O‘ZBEKISTON RESPUBLIKASI XALQ TA’LIMI VAZIRLIGI
A.AVLONIY NOMIDAGI PEDAGOGLARNI KASBIY RIVOJLANTIRISH
VA YANGI METODIKALARGA O‘RGATISH MILLIY-TADQIQOT
INSTITUTI
Umumta’lim fanlari metodistlarini uzluksiz kasbiy rivojlantirish kursining
namunaviy o‘quv dasturi
A.Avloniy nomidagi
PKRYMO‘MTI
Ilmiy kengashining
2022-yil “31” maydagi 4-sonli bayonnomasi bilan ma’qullangan va tasdiqqa tavsiya
etilgan
Tuzuvchilar:
M.Pardayeva, Sh.Daminova, M.Vohidova
Taqrizchilar:
A.Baxramov - A.Avloniy nomidagi PKRYMO‘MTI
prorektor, fizika-matematika fanlari nomzodi, dotsent
Toshkent-2022
2
Kirish
Ushbu namunaviy o‘quv dasturi O‘zbekiston
Respublikasi Prezidentining
“O‘zbekistonning yangi taraqqiyot davrida ta’lim-tarbiya va ilm-fan sohalarini
rivojlantirish chora-tadbirlari to‘g‘risida” 2020-yil 6-noyabrdagi PF-6108 Farmoni
va “Ta’lim-tarbiya tizimini yanada takomillashtirishga oid qo‘shimcha
chora-tadbirlar to‘g‘risida” 2020-yil 6-noyabrdagi PQ-4884-son, “Xalq ta’limi
sohasidagi ilmiy-tadqiqot faoliyatini qo‘llab-quvvatlash hamda uzluksiz kasbiy
rivojlantirish tizimini joriy qilish chora-tadbirlari to‘g‘risida” 2021-yil
25-yanvardagi PQ-4963-son qarorlari hamda O‘zbekiston
Respublikasi Vazirlar
Mahkamasining “Xalq ta’limi xodimlarini uzluksiz kasbiy rivojlantirish tizimini
tashkil etish tartibi to‘g‘risidagi nizomni tasdiqlash haqida” 2022-yil 17-yanvardagi
25-son qarori hamda Xalq ta’limi vazirining 2022-yil 20-apreldagi “Davlat ta’lim
talablarini tasdiqlash to‘g‘risida”gi 121-son buyrug‘i ijrosini ta’minlash maqsadida,
rahbar va pedagog xodimlarni tanlash, tayyorlash, qayta tayyorlash va malakasini
oshirishning ilg‘or va shaffof tashkiliy-huquqiy mexanizmlarini tatbiq etish yo‘li
bilan xalq ta’limi tizimida kadrlar siyosatini shakllantirishning zamonaviy
tamoyillarini joriy etish bo‘yicha belgilangan ustuvor vazifalar mazmunidan kelib
chiqqan holda tuzilgan bo‘lib, zamonaviy talablar asosida Qoraqalpog‘iston
Respublikasi Xalq ta’limi
vazirligi, Toshkent shahar va viloyatlar Xalq ta’limi
boshqarmasi metodik xizmat bo‘limi, tuman (shahar) xalq ta’limi bo‘limlari
umumta’lim fan metodistlari malakasini oshirish jarayonlarining mazmunini
takomillashtirish hamda ularning kasbiy kompetentligini muntazam oshirishni
nazarda tutadi.
O‘quv modullarining mazkur dastur doirasida
taqdim etilayotgan mazmuni
Qoraqalpog‘iston Respublikasi Xalq ta’limi vazirligi, Toshkent shahar va viloyatlar
Xalq ta’limi boshqarmasi metodik xizmat bo‘limi, tuman (shahar) xalq ta’limi
bo‘limlari umumta’lim fan metodistlari uzluksiz kasbiy rivojlantirish mazmuni,
sifati va ularning tayyorgarligiga qo‘yiladigan umumiy malaka talablari asosida
shakllantirilgan bo‘lib, ularning zamonaviy boshqaruvga
oid zamonaviy bilim
va innovatsiyalar, ilg‘or xorijiy tajribalardan samarali foydalanish,
axborot-
kommunikatsiya texnologiyalarini o‘quv jarayoniga keng tatbiq etish, chet tillarini
intensiv o‘zlashtirish darajasini oshirish hisobiga ularning kasb mahoratini
muntazam yuksaltirishni nazarda tutadi.
Uzluksiz kasbiy rivojlantirish kursining namunaviy o‘quv dasturi quyidagi
modullardan iborat:
1.
Metodistning kommunikativ ko‘nikmalarini rivojlantirish
2.
AKT va mediasavodxonlik
3.
O‘zini-o‘zi rivojlantirish, uzluksiz
kasbiy rivojlanish
4.
Metodistning mas’uliyati va moslashuvchanligi
5.
Inklyuziv ta’limni joriy etish masalalari
3
6.
Ta’limning normativ-huquqiy hujjatlarini bilish va kasbiy faoliyatda
foydalanish masalalari
7.
Fandagi yangiliklar va fanni o‘qitishning dolzarb masalalari
8.
O‘quvchilar kompetensiyalarini baholash usullari va
vositalari