69
Əgər elastiklik əmsalı sonsuzluğa bərabərləşirsə,onda mütləq
elastiklik tələb yer alır.Bu o deməkdir ki,hətta məhsulun qiyməti azacıq
da olsa artsa belə alıcı bu məhsulu almaqdan imtina edir.
Əgər elastiklik əmsalı sıfıra bərabərdirsə,onda mütləq qeyri-
elastiklik tələbi yer alır.Bu o deməkdir ki,məhsulun qiymətində baş
verən heç bir dəyişiklik tələb həcminin dəyişməsini öz ardınca aparmır.
Çarpaz elastiklik əmsalından asılı olaraq məhsullar aşağıdakılara
bölünür:
o
qarşılıqlı əvəz edilə bilən məhsullar – digər məhsulların
qiyməti qalxdıqca,bu məhsullara olan tələb həcmi artır.Bu halda çarpaz
elastiklik əmsalı müsbətdir.Əvəzedicisi olan məhsullara kərə yağını və
marqarini misal gətirmək olar:kərə yağı üçün təyin edilən qiymət yuxarı
qalxdıqca,marqarinə olan tələb artır.
o
bir-birini tamamlayan məhsullar – digər məhsulların qiyməti
artdıqca ,o biri məhsula olan tələb azalır.Belə olduqda çarpaz elastiklik
əmsalı mənfi olur.Bir-birini tamamlayan məhsullar dedikdə, belə bir adi
misal göstərə bilərik:benzinin qiyməti artdıqca maşına olan tələbat
azalır.
o
bir-birindən asılı olmayan məhsullar – bir məhsulun qiyməti
digərinə olan tələbatdan asılı deyil.Belə olduqda çarpaz elastiklik əmsalı
sıfıra bərabərdir.Bir-birindən heç bir asılılığı olmayan 2 məhsul – divar
kağızı və siqaret.Bunlardan birinə olan tələbın o birinin qiyməti ilə heç
bir əlaqəsi yoxdur.
Tələb elastikliyinə aşağıdakı amillər təsir edir :
*bazarda əvəzedici məhsulların olması.Məsələn , duz yalnız
bir növdə buraxılır və heç nə ilə əvəz edilə bilməz.Buna görə də duzun
qiymətinin dəyişməsi ona olan tələbata heç bir təsir göstərmir.Müəyyən
növ idman ayaqqabılarının qiymətinin artması isə onunla nəticələnəcək
ki,potensial alıcı digər növ ayaqqabı almaq fikrinə düşəcək.
*məhsuldan istifadə imkanlarının müxtəlifliyi.Məsələn,ağac
məmulatlarından həm yanacaq kimi,həm kimyəvi xammal kimi,həm
tikinti materialı kimi,həm emaledici sənaye sahələrində xammal kimi və
s. istifadə edilir.Buna görə də qiymətlərin dəyişməsi onun istehlak
səviyyəsinə əsaslı şəkildə təsir göstərə biləcək.Başqa sözlə desək, belə
məhsullar üçün tələb elastikliyi çox yüksək olur.
*bazarın spesifik xüsusiyyətləri və xarakteri.Məsələn,belə hesab
etmək olar ki,istehlakçılar dərman preparatlarını həkim məsləhəti ilə
alırlar.Düzdür,bu,reklam fəaliyyətlərinin köməkliyi ilə alıcıya çatdırılan
70
patentli dərmanlara aid edilmir.Buna görə də belə hesab etmək olar
ki,həkim resepti üzrə hazırlanan dərmanlara olan tələbat onların
qiymətindən asılı deyil,yəni sıfır elastikliyə malikdir.
*istehlakçının
ümumi
xərc
məbləğində
məhsulun
payı.Məsələn,tikiş iynələri çox da baha deyil və hərdənbir
alınır.Beləliklə,bu məhsulun xərcləri alıcının ümumi büdcəsində çox
kiçik bir yer tutur.Tikiş iynələrinin qiymətlərinin artması alıcı üçün çox
da nəzərə çarpmayacaq və praktiki olaraq tələbata təsir göstərməyəcək.
*Məhsulun əldə edilməsinin təcililik səviyyəsi.Məsələn ,bayram
günlərində təzə gülləri qiymətindən asılı olmayaraq alırlar.
o
Məhsulun qiyməti üzrə tələb elastikliyi ilə yanaşı olaraq
həmçinin alıcının gəlirləri üzrə də tələb elastikliyi əmsalından istifadə
edirlər. Bu əmsal göstərir ki, alıcının gəliri 1 % dəyişdikdə məhsula olan
tələbat neçə faiz dəyişir.
Əgər bu əmsal sıfırdan aşağı olarsa (yəni alıcının gəliri artdıqca
məhsula olan tələb həcmi azalır),onda belə məhsul “aşağı
keyfiyyətli”məhsullara aid edilir.Əslində ,əgər alıcının gəlirləri
artırsa,onda
alıcı
özünə
daha
yüksək
qiymətlə
geyim,ayaqqabı,avtomobil və s. ala bilər.Digər bərabər şəraitdə daha
bahalı məhsul daha dəyərli məhsul deməkdir.
“Normal”məhsullar içərisində aşağıdakıları ayırmaq olar:
◊
alıcının gəlirləri üzrə tələb elastikliyi əmsalı müsbət
olan məhsullar.Amma burada tələbin artım tempi gəlirlərin artım
tempindən azdır.Bura istənilən gəlir səviyyəsində əldə edilməsi məcburi
olan ilkin zəruriyyət malları daxildir.Məlumdur ki,alıcı gəliri artdıqca
belə məhsulları daha çox miqdarda ala bilər.
◊
alıcının gəlirləri üzrə tələb elastikliyi əmsalı müsbət
olan məhsullar – tələbin artım tempi gəlirlərin artım tempindən
yüksəkdir.Bura hər şeydən əvvəl dəbdəbə malları daxildir.Çünki
alıcının gəlirləri müəyyən səviyyədən yuxarı qalxarsa, onda belə
əşyalardan istifadə kəskin şəkildə artacaq.
◊
tələbin artım tempi potensial alıcının gəlirlərinin artım
tempinə proporsional olan və dəbdəbə malları ilə ilkin zərurət malları
arasında aralıq vəziyyət tutan məhsullar.Bu məhsulları “ikinci dərəcəli
zərurət malları”adlandırırlar.
Qeyd etmək lazımdır ki,tələbatın səviyyəsinin kəmiyyətcə
qiymətləndirilməsi ilə yanaşı olaraq digər yanaşma da vardır.Bu
yanaşma bu və ya digər məhsul üçün nisbi faydalılığın ordinalist