6
Yazmış olduğu dərsliklər minlərlə gəncin savadlanmasına gətirib çıxardı. O, “Azərbaycan dilinin sərhvi-
nəhvini” yazıb ana dilinin qramatik qaydalarını sistemləşdirib kitab halına saldı. Odessada Tibb Universitetində
oxumaq üçün milli burjuaziyanın görkəmli siması Hacı Zeynalabdin Tağıyevin borc iltizamına qol çəkib xalqın
sağlamlığı yolunda çalışacağını düşünürdü. Bakının Qara şəhərində imkansız fəhlələr üçün açdığı xəs-təxana ona
ömürlük xalq tərəfindən “Bizim doktor” adını qazandırdı. “Bizim doktor” traxoma, vəba əleyhinə tibbi təbliğat
apararaq, millətin səhiyyə mədəniyyətinin formalaşmasında çox böyük fəaliyyət proqramları müəyyənləşdirdi.
Nərimanov sosialist hərəkatında yaranmış qeyri-millətlərin monopoliyasını dağıtmaq və azərbaycanlıları
yeni yaranmış solyönümlü ideyalardan kənarda qalmamalarını təmin etmək üçün 1904-cü ildə “Hümmət” adlı
siyasi qurum yaradanlardan oldu. Azərbaycanın ilk sosialistləri, sonralar bolşeviklərin sıralarına qatılanların hamısı
demək olar ki, milli təmayülçü kommunistlər kimi güllələnib, repressiya olundular. 1937-ci ilin
ittihamnamələrində müttəhimlərə adətən bir sual da verirdilər: “Siz Nərimanovun millətçi qrupuna nə vaxtdan
daxil idiniz”. SSRİ tarixşünaslığından fərqli olaraq, Avropa tarixçiləri Şərqdə sovetləşmə prosesinə aid
araşdırmalarında Nərimanovun “Hümmət”çilərinə daha geniş, əhatəli yer veriblər. A.Benniksenin “Azan səsləri”
kitabı bu baxımdan tədqiqatçılar üçün yeni ola bilər.
Nərimanov kommunizm ideyalarına inanırdı. Rusiya bolşevikləri elə ki Azərbaycanda sovetləşmə adı ilə
milli qırğınlara, fitnə-fəsadlara yol verib bu məmləkətin torpaqlarını parçalamağa başladı, onda Nərimanov səhv
etdiyini anladı və çalışdı ki, öz yolunu müəyyənləşdirsin. Bu yol isə rus bolşevizminin əsarətində olan türk
cümhuriyyətini birləşdirib Turan Sosialist Cümhuriyyəti Birliyinin yaradılması idi. Tatar kommunisti, bir müddət
Stalinin “sağ əli” olan, 1929-cu ildə güllələnən Mirsultan Qaliyev, türk tarixçilərinin yaxşı tanıdığı Zəki Vəlidi
Toğan və Nəriman Nərimanov bu ideya üzərində düşünməyə, qafalarda olan birliyin kağız üzərinə köçürülməsinə
başladılar. Yavaş-yavaş sovet diktatura rejimini formalaşdıran Stalin türklərin bu birlik planını elə qafalardaca
məhv etməyə girişdi və son nəticədə istəyinə nail oldu. Sovet hakimiyyəti, “bolşevik ideoloqları” Nərimanovun bu
cəsarətini, xalqa bağlılığını, müstəqil dövlətçilik iddiasını ona bağışlamadı. 1925-ci ildə müəmmalı bir vəziyyətdə
öldürüldü.
Ənvər Paşa, Nərimanov və Şərq xalqlarının qurultayı
Ötən əsrin qaranlıq səhifələri Azərbaycan tarixçiləri üçün kifayət qədərdir. Ələlxüsus 1905-ci ildən başlanan
inqilabi hərəkatlar dönəmindən sonrakı Azərbaycan tarixi və siyasi coğrafiyası əhatəli və obyektiv, ədalətli
tədqiqatını gözləyir. Bu sahədə müəyyən işlər görülsə də, yetərli deyil.
Tariximizin nərimanovşünasları bu sahədə yeni tədqiqatlar aparmalı, sovet dönəmində bu tarixi şəxsiyyətin
fəaliyyətinin hansı mərhələlərinə aydınlıq gətirmək mümkün olmayıbsa, onu yerli-yataqlı nizamlayıb öz yerinə
qoymalıdır. Bu baxımdan Nərimanovun yeritdiyi Azərbaycan-Türkiyə siyasətinin detalları, Moskvanın bu
əlaqələrə münasibətdə hansı mövqeni sərgilədiyi, hansı təsir və təzyiq mexanizmlərini işə saldığı maraqlı olduğu
qədər də aktualdır.
Ənvər Paşa, Atatürk, Mustafa Sübhi ilə Nərimanovun ilişgiləri diqqətdən yayınmamalıdır. Türkiyədə bəzi
araşdırıcılar artıq bu münasibətlərin ayrı-ayrı detallarını arxiv bilgilərinə əsaslanaraq ortaya qoymaları bizim
tarixçiləri də bu işə həvəsləndirməlidir. Siyasətə erkən yaşlardan qatılan, gənc türklər inqilabının əsas simasından
“İttihad Tərəqqi” Partiyasının liderinə çevrilən, Osmanlı İmperiyasının hərbi naziri və baş qərargah rəisliyinə
qədər yol gələn Ənvər Paşanın Azərbaycana olan sevgisindən, Azərbaycan dövlətinin qurulmasında vermiş olduğu
böyük mücadiləsindən bəhs edən xeyli sayda faktlar kitab halına salınıb. Bu əzabkeş, ürəyində türk sevgisi olan
Turan aşiqinin Mudros sazişindən sonra Osmanlı Türkiyəsini ağır şərtlər altında öz taleyinə buraxması, Ənvər
Paşanın yüksəklikdən enməsidir ki, bu eniş onun taleyini müvəqqəti olaraq bolşevikə bağladı. Milliyyətçi
Nərimanın bolşeviklərə inanıb, müstəqil Azərbaycan vədinə aldanaraq atdığı addımı sanki Ənvər Paşa da davam
etdirməli oldu. Mudros məğlubiyyətindən sonra alman sualtı qayığında Tələt Paşa ilə birlikdə Odessaya, oradan
Berlinə gedən Ənvər Paşa bir müddətdən sonra Moskvaya gəldi. Uçduğu təyyarə yolda qəzaya uğrasa belə Paşa
salamat qalmış, gənc rus dövləti üçün təhlükəli hesab olunsa da, bütün qadağaları aradan qaldırıb, Kremldə
Leninlə görüşmüşdü. Ənvər Paşanın kimliyi və fəaliyyəti aydın olduğundan Türkiyənin, Türküstanın
sovetləşməsini həyata keçirmək üçün bu məğrur, iradəli türk generalından yararlanmaq “İnqilab dahisi”nin
nəzərində heç də pis plan deyildi. Lenin Ənvər və Tələt paşaların Cənubi Qafqazın sovetləşməsində bolşeviklərlə
əlaqəli fəaliyyət göstərməsini də unutmamışdı. Leninlə Ənvər Paşanın münasibətlərini dərinləşdirəcək hadisələr də
gözlənilən idi və buna Ulyanov inanmaq istəyirdi. Türk paşaları Moskvada razılıq əsasında “İslam Dirçəliş
təşkilatı” yaratdılar. Bu elə bir dönəm idi ki, Ənvər Paşa itirilmiş mövqeyini və nüfuzunu qaytarmaq üçün
addımlar atır, Şərq xalqlarının zülmdən xilasını bolşevikləşmədən, sosialistlərlə əlaqələrdən gəlib keçdiyini
düşünürdü. Ənvər Paşa Nərimanovu qiyabi tanıyır, haqqında müəyyən məlumatlara sahib idi. Paşa Nərimanla
əlaqəli məlumatları Qafqaz İslam Ordusunun komandanı kimi Azərbaycana göndərdiyi ögey qardaşı Nuru Paşadan
eşitmiş, onun qərargaha göndərdiyi raportlarından oxumuşdu. “İttihad Tərəqqi”çilər Osmanlı Türkiyəsinin çətin