18
Ərazi siyasəti və səhvlər
“Əgər Azərbaycanın müsəlman kommunistlərinin əksəriyyəti millətçilik əhval-ruhiyyəsində olsaydı, inanın
ki, Ermənistan Zəngəzuru olmazdı, Gürcüstana müftə neft verilməzdi”.
Nərimanov Azərbaycana elə bir dövrdə rəhbərlik etmişdi ki, qismətinə taleyüklü problemlərin kompromis
həlli kimi ağır vəzifə düşmüşdür. Belə bir missiyanı həyata keçirmiş şəxsiyyətlər, dövlət xadimləri heç də həmişə
müasirləri və sonrakı nəsillər tərəfindən düzgün qiymətləndiriləcəklərinə ümidvar ola bilməzlər. Təəccüblü
deyildir ki, Nərimanov həm sağlığında, həm də ölümündən sonra ən yüksək təriflərin, gah da amansız təqiblərin
obyekti olub. “Biz, əlbəttə bilirdik ki, bal ayından sonra qanlı ay gələcəkdir” söyləyən Nərimanov Azərbaycanda
hakimiyyət başına gətirildikdən sonra rus ordusunun törətdiklərinə xalqın müqavimət göstərib ixtişaşlar
yaradacağını, mübahisəli ərazilər hesab olunan torpaqların müzakirəsinin fəsadlar törədəcəyini bəri başdan bilirdi.
Çünki doktor xalqın mental xüsusiyyətlərini, siyasi vəziyyəti, qonşu dövlətlərlə münasibətlərini, milli qüvvələrin
təsirini gözəl saf-çürük edirdi. Ona görə də Həştərxanda “Biz Qafqaza hansı şüarla gedirik” əsərini yazmışdı.
Nərimanovun ərazi siyasəti, bu siyasətdən doğan səhvlər, tarixi reallıqlar, mərkəzin məkrli oyunları, Azərbaycanın
Gürcüstan və Ermənistanla olan münaqişəli vəziyyəti tarixçilər tərəfindən müxtətif yöndə, prizmalarda tədqiq
olunub. Bəzi tarixçilər onu Azərbaycan torpaqlarını qonşulara bağışlayan, səbatsız, heç bir siyasi iradəyə malik
olmayan şəxsiyyət kimi səciyyələndirmiş, digərləri isə tarixi reallıqlardan, yaranmış beynəlxalq siyasi şəraitdən
doğaraq atılmış addımların təzahürü hesab edərək Nərimanovun reputasiyasına çalışmışlar. Əslində Nərimanovun
ərazi siyasətini düzgün dərk etmək və səhvlərin nədən yaranmasını qiymətləndirməkdən ötrü XX əsrin əvvəllərini,
xalqımızın payına düşmüş tarixi kataklizimləri öyrənmək vacibdir. Tarixi fakt və sənədlərdən bəllidir ki,
Azərbaycan Xalq Cümhuriyyəti dövründə Cənubi Qafqazda yerləşmiş ingilis hərbi komandanlığı 1919-cu ilin
aprel ayında Naxçıvanda Araz-Türk Respublikasını ləğv etmiş
VƏ
zorla bu ərazini daşnak Ermənistanın tərkibinə
qatmışdır. Buna cavab olaraq 1919-cu il aprel ayının 30-da AXC-nin xarici işlər naziri M.Y.Cəfərov Cənubi
Qafqazda Britaniya silahlı qüvvələrinin komandanı, general Koriyə etiraz məktubu göndərmişdir. Bu məktubda
göstərilirdi ki, Naxçıvan, Şərur, Dərələyəz və Sürməli rayonlarının sizin tərəfinizdən Ermənistana verilməsi
düzgün addım deyil. Çünki milli hökumət göstərilən əraziləri həmişə Azərbaycanın ayrılmaz hissəsi hesab
etmişdir. General Kori bu qərarı qəbul edərkən Qarabağın Azərbaycan hökumətinə verildiyini bəyan etsə də,
yuxarıdakı adı çəkilən əraziləri ermənilərin təkidilə onlara “bağışlamaq” siyasətini həyata keçirmişdi. Azərbaycan
tərəfinin etirazlarına baxmayaraq erməni silahlı birləşmələri 1919-cu il mayın 3-də ingilis silahlı qüvvələrinin
tərkibində Azərbaycanın adıçəkilən rayonlarının işğalına başlamışdılar. Ermənilərin bu hərbi aksiyası milli
hökumətdə ciddi narazılıq doğurdu və Fətəli Xan Xoyski müttəfiq qoşunların Tiflisdəki komandanı Tomsonla
görüşərək bu ərazi təyinatına etiraz edərək, ingilis hərbi komandanlığının mövqeyinə aydınlıq tələb etdi. General
Tomson bildirirdi: “Naxçıvan rayonunun idarə edilməsi ermənilərə müvəqqəti verilmişdir. Necə ki, Qarabağ
Azərbaycana müvəqqəti verildiyi kimi”. Tomsonun vermiş olduğu bu bəyanata Xoyski kəskin münasibət
bildirmişdi: “Naxçıvan rayonuna münasibətdə qəbul edilmiş qərar düzgün deyil və ədalətsizdir, çünki əsasən
əhalisi müsəlmanlardan ibarət olan bu rayon yaranmış vəziyyətlə heç vaxt barışa bilməyəcəkdir”. İngilis qoşunları
komandanı öz qərarına yenidən baxmağı vəd etsə də, bu məsələdə ermənilər sərt mövqe nümayiş etdirirdilər.
Görünür, Azərbaycan Xalq Cümhuriyyətinin İrəvanı ermənilərin elan etdikləri respublikaya paytaxt vermələri
onları şirnikləndirmişdi. Ona görə ermənilər AXC ilə oyun oynamağı üstün tutaraq ərazi mübahisələri məsələsinin
hüquqi həllini təxirə salırdılar. İngilislərin mövqeyi Azərbaycan hökumətində mənfi reaksiya doğurmuş, Paris sülh
konfransında iştirak edən Azərbaycan nümayəndə heyətinin başçısı Əlimərdan Topçubaşova bu barədə məlumat
çatdırmışdılar və sonuncu da bu barədə müttəfiq dövlətlərin nümayəndələrinə memorandum göndərmişdir.
Memorandumda deyilirdi: “Baxmayaraq ki, Naxçıvan, Şərur-Dərələyəz və yeni Bəyazit nahiyəsinin bir hissəsi
Azərbaycanın sözsüz ayrılmaz hissəsidir, müttəfiq komandanlığın razılığı ilə Ermənistan Respublikasının
hakimiyyət orqanlarına verilmişdir. Halbuki yerli əhali buna inadlı müqavimət göstərir və bunu arzulamırlar.
Azərbaycan milli hökumətinin bütün səyləri uğursuzluğa düçar oldu, güclü siyasi xadimlərin olmasına baxmayaraq
onların ərazi bütövlüyünü saxlamaq cəhdləri səmərə vermədi. Naxçıvan və Zəngəzuru Ermənistana verən,
Qarabağı isə Azərbaycanın tərkibində saxlayan ingilis qoşunları 1919-cu ilin avqustun 23-də Azərbaycanı tərk
etmiş, beləliklə özündən sonra həlli müşkülə çevrilən xeyli problemlər qoymuşdu. Həmin problemləri isə Nəriman
Nərimanov həll etməli idi. Beləliklə, Nərimanov 1920-ci il aprel ayının 28-də qiyabi surətdə Azərbaycan İnqilab
Komitəsinin sədri seçilərək, mayın 16-da Bakıya gəlmişdir. Azərbaycan Sovet hakimiyyəti qurulduqdan sonra
Ermənistanın Azərbaycana ərazi iddiaları üstündə aparılan hərbi əməliyyatlar, Rusiyanın siyasətindəki təzadlı
gedişlər əhaliyə qaçqınlıq, səfalət, yurd itkisi bəxş etdi. Azərbaycan SSRİ-nin Ermənistanla münasibətində
Rusiyanın mövqeyi ilk mərhələdə ikinci tabe etmək üçün birincini dəstəkləmək, ikincinin çıxılmaz vəziyyətində
birincinin torpağını onlara hədiyyə etməklə şirnikləndirib, sovetləşməni tətbiq etmək idi. M.Ə.Rəsulzadə
Rusiyanın mövqeyinə belə qiymət verirdi: “Həqiqətən də bir qəzanın ermənidəmi, yoxsa türkdəmi qalmasının nə
əhəmiyyəti ola biliyordu!... Yetişir ki, bunların həpsi Rusiyada olsun və ortadakı ixtilaflar həll edilsin”.
Azərbaycandan öz qoşunlarını çıxarmış İngiltərə hökumətinin Ermənistana silah və döyüş sursatı hazırlayıb