Magistrantların XV Respublika Elmi konfransı, 14-15 may 2015-ci il
321
qəbul edildi. Büdcəsi 45 milyard dollar təşkil edən Cənubi Qafqaz qaz dəhlizi, ―Şahdəniz 2‖ layihəsi
çərçivəsində çıxarılan təbii qaz Türkiyə və Avropaya çatdırılır. Bakı-Tbilisi-Ceyhan neft boru xətti ilə
eyni ərazidən keçəcək olan yeni boru xətti, Türkiyədə Trans Anadolu boru kəməri (TANAP) ilə
birləşəcək. Bu layihənin reallaşması Azərbaycan və Türkiyənin sosial-iqtisadi inkişafında, regional
təhlükəsizliyin möhkəmlənməsində, hər iki dövlətin beynəlxalq arenaya inteqrasiyası istiqamətində
mühüm əhəmiyyət kəsb edir.
Bakı-Tbilisi-Qars (BQT) dəmiryolu vasitəsi ilə Azərbaycan beynəlхalq nəqliyyat dəhlizlərinə və
Türkiyəyə birbaşa gediş əldə edəcək. Dəmiryolu xətti Azərbaycanın paytaxtı Bakı şəhərindən
Gürcüstanın Tbilisi və Axalkalaki şəhərindən Türkiyənin Qars şəhərinə gedəcək. Bakı-Tbilisi-Qars
dəmiryolu xəttinin tikintisinin təməlatma mərasimi 2007-ci il noyabrın 21-də ölkə başçılarının iştirakı ilə
Gürcüstanda keçirilib. BQT vasitəsi ilə bir günə Qarsa iki gün yarıma isə İstanbula getmək mümkün
olacaq. BTQ dəmiryolu layihəsi hər üç ölkə üçün iqtisadi və strateji baхımdan çox mühüm əhəmiyyət
kəsb edir. Bu dəmiryolu vasitəsi ilə həmçinin, ildə 15 milyon ton yük Asiyadan Avropaya daşınacaq.
BTQ dəmiryolunun inşasında işlər artıq yekunlaşmaq üzrədir və 2015-ci ilin sonunda açılacağı gözlənilir.
İkitərəfli iqtisadi əlaqələr baxımından çox əhəmiyyətli bir qurum olan iqtisadi əməkdaşlıq üzrə
birgə hökumətlərarası komissiyanın 1997-ci ildən başlayaraq 2001, 2005, 2006, 2008- ci illərdə
müntəzəm olaraq iclasları keçirilmişdir. Keçirilən bu iclaslarda ikitərəfli əməkdaşlıq istiqamətlərindən
əlavə, eyni zamanda ticarət palatasının qurulması, Azərbaycanın Türkiyə tərəfinə viza tətbiqinin
asanlaşdırılması, alternativ enerji qaynaqlarıyla bağlı, Türkiye Petrolleri Anonim Ortaklığı (TPAO)
şirkətilə ARDNŞ (SOCAR) arasında əməkdaşlığın daha da inkişaf etdirilməsi, həmçinin Azərbaycan-
Türkiyə biznes forumunun fəaliyyəti kimi məsələlər öz əksini tapmışdır.
Bakı-Tbilisi-Ceyhan xam neft boru kəməri, Bakı-Tbilisi-Ərzurum təbii qaz boru kəməri və Bakı-
Tbilisi-Qars dəmiryolu kimi nəhəng layihələrdən sonra 2012-ci il iyunun 26-da Prezident İlham Əliyev və
Türkiyənin Baş naziri Rəcəb Tayyib Ərdoğan Trans-Anadolu (TANAP) təbii qaz boru xətti layihəsini
imzaladılar və bununla da Azərbaycan qazı Türkiyə vasitəsilə Avropaya nəql ediləcəkdir. Layihənin
dəyəri 7 milyard dollardır və beş il ərzində başa çatması nəzərdə tutulub. Bu layihə Azərbaycanın
nüfuzunu Avropa və dünyada daha da artıracaqdır.
AZƏRBAYCAN VƏ RUSĠYA ƏMƏKDAġLIĞINDA ENERJĠ AMĠLĠ
İsgəndərova S.A.
Bakı Slavyan Universiteti
Keçmiş SSRİ – nin süqutundan sonra Azərbaycan Respublikası ilə Rusiya Federasiyası arasında
siyasi, iqtisadi əməkdaşlıq əlaqələri qurulmaqla bu əlaqələrin inkişafında enerji amilinin rolu xüsusi
əhəmiyyət kəsb edir. Bu gün əminliklə demək olar ki, Azərbaycan Respublikası və Rusiya Federasiyası
əməkdaşlığında enerji amili təsiredici rola malikdir. Məlum olduğu kimi, hər iki dövlət Xəzərin
ehtiyatlarının istifadəsində hüquqa sahibdir. Xəzərin bölünməsi zamanı 21% Azərbaycan
Respublikasının, 19% isə Rusiya Federasiyasının payına düşmüşdür. Bu enerji ehtiyatlarından səmərəli
şəkildə istifadə etmək və daha çox mənfəət etmək istəyi iki dövləti sıx əməkdaşlığa cəlb edən amillərdən
biridir. Bu səbəbdən də hər iki müstəqil dövlətin iştirakı ilə həm ikitərəfli, həm də regional sazişlər
bağlanır, layihələr hazırlanaraq həyata keçirilir. Bu cür müqavilə və layihələrin əsası ümummilli lider H.
Əliyevin hakimiyyəti illərində qoyulmuş, sonra isə bu uğurlu siyasətinin davamçısı olan Azərbaycan
Respublikası Prezidenti İ. Əliyev tərəfindən inkişaf etdirilmişdir.
Azərbaycan Respublikası enerji nəqli ilə bağlı marşurutların həm regional, həm də beynəlxalq
təhlükəsizlik qaydalarına uyğun olaraq qurulmasının tərəfdarı olmaqla bu marşurutların heç bir dövlətdən
asılı olmadan sistemləşdirilməsində maraqlıdır. Azərbaycan Respublikasının Rusiya Federasiyası ilə
razılaşdırılmış enerji sazişləri də bu layihələr çərçivəsindədir.
Azərbaycan Respublikası və Rusiya Federasiyası arasında enerji sahəsində ilkin və əsas
sənədlərdən biri 1996 – cı il fevral ayının 18-i Moskvada imzalanmış ―İlkin neftin Rusiya Federasiyası
ərazisindən keçməklə nəqli haqqında‖ müqavilədir. Bu müqavilə Azərbaycan neftinin Rusiya ərazisi ilə
nəqlini təsdiq edən hüquqi sənəddir ki, burada bütün texniki məsələlər öz əksini tapmışdır. 1997 – ci il
oktyabrın 25 – də müqavilənin ilkin şərti əsasında Azərbaycan neftinin şimal boru kəməri vasitəsilə
Magistrantların XV Respublika Elmi konfransı, 14-15 may 2015-ci il
322
dünya bazarına çıxarılması prosesi başlandı.İlkin neftin Bakı-Novorossiysk marşurutu ilə ixrac edilməsi
də enerji ehtiyatlarının iki ölkə arasında mübadiləsinə və xarici iqtisadi əməkdaşlığın inkişafına xidmət
edir.
Azərbaycan Respublikası və Rusiya Federasiyası arasında enerji sahəsində ikitərəfli əməkdaşlıq
olmaqla yanaşı, həm də çoxtərəfli layihə və müqavilələr çərçivəsində də bu əməkdaşlıq həyata keçirilir.
Xəzərin hüquqi statusunun təyin olunması ilə bağlı olaraq qəbul olunmuş sənədlərin əksəriyyəti çoxtərəfli
səciyyə daşıyır. Çünki bu məsələ ilə əlaqəli qərarlar onun ətrafında olan 5 dövlətin razılığı ilə həyata
keçirilir. Bununla yanaşı olaraq bəzən bu dövlətlərinin iştirakı ilə də müxtəlif məzmunlu müqavilələr
imzalanır. Bu müqavilələr daha çox gəmiçilik, milli iqtisadi zonaların müəyyən olunması, bioloji enerji
resurslarından istifadə edilməsi, enerjidən istifadə zamanı ekoloji təhlükəsizliyin təmin olunması və s.
məsələlərlə bağlı olur.
Müstəqilliyin ilk illərində Azərbaycan öz qaz ehtiyyatını Rusiyadan alırdı. Uğurlu neft strategiyası
sayəsində Azərbaycan Respublikası özünü qazla təmin etmək şəraiti yaratdı və 2007- ci ildən etibarən
Rusiyadan qazın alınması dayandırıldı. Çox keçmədi ki, Rusiya artıq Azərbaycandan qaz idxal etməyə
başladı. 2009 – cu il 14 oktyabrda Qazpromla ARDNŞ arasında qaz alqı – satqısına dair müqavilə
imzalandı. Həmin müqaviləyə əsasən 2010 – cu ilin yanvar ayından Azərbaycan qazı Rusiyaya nəql
olunmağa başlandı. Müqavilənin şərtlərinə əsasən, uzadılma imkanı ilə o, 2010 – 2015 – ci illəri əhatə
edir.
Qeyd etmək lazımdır ki, Azərbaycan Respublikası öz milli maraqlarını qorumaq üçün müstəqil
şəkildə xarici siyasət həyata keçirir. Enerji strategiyası da bu müstəqil xarici siyasətin tərkib hissələrindən
biridir. Bu baxımdan enerji ilə bağlı olan bəzi məsələlərdə dövlətlərin maraqları üst – üstə düşməyə bilir.
Bu cür problemlər Rusiya Federasiyası və Azərbaycan Respublikası əməkdaşlığından da yan keçmir.
Enerji amili Azərbaycan Respublikası və Rusiya Federasiyası arasında əməkdaşlığın inkişafına təsir
etməklə yanaşı, eyni zamanda bəzi fikir ayrılıqlarına səbəb ola bilər.
Enerji amili Azərbaycan Respublikası və Rusiya Federasiyası arasında əməkdaşlıq üçün həlledici
amillərdən sayıldığından və bu sahədə yeni dəyişikliklər müşahidə olunduğundan mövzunun tədqiq
edilməsi üçün yeni nəticələrin əldə olunması məqsədəuyğundur.
RUSĠYANIN POSTSOVET ÖLKƏLƏRĠNƏ DAĠR SĠYASƏTĠ
Nuruyeva M.F.
Bakı Slavyan Universiteti
90-cı illərin əvvəllərində həm postsovet dövlətləri, həm də Rusiya üçün yeni dövrün başlanğıcı
oldu. SSRİ-nin 70 illik hakimiyyəti, dövlətlər üzərində idarəçiliyi sona çatdı. Yeni müstəqillik əldə etmiş
ölkələr dövlətçilik və iqtisadiyyatlarını yenidən qurmağa, eyni zamanda müstəqil xarici siyasət
yürütməyə başladılar. Rusiya da müstəqill dövlət kimi fəaliyyətini davam etdirsə də, sələfi olan Sovetlər
Birliyinin 70 ildən çox 15 respublikanı hakimiyyəti altında idarə etdiyini unutmur və yenidən
dolayısıyla olsa da bu dövlətlərə təsir gücünü bərpa etmək istəyirdi. Postsovet ölkələrinin müstəqillik əldə
etdiyini nəzərə alsaq Rusiyanın bu planını birbaşa və açıq şəkildə həyata keçirməyi bir qədər
mürəkkəbləşirdi. Belə olan halda Rusiya bu planını digər vasitələrlə həyata keçirməyə başladı.
Rusiyanın dolayısıyla dəstəyi ilə postsovet ölkələrinin daxilində separatist rejimləri aktivləşərək
ərazi idddiaları irəli sürür və bununla da ölkədə qarışıqlıq və xaos yaranırdı. Yaranmış
mürəkkəb
vəziyyətdən istifadə edən Rusiya münaqişə olan dövlətlərə öz ―vasitəçiliyini‖
təklif etməklə münaqişənin
həllində aparıcı rol oynamağa başlayır. Əslində isə postsovet ölkələrinin daxilində qarışıqlıq və
münaqişənin olması Rusiyaya
sərf edir;
Birincisi, ərazisində münaqişə olan dövlət dolayısıyla Rusiyadan asılı vəziyyətə düşür. Rusiyanın
vasitəçiliyi və yardımına ehtiyacı olur.
İkincisi, bu dövlətlər tam olaraq xarici siyasətdə istədikləri kimi sərbəst, qərbyönümlü və ya
Rusiyaya sərf etməyəcək siyasət yürütməyə çəkinirlər.
Qərbin xüsusilə də ABŞ-ın postsovet ölkələrinə təsiri, regionda qərbin gücünün artmasını qəti
şəkildə istəməyən Rusiya qərbyönümlü siyasət aparan ölkələri ―cəzalandırır‖. Məsələn Ukraynanın
Avropa meylli siyasətinə cavab olaraq Ukraynaya satdığı qazın qiymətini 63 dollardan 110 dollara