Qlobal Mövqetəyinetmə Sistemi (“GPS”) qurğusu ilə təchiz edilməlidir.
1.1.10. Avtobuslarda
sərnişinlərə səsli məlumatları çatdırmaq, o cümlədən dayanacaq məntəqələrini bildirmək üçün
istifadə olunan audio qurğu olmalıdır.
1.1.11. Avtobuslarda
sərnişinlərlə sürücünün fiziki təmasını istisna edən şəffaf kabinə olmalıdır.
1.1.12. Avtobuslar
nəqliyyat vasitəsinin qeydiyyat şəhadətnaməsində göstərilən buraxılış ili əsas götürülməklə 10 ildən
artıq olmamalıdır.
17
1.2. Avtobusların xarici tərtibatı
1.2.1.
Avtobusların xarici görünüşü təmiz və reklamsız olmalıdır.
1.2.2.
Avtobusların qapılarının üzərində dekalkomaniya üsulu ilə və ya trafaretin köməyi ilə yaşıl rəngdə “Giriş “ və
qırmızı rəngdə “Çıxış” işarələri yazılır.
18
1.2.3. Avtobuslar
marşrut lövhəsi ilə təchiz olunmalıdır. Marşrut lövhəsində marşrutun nömrəsi, başlanğıc, son və əsas
aralıq dayanacaq məntəqələrinin adı göstərilməlidir.
1.2.4. Ön, arxa
və sağ yan tərəfdə olan marşrut lövhəsi lent şəklində informasiyanı dəyişmək imkanına malik çarxlı
qurğusu olan elektron tablo və ya planşet şəklində olur, sol yan marşrut lövhəsi isə bərk materialdan hazırlanır.
1.2.5. Ön
marşrut lövhəsi avtobusun konstruksiyasında nəzərdə tutulmuş xüsusi oyuqda quraşdırılır. Oyuq olmadıqda
salonun
içərisində standartlara müvafiq sürücünün yerinin zəruri görünüş mənzərəsinin tələblərini təmin etmək şərti ilə
hərəkət istiqamətindən sağ tərəfdə yuxarıda alın şüşəsinin arxasında quraşdırılır.
1.2.6.
Avtobusların ön marşrut lövhəsində sol tərəfdən marşrutun nömrəsi, başlanğıc və son dayanacaq məntəqələri
göstərilir. Hərflərin hündürlüyü yazıda hərflərin miqdarından asılı olaraq maksimum ölçüdə olmalıdır. Avtobusların ön
lövhəsinin ölçüsü 200x900 mm-dən, hərflərin hündürlüyü 150 mm-dən, marşrutun dayanacaq məntəqələrinin adındakı
hərflərin hündürlüyü 75 mm-dən, ştrixin eni 10 mm-dən az olmamalıdır.
19
1.2.7.
Sağ yan marşrut lövhəsi avtobusun konstruksiyasında nəzərdə tutulmuş xüsusi oyuqda quraşdırılmalıdır. Oyuq
olmadıqda avtobusların yan marşrut lövhələri xüsusi qurğunun köməyi ilə salonun içərisində pəncərə üzərində
aşağıdakı qaydada yerləşdirilir:
1.2.8.
Sağ yan marşrut lövhəsində sol tərəfdə marşrutun nömrəsi və ardınca marşrutun başlanğıc, son və bir və ya bir
neçə ən çox sərnişin olan aralıq məntəqələri göstərilməlidir. Hərflərin hündürlüyü yazıda hərflərin miqdarından asılı
olaraq maksimal
ölçüdə olmalıdır. Avtobusların sağ yan marşrut lövhəsinin ölçüləri 270x900 mm, rəqəmlərin
hündürlüyü 220 mm-
dək, marşrutun başlanğıc və son dayanacaq məntəqələrinin adındakı hərflərin hündürlüyü 75 mm-
dək, ştrixin eni 15 mm-dək, aralıq dayanacaqların adlarındakı hərflərin hündürlüyü 35 mm-dək, ştrixin eni 7 mm-dək
olmalıdır.
20
1.2.9.
Marşrutun arxa lövhəsini avtobusun konstruksiyasında nəzərdə tutulmuş xüsusi oyuqda və ya arxa şüşənin içəri
tərəfində xüsusi qurğularda və ya ortada quraşdırmaq olar.
1.2.10. Arxa
və sol yan lövhələrdə yalnız marşrutun nömrəsi göstərilir. Arxada və sol yan tərəfdə marşrutun nömrəsi
220x350 mm-lik
lövhədə, rəqəmlərin hündürlüyü 200 mm, bir rəqəmin eni 100 mm və ştrixin qalınlığı 15 mm ölçüdə
olmalıdır.
1.2.11.
Lövhələrdə yazılar Azərbaycan dilində olmalıdır.
1.2.12. Ön, arxa
və sağ yan marşrut lövhələri (elektron tablolar) hər zaman işlək vəziyyətdə, aydın oxuna bilən və təmiz
olmalıdır. Lövhələrdə məlumat yazıları günün işıqlı və ya qaranlıq vaxtında ön və arxa lövhələrdə 15 m-lik məsafədən,
yan
lövhələrdə 3 m-lik məsafədən aydın görünən olmalıdır.
21