Magistrantların XV Respublika Elmi konfransı, 14-15 may 2015-ci il
294
Məlumdur ki, ətraf mühiti çirkləndirən müxtəlif sənaye müəssisələri və istehsalat növləri
mövcuddur. Xalq təsərrüfatı üçün 74 kimyəvi məhsul istehsal olunur ki, bunlardan da çoxu zəhərlidir.
Metallurgiya sənayesində tətbiq olunan
müxtəlif texnoloji proseslər, çuqunəritmə üsulları və əməliyyatlar
nəticəsində ətraf mühitə külli miqdarda zəhərli qazlar və tozlar ayrılır ki, nəticədə də atmosfer, su
hövzələri və torpaq çirklənir. Sənaye sahələri arasındakı çirkliliyə görə birinci yeri metallurgiya sənayesi
(34 %), sonrakı yerləri müvafiq olaraq energetika sahəsi (27 %) və qaz sənayesi (7 %) tutur. Metallurgiya
sənayesi tullantılarında əlvan və ağır metal duzları, maşınqayırma sənayesi tullantılarında sionidlər, arsen
birləşmələri, berillium və s. maddələr əmələ gəlir.1 ton çuqun hazırlanarkən 4,5 kq toz: 2,7 kq kükürd
qazı: 0,1-0,5 kq manqan, həmçinin arsen, fosfor, qurğuşun, civə, sürmə: nadir metallar və qətranlı
maddələr, 1 ton marten poladından 3000-4000m3 qaz, 60 kq dəm qazı və 3 kq kükürd qazı ayrılır. Qara
metallurgiya sənayesi ümumi çirklənmənin 15-20 faizini təşkil edir. İl ərzində 1 mln.ton məhsul istehsal
edən qara metallurgiya zavodu atmosferə 350 ton/sutka toz, 200 t/sutka kükürd anhidridi, 400 t/sutka
karbon oksidi və 42 t/sutka azot oksidi atır. Metallurgiya müəssisəsində çoxlu miqdarda tullantı (domna
qazı və koks qazı) əmələ gəlsə də, onun cəmi 34 %-i utilizə edilir və ya zərərsizləşdirilir, qalanı ətraf
mühitə yayılaraq atmosferi korlayır. Maşınqayırmada 1 ton metaldan 260 kq tullantı yaranır ki, bunun da
50 %-i xammalın işlənməsi zamanı ayrılır. Hər il atmosfer havasının çirklənməsi nəticəsində onun
tərkibindəki karbon oksidi, kükürd və azot birləşməsi, karbohidrogen və sənaye tozlarının qatılığı artır. İl
ərzində atmosferə 200 mln. ton karbon oksidi, 20 mlrd. tondan artıq karbon dioksidi, 150 mln. ton kükürd
dioksidi, 53 mln. ton azot oksidi, 250 mln.
tondan çox toz, 120 mln. ton kül, 50 mln. tondan artıq müxtəlif
karbohidrogenlər atılır. Cılız filizlər çıxarılan mənbələr ətrafında torpaq sahələri korlanır, çoxlu zərərli
tullantılar əmələ gəlir.
Metallurgiya sənayesinin xüsusiyyətlərini nəzərə alaraq ətraf mühitin mühafizə edilməsi olduqca
vacib problemlərdən biridir. Bu problemlərin həllinə isə kompleks şəkildə yanaşmaq tələb olunur. Qara
və əlvan metallurgiya sənayesində yeni müəssisələrin yaradılması və mövcud olan müəssisələrin
rekonstruksiyası zamanı mütləq tullantısız və aztullantılı texnologiyaların tətbiqi vacibdir ki, bu
proseslərin
səmərəli, filiz xammalının sərfəli istifadəsi mümkün olsun. Qaz formalı, maye və bərk istehsal
tullantıları emala cəlb olunmalı, tullantıların və zərərli tullantıların azaldılması, qara və əlvan metalların
qazıntısı və emalı zamanı çoxtonnajlı, bərk dağ tullantılarının tikinti materialı istehsalında istifadəsi geniş
tətbiq edilməlidir. Mineral ehtiyatların xüsusi üsulla əldə edilməsi, bütün domna və dəmir əzinti
şlaklarının emalı həmçinin xeyli artırılması, təmiz suyun sərfinin azaldılması, susuz texnoloji proseslərin
tətbiqinin genişləndirilməsi, tullantı suyundan və qazlardan əlavə komponentlərin tutulması, bütün növ
metallurgiya istehsalında qazların quru üsulla təmizlənməsi üsulunun geniş tətbiqi, zəif kükürdlü qazların
təkrar istifadəsi əlvan metallurgiyada ehtiyat qoruyucu avtogen proseslərin tətbiqinin sürətləndirilməsi
vacibdir. Tullantısız istehsal texnologiyasının ümumi prinsipi onun təşkilinin səmərəliyidir. Burada
həlledici rolu bütün xammal komponentlərinin ağıllı istifadəsi, enerji, material və istehsalın ağır
zəhmətinin maksimum dərəcədə azaldılması və ekoloji əsaslandırılmış yeni xammal və enerji
texnologiyalarının axtarışı oynayır ki, bu da çox hallarda ətraf mühitə mənfi təsiri vurulan zərəri azaldır.
Bu halda son məqsəd, istehsalın eyni vaxtda enerji, texnoloji, iqtisadi və ekoloji parametrlərinə görə
optimallaşmasıdır. Bu məqsədin nailiyyətlərinin əsas yolu yeni texnologiyaların işlənməsi və mövcud
olan texnoloji proseslərin və istehsalın təkmilləşdirilməsidir.
Metallurgiya sənayesinin ekoloji problemləri və onların həllinin əsas istiqamətlərinin
müəyyənləşdirilməsi, metallurgiya sənayesində ətraf mühitin mühafizəsi olduqca vacib və maraqlı elm
sahələrindən biri sayılır. Məhz qeyd edilən səbəblərdən də apardığım elmi tədqiqat işi bu məsələlərin həll
edilməsinə həsr edilmişdir.
XƏZƏR DƏNĠZĠ SAHILLƏRĠNĠN REKREASĠYA EHTĠYATLARINDAN
ĠSTĠFADƏNĠN SOSĠAL - ĠQTĠSADĠ VƏ EKOLOJĠ ASPEKTLƏRĠ
Mehdiyeva E.
Azərbaycan Dövlət İqtisad Universiteti
Azərbaycan Respublikasının Xəzər dənizi sahilləri zəngin kurort-turizm və rekreasiya ehtiyatlarına
malikdir. Sahil zonasının böyük hissəsi yarımsəhra landşaftına malik olsa da şimalda Yalama-Nabran və
Magistrantların XV Respublika Elmi konfransı, 14-15 may 2015-ci il
295
cənubda Lənkəran-Astara regionları meşə landşaftları ilə xarakterizə olunur. Sahilyanı zonanın unikal
təbii-iqlim şəraiti, balneoloji əhəmiyyətli zəngin təbii ehtiyatları burada rekreasiya təsərrüfat sahələrinin
yaradılması və inkişafı üçün əlverişli imkanlar yaradır.
Xəzər dənizinin sahil zonalarını kurort-rekreasiya imkanları baxımından üç rayona bölmək olar.
1.
Abşeron kurort-rekreasiya rayonu;
2.
Yalama-Nabran
kurort-rekreasiya rayonu;
3.
Lənkəran-Astara kurort-rekreasiya rayonu.
Abşeron rekreasiya rayonu zəngin mineral-termal suları, vulkan palçıqları və günəşli, qumlu
sahilləri ilə fərqlənir. Burada Suraxanı, Şıx və Qobustan hidrogen-sulfidli termal suları uzun illərdir ki,
rekmatik, dəri, ginekoloji, dayaq-hərəkət sistemi xəstəliklərinin müalicəsində istifadə edilir. Rayonda rast
gəlinən duzlu göllər, palçıq vulkanlarından götürülən mineral tərkibli palçıqlar və qumlu dəniz sahilləri
də böyük müalicəvi əhəmiyyət daşısalar da bu imkanlardan hələ də çox zəif istifadə edilir. Burada, daxili
və xarici turistlər üçün əhəmiyyətli olan mehmanxana təsərrüfatı və istirahət ocaqları əhəmiyyətli
dərəcədə inkişaf etmişdir. Lakin yaradılmış istirahət ocaqlarında məişət tullantıları sahil ərazilərinə atılır,
çirkab sular isə təmizlənmədən Xəzərin sahil sularına axıdılır ki, bu da rayonun ekoloji durumuna ciddi
zərər vurur. Abşeron rayonunda turizm-rekreasiya sisteminin inkişafına müsbət təsir göstərən amillərdən
biri də burada, Abşeron, Altıağac, Qobustan və s. Milli Parkların yaradılmasıdır. Abşeron ən iri nəqliyyat
qovşağı olmasına baxmayaraq burada, Xəzər sahili boyu ərazilərdə dəniz nəqliyyatı sərnişindaşıma
istiqamətində çox zəif inkişaf etdiyi üçün bu nəqliyyat növü rekreasiya təsərrüfatına demək olar ki, lazımi
səviyyədə cəlb olunmamışdır. Fikrimizcə bu nəqliyyat növünü inkişaf etdirməklə turistlərin həm Abşeron
və Bakı arxipelaqı adalarına, həm də Neft Daşlarına səyahətlərinin təşkil edilməsi cəlbedici və iqtisadi
baxımdan da səmərəli olar. Xəzər dənizi sahillərində rekreasiya imkanları baxımından mühüm yerlərdən
birini də Yalama-Nabran rayonu tutur. Bu turizm rayonu Samur-Dəvəçi ovalığının düzən meşələrini və
dəniz sahili qumluq ərazilərini əhatə etməklə Quba-Xaçmaz iqtisadi rayonu ərazisində yerləşir. Buranın
əlverişli təbii iqlim şəraiti və qiymətli rekreasiya ehtiyatları Yalama-Nabran zonasında 20-dən artıq
turizm-istirahət bazalarının yaradılmasına səbəb olmuşdur ki, hər il bu istirahət ocaqlarında 100 mindən
artıq daxili və xarici turistlər istirahət edirlər. Lakin rekreasiya rayonunun potensialından ətraf mühitin
mühafizəsi məsələləri nəzərə alınmadan istifadə olunması burada hər il min tonlarla tullantıların
meşələrdə yığılıb qalmasına və yaranan çirkab sularının təmizlənmədən Xəzər dənizinə axıdılmasına
səbəb olur ki, bu da sahil çimərliyinin ekoloji durumuna mənfi təsir göstərir. Bütün bu neqativ amillərin
təsirini azaltmaq üçün tullantılarının utilizasiyası və çirkab sularının təmizlənməsi işləri qısa müddətdə
həll olunmalıdır. Rekreasiya rayonunda Samur-Yalama Milli Parkının yaradılması regionun turizm
baxımından gələcək inkişafına və Nabran meşələrinin mühafizəsinə müsbət təsir edəcəkdir.
Subtropik iqlim şəraiti ilə fərqlənən Lənkəran-Astara rekreasiya rayonunun potensial
imkanlarından hələ də tam şəkildə istifadə olunmur. Bütün bunlardan ətraf mühitə zərər vurmadan
səmərəli istifadə etmək həm sosial-iqtisadi və həm də ekoloji baxımdan əlverişlidir ki, bütün bu məsələlər
Regionların sosial-iqtisadi inkişaf planlarında nəzərə alınmalıdır.
AZƏRBAYCANDA TƏBĠĠ PROSESLƏRĠN TORPAQ ÖRTÜYÜNƏ
TƏSĠRĠNĠN EKOLOJĠ ASPEKTLƏRĠ
Əmirova A.A.
Azərbaycan Dövlət İqtisad Universiteti
Respublikanızda təbii resurs potensialından, xüsusən də torpaq resurslarından səmərəli istifadə,
təbii ekosistemlərin mühafizəsi, təbii və antropogen təsirlərin ilbəil atrması nəticəsində yaranan
proseslərin öyrənilməsi, onların qarşısının alınması yollarının göstərilməsi bu gün də öz aktuallığını
saxlayır.
Azərbaycanda torpaq örtüyünə təsir göstərən təbii proseslərin mühümləri sel, sürüşmə və eroziya
prosesləridir. Sel hadisələri nəticəsində əkin sahələrinə ciddi ziyan vurulur və torpaqların üst məhsuldar
qatı yuyulur. Nəticədə ərazilərə düşən güclü yağışlar sürüşmə prosesinə səbəb olur. Sel və sürüşmə
prosesləri kimi təbii təsirlər torpaq resurslarına ciddi ziyan vurur, məhsuldarlığı aşağı salır və yararlı
torpaqların sıradan çıxmasına, eroziya proseslərinin intensivləşməsinə səbəb olur.