Magistrantların XV Respublika Elmi konfransı, 14-15 may 2015-ci il
308
sisteminə keçid, sosial tənhalığın bütün formalarının dəf edilməsinə, inteqrasiya və sosial müdafiənin
təmin edilməsinə yönələn beynəlxalq siyasətin əsasları müəyyən edilir, ikincisi isə qlobal beynəlxalq
tərəfdaşlıq ruhunda ümumi əməkdaşlığın və bu iş üçün bütün dövlətlərin ümumi məsuliyyətinin zəruriliyi
xüsusi qeyd olunur.
İctimai – sosial proseslərə yiyələnmək, onları cəmiyyətin hakimiyyətinə tabe etmək daha mürəkkəb,
daha çətin və daha uzun sürən bir iş oldu. Bu vəzifələri yerinə yetirmək ancaq cəmiyyət haqqında elmlər
yarandıqda, bu elmlər ictimai həyatın inqilabi surətdə dəyişdirilməsi praktikasına tətbiq edildikdə
mümkün oldu. Bəşər cəmiyyəti ilə, ictimai hadisə və proseslərlə müxtəlif elmlər məşğul olur, bunlardan
hər biri ictimai həyatın yalnız bu və ya digər cəhətini, ictimai münasibətlərin və ya hadisələrin (iqtisadi,
siyasi, ideoloji hadisələrin) bu və ya digər növünü öyrənir. Buna görə də ictimai– sosial proseslərin
mürəkkəb strukturunu araşdırıb başa düşmək zərurəti meydana gəlir. Sosial-ictimai proseslər bəşər
tarixinin hər bir mərhələsində mövcud olmuş və olacaqdır.
SURĠYA BÖHRANI BEYNƏLXALQ SĠSTEMDƏ : RUSĠYANIN MARAQLARI
Hacıyeva H.T.
Azərbaycan Dillər Universiteti
Son dövrlərdə beynəlxalq aləmdə baş verən və dünya ictimaiyyətinin diqqət mərkəzində saxladığı
konflikt situasiyalarından biri artıq beynəlmiləşmiş forma almış Suriya böhranıdır. Böhranın xarakterik
cəhətlərindən biri onun ölkə daxili vəziyyətə təsir etməklə yanaşı beynəlxalq arenada da dövlətlərarası
diskussiya və fikir ayrılıqlarına səbəb olmasıdır. Belə ki, böhran və bütölükdə Suriya müxtəlif
maraqlardan çıxış edən dövlətlərin ideoloji mübarizə meydanına çevrilmişdir Məsələyə regional
aspektdən yanaşılarsa İran və Körfəz monarxiyaları arasında münasibətlər gərgin olaraq qalmaqda davam
edir. Nəticədə Suriya konflikti hər iki tərəf üçün strateji imkanlar yaradır. Körfəz dövlətləri Suriyada
Əssəd rejiminin devrilməsini İranı izolyasiyaya salmaq və onun regional üstünlük əldə etməsinə son
qoymaq imkanı kimi baxırlar. Səudiyyə Ərəbistanı, Qatar, Türkiyə kimi region
dövlətləri Əssəd rejiminə
qarşı müxalif qüvvələrə siyasi və maliyyə dəstəyi etməkdən çəkinmirlər. İran da öz növbəsində Hizbullah
vasitəsilə Əssəd rejiminə dəstək olur. Müxtəlif dövlətlər tərəfindən alovlandırılan böhran artıq regional
kontekstdən çıxmış və ABŞ, Rusiya, Çin kimi dövlətlərin də istər BMT çərçivəsində istərsə də digər
beynəlxalq danışıqlar səviyyəsində müzakirə və qarşıdurma mövzusuna çevrilmişdir.
Suriya müxalifətinin çıxışları 2011-ci ilin fevralında başlayıb. Əsas tələblər kimi konstitusiyanın
dəyişdirilməsi və bir partiyalı sistemdən imtina edilməsi idi. Qeyd edək ki, ölkədə Bəşər Əssədin
rəhbərlik etdiyi Bəəs partiyası hakimiyyəti əlində saxlayır. Həmçinin hakim vəzifələrdə Əssədin də
mənsub olduğu ələvi dini cərəyanınn nümayəndələrinin olması da əhali arasında narazılıqlara səbəb olur.
2013-cü ildə konflikt yenidən kəskinləşir. Bunun səbəbi bir çox kütləvi informasiya vasitələrinin Suriya
qoşunları tərəfindən Dəməşq ətrafında əhaliyə qarşı kimyəvi silah istifadə etməsi xəbərini yaymaları idi.
Lakin kimyəvi silahın işlədilib işlədilməməsi və ya ümumiyyətlə kim tərəfindən istifadə edilməsi də
şübhə doğuran məqamlar sırasındadır. Öz növbəsində Əssəd kimyəvi silahın tətbiqində müxalif tərəfi
günahlandırır. Bu planda Rusiya və ABŞ-ın fərqli mövqelərdən çıxış etməsi xüsusilə diqqəti cəlb edir.
ABŞ Suriyaya hərbi müdaxilənin vacibliyi məsələsini ön plana çıradığı halda Əssəd rejiminin dəstəkçisi
olan Rusiya bunu qəti şəkildə pisləyir. Vladimir Putin öz çıxışında belə bir müdaxilənin yalnız BMT
Təhlükəsizlik Şurasının razılığı ilə həyata keçirilməsinin mümkünlüyünü və legitimliyini qeyd edir. Əks
halda isə bu digər dövlətin suverenlik hüququnun pozulması və aqressiya kimi qəbul edilməlidir. Öz
növbəsində BMT Təhlükəsizlik Şurasının müzakirələrində Rusiya və Çin Suriyaya müdaxilə edilməsi
məsələsinə artıq üç dəfə veto qoyub. Böhranı gərginləşdirən səbəblərdən biri də onun artıq mahiyyətcə
hakimiyyət və müxalifət arasında mübarizə deyil müxtəlif ideoloji, terror birləşmələri arasında
qarşıdurma forması almasıdır. 2013-cü ildə İŞID-ın Azad Suriya ordusuna hücum etməsi artıq bir üsyançı
qrupun digərinə hücumu demək idi. Beləliklə, göründüyü kimi Suriya böhranı qarışıq struktura malik
olmaqla özündə müxtəlif aspect və mövqeləri ehtiva edir. Suriya böhranının beynəlxalq
sistemə təsirindən
və əhəmiyyətindən danışarkən Rusiya maraqları xüsusilə diqqəti cəlb edən məqamlar sırasındadır. Hansı
səbəblərdən Rusiya Əssəd rejiminə tərəfdarı olaraq çıxış edir? Rusiyanın bu istiqamətdə əsas maraqları
hansılardır?
Magistrantların XV Respublika Elmi konfransı, 14-15 may 2015-ci il
309
Rusiyanın böhranda maraqlarını təhlil edərkən ilk növbədə hərbi-strateji maraqlara diqqət
yetirilməlidir. Belə ki, Rusiyanın Suriyanın Tartus Limanında yerləşmiş bazası, Rusiya hərbi gəmilərinə
Qara dənizə qayıtmadan Aralıq dənizində yanacaq doldurmağa imkan verir. Əssəd rejimin devrilməsi
Rusiya ilə müqavilənin pozulmasına və Tartus stansiyasının bağlanmasına səbəb ola bilər. Məsələn,
2012-ci ilin iyunun 25-də öz çıxışında admiral Viktor Çirkov bildirir: ―Rusiya donanması Körfəz və
Aralıq dənizində əməliyyatlar keçirdiyi müddətcə baza bizim üçün kritik əhəmiyyətə malikdir‖. Lakin
müəyyən mənada Tartus bazasının əhəmiyyəti şişirdilmiş hesab edilə bilər. Baza daha çox siyasi prestij
baxımından önəmlidir və gələcək perspektivdə əhəmiyyət kəsb edəcəyi bildirilir.
Bunun üçün ilk növbədə
Rusiya hərbi donanmasının təkmilləşdirilməsi gərəklidir.
Rusiyanın Əssəd rejimini dəstəkləməsinin digər bir səbəbi kimi iqtisadi faktorlar qəbul edilə bilər.
Suriya ilə sıx iqtisadi münasibətlər hələ Sovet İttifaqı dövrünə təsadüf edir. Iqtisadi əməkdaşlıq ilk
növbədə silah ticarəti və Rusiya kompaniyalarının Suriyanın enerji sektorunda investisiyaları formasında
əks olunur. Məsələn 2005-ci ildən bəri Rusiyanın xam neft istehsalçısı Tatneft Suriyanın Mərkəzi Neft
Şirkəti ilə neft yataqlarının kəşfi və inkişafı sahəsində əməkdaşlıq edir. Rejimin devrilməsi Rusiya üçün
gəlirlərin itirilməsi anlamına gələ bilər. Hələ 1950-1990-cı illərdə Sovet İttifaqı ilə Suriya arasında silah
ticarətinin həcmi təqribən 34 mlrd.dollara bərabər idi. İttifaqdan sonra V.Putin də eyni siyasəti davam
etdirərək 2005-ci ildə Suriya ilə silah ticarətini bərpa edir. 2007-2011-ci illər arasında Suriyaya nəql
edilən silahların 78%-i Rusiyanın payına düşür (17% Belarusiya, 5% İran). Lakin Rusiyanın bu sahədə
Suriya üçün əhəmiyyəti daha üstündür. Belə ki, 1991-2011-ci illərdə Suriya Rusiya
ilə silah ticarətində ilk
onluğa belə daxil ola bilməyib. Eyni zamanda Suriya silahların dəyərini ödəməkdə də çətinlik yaşayır.
Beləliklə, iqtisadi, silah ticarəti kimi cəhətlər əhəmiyyət kəsb etsə də, strateji və siyasi maraqlar əsas
olaraq qəbul edilə bilər. Birincisi, Rusiya özünün dünya lideri imicini bərpa etmək niyyətindədir. İkincisi
isə Rusiya Orta Şərqdə təsir dairəsini genişləndirmək niyyətindədir. Bir çox mütəxəssislərin fikrincə
Rusiyanın Suriya böhranında maraqlı olmasının əsas səbəblərindən biri Suriya rejiminin çöküşü ilə
Rusiyanın regionda əsas müttəfiqi olan İranın blokadaya alınması təhlükəsidir.
Ümumiyyətlə Rusiyanın Suriya böhranındakı maraqlarını təhlil edərkən 3
cəhətə diqqəti cəlb etmək
istərdim. Birinci cəhət beynəlxalq nizam məsələsidir. Belə ki, Rusiya bu sahədə özünün də səs hüququna
malik olduğu BMT-nin Təhlükəsizlik Şurasının qərarlarının vacibliyini göstərir. Bu zaman humanitar
müdaxilə ölkənin daxili işlərinə qarışmaq və rejim dəyişikliyi məqsədi ilə deyil insanların müdafiə
edilməsi üçün istifadə edilməlidir. Bir sözlə Rusiya Liviya ssenarisinin Suriyadada təkrarlanmasından
ehtiyat edir.
İkinci bir cəhət kimi ərəb baharı faktoru nəzərdən keçirilə bilər. Misir və Tunisdə baş vermiş
inqilablar vətəndaş müharibəsi ilə nəticələnməsə də ölkəni xaos vəziyyətinə salıb. Moskva Suriyada da
daha ekstremist qrupun hakimiyyətə gəlməsindən ehtiyat edir. Belə ki, Bəşər Əssədə müxalif qüvvələr
özündə cihad elementlərini əks etdirir və Əl-Qaidə ilə əlaqələri mövcuddur. Onların hakimiyyətə gəlməsi
ilə son nəticədə sünnilər və şiələr, ərəblər və kürdlər, xristian və müsəlmanlar arasında ―icma‖
müharibələrinin baş verməsi realdır. Əssəd arsenalında raketlər, hətta mümkün kimyəvi silahların olması
son nəticədə onların ekstremist qrupların əlinə keçməsi və digər ölkələrə qarşı da istifadə edilməsi ilə
nəticələnə bilər. Liviyadan fərqli olaraq Suriya Rusiya sərhədlərinə daha yaxındır. Dəməşqdən
Maxaçkalaya qədər olan məsafənin təqribən 1600 km-ə bərabər olduğu nəzərə alınarsa bu Rusiya üçün
real təhlükə kəsb edə bilər.
Üçüncü cəhət kimi isə din amili qəbul edilə bilər. Rusiya xarici siyasətinin formalaşmasında
Ortodoksal Xristianlığa əsaslanan rus milliyyətçiliyinə xüsusi önəm verilir. Misir,İraqda olduğu kimi
Suriya böhranında da Rusiya rəsmiləri buradakı Xristian azlıqların hüquq və təhlükəsizliyindən narahat
olduqlarını ifadə ediblər.
Beləliklə böhranın həlli üçün Rusiya və ABŞ-ın əməkdaşlıq etməsi olduqca vacib faktordur.
Münaqişə tərəflərinin danışıqlar masasına cəlb edilməsi sahəsində səylərin birləşdirilməsi böhranın
həllində müsbət addım ola bilər.