“agbank” AÇiq səhmdar cəMİYYƏTİNİN 31 dekabr 2014 cü IL tarixinə Maliyyə Hesabatları
Yüklə 3,18 Mb. Pdf görüntüsü
|
- Bu səhifədəki naviqasiya:
- AGBank Açıq Səhmdar Cəmiyyəti
AGBank Açıq Səhmdar Cəmiyyəti 31 dekabr 2014- cü il tarixində tamamlanmış il üzrə maliyyə hesabatlarının tərkib hissəsini təşkil edən Qeydlər 1 Giriş (a) Təşkilat və onun fəaliyyəti Hazırkı maliyyə hesabatları “AGBank” Açıq Səhmdar Cəmiyyətinin (“Bank”) maliyyə hesabatlarını təşkil edir. Bank Azərbaycan Respublikasında 1993-cü ildə açıq səhmdar cəmiyyəti şəklində Azərbaycanda qüvvədə olan bank qanunvericiliyi və qaydalarına əsasən yaradılmışdır. Bankın əsas fəaliyyəti Azərbaycan Respublikası ərazisində kommersiya və fərdi bank əməliyyatlarından ibarətdir. Bankın fəaliyyəti Azərbaycan Respublikasının Mərkəzi Bankı (“ARMB”) tərəfindən tənzimlənir. Bankın ümumi bank lisenziyası vardır. Bank 29 dekabr 2006- cı il tarixli “Əmanətlərin sığortalanması haqqında” Azərbaycan Respublikasının Qanununda nəzərdə tutulan əmanətlərin sığortalanması üzrə dövlət proqramında iştirak edir. Əmanətlərin Sığortalanması Fondu fiziki şəxslərdən cəlb olunmuş hər bir əmanət üzrə aşağıdakı qaydada 100% kompensasiya ödənilməsinə zəmanət verir: - 1 yanvar 2008- ci il tarixinədək – 4,000 AZN-ə qədər; - 1 yanvar 2008-ci il tarixindən 1 yanvar 2010-cu il tarixinədək – 6,000 AZN-ə qədər; - 1 yanvar 2010- cu il tarixindən 1 avqust 2013-cü il tarixinədək – illik faiz dərəcəsi 12% və daha az olan depozitlər üçün 30,000 AZN-ə qədər. - 1 avqust 2013- cü il tarixinədək və sonra – illik faiz dərəcəsi 10% və daha az olan depozitlər üçün 30,000 AZN- ə qədər. - 19 may 2014- cü il tarixinədək və sonra - illik faiz dərəcəsi 9% və daha az olan depozitlər üçün 30,000 AZN- ə qədər. Bankın hüquqi ünvanı: Landau küçəsi 16, AZ1073, Bakı, Azərbaycan Respublikası. Bankın Azərbaycan Respublikası ərazisində iyirmi üç (2013: iyirmi üç) filialı fəaliyyət göstərir. 31 dekabr 2014- cü il tarixinə olan vəziyyətə görə, Bankın səhmlərinin 50.7%-i cənab Çingiz Əsədullayevə və onun ailə üzvlərinə və cənab Fərzulla Yusifova və onun ailə üzvlərinə məxsusdur. Səhmlərin qalan hissəsi Beynəlxalq Maliyyə Korporasiyası (BMK) 17.5%, Kazimir Investment Limited 10% arasında, qalanı isə səhmdarlar arasında elə bölüşdürülmüşdür ki, onlardan da heç birinin səhmlərdə payı 6%-dən yüksək deyil. Banka Cənab Çingiz Əsəsullayev və Cənab Fərzulla Yusifov tərəfindən nəzarət olunur. (b) Biznes mühiti Azərbaycanın biznes mühiti Bankın fəaliyyəti, əsasən, Azərbaycan Respublikasının ərazisində yerləşir. Beləliklə, Bank inkişafda olan bazar iqtisadiyyatının xüsusiyyətləri ilə səciyyələnən Azərbaycanın iqtisadi və maliyyə bazarlarında fəaliyyətlə bağlı risklərə məruz qalır. Hüquqi, vergi və normativ baza və rejimlərin inkişafı davam edir, lakin onların müddəalarının həm fərqli şərh olunması, həm də tez- tez dəyişdirilməsi müşahidə olunur. Bütün bunların və sair hüquqi və vergi maneələri nəticəsində Azərbaycanda fəaliyyət göstərən müəssisələr müxtəlif çətinliklərlə üzləşir. Maliyyə hesabatlarında Azərbaycandakı biznes mühitinin Bankın fəaliyyətinə və maliyyə vəziyyətinə təsiri Bank rəhbərliyi tərəfindən qiymətləndirilir. Gələcəkdə biznes mühiti rəhbərliyin cari qiymətləndirməsindən fərqlənə bilər. 8
AGBank Açıq Səhmdar Cəmiyyəti 31 dekabr 2014- cü il tarixində tamamlanmış il üzrə maliyyə hesabatlarının tərkib hissəsini təşkil edən Qeydlər 2 Maliyyə hesabatlarının tərtib edilməsinin əsasları (a) Uyğunluq haqqında hesabat Hazırkı hesabata əlavə edilən maliyyə hesabatları Beynəlxalq Maliyyə Hesabatları Standartlarına (BMHS) uyğun olaraq hazırlanmışdır.
Maliyyə hesabatları ilkin dəyər prinsipi əsasında hazırlanmışdır, bir istisna ilə ki, satıla bilən maliyyə aktivlərin qiyməti ədalətli dəyər, binaların qiyməti isə yenidən qiymətləndirilmiş dəyər əsasında təqdim olunur. (c) Əməliyyat və təqdimat valyutası Bankın əməliyyat valyutası Azərbaycan Respublikasının milli valyutası olan və baş verən əksər hadisələrin və onlarla bağlı vəziyyətlərin iqtisadi mahiyyətini əks etdirən Azərbaycan Manatıdır (“AZN”). 31 dekabr 2014- cü il tarixinə xarici valyuta qalıqlarının çevrilməsi üçün istifadə olunmuş əsas mübadilə məzənnəsi aşağıdakı kimi olmuşdur: 1 ABŞ dolları = 0. 7844 AZN və 1 Avro = 0.9522 AZN (31 dekabr 2013: 1 ABŞ dolları = 0.7845 AZN və 1 Avro = 1.078 AZN). AZN, həmçinin, bu maliyyə hesabatlarının məqsədləri üçün təqdimat valyutasıdır. Başqa cür göstərilmədiyi hallarda, AZN ilə ifadə edilən maliyyə məlumatları ən yaxın minliyə kimi yuvarlaqlaşdırılmışdır.
Maliyyə hesabatlarının BMHS-lərə uyğun olaraq hazırlanması rəhbərlikdən mühasibatlıq siyasətlərinin tətbiq edilməsini və aktiv, öhdəlik, gəlir və xərclərin göstərilən məbləğlərinə təsir göstərən mülahizə, ehtimal və fərziyyələrdən istifadə etməyini tələb edir. Belə ki, faktiki nəticələr həmin təxminlərdən fərqlənə bilər. Ehtimal və əsas mülahizələr mütəmadi qaydada nəzərdən keçirilir. Mühasibatlıq təxminlərində dəyişikliklər həmin dəyişikliklər edildiyi dövrdə və təsir göstərdikləri hər hansı gələcək dövrlərdə əks olunur. Ehtimallarda ciddi qeyri- müəyyənliklər və mühasibatlıq siyasətlərinin tətbiq edilməsində vacib mühakimələr haqqında məlumat aşağıdakı qeydlərdə əks olunur: •
kredit lərin dəyərsizləşməsi üzrə ehtimallar - qeyd 16 •
•
maliyyə alətlərinin ədalətli dəyərləri üzrə ehtimallar – qeyd 33. (e) Uçot siyasətləri və təqdimatda dəyişikliklər Bank BMUS 32 Maliyyə alətləri: Maliyyə aktivlərinin və maliyyə öhdəliklərinin qarşılıqlı əvəzləşdirilməsi ilə bağlı təqdimata düzəlişləri qəbul etmişdir və 1 yanvar 2014-cü il tarixindən etibarən onları tətbiq edir. Bu dəyişikliklərin xüsusiyyəti və təsiri aşağıda izah olunur. 9
Yüklə 3,18 Mb. Dostları ilə paylaş:
|