(1877-1878-ci illər müharibəsindən sonra Qars Rusiya imperiyasının tərkibinə qatılmışdı)
yerləşdirilmiş
ermənilər yerli müsəlman əhalini, о cümlədən burada yaşayan azərbaycanlıları qırmağa başladılar.
Rus
rəsmilərinin gözləri qarşısında törədilmiş bu cinayətlərə görə erməni quldurları cəzalandırılmadı.
Bundan
narazı olan Azərbaycan ziyalılarından Əlimərdan bəy Topçubaşov, Ağabala Quliyev, İrəvan və Yelizavetpol
quberniyalarının
müsəlman ziyalıları və digərləri Qafqaz ordusunun komandan müavini
general
Mışlayevskinin qəbulunda olmuş, "ermənilər tərəfindən törədilən qanlı qırğınlardan müsəlmanları qorumağı və
qətlə yetirilən tatar (azərbaycanlı) ailələrinin xeyrinə pul yığmağa icazə verməyi" xahiş etmişdilər. Qırğınlara
son qoyulsa da, onların səbəbkarları və icraçıları nəinki cəzalandırılmadı, heç Rusiya ordusu ştatlarından da
kənarlaşdırılmadı.
72
Tarixi mənbələr müharibə dövründə formalaşdırılmış erməni hərbi hissələrinin sayını və strukturunu da
müəyyən etməyə imkan verir.
Erməni Milli Deleqasiyasının prezidenti Poqos Nübar 1917-ci il dekabrın 1-də Sena deputatı
Alber
Tomasa məktubunda yazırdı: "Ermənilərə öz doğma torpaqlarını müdafiə etmək üçün rus ordusunun müxtəlif
cəbhələrdə səpələnmiş 150 000 erməni əsgərini Qafqazda toplamaq lazımdır. Kerenski hökuməti
bizim
müraciətə cavab olaraq toplanış
üçün göstəriş verib, hal-hazırda burada 35 000 erməni əsgəri toplanıb. Tanınmış
komandir Andranikin əmri ilə erməni könüllüləri onlara birləşdirildi... Bizə məlumdur ki, rus
əsgərləri öz silahlarını satırlar və bu silahları çoxlu sayda tatar (azərbaycanlılar - A.Y., Ə.S.) alır, bu isə
böyük təhlükədir. Qafqazda 6-7 milyon tatar türklərin gəlişini gözləyir ki, erməniləri qırsınlar və Qafqazı
Rusiyadan ayırsınlar".
Sonra о izah edirdi ki, toplanmış 35 min
nizami erməni əsgərinə 30 mindən 50
minədək könüllü birləşə bilər.
73
Erməni Sosialist Partiyasının 1918-ci
il
sentyabr memorandumunda qeyd edilirdi:
"Hələ inqilabdan əvvəl 160 min erməni
rus ordusu tərkibində Qalisiya, Bukovina və
Şərqi Prussiyada vuruşub. Bundan başqa, 20
min erməni könüllüsü Qafqaz Cəbhəsində
milli qəhrəman Andranik və onun qəhrəman
yoldaşları Vartan, Dro, Amazasp, Sepu,
Murad, Aşot, Aram, Ruben və digərlərinin
rəhbərliyi ilə döyüşüb, hamısı ali
komandanlıq
tərəfindən təltif edilib. 800-1000 erməni könüllüsü Rusiya ordusuna yazılıb və müxtəlif cəbhələrdə vuruşub. Bu
gün Fransa hərbi xidmətində bir neçə batalyon
erməni könüllüsü var ki, onlar Fələstin və Suriyada vuruşurlar".
74
30 noyabr 1918-ci ildə Erməni Milli Deleqasiyasının adından onun prezidenti Poqos Nübar
yazırdı ki, Fransa, Fələstin və Suriyada çoxlu sayda erməni vuruşmuş, onlardan başqa rus ordusu tərkibində 15
min erməni hərbçi və 4000 könüllü Andranik və Nazarbekovun rəhbərliyi ilə "erməni vilayətlərinin
bir qisminin azad edilməsinə nail olmuşdular".
"1914-1918-ci il müharibəsi zamanı rus qoşunları Qafqaz cəbhəsini tərk edəndən sonra
Qafqaz ermənilərinin rolu" adlı xatirələrin müəllifi kapitan Yegizarov göstərir ki, 1917-ci ilin sonunda
Petroqradda Erməni Milli Komitəsi yaradıldı.
75
Ermənilər Türkiyəyə qarşı müharibədə fəal
iştirak etmək qərarına gəldilər. "Hökumət (Rusiya hökuməti nəzərdə tutulur - A.Y.,
Ə.S) erməni milli qoşunlarının formalaşdırılmasına razılığını bildirdi. 1914-cü ilin
sentyabrında milli qəhrəmanlar Andranik, Dro, Amazasp (Hamazasp) və
Kenin (Keri) başçılığı ilə 4 dəstə yaradıldı. Hər dəstədə 1000-1200
könüllü var idi. Erməni Milli İdarəsi bu qoşunların təşkili və təminatını
həyata keçirirdi. Ehtiyat alay İrəvanda idi. Bundan başqa, ermənilər Qafqazdakı
rus qoşunlarına yazılırdılar.
1916-cı ilin yayında rus ordusunun nizami hissələri kimi qəbul olunan 6 dəstə atıcı
batalyona çevrildi və bunlardan briqada təşkil edildi".
76
Beləliklə, tam əminliklə söyləmək olar ki, 1917-ci ilin sonlarında
Cənubi
Qafqazda 6 atıcı tabordan (batalyondan) ibarət erməni atıcı briqadası
mövcud olmuş, ondan başqa ehtiyat erməni taborları təşkil edilmişdir.
Pərakəndə halda
erməni partiyalarının sərəncamında olan dəstələr də mövcud idi ki, onların sayca
çoxluğu və yaxşı silahlanması tələb olunan halda yeni hərbi hissələr
yaratmağa
imkan verirdi.
72
Файгл Эрих, c.47.
73
Файгл Эрих, с.48
74
Файгл Эрих, с.48, 93.
75
Файгл Эрих, с.49.
76
Файгл Эрих, с.49.
35