362 Ümummilli lider Heydər Əliyev –
90
Tarix və onun problemləri, № 2 2013
ŞƏBNƏM HACIYEVA
Bakı Dövlət Universiteti, Tarix
fakültəsinin əməkdaşı
Dissertant
E-mail: shabnam-haciyeva@rambler.ru
TÜRKİYƏ-ERMƏNİSTAN MÜNASİBƏTLƏRİNDƏ AZƏRBAYCAN AMİLİ
Məqalə «Universitetdaxili 50+50 qrant proqramı»
layihəsi çərçivəsində hazırlanmışdır
Açar sözlər: Azərbaycan, Türkiyə, münaqişə
Ключевые слова: Азербайджан, Турция, конфликт
Key words: Azerbaijan, Turkey, conflict
Ermənistan-Azərbaycan Dağlıq Qarabağ münaqişəsi başlayandan Türkiyə hər zaman
Azərbaycanın müttəfiqi kimi çıxış etmişdir. Azərbaycanın Ermənistan tərəfindən təcavüzə mə-
ruz qaldığı bir dövrdə Türkiyə kimi təbii müttəfiqə böyük ehtiyacı vardır. Azərbaycanın da
Türkiyənin xarici siyasətində əlahiddə yeri vardır. Bu yerin özünəməxsusluğu Azərbaycan
əhalisinin etnik–mədəni qohumluğu, ölkəmizin coğrafi və geostrateji mövqeyi, habelə geosi-
yasi üstünlükləri ilə bağlıdır.
Türkiyə-Ermənistan münasibətlərinin pisləşməsinə səbəb Ermənistanın Azərbaycana
təcavüzünə etiraz olaraq və ermənilərin “soyqırım” iddiaları səbəbi ilə Türkiyənin Ermənis-
tanla sərhədlərini bağlaması olmuşdur.
Azərbaycan və Türkiyənin ortaq problemi olan ermənilərdən danışarkən ilk növbədə
ermənilərin əsl tarixi məsələsinə diqqət yetirmək zərurəti meydana çıxır. Son iki əsrdə erməni-
lər havadarlarının köməyi ilə böyük köç halında indiki Qafqaza, Şimali və Qərbi Azərbaycan
ərazisinə köçürülmüş, özlərinə yer elədikdən sonra yerli əhalini “yuxarıların” köməyi ilə sı-
xışdırmış, Azərbaycan torpaqları hesabına “Ermənistan dövləti” yarada bilmiş və beləliklə
“türksüz ermənistan” yaratmağa nail olmuşlar. Qara dəniz, Aralıq və Xəzər dənizi arasındakı
əfsanəvi “Böyük Ermənistan” xülyasını ermənisayağı üsulla zaman-zaman gerçekləşdirmək
məqsədilə vahid proqram əsasında fəaliyyət göstərirlər.
Ermənistanın Azərbaycan və Türkiyəyə qarşı məkrli siyasətinin tarixi kökləri erməni
tarixinin bəzi məsələlərini nəzərə almağı zəruri edir. Bu təcavüzkarlıq siyasəti erməni tarixinin
mahiyyətindədir. Məhz buna görə də beynəlxalq və daxili vəziyyətin imkan verdiyi tarixi şə-
rait yaranan kimi ermənilər xəyanətkar niyyətlərini reallaşdırmaq üçün bütün vasitələrdən isti-
fadə etmişlər. "Erməni məsələsi" adlandırılan məsələnin meydana gəlməsini də təsadüfi hesab
etmək olmaz. Çünki "Qarabağ məsələsinə" “erməni məsələsi”nin bir hissəsi kimi baxılmalıdır.
"Erməni məsələsi" isə “Şərq məsələsi”nin bir hissəsidir. Rusiyanın Şərq siyasətinin çox dərin
və tarixi kökləri vardır.
Rusiyanın xarici siyasətinin ana xəttinə çevrilən “Şərq məsələsi” XVIII əsrin II yarısın-
da rəsmən daxil edildi və beynəlxalq münasibətlər sisteminə bir problem kimi əlavə olundu.
Beləliklə, XVIII əsrin sonlarından etibarən “Şərq məsələsi” rəsmi ideoloji və diplomatik bir
problemə çevrilir. “Şərq məsələsi”ni Rusiya, İngiltərə, Fransa və Avstriya dövlətləri yaratmış-
dılar. Ancaq başlıca maraqlı tərəflər Rusiya və İngiltərə idi.
Ümummilli lider Heydər Əliyev –
90
363
Tarix və onun problemləri, № 2 2013
Rusiya imperatoru I Pyotr xarici siyasət məsələlərini işləyib hazırlayarkən Boğazlar
məsələsinə, isti dənizlər məsələsinə, İstanbulun ələ keçirilməsinə və bütövlükdə “Şərq məsə-
ləsi”nə xüsusi diqqət verirdi ki, bu məsələnin öz xeyrinə həllində erməniləri öz tərəfinə çək-
mək üçün yollar axtarırdı. Bilirdi ki, erməniləri vədlər hesabına ələ almaq çox asandır.
“Şərq məsələsi”nin əsas hədəfi orta əsrlərin ən qüdrətli dövləti olan Osmanlı imperator-
luğuna qarşı çevrilmişdir. Xüsusilə XIX yüzilliyin ortalarında baş verən Krım müharibəsində
Osmanlı dövlətinin tarixi qələbəsi həm Şərqdə, həm də Avropada qüvvələr nisbətini Türkiyə-
nin xeyrinə xeyli dəyişdi və Vyana konqresindən sonra dövlətlər arasında yaranmış balansa
ciddi təsir göstərdi. Bu nisbət Rusiyanın xarici siyasət nüfuzuna zərbə vurdu, beləliklə Bal-
kanlarda üstün hüquqlarından məhrum edildi.
“Şərq məsələsi”ni ərsəyə gətirənlər onun həlli üçün müxtəlif yollar axtarırdılar. Bu ba-
xımdan Rusiya və Qərb dövlətləri öz mənafelərinə uyğun olan “Kipr problemi”ni, “erməni
məsələsi”ni gündəmə gətirmişlər. Onların sırasında “erməni məsələ”si daha çox qabardılaraq
beynəlxalq problemə çevrilmişdir. “Şərq məsələsi”nin tərkib hissəsi olan “erməni məsələ-
si”nin meydana gəlməsi guya ki, onların Türkiyədə və Azərbaycanda acınacaqlı durumları ilə
əlaqədar idi.
V.Qurko Kryajin Böyük sovet Ensiklopediyası üçün yazdığı “erməni məsələsi” məqa-
ləsində “erməni məsələsi”ni “Şərq məsələsi”nin bir hissəsi adlandırmaqla, “erməni məsələsi”-
nin mahiyyətinə iki nöqteyi-nəzərdən baxılmasını zəruri hesab edir: “Zahiri mahiyyət: böyük
dövlətlər Türkiyəni daha asanlıqla istismar etməkdən ötrü onun mərkəzdənqaçma qüvvələrini
gücləndirməyə, beləliklə, ölkəni zəiflətməyə çalışırdılar. Daxili mahiyyət: öz burjuaziyasının
rəhbərliyi altında ermənilər milli müqəddəratın müstəqil təyin edilməsi uğrunda, elə siyasi-
iqtisadi amillər əldə olunması uğrunda mübarizə aparırdılar ki, bu amillərin təsiri altında bur-
juaziya sərbəst inkişaf edə bilsin” (1.s.51).
“Erməni məsələsi”nin zəmini hələ XVIII əsrdə, Konstantinopolun maliyyə aristokrati-
yası erməni millətinə rəhbərlik etməyə başlayanda yaranmışdır. Beləliklə, sırf iqtisadi zəmində
kəskinləşən Erməni məsələsi "böyük dövlətlərin" – Rusiyanın və İngiltərənin faciəli müdaxi-
ləsi nəticəsində daha da mürəkkəbləşdi. Rusiya ticarət-sənaye kapitalının Qara dənizi, Bosforu
və Dardaneli zəbt etmək səyi "xristianları müsəlman Türkiyəsinin zülmündən xilas etmək uğ-
runda mübarizə" şüraları ilə pərdələnirdi; milli-siyasi müqəddəratı müstəqil təyin etmək məq-
sədi ilə bu şüarlardan istifadə edəcəyinə ümid bəsləyən erməni burjuaziyasının əksəriyyəti
nəinki özü Rusiya istiqamətini götürdü, üstəlik, Türkiyə Ermənistanı erməniləri arasında hə-
min istiqamətdə təşviqat aparmağa başladı. Bu mövqe Türkiyə hökumətinin erməni burjuazi-
yasına münasibətini kəskin şəkildə dəyişdi, halbuki 1877-ci il müharibəsinədək hökumət er-
məni burjuaziyasını nəinki təqib eləmirdi, əksinə, hətta adlı-sanlı ermənilərin böyük dövlət və-
zifələri tutmalarına şərait yaradırdı. Türkiyə ilə sülh şərtlərinin müzakirəsi zamanı Rusiya er-
mənilərinin Qafqaz canişini böyük knyaz Mixail Nikolayeviçə məktub göndərməsi və patriarx
Nerses başda olmaqla Türkiyə ermənilərinin rəsmi müraciət etməsi - onların Rusiyadan kö-
mək istəməsi bu münasibətləri daha da kəskinləşdirdi. Rusiya həmin müraciətdən istifadə
edərək San-Stefano sülh müqaviləsinə 16-cı paraqrafı saldı. Bu paraqrafa görə Türkiyə erməni
vilayətlərində dərhal lazımi islahatlar keçirməli idi, həmin iş görülənədək rus qoşunları Asiya
Türkiyəsində işğal etdikləri torpaqları öz əllərində saxlamaqda davam edirdilər.
Çar Rusiyasının "özlərini onun himayədarlığına vermiş ermənilərin yaşadığı dağlıq əra-
zilərə möhkəm qədəm basmaq" cəhdi Yaxın Şərqdəki əsas rəqibi – İngiltərə tərəfindən qətiy-
yətlə dəf edildi. Berlin Konqresində İngiltərə göstərilən 16-cı paraqrafın yeni maddə (Berlin
Traktatının 61-ci maddəsi) ilə əvəz edilməsinə nail oldu. Bu maddə Türkiyə hökumətinin er-
364 Ümummilli lider Heydər Əliyev –
90
Tarix və onun problemləri, № 2 2013
məni əyalətlərində lazımi islahatlar keçirməyə borclu olduğunu təsdiq edirdi, lakin həmin is-
lahatların keçirilməsi üzərində nəzarəti təklikdə Rusiyaya yox, Berlin Konqresinin iştirakçısı
olan altı böyük dövlətdən ibarət "birliyə" verirdi.
Böyük dövlətlərin maraqları əsasında ortaya çıxan “erməni məsələsi”nin başlıca mahiy-
yəti belədir ki, ermənilər sübut etməyə çalışırlar ki, guya Şərqi Anadolu ermənilərin ana və-
tənləridir, onlar burada əhalinin çoxluğunu təşkil edirlər və 1915-ci ildə Osmanlıda ermənilə-
rin köçürülməsi deyil, qətliamı baş vermişdir. Məsələnin əsl mahiyyəti isə bundan ibarətdir ki,
Qərbi Avropa ölkələri və Rusiya xarici siyasət strategiyasında üstünlüyü ələ keçirmək üçün
XIX əsrin sonu, XX əsrin əvvəllərində “erməni məsələsi”dən istifadə edirdilər. Öz növbəsində
Rusiya hakim dairələri Balkanlarda və Şərqdə üstünlüyü ələ almaq üçün “erməni məsələsi”
deyilən kartdan istifadə edir və hətta Türkiyə torpaqlarında “Türkiyə Ermənistanı” yaratmağı
vəd edirdilər. Bu vəddən həvəsə düşən ermənilər Türkiyə vilayətlərində qanlı aksiyalar törət-
məyə, Birinci Dünya müharibəsi başlanan kimi öz planlarını həyata keçirməyə başladılar. Er-
mənilər sürətlə silahlanır və türk kəndlərini amansızcasına yandırır, əhalini faciəli şəkildə qı-
rırdılar. 1915-ci ilin martında Vanda erməni üsyanı başlandı, ermənilər 3 min nəfərdən çox
türkün üzərinə benzin tökərək yandırdılar, Van vilayəti ermənilərin əlinə keçdi.
Ancaq erməni silahlı dəstələrinin türklərə vurduğu ağır zərbələr və günahsız türk əhali-
sinin kütləvi məhv edilməsi, habelə ermənilərin yaşadıqları bu dövlətə xəyanəti Türkiyə döv-
lətini ciddi qərarlar qəbul erməyə məcbur etdi. Buna görə də 1915-ci il 24 apreldə Türkiyənin
daxili işlər naziri Tələt paşa İstanbul və digər şəhərlərdə erməni komitələrinin təcili bağlan-
ması və millətçi erməni rəhbərlərinin həbsi və sənədlərinin müsadirəsi haqqında əmr verdi və
600 nəfər həbs edildi. Bundan sonra 1915-ci il mayın 30-da döyüş bölgəsində yerləşən ermə-
nilərin daha təhlükəsiz yerlərə köçürülməsi barədə çox ədalətli və humanist bir fərman da
verildi (2.s.104-105).
1916-cı ilin aprelinə qədər rusların və ermənilərin birləşmiş ordusu Şərqi Anadolunun
böyük bir hissəsini – Trabzonu, Ərzurumu, Maşı, Bitlisi, Vanı ələ keçirdilər. İngilislər Qarsı
işğal etmiş, fransızlar isə Adananı və Kilikiyanı tutmuşdular. Osmanlı dövləti 1918-ci ildə
Türkiyə üçün ağır nəticələnən Mudros müqaviləsi ilə cahan müharibəsindən çıxdı. Və nəhayət
1923-cü ildə Osmanlı dövlətinin tarixində Atatürkün rəhbərliyi ilə siyasi zəfər olan Lozanna
müqaviləsi imzalandı, nəticədə əcnəbi hökmranlığının bütün əsasları məhv edildi. Ən mühü-
mü isə bu müqavilədə ermənilərə aid heç bir maddə nəzərdə tutulmamışdır. Erməni daşnakları
və təbliğatçıları dəfn edilmiş “erməni məsələsi”ni XX yüzilliyin 80-ci illərinin ortalarında
başqa bir adla – “Qarabağ problemi” adı ilə yenidən meydana atdılar. “Qarabağ problemi”nin
ortaya atılmasında Mərkəzin də xüsusi maraq dairəsi olmuşdur. SSRİ tərəfindən qızışdırılan
“Qarabağ problemi” on minlərlə günahsız insanların kütləvi məhvinə, yüzminlərlə insanın
qaçqına çevrilməsinə, minlərlə şəhər və kəndin məhvinə, milyardlarla maddi ziyanlara, analo-
qu olmayan mənəvi sarsıntılara səbəb olmuşdur.
Qədim və zəngin tarixə, strateji mövqeyə və münbit əraziyə malik olan Azərbaycan ta-
rix boyu böyük dövlətlərin diqqət mərkəzində olmuşdur. Özünün coğrafi mövqeyinə görə Qaf-
qazın geostrateji bölgəsində yerləşən və tarixən Şərq ilə Qərbin, Şimal ilə Cənubun mərkə-
zində dayanan Azərbaycan Avroasiya məkanında mühüm ticarət mərkəzlərindən biri idi. Belə
qiymətli xəzinəni ələ keçirməkdə maraqlı olan dövlətlər erməni kartından istifadə etmişlər.
Nəticədə tarixi ədalətsizliyə yol verən və Azərbaycan xalqının iki yerə parçalanmasını reallaş-
dıran Gülüstan və Türmənçay müqavilələri böyük faciələrə səbəb oldu. Türkmənçay müqavi-
ləsinin 15-ci bəndinə uyğun olaraq xaricdə yaşayan ermənilərin Qafqaza, xüsusilə Azərbaycan
torpaqlarına köçürülməsi işinə başlanıldı. 1818-1830-cu illərdə İrandan 40 min, Türkiyədən 84
Ümummilli lider Heydər Əliyev –
90
365
Tarix və onun problemləri, № 2 2013
mindən çox erməni Zaqafqaziyaya köçürüldü. Köçürülən ermənilər isə yerli azərbaycan əhali-
sini getdikcə sıxışdırmağa başladı. Rusiya imperatoru I Nikolay ermənilərin köçürülməsinə
nəinki şərait yaratdı, həm də 1828-ci ildə tarix boyu erməni siyasətçilərinin arzusunda olduğu
“erməni vilayəti”nin yaradılması haqqında fərman verdi. Həmin fərmana görə İrəvan və Nax-
çıvan xanlıqları ləğv edildi, tarixi Azərbaycan torpaqları olan İrəvan və Naxçıvan xanlıqları və
Ordubad dairəsi hesabına “Erməni vilayəti” yaradıldı. Beləliklə də ermənilər azərbaycanlılara
qarşı təcavüzkarlıq və terror siyasətlərini davam etdirmək üçün daha böyük fürsət əldə etdilər.
Ermənilər terror əmliyyatlarına 1896-cı il avqustun 26-da başlamış və bu günə qədər on
minlərlə türk-müsəlman soydaşlarımızı məhv etmişlər (3.s.49). Ermənilər XX yüzillikdə türk-
müsəlman xalqına qarşı 1905-1906-cı illərdə, 1917-1920-ci illərdə, 1948-1953-cü illərdə,
1988-1993-cü ilərdə soyqırımlar törətmişlər. Və nəhayətində “Qarabağ problemi” məsələsini
gündəmə gətirərək qədim Azərbaycan torpaqlarının 20%-ni işğal ediblər.
Dağlıq Qarabağ probleminin kökləri qədimə, daha doğrusu XVIII əsrə qədər uzanır və
daha qədimə getmir. Çünki ermənilər Qarabağda farsların məqsədyönlü fəaliyyəti nəticəsində
İran yaylası və Anadoludan köçürülərək məskunlaşdırılmışlar. Tədricən çoxalan ermənilər
ərazi iddiası ilə də çıxış etdilər. Hələ Qarabağ xanlığı dövründə onlar separatçı fəaliyyət göstə-
rərək xanlığa xarici qüvvələrin yürüşlərini təşkil edirdilər. Qarabağ xanlığı Rusiya tərəfindən
işğal olunduqdan sonra buraya, həmçinin İrəvan, Naxçıvan ərazilərinə ermənilərin köçürülmə-
si intensivləşdi. Hətta Türkmənçay müqaviləsinə bu prosesi rəsmiləşdirən bəndlər də daxil
edildi. XX əsrin əvvəllərindən isə ermənilər Qarabağ, İrəvan və Naxçıvan torpaqlarına real
iddialarla çıxış etdilər, İran və Rusiyadan güclü dəstək gördülər. 1918-ci ildə bu məqsədlə
Azərbaycanın hər yerində soyqırım törədildi. Məqsəd "Dənizdən Dənizə Böyük Ermənistan"
yaratmaq idi. Azərbaycan Xalq Cümhuriyyəti qurulduqdan sonra qədim türk-Azərbaycan tor-
pağı İrəvanın təzyiqlər nəticəsində ermənilərə güzəştə gedilməsi ilə zahirən hər şey düzəldi.
Sovetlər dövründə Zəngəzur və Göyçə də ermənilərə verildi. Beləliklə Rusiya və İran nəinki
öz məqsədinə çataraq Türkiyə və Azərbaycanı ayırdı, həmçinin Naxçıvanı da Azərbaycandan
qopardı.
Ermənilərin türklərə qarşı siyasətinin obyektiv araşdırıcısı Amerikalı Samuel A.Wems
“Ermenistan terörist ”Hiristiyan” ülkenin sırları” kitabında bu məsələyə daha da aydınlıq gə-
tirərək yazmışdır: Qarabağda erməni ordusunun başçısı Nakachatikianın İrəvana hesabatından:
“Qarabağ üzərindəki idarəetmənin ələ keçirilməsi vacib şərtdir və bu yolla Azərbaycanın Tür-
kiyə ilə birləşməsini əngəlləmək mümkün olacaqdır, strateji baxımdan Qarabağın ələ keçiril-
məsi böyük bir uğurdur, bu Zəngəzurun əldə saxlanması üçün bir təminatdır. Ordubad torpaq-
larını da ələ keçirməklə Zəngəzurun Naxçıvan yönündəki mühafizəsi de təmin ediləcəkdir.
Beləliklə, Naxçıvan Azərbaycandan ayrılacaq və o torpaqların yenidən ələ keçirilməsi üçün
uyğun şərtlər yaradılacaqdır” (4.s.307).
Ermənistanın Azərbaycan torpaqlarına təcavüzü ilə bağlı 1993-cü il aprelin 1-də Türki-
yə Ermənistandan tələb etmişdir ki, Azərbaycana qarşı təcavüzkar əməllərini dayandırsın və
öz qoşunlarını onun ərazisindən çıxarsın. Qeyd edək ki, Kəlbəcərin işğalından sonra Türkiyə-
nin təhriki ilə 6 aprel 1993-cü ildə BMT-nin Təhlükəsizlik Şurasının iclasında Ermənistan–
Azərbaycan ilə bağlı TŞ-nın bəyanatı qəbul olunub. Bu Azərbaycanın işğal olunmuş torpaqları
ilə bağlı qəbul edilmiş ilk sənəd idi. Formalaşmış şəraitdə Türkiyə höküməti Azərbaycan tor-
paqlarını işğal etdiyi üçün Ermənistan ilə sərhədlərini bağlamışdır və bunun açılmasının yalnız
işğal olunmuş torpaqlar azad olunduqdan sonra mümkün olduğunu bəyan etmişdir. Eyni za-
manda Türkiyə Ermənistanın Azərbaycana qarşı hərbi əməliyyatları gücləndirməsilə əlaqədar
Ermənistana yardımı dayandırdığını bildirmişdir.
366 Ümummilli lider Heydər Əliyev –
90
Tarix və onun problemləri, № 2 2013
1993–cü ilin iyulun 25–də Türkiyə höküməti işğal edilmiş Azərbaycan torpaqlarının
boşaldılması üçün BMT və ATƏT kimi beynəlxalq təşkilatlara müraciət edilməsi haqqında
qərar qəbul etmişdir. Ermənistan-Azərbaycan Dağlıq Qarabağ münaqişəsində Türkiyə hər za-
man Azərbaycanın müttəfiqi kimi çıxış etmişdir.
Məlumdur ki, həm Azərbaycanda, həm də Türkiyədə sırf dövlət maraqlarını önə çəkən-
lər belə, çox vaxt qarşılıqlı olaraq digər ölkəni əsas strateji müttəfiq kimi təqdim edirlər. İki
ölkənin ictimaiyyətləri bir birinin problemlərinə və bayramlarına ən yüksək həssaslığı göstə-
rirlər. İctimai rəydə ən yüksək sevgi Azərbaycanda Türkiyəyə, Türkiyədə isə Azərbaycanadır.
Ankara İrəvanla münasibətlərin bərpa olunmasına Dağlıq Qarabağ probleminin beynəl-
xalq normaları çərçivəsində tənzimlənməsi və eyni zamanda Azərbaycanın ərazi bütövlüyü
çərçivəsində həll olunması rakursunda yanaşır. Türkiyə rəsmiləri bir neçə dəfə bu məsələyə
toxunublar ki, Ermənistanla münasibətlərin normallaşması bu və ya digər mənada Ermənistan
və Azərbaycan arasında münasibətlərin sadə bir müstəvi üzərində yüklənməsinə, həm də Qa-
rabağ probleminin həllinə yönəlib.
Türkiyə və digər ölkələrin mediasında Türkiyə-Ermənistan sərhəd məsələsinin həlli ilə
bağlı müxtəlif yazılar dərc olunur, ekspertlər müxtəlif fikirlər səsləndirirlər
.
Türkiyə rəsmiləri
Ermənistanla danışıqların Qarabağsız baş tutmayacağını desələr də, ermənilər bu danışıqlarda
Qarabağın ilkin şərt kimi irəli sürülməsinə qarşı çıxırlar. Bunu prezident Serj Sarkisyanın və
digər erməni rəsmilərinin bəyanatlarından da görmək olar. Lakin artıq Sarkisyan hakimiyyəti
başa düşür ki, Dağlıq Qarabağla bağlı danışıqlar prosesini uzatmaq onun xeyrinə deyil. Bir
çox ölkələr faktiki olaraq Ermənistanın Azərbaycana qarşı təcavüz etdiyini etiraf etməyə baş-
layıblar. Ermənistan mətbuatının yazdığına görə, Sarkisyan hökuməti münaqişəni uzatmaqla
ölkəni beynəlxalq proseslərdən təcrid edir. Rusiyanın bir əyaləti kimi öz obrazını yaradan Er-
mənistan Cənubi Qafqazın əsas iqtisadi layihələrindən də məhrum olub. Bununla yanaşı, onlar
Türkiyə ilə münasibətlərin düzgün qurulmamasında da mövcud rejimi günahlandırırlar. Bey-
nəlxalq aləmin təzyiqi və siyasi-iqtisadi dövlət maraqları sərhəd məsələsinin gündəmə gəlmə-
sinə səbəb olmuşdur. Xüsusən Türkiyənin Avropa Birliyinə üzvlüyünə Ermənistanla sərhədlər
məsələsinin maneə olduğunu düşünənlər, birliyə inteqrasiya istiqamətində onlara qarşı dövlət-
lərin güzəştə getməməsinin başlıca səbəbini bunda görürlər. Xatırladaq ki, Türkiyənin Avropa
ailəsinə qəbul edilməsinə qarşı çıxış edən ermənipərəst Fransa bəhanə kimi Türkiyənin başqa
mədəniyyətə, başqa yaşam tərzinə və başqa inanca malik olmasını göstərir.
Nüfuzlu "Washington Times" qəzetinə müsahibə verən Fransanın keçmiş prezidenti
Valeri Jiskar Destyenə görə, Türkiyənin Ermənistanla sərhədləri açması onun Avropa Birliyi-
nə üzvlüyü məsələsində Fransanın mövqeyinin yumşaldılması üçün əlverişli addım ola bilər.
Problemə Türkiyənin öz maraqları var kontekstindən yanaşanlar Azərbaycan amilindən
daha mühüm olaraq Türkiyənin iqtisadi maraqlarını önə çəkirlər. Bəzi iş adamları və ictimai-
siyasi xadimlər XXI əsrin İpək Yolu layihəsinin Türkiyə üçün vacibliyini qeyd edirlər. XXI
əsrdə Türkiyənin Avropa və Asiyada reallaşdırılan enerji kəmərlərinə ev sahibliyi etməsini
əsas götürənlər Şərqlə Qərb arasında koridoru olmaq üçün Ermənistanla sərhədləri açılmasının
"vacibliyini" vurğulayırlar. Bu iddialarla paralel olaraq siyasi xadimlərin bəziləri sərhədlər
açılacağı təqdirdə bölgədə Rusiyanın nüfuzunun azalması məsələsinə toxunmaqla Türkiyə ilə
yaxın bölgədə inşa edilən atom zavodunun neytrallaşdırılacağını bildirirlər. 2001-ci ilin ma-
yında Rusiya-Ermənistanla birgə hava təlimlərinin Türkiyə sərhədləri yaxınlığında aparılması
və bölgədə S-300 V tipli uzaqvuran ballistik raketlərin yerləşdirilməsini əsas kimi göstərən-
lərin fikrincə, Ermənistanla sərhədləri açmaqla Türkiyə gələcək "təhlükədən" yaxa qurtara
bilər.
Ümummilli lider Heydər Əliyev –
90
367
Tarix və onun problemləri, № 2 2013
Lakin Azərbaycan ilə münasibətlərin pozulması iki ölkəyə qardaş xalq olaraq zərər vu-
racağı danılmaz faktdır. Eyni zamanda Azərbaycanda bir çox istiqamətdə, xüsusən iqtisadi sa-
hədə maraqları olan Türkiyənin Azərbaycan əlaqələrinin itirilməsi Türkiyəyə hansı itkilərlə
başa gələcəyi isə göz qabağındadır. Türkiyə qaza olan tələbatını ödəmək üçün Bakı-Tbilisi-
Ərzurum xətti ilə qaz ixracını artırmaqla bağlı Naxçıvan razılaşmasına, NABUCCO layihə-
sinə, BTC anlaşmasına, Türkiyə-Azərbaycan iqtisadi münasibətlərinə yenidən baxılması Tür-
kiyəyə yaxşı nəticələr vəd vermir. Türkiyənin Azərbaycanın Xəzərin karbohidrogen ehtiyatla-
rının istismarı və nəqlindəki mühüm rolunun minimuma endirilməsi onun çox itkiyə məruz
qalmasına səbəb ola bilər.
Türkiyə-Ermənistan münasibətlərinin pozulmasına səbəb Azərbaycan amilindən öncə
erməni faktorunun özüdür. Məhz “erməni məsələsi”nin Azərbaycan və Türkiyənin ortaq prob-
lemi olması qardaş xalqların eyni zamanda hər iki ölkənin öz siyasi maraqları baxımından da
müttəfiqliyini zəruri edir.
ƏDƏBİYYAT
1.V.Qurko Kryajin "Böyük Sovet Ensiklopediyası". Moskva, 1926.
2.Xəqani Məmmədov, Nuru Məmmədov.Türkiyədə və Azərbaycanda erməni millətçilərinin
cinayətləri. Bakı. Elm. 2006. səh.215.
3. Seyidağa Onullahi. Erməni millətçiləri və İran.Bakı.2002.
4.Samuel A.Wems. Ermenistan terörist ”Hiristiyan” ülkenin sırları. İstanbul. 2006. səh.390.
5.Sani Hacıyev. Türkiyə- Rusiya münasibətləri və erməni terroru. Bakı. 1998.
6. Anar İsgəndərli. “Azərbaycan həqiqətləri”.Bakı. “Elm və Təhsil”. 2012.səh.228.
7. Boran Əziz. Xocalı soyqırımı. Bakı. 2008. səh.223.
8.Sebahattin Şimşir. Azerbaycanda Kızıl soykırım. İstanbul. 2011. səh.204.
9.В.Л.Величко. Кавказ. Русские дело и международные вопросы. С.-Перетбург, 1904.
10.”Xalq” qəzeti.
11.”Zaman” qəzeti.
12.www.mfa.gov.az
ШАБНАМ ГАДЖИЕВА
Сотрудница Исторического факультета
Бакинского Государственного Университета
Диссертант
АЗЕРБАЙДЖАНСКИЙ ФАКТОР В ТУРЕЦКО-АРМЕНСКОЙ ОТНОШЕНИЯХ
Армянский вопрос вышел на международную арену как составная часть “Восточ-
ной политики” и большие государства, использовали его для реализации своих захват-
нических действий. Одним из основных идей “Восточного вопроса” было образование
за счет турецких земель буферной армянской республики.
Продолжением “Армянского вопроса” в дальнейшем стала выдуманная “Кара-
бахская проблема”, которая закончилось захватом 20% Азербайджанских земель.
В 1993 году, по причине настаивания Еревана признания «армянского геноцида»
в мире и оккупации армянских вооруженных сил Азербайджанских территорий ту-
рецко-арменская граница была закрыта.
368 Ümummilli lider Heydər Əliyev –
90
Tarix və onun problemləri, № 2 2013
SHABNAM HAJIYEVA
Baku State University, the employee of the
faculty of History
Сandidate for a degree
AZERBAİJAN FACTOR İN TURKİSH-ARMENİAN RELATİONS
Armenian problem generated as the part of “Eastern problem” and great states had used
it for realising their aggressive aims.
One of the main cores of Eastern problem was creating Armenian buffer state with
Turkey
’
s lands.
Later “armenian issue” was accepted as inventing ”Kharabag problem” and concluded
with occupying 20% of Azerbaijan lands.
As a result of Yerevan’s claims knowing “Armenian genocide” in the world and
occupying Azerbaijani territories by Armenia Armed Forces Turkey-Armenia boundaries have
been closed.
Rəyçilər: t.e.n. S.F.Ruintən, t.e.d.İ.M.Məmmədov
BDU-nun Türk xalqları tarixi kafedrasının 19 fevral 2013-cü il tarixli iclasının qərarı ilə çapa
məsləhət görülüb (protokol №7).
Dostları ilə paylaş: |