12
verməməyi tapşırdıqdan sonra ailə artıq rahatlığını tapıb”. Bu sözləri söyləyən inqilab rəhbəri Stalini qınayaraq
“Azərbaycanın taleyini kimlərə həvalə etmələrini” sorur. O, Şərqə kommunizmin ixracını əxlaqdankənar
formalarla, islami dəyərləri aradan qaldırmaqla və orta sahibkarlığa qadağalarla həyata keçirməyin
mümkünsüzlüyünü qeyd edərək, milli məsələlərdə ehtiyatlılığı əldən verməməyi məsləhət görürdü. Məktubun
planından görünür ki, Lenin Nərimanovun baxışlarını qəbul edir, həyata keçirilməsini istəyirdisə, Stalin, Çiçerin,
Orconikidze və Kirov onun əleyhinə fəaliyyətdə bulunublar. Artıq Azərbaycanın daxilindəki müxalifətlə
mərkəzdəki antinərimançılar birləşmiş, Bakı müsəlman şəhəri sifətindən çıxıb rus və ermənilərin nəzarətində olan
şəhərə çevrilmişdi. Antinərimançılıq əvvəllər Bakının muxtar siyasi qurum olaraq Rusiyanın tərkibində olması
planlarını həyata keçirmək istəyirdilərsə, sonrakı mərhələlərdə Nərimanov bunun qarşısını ciddi-cəhdlə almışdı.
İndi isə Azərbaycanın Bakıdan ibarət olduğunu söyləyir, əyalətlərin isə erməni daşnakların nəzarətinə keçirilməsi
üzərində işləyirdilər. Dağlıq Qarabağın muxtariyyətindən sonra Gəncənin dağlıq hissəsinin də belə idarəçilik
formasına verilməsi gündəlikdə idi. N.Nərimanov özünə qarşı olan bütün qrupların fəaliyyətini təftiş edərək belə
qənaətə gəlirdi ki, bu zərbə Azərbaycana ünvanlanıb. Buna görə də Leninə açıq şəkildə söyləyirdi: “Ya mənə bu
qrupla açıq döyüşməyə girməyə icazə verin, ya da qoy RKP MK bu işi özü həyata keçirsin”. Nərimanova bu
qrupla mübarizə aparmağa icazə verməsələr də, o, cəsarət nümayiş etdirərək, bacardığı şəkildə müqavimət
göstərirdi. Ətrafında olan azərbaycanlı kommunistlərin bir hissəsi vəziyyətin Mərkəzin xeyrinə dəyişdiyini görüb
ondan uzaqlaşmağa başladılar. Orconikidzenin, Mirzoyanın, Sərkisin təsiri altında “Azərbaycanı
simasızlaşdırmaq” prosesinin fəal iştirakçılarına çevrildilər.
XI Qızıl Ordunun qarəti, evlərin talanı hesabına əldə etdikləri pul, qızıl, zinət əşyaları sovetlərin büdcəsinə
deyil, talançılıqla iştirak edən insanların evlərinə daşınırdı. Fəhlələrsə bu plansız, əsl qarəti xatırladan müsadirənin
nəticəsi olaraq “nimdaş pal-paltarlarla təmin olunur, bir qisminə isə heç nə düşmürdü”. Müsadirələrin bu şəkildə
həyata keçirilməsinin əleyhinə olan Nərimanovun səsi eşidilmir, göstərişləri yerinə yetirilmirdi. Fəhlələr etiraz
edərək bu müsadirədən onlara heç bir şey düşmədiyini söyləyir, partiyanı məzəmmət edirdilər. “Nəhayət,
təşkilatçıların özləri böyük səhvə yol verdikləri haqda danışmağa başladılar. Bu səhvlər bütün Azərbaycan boyu
təkrar edilirdi. Bütün bunlara göz yummaq olmazdı. Təftiş təyin edildi. Nəticədə şeylərin düzgün
bölüşdürülməməsi, təşkilatçıların hər şeydən qabaq özlərini yaddan çıxarmaması, ən əsası isə ilhamverici Sərkisin
himayədarlığı altında şeylərin itməsi haqqında bir cild iş tərtib olundu”. Ancaq bu cinayət işinin istintaqı,
məhkəməsi və günahkarların cəzalandırılması baş tutmadı. Nəticədə şikayətçi qismində Nərimanovun özü
Yaroslavskinin qrupu tərəfindən təftiş edildi.
Nərimanov məktubunda yazır ki, Bakının erməniləşdirilməsi planı var və bu planın, ideyanın başında
Mikoyan dayanır. Bu planın baş tutmasında Stalinin də fəaliyyətinin olmasını üstüörtülü şəkildə söyləsə də, o yazır
ki, Bakı Partiya Komitəsi Azərbaycanda hər şeyi həyata keçirməyə qadirdir. Məhz ona görə ermənilər istəyirlər ki,
Bakı Partiya Komitəsi irsən ermənilərin əlində olsun: “Mikoyandan sonra BK-nın katibi Sərkis olur, Sərkisdən
sonra isə Mirzoyan. Çox güman ki, Mirzoyandan sonra Kasparov olacaq”. Bütün bunları əsəbi şəkildə çatdırmaqla,
Azərbaycanda milli hakimiyyətdən əsər-əlamət qalmadığını, bunun isə düzgün olmadığını söyləyirdi. Məhz bu
arqumentlərinə görə, milliyyətçilikdə günahlandırılaraq onu zərərsizləşdirmək istəyirdilər.
Azərbaycan dili getdikcə sıxışdırılıb çıxarıldığından Azərbaycan türklərinin öz hüquqlarını müdafiə etmək
imkanları azalır, onların dövlət orqanlarında çalışmaları problemə çevrilirdi. Bütün bu olayları görən Nərimanov
Azərbaycan dilini dövlət dili elan edib, dövlət idarələrində yazışmaların rus dili ilə yanaşı, Azərbaycan dilində
aparılmasını həyata keçirirdi. Lakin onun Genuya konfransına səfəri vaxtı məktəblərdə azərbaycan dili dərslərinin
azaldılması hesabına, rus dilinin tədrisinin çoxaldılmasıyla bağlı qərar qəbul etmişdilər.
Stalinə məktubunda bu ədalətsizliyə qarşı çıxaraq Nərimanov faktların dili ilə vəziyyətin nə yerdə olduğunu
göstərir: “Azərbaycan paytaxtında türklər Bakı Sovetinin qulluqçularına istər-istəməz, şifahi şəkildə müraciət
etdikdə, bu rus dilində olmalıdır, belə ki, ruslar, yəhudilər və ermənilər türk dilində damşmırlar. Bildirirəm ki, hələ
Dövlət Duması olanda türklər belə sıxıntıya məruz qalmırdılar”. Nərimanov çəkinmədən Azərbaycan dilini
sıxışdıranların hərəkətinin ikinci Nikolayın mövqeyi ilə üst-üstə düşdüyünü vurğulayır, belə düşüncə sahiblərini
“rus şovinizminin xidmətçiləri” hesab edirdi. O, Stalinə belə bir müqayisə aparmağı lazım bilərək yazırdı:
“Götürək türklər üçün açılan məktəblərin və uşaq evlərinin sayını. Hər şeydən dəhşətlisi təqaüdçü tələbələrin
sayıdır: 30 rus və 5 türk”. Bu vəziyyətin yaranmasının kökündə milli ayrı-seçkiliyin dayandığını, Orconikidzenin,
Kirovun, Bakı Partiya Komitəsinin yüksək vəzifələrini zəbt etmiş Mirzoyanın, Sarkisin apardığı antiazərbaycan
siyasəti dayandığını yazaraq bunları da dilə gətirirdi: “Əhalinin üçdə iki hissəsi yoxsul və savadsız azəri türkləri,
üçdə biri isə savadlı ruslar olduğundan, ən çox savadlanmaq, təhsil almaq imkanları müsəlmanlara yaradılmalıdır”.
Problemləri göstərməklə yanaşı, Nərimanov çıxış yolunu da açıqlayır: “Biz gərək dövlət vəsaitinin üçdə iki
hissəsini türklərin maariflənməsinə xərcləyək, ümumiyyətlə bütün energiyamızm üçdə iki hissəsini gərək türklərə
həsr edək”.
Ermənilərin 1905-ci və 1918-ci illərdə Azərbaycanda törətdikləri milli qırğınları xatırlayaraq, insanların bu
faciələri unutmadıqlarını dilə gətirir, mövqeyini açıq şəkildə bildirirdi: “İşimizin ilk günlərində açıq deyirəm: bir
çox mülahizələrə görə, hələlik erməni yoldaşların görkəmli, məsul vəzifələrə təyin edilməsini dayandırmaq